საქართველოს, თურქეთისა და აზერბაიჯანის დროშები

შეთანხმდა ზალკალიანის, მამედიაროვისა და ჩავუშოღლუს მორიგი შეხვედრის დეტალები

76
(განახლებულია 13:48 27.09.2019)
აზერბაიჯანისა და საქართველოს საგარეო საქმეთა მინისტრები მიესალმნენ მუშაობის განახლებას ორ ქვეყანას შორის საზღვრის დელიმიტაციისა და დემარკაციის კომისიის ფარგლებში.

თბილისი, 27 სექტემბერი — Sputnik. საქართველოს, აზერბაიჯანისა და თურქეთის საგარეო საქმეთა მინისტრების დავით ზალკალიანის, ელმარ მამედიაროვისა და მევლუთ ჩავუშოღლუს მორიგი – მერვე შეხვედრა თბილისში ოქტომბერში გაიმართება, ნათქვამია საქართველოს საგარეო უწყების განცხადებაში ნიუ-იორკში ზალკალიანისა და მამედიაროვის შეხვედრის შედეგების შესახებ.

საქართველოსა და აზერბაიჯანის საგარეო საქმეთა მინისტრების შეხვედრა ნიუ-იორკში გაეროს გენერალური ასამბლეის 74-ე სესიის ფარგლებში გაიმართა. მინისტრებმა იმსჯელეს ორმხრივი და მრავალმხრივი თანამშრომლობის საკითხებზე, ასევე ისაუბრეს ორ ქვეყანას შორის არსებულ სტრატეგიულ პარტნიორობასა და კეთილმეზობლურ ურთიერთობებზე.

შეხვედრაზე მინისტრები მიესალმნენ საქართველო-აზერბაიჯანის საზღვრის დელიმიტაციისა და დემარკაციის კომისიის ფარგლებში შეხვედრების განახლებას და მხარეთა მზადყოფნას, კონსტრუქციული მიდგომით გადაწყდეს აღნიშნული საკითხი. ამას გარდა, მათ დადებითი შეფასება მისცეს ექსპერტთა ჯგუფების მუშაობას საქართველო-აზერბაიჯანის საზღვრის დაუზუსტებელ მონაკვეთებთან დაკავშირებით.

მხარეებმა დადებითად შეაფასეს ორი ქვეყნის თანამშრომლობა საერთაშორისო სატრანზიტო და ენერგეტიკული პროექტების რეალიზაციაში, ასევე აქტიური მონაწილეობა სუამის ფარგლებში და წევრი ქვეყნების მინისტრებს შორის რეგულარული შეხვედრები, გაეროს გენერალური ასამბლეის ფარგლებში სუამის მინისტერიალების გამართვის რეგულარული პრაქტიკა.

საქართველო-აზერბაიჯანის სახელმწიფო საზღვრის მონაკვეთებზე აზომვითი სამუშაოები ჩატარდება>>

საქართველოს, აზერბაიჯანისა და თურქეთის საგარეო საქმეთა მინისტრების სამმხრივი მეშვიდე შეხვედრა გასული წლის 29 ოქტომბერს სტამბულში გაიმართა. პირველი შეხვედრა 2012 წელს გაიმართა თურქეთში.

76
პრემიერი გიორგი გახარია

„ამორალურია“ პრემიერი შაქარაშვილის დაღუპვის საქმის ირგვლივ სპეკულაციების შესახებ

42
(განახლებულია 15:49 10.07.2020)
საქართველოს მთავრობის მეთაურმა ყველას მოუწოდა, დაელოდონ გამოძიების დასრულებასა და სასამართლო პროცესებს

თბილისი, 10 ივლისი – Sputnik. ტრაგედიის გამოყენება პოლიტიკური მიზნებისთვის კატეგორიულად მიუღებელი და ამორალურია, განუცხადა ჟურნალისტებს საქართველოს პრემიერ–მინისტრმა გიორგი გახარიამ 19 წლის ფეხბურთელ გიორგი შაქარაშვილის საქმეზე კომენტარისას.

