ირაკლი ღარიბაშვილი

საქართველოს თავდაცვის ბიუჯეტი იზრდება

122
(განახლებულია 18:10 30.09.2019)
საქართველოს თავდაცვის მინისტრმა ირაკლი ღარიბაშვილმა მთავრობის სხდომაზე სამომავლო გეგმებზე ისაუბრა.

თბილისი, 30 სექტემბერი — Sputnik. საქართველოს თავდაცვის მინისტრმა ირაკლი ღარიბაშვილმა მთავრობის წევრებს უწყების 2020 წლის მუშაობის პრიორიტეტები და ბიუჯეტის 8%-ით გაზრდის გეგმები გააცნო.

ირაკლი ღარიბაშვილი - ბიოგრაფია>>

თავდაცვის სამინისტროს 2019 წლის ბიუჯეტი 820 მლნ ლარზეა გათვლილი, ხოლო მომავალ წელს მისი 885 მლნ ლარამდე გაზრდა იგეგმება.

„მთავარია იდეა, რაზეც დავაფუძნეთ ბიუჯეტის დაგეგმარება, ჯარისკაცებზე ზრუნვაა და, მეორე – ჩვენი ქვეყნის თავდაცვისუნარიანობის გაძლიერება", – განაცხადა ღარიბაშვილმა მთავრობის რიგგარეშე სხდომაზე სახელმწიფო ბიუჯეტის პროექტის განხილვისას.

მინისტრს არ უთქვამს, თუმცა, როგორც ჩანს, თავდაცვის უწყებაში შიგნით ხარჯებიც ახლებურად გადანაწილდება. მხოლოდ სამხედრო ინფრასტრუქტურის განვითარებაზე ხარჯების გაზრდა 26 მილიონიდან 100 მილიონ ლარამდე იგეგმება.

„ჩემი მთავარი ამოცანა იქნება, რომ გაისად, 2020 წელს მაქსიმალურად გავშალოთ ფრონტი და თითქმის ყველა ბაზაზე დავიწყოთ განახლება – სამხედრო ბაზების, ყაზარმების, იქნება ეს საშხაპეები, სასადილოები თუ სხვა. მეორე მიმართულება იქნება ჯარისკაცების ეკიპირების გაუმჯობესება, ჩაცმულობა, ფეხსაცმელები და სხვ. კვება, რომელიც გვაქვს, გახდება კიდევ უფრო უკეთესი, ვიდრე არის დღეს", – განაცხადა ღარიბაშვილმა.

ასევე გათვალისწინებულია სამხედრო მოსამსახურეების ხელფასების ზრდა – მთლიანობაში 20 მლნ ლარით. ხელფასები, წოდებისა და რანგის მიხედვით, მინიმუმ 100 ლარით და მაქსიმუმ 500 ლარით გაიზრდება.

საქართველოში შესაძლოა ვაზნების საწარმო აშენდეს>>

ღარიბაშვილი ასევე აპირებს სამხედროების სადაზღვევო პაკეტის, დაჭრილი და დაშავებული სამხედროების ცხოვრების პირობების გაუმჯობესებას.

ერთ-ერთ პრიორიტეტულ მიმართულებად მინისტრმა სამხედრო მრეწველობის განვითარება დაასახელა.

საქართველოში 18-დან 50 წლამდე ყველა მამაკაცი შეიძლება რეზერვისტი გახდეს>>

იდეის დონეზეა რეფორმა სამხედრო განათლებისა და სამხედრო სამსახურში გაწვევის მიმართულებით.

საქართველოს 2020 წლის სახელმწიფო ბიუჯეტის პროექტი პარლამენტში განსახილველად სამშაბათს უნდა შევიდეს.

