სალომე ზურაბიშვილი

რაზე ისაუბრებს ზურაბიშვილი გაეროს გენერალურ ასამბლეაზე

75
(განახლებულია 13:03 21.09.2019)
ბოლო ხუთი წლის განმავლობაში, გაეროს გენერალური ასამბლეის დებატებში მონაწილეობას საქართველოდან მხოლოდ პრემიერ-მინისტრები იღებდნენ

თბილისი, 21 სექტემბერი - Sputnik. საქართველოს პრეზიდენტი სალომე ზურაბიშვილი მომავალ კვირას სამუშაო ვიზიტით აშშ-ში გაემგზავრება, სადაც 25 სექტემბერს გაეროს გენერალური ასამბლეის 74-ე სესიაზე სიტყვით გამოვა, ნათქვამია სახელმწიფო მეთაურის ადმინისტრაციის ვებგვერდზე გავრცელებულ განცხადებაში.

ზურაბიშვილი სესიის ფარგლებში მონაწილეობას სხვადასხვა ღონისძიებაში მიიღებს. ცნობილია, რომ 23 სექტემბერს ზურაბიშვილი მიიღებს მონაწილეობას კლიმატის ცვლილებებთან დაკავშირებულ სამიტში, სადაც ქართული ყურძნის ენდემური ჯიშების მრავალფეროვნებაზე ისაუბრებს.

გარდა ამისა, საქართველოს პრეზიდენტი მონაწილეობას მიიღებს შეხვედრებში, რომლებიც ჯანდაცვისა და მდგრადი განვითარების საკითხებს მიეძღვნება.

ზურაბიშვილი ასევე სხვადასხვა ქვეყნების ლიდერებს შეხვდება და ოფიციალურ მიღებას დაესწრება.

ზურაბიშვილის სიტყვით გამოსვლა ნიუ-იორკში ბოლო ხუთი წლის განმავლობაში საქართველოს პრეზიდენტის პირველი გამოსვლა იქნება. ამ წლების განმავლობაში გაეროს გენერალურ ასამბლეაზე სიტყვით ქვეყნის პრემიერ-მინისტრები გამოდიოდნენ.

75
თემები:
საქართველოს საგარეო პოლიტიკა (206)
არჩევნები

გახარია: საქართველო მზად არის მიიღოს დამკვირვებლების უპრეცედენტო რაოდენობა არჩევნებზე

49
(განახლებულია 20:06 27.05.2020)
პრემიერის თქმით, არჩევნების ჩატარებას ხელს ვერაფერი შეუშლის, გარდა კორონავირუსის გლობალური აფეთქებისა

თბილისი,28 მაისი - Sputnik. საქართველო მზად არის უზრუნველყოს დამკვირვებლების დიდი რაოდენობა შემოდგომაზე დაგეგმილ საპარლამენტო არჩევნებზე, კორონავირუსის გავრცელების რისკების მიუხედავად, განაცხადა პრემიერ-მინისტრმა გიორგი გახარიამ პარლამენტში სიტყვით გამოსვლისას.

„მერწმუნეთ, რომ წელს საქართველოში საპარლამენტო არჩევნებზე იქნება ყველაზე მეტი დამკვირვებელი. უბრალოდ, დარწმუნებული ვარ ამაში და ამისთვის ჩვენც გავაკეთებთ მაქსიმუმს“, - განაცხადა გახარიამ.

პრემიერის თქმით, ყველაფერს, რაც პანდემიის პირობებში იქნება საჭირო - ეპიდემიოლოგიური ტესტები, სოციალური დისტანციის დაცვა, ტრანსპორტირება და სხვა - ხელისუფლება უზრუნველყოფს.

საპარლამენტო არჩევნები საქართველოში 31 ოქტომბერს გაიმართება. ქვეყანაში ოფიციალური წინასაარჩევნო კამპანია იწყება აგვისტოს ბოლოს - არჩევნებამდე 60 დღით ადრე. 150 დეპუტატს ირჩევენ პარლამენტი შერეული სისტემის მიხედვით: ნაწილს პარტიული სიებით, ნაწილს -მაჟორიტარულ ერთმანდატიან ოლქებში გამარჯვების შედეგად.

ივნისის ბოლოს - ივლისის დასაწყისში, საქართველოში, სავარაუდოდ, მიიღებენ საკონსტიტუციო ცვლილებებს, რომლებმაც ზუსტად უნდა განსაზღვრონ დეპუტატთა რაოდენობა ერთმანდატიან ოლქებში - 73 თუ 30.

49
თემები:
საქართველოს პრემიერ–მინისტრი
გიორგი გახარია

გახარიამ პარლამენტს ანგარიში წარუდგინა

53
(განახლებულია 19:50 27.05.2020)
ორი თვე საგანგებო მდგომარეობის რეჟიმში, მთავრობის ანტიკრიზისული გეგმა, მოსახლეობის დახმარება და მომავლის პერსპექტივები - საქართველოს პრემიერ-მინისტრმა გიორგი გახარიამ პარლამენტს ანგარიში წარუდგინა

საქართველო წლის დასაწყისიდან კორონავირუსის პანდემიის პირობებში ცხოვრობს. COVID-19-ის პირველი შემთხვევა ქვეყანაში 26 თებერვალს გამოვლინდა. დღევანდელი მონაცემებით, ქვეყანაში ინფიცირებულთა რაოდენობამ 735-ს მიაღწია, რომელთაგან 557 გამოჯანმრთელდა, 12 კი გარდაიცვალა. დაავადების პიკი აპრილის ბოლოს დაფიქსირდა.