რა ხდებოდა შაქარაშვილის გაუჩინარების ღამეს – ვრცელდება იაკობ ბრეგვაძის გადაღებული ფოტოები>>

ახალგაზრდა სპორტსმენის ცხედარი ოთხდღიანი ძებნის შემდეგ, 22 ივნისს მდინარე არაგვში იპოვეს. ის უგზო–უკვლოდ გაუჩინარდა წვეულებიდან, რომელზეც სტუმრებს შორის მასობრივი კონფლიქტი მოხდა. ეს თემა ქართულ მასმედიაში ძალზე აქტუალური გახდა, ხოლო ბევრმა ოპოზიციურად განწყობილმა ექსპერტმა საგამოძიებო ორგანოების მუშაობას უნდობლობა გამოუცხადა.

„გამოძიება რომ დასრულდება, შემდგომ შეიძლება უკვე ამ გამოძიებების გარკვეული მხრიდან შეფასება, მაგრამ ის, რაც ახლა ხდება – სპეკულირება და ტრაგედიის გამოყენება რაღაც პოლიტიკური მიზნებით, ეს არის კატეგორიულად მიუღებელი. არასამართლიანი კი არა, ამორალურია და ყველანაირ ფასეულობებს მიღმაა“, – განაცხადა გახარიამ.

შაქარაშვილის საქმეზე 17 ადამიანია დაკავებული, მათ ბრალად თავისუფლების უკანონო აღკვეთა ედება. წინასწარი სასამართლო მოსმენები 31 ივლისს არის დაგეგმილი.

პარასკევს ცნობილი გახდა დაღუპულის ცხედრის ექსპერტიზის შედეგები. გარდაცვალების მიზეზი ასფიქსია გახდა – ახალგაზრდა წყალში დაიხრჩო. ამასთან, შაქარაშვილის სხეულზე და თავზე აღინიშნება ბლაგვი საგნით სიკვდილამდე მიყენებული მრავლობითი ტრავმები.

ახალი გარემოებებიდან გამომდინარე, პროკურატურამ საქმის კვალიფიკაციის გადახედვის გადაწყვეტილება მიიღო. სსკ–ის არსებულ მუხლს დაემატა 109–ე მუხლის მეორე ნაწილი („ე“ ქვეპუნქტი) – დამამძიმებელ გარემოებებში ჯგუფურად განხორციელებული განზრახ მკვლელობა.

გამოძიების ვერსიით, 18 ივნისს, გვიან ღამით, მცხეთის რაიონში, ნარეკვავის დასახლებაში არსებულ ერთ-ერთ აგარაკზე, სადაც დაბადების დღის წვეულება გაიმართა, ახალგაზრდებს შორის დაპირისპირება დაიწყო. ფიზიკურ დაპირისპირებაში ჩართულმა რამდენიმე ახალგაზრდამ დასახმარებლად თბილისიდან მოიხმო რამდენიმეკაციანი ჯგუფი, რომლებიც თბილისიდან მცხეთის მიმართულებით, ორი მანქანით, რკინის ხელკეტებით შეიარაღებულნი გაეშურნენ.

გიორგი შაქარაშვილის საქმეში პორნოგრაფიული ვიდეო დევს? – ადვოკატის სკანდალური განცხადება>>

მოწმეები აცხადებენ, რომ გიორგიმ კონფლიქტის ადგილი დატოვა და მდინარისკენ გაიქცა. ამის შემდეგ მისი კვალი იკარგება.

42
პრემიერი გიორგი გახარია

გახარია: კარგად ჩატარებული არჩევნები ჩვენი საერთო მიზანია

44
(განახლებულია 16:25 10.07.2020)
პრემიერი დარწმუნებულია, რომ საერთო ძალისხმევით საპარლამენტო არჩევნები ქვეყანაში დემოკრატიულად და კონკურენტულ გარემოში ჩატარდება.