122
თემები:
საქართველოს თავდაცვა (88)
„გირჩის“ ლიდერი ზურაბ ჯაფარიძე

ზურაბ ჯაფარიძეს საბანკო ანგარიშები დაუყადაღეს

261
„გირჩის“ ლიდერი ზურაბ ჯაფარიძე აცხადებს, რომ საპარლამენტო არჩევნებზე დიდუბე–ჩუღურეთის საარჩევნო ოლქში იყრის კენჭს.

თბილისი, 10 აგვისტო – Sputnik. საქართველოს აღსრულების ეროვნულმა ბიურომ პარტია „გირჩის“ ლიდერის, ზურაბ ჯაფარიძის საბანკო ანგარიშები ძველი ჯარიმების გადაუხდელობის გამო დააყადაღა, ნათქვამია პარტიის ვებგვერდზე.

„მე მაქვს რამდენიმე ჯარიმა, მათ შორის 2000 და 3000 ლარიანი. არის ისეთი ჯარიმებიც, რომელიც დამაკისრეს ორი წლის წინ. აქამდე სახელმწიფოს არ გახსენებია, რომ მოეკითხა ამ ჯარიმებისთვის და აღსრულება დაეწყო, ამიტომ გასაგებია, რომ ეს არ არის დამთხვევა“, - განაცხადა ჯაფარიძემ.

აღსანიშნავია, რომ ზურაბ ჯაფარიძის შემდეგ აღსრულების ეროვნულმა ბიურომ „გირჩის" ,წევრის იმედა კლდიაშვილის ანგარიშებიც დააყადაღა.

ჯაფარიძე უკავშირებს მომხდარს იმას, რომ დამდეგ საპარლამენტო არჩევნებზე დიდუბე-ჩუღურეთის საარჩევნო ოლქის მაჟორიტარ დეპუტატად კენჭისყრას აპირებს. მას იმედი აქვს, რომ მას სხვა ოპოზიციური პარტიები დაუჭერენ მხარს.

ზურაბ ჯაფარიძის ერთ-ერთი ძირითადი კონკურენტი დიდუბე–ჩუღურეთის საარჩევნო ოლქში მმართველი პარტიის წარმომადგენელი, პარლამენტის ვიცე-სპიკერი გია ვოლსკი იქნება.

პარტია „გირჩისთვის“ ეს პირველი საპარლამენტო არჩევნებია, თუმცა ზურაბ ჯაფარიძეს წინასაარჩევნო რბოლაში მონაწილეობის გამოცდილება აქვს. მან საპრეზიდენტო არჩევნებში ხმების 2% მიიღო და ყველა კანდიდატთან შედარებით წინასაარჩევნო კამპანიაზე ყველაზე ნაკლები თანხა დახარჯა.

„ავტომობილი საჩუქრად“ – რა სიურპრიზს უმზადებს არჩევნებზე მისულ ამომრჩეველს „გირჩი“ >>

„გირჩი“ პოლიტიკურ სარბიელზე 2015 წელს გამოჩნდა, პარტია „ერთიანი ნაციონალური მოძრაობის“ ყოფილმა წევრებმა შექმნეს.

პარტია ლიბერალური მიმართულებისაა და ცნობილია თავისი არაორდინარული საქციელითა და კანონის გვერდის ავლის უნარით. შეიძლება ითქვას, რომ მარიხუანის მოხმარების დეკრიმინალიზაციაში „გირჩმა“ ერთ-ერთი მთავარი როლი შეასრულა.

261
თემები:
საქართველოს პოლიტიკური ცხოვრება
„ქართული ოცნების მთავარი ოფისი

დმანისის მერი „ქართული ოცნებიდან“ გარიცხეს

173
(განახლებულია 20:10 10.08.2020)
პარტიიდან გარიცხვის მიზეზი დმანისის მერის მხრიდან მმართველი პარტიის კონკურენტი კანდიდატის მხარდაჭერა გახდა.

თბილისი, 10 აგვისტო – Sputnik. დმანისის მერი გიორგი ტატუაშვილი მმართველი პარტია „ქართული ოცნებიდან“ გარიცხეს.