ბილისი, 10 ივლისი – Sputnik. საპარლამენტო არჩევნების კარგად, დემოკრატიულ და კონკურენტულ გარემოში ჩატარება პანდემიის პირობებშიც კი საერთო მიზანი უნდა გახდეს, მიიჩნევს საქართველოს პრემიერ-მინისტრი გიორგი გახარია.

როგორც გახარიამ ჟურნალისტებს განუცხადა, ქართული დემოკრატია ყოველდღე პროგრესირებს და ეს კარგად იციან  უცხოელმა კოლეგებმა.

„ჩვენ წინ გვაქვს არჩევნები, რომელიც უნდა ჩავატაროთ დემოკრატიულად, გახსნილად, ღიად და კონკურენტულ გარემოში, რასაც, რა თქმა უნდა, გავაკეთებთ... საერთაშორისო პარტნიორები არიან ჩვენი ყველაზე ახლო სტრატეგიული პარტნიორები და მეგობრები. თითოეული მათი ნათქვამი ჩვენთვის არის ყურადსაღები, რასაც ჩვენ ვაკეთებთ. სამწუხაროდ, ზოგიერთი ჩვენი ვაიპოლიტიკოსის გამო ხდება მცდელობები, რომ ჩვენი უცხოელი პარტნიორები იყვნენ ჩათრეული შიდა პოლიტიკურ დაპირისპირებებში. ეს არის ცუდი, რადგან ეს რომელიმე პოლიტიკურ ძალას კი არ ვნებს, საბოლოო ჯამში ეს ვნებს ქვეყანას. ამიტომ ახლა ყველანი უნდა დავწყნარდეთ, დავმშვიდდეთ. ყველას უნდა ესმოდეს, რომ კარგად ჩატარებული არჩევნები ჩვენი საერთო მიზანია“, – განაცხადა გახარიამ.

საპარლამენტო არჩევნები 2020 წლის 31 ოქტომბერს არის დაგეგმილი. ამჟამად ცესკოში პარტიების რეგისტრაცია მიმდინარეობს.

საქართველოში წინასაარჩევნო კამპანია არჩევნებამდე 60 დღით ადრე იწყება – 1 სექტემბრისთვის. ეპიდემიოლოგები შემოდგომაზე კორონავირუსის მეორე ტალღას ელოდებიან, ამიტომ არჩევნები განსაკუთრებულ პირობებში ჩატარდება.

44
თემები:
საქართველოს პოლიტიკური ცხოვრება
ტესტირება კორონავირუსზე

აზერბაიჯანი განაგრძობს თავისი მოქალაქეების გაყვანას საქართველოდან

0
(განახლებულია 16:10 10.07.2020)
საქართველოში თებერვალს მერე ჩარჩენილი აზერბაიჯანელების ჯგუფი საქართველოდან გასვლამდე კორონავირუსზე ტესტირებას გაივლის

თბილისი, 10 ივლისი – Sputnik. აზერბაიჯანის კიდევ 200 მოქალაქე დაუბრუნდება საქართველოდან თავის სამშობლოს, იუწყება „Sputnik–აზერბაიჯანი“.

თბილისში აზერბაიჯანის საელჩოს ინფორმაციით, დაბრუნებამდე აზერბაიჯანის მოქალაქეები COVID-19–ზე ტესტს ჩაიტარებენ.

მანამდე აზერბაიჯანელების 178–კაციანმა ჯგუფმა საქართველო 23 ივნისს დატოვა. მათ გაიარეს ტესტირება და კორონავირუსი არც ერთს არ აღმოაჩნდა.

საქართველომ საზღვარი აზერბაიჯანთან 27 თებერვალს დაკეტა – მას შემდეგ, რაც პირველი ინფიცირებული გამოვლინდა. ის საქართველოში აზერბაიჯანიდან შემოვიდა.

9 ივლისის მონაცემებით, აზერბაიჯანში კორონავირუსის 22 464 ფაქტი დადასტურდა. აქედან 13 591 ადამიანი გამოჯანმრთელდა, გარდაიცვალა – 284.

0
თემები:
COVID-19-ის პანდემია მსოფლიოში