როგორც პარტია „ქართული ოცნება – დემოკრატიული საქართველოს“ მიერ გავრცელებულ განცხადებაშია აღნიშნული, გარიცხვის მიზეზი ტატუაშვილის მიერ მმართველი პარტიის კონკურენტი კანდიდატის მხარდაჭერაა.

„გარიცხვის მიზეზი გახდა პარტიული დისციპლინის უხეში დარღვევა, რაც გამოიხატა მის მიერ „ქართული ოცნების“ კონკურენტი კანდიდატის საარჩევნო კამპანიის მხარდაჭერაში“, – აღნიშნულია განცხადებაში.

როგორც ოფიციალურ დოკუმენტშია ნათქვამი, დმანისის რაიონული ორგანიზაციის თავმჯდომარე გიორგი ტატუაშვილი, რომელიც ამავე დროს იკავებს დმანისის მერის თანამდებობას, პარტიის რიგებიდან „ქართული ოცნება – დემოკრატიული საქართველოს“ სამდივნოს გადაწყვეტილებით გარიცხეს.

173
თემები:
საქართველოს საპარლამენტო არჩევნები 2020
შორენა ბეგაშვილი კახა მამულაშვილი

15 წლის წინ მამულიჩას ჯადო გაუკეთეს? პროდიუსერის სკანდალური პოსტი

0
(განახლებულია 14:45 31.07.2020)
მამულიჩა სოციალურ ქსელში სკანდალურ პოსტს აქვეყნებს, საიდანაც ირკვევა, რომ პროდიუსერმა ახლა აღმოაჩინა, რომ ჯადო აქვს გაკეთებული.

ცნობილი პროდიუსერი კახა მამულაშვილი, რომელსაც საზოგადოება „მამულიჩად“ იცნობს, სოციალურ ქსელში სკანდალურ პოსტს აქვეყნებს. პროდიუსერი ერთ-ერთ ჯგუფში გამოქვეყნებულ ინფორმაციას ასაჯაროებს, სადაც ქალი წერს, რომ მასთან 15 წლის წინ ცნობილი მომღერალი ლელა წურწუმია „მამულიჩასთვის“ ჯადოს გასაკეთებლად მივიდა.

ლელა წურწუმიამ კარიერა 90-იანებში დაიწყო. კახა მამულაშვილთან დაოჯახების შემდეგ კი მისი ოჯახი უფრო პოპულარული გახდა. წყვილმა შოუ-ბიზნესში კარიერა ერთად დაიწყო. კახა მამულაშვილი პოპ-დივას კონცერტებს ხელმძღვანელობს. წყვილს საერთო შვილი – 18 წლის მარიკო ჰყავთ.

View this post on Instagram

1-2-3-4

A post shared by Kakhi Mamulashvili.Mamulicha (@mamulicha888) on

ლელას პარალელურად მამულიჩაც გამოირჩევა სოციალურ ქსელში აქტიურობით. მის გვერდზე სულ უფრო და უფრო ხშირად ჩნდება ვარსკვლავებთან ერთად გადაღებული სახალისო ფოტო-ვიდეოები. განსაკუთრებულ ყურადღებას კი მისი ოჯახის წევრები იქცევენ.

View this post on Instagram

#ძირსკორონა

A post shared by Kakhi Mamulashvili.Mamulicha (@mamulicha888) on

ლელა წურწუმია ქართველი პოპ-მომღერალია, რომელმაც პირველმა შესთავაზა ერთგულ მსმენელს კონცერტი სანახაობრივი ეფექტებით. გამოშვებული აქვს 12 ალბომი, გადაღებული აქვს 10 მუსიკალური ვიდეო. მისი ალბომი „სულელი წვიმა“ 2003 წლის ყველაზე მაღალტირაჟიან ალბომად დასახელდა.

0
თემები:
სელებრითების ცხოვრება