გახარია: საქართველო ინფექციის გავრცელების ახალი ტალღისთვის მზად უნდა იყოს >>

საგანგებო მდგომარეობის რეჟიმი საქართველოში 21 მარტიდან 23 მაისამდე მოქმედებდა, თუმცა ზოგიერთი შეზღუდვა 15 ივლისამდე გაგრძელდება.

რატომ გამოცხადდა საგანგებო მდგომარეობა?

საქართველოს ხელისუფლება იძულებული იყო მკაცრი შეზღუდვები დაეწესებინა, რათა არ დაეშვა მოქალაქეთა მასობრივი დაინფიცირება, აღნიშნა პრემიერმა.

„დღეს საქართველოში 297 სტაციონარია 17 514 საწოლით, თუ არ ჩავთვლით სპეციალური დანიშნულების სტაციონარებს, რჩება დაახლოებით 10 ათასი საწოლი, ამასთან აქედან 2 290 საწოლი არის ინტენსიური თერაპიის, აქედან ხელოვნური სუნთქვის აპარატით - 1 749 საწოლი. გარდა ამისა, ჩვენ ქვეყანაში გვყავს 448 რეანიმატოლოგი, რომელთაც ერთდროულად შეუძლიათ მოემსახურონ მხოლოდ 1 200 პაციენტს, ინფექციონისტი საქართველოში 256-ია, რომელთაც დღეში 853 პაციენტის მომსახურება შეუძლიათ“, - აღნიშნა გახარიამ.

პრემიერის თქმით, ოთხ თვეში ჯანდაცვის სისტემა სერიოზულად გაიზარდა.

„თუ შევადარებთ, რა მდგომარეობაში იყო ჯანდაცვის სისტემა იანვარში, როდესაც ეპიდემიის პირველი რისკები გამოჩნდა, და რა მდგომარეობაშია დღეს - ეს ცა და დედამიწაა. დღეს ჩვენ შეგვიძლია ვთქვათ, რომ ჯანდაცვის სისტემას შეუძლია რამდენიმე ასეული ინფიცირებულის მართვა“, - განაცხადა გახარიამ.

საგანგებო მდგომარეობის შედეგები და მოსახლეობის დახმარება

პრემიერ-მინისტრის სიტყვებით, კორონავირუსმა ქვეყანას სერიოზული ზიანი მიაყენა.

„ეს არ არის კრიზისი საქართველოში, ეს არ არის კრიზისი რეგიონში, ესაა გლობალური კრიზისი და ის არ დასრულებულა... არავინ იცის, როდის დასრულდება“, - განაცხადა გახარიამ.

ამავდროულად პრემიერმა აღნიშნა, რომ მოსახლეობის დახმარება პირდაპირაა დამოკიდებული ეკონომიკაზე და ქვეყნის ბიუჯეტზე.

„საქართველო ვერ გამოყოფს დამატებით სახსრებს დახმარებისთვის, თუ ის არ იქნება დაბალანსებული და ეს დაბალანსებული ბიუჯეტი არ იქნება შეთანხმებული ჩვენს საერთაშორისო პარტნიორებთან, დონორებთან და საერთაშორისო სავალუტო ფონდთან. შემიძლია ვთქვა, რომ ყოველ ოჯახს უნდა გამოვუყოთ 10-10 ათასი ლარი, მაგრამ დახმარებას უნდა ჰქონდეს არგუმენტაცია. შესაბამისად, ჩვენ გამოვაცხადეთ დახმარების შესახებ მას შემდეგ, რაც ყველაფერი დავთვალეთ, გავიაზრეთ და ვიცოდით, საით მივდიოდით“, - განაცხადა გახარიამ.

ამასთან მან აღნიშნა, რომ დახმარება მინიმალურია, მაგრამ ხელისუფლება ორიენტირებული უნდა იყოს მომავალზე.

„ეს არის ჩვენი სოციალური დახმარება მოქალაქეებისთვის და სავსებით გააზრებულად არის განაწილებული ექვს თვეზე. მესმის, რომ ეს არასაკმარისია, მაგრამ ესაა მინიმუმი, რათა მათ ჰქონდეთ დახმარება ყოველდღიურ ცხოვრებაში“, - განაცხადა გახარიამ.

ყველაფერი კონტროლს ექვემდებარება

პრემიერ-მინისტრის თქმით, დღესდღეობით კორონავირუსი ქვეყანაში მთლიანად კონტროლდება.

„დღეს ოფიციალურად შეგვიძლია განვაცხადოთ, რომ ახალი ქეისები (დაავადების შემთხვევები, - რედ.) ფიქსირდება საქართველოს მთავრობის მიერ კონტროლირებად ზონებში - ესაა საკარანტინო ზონები, ცნობილი კლასტერები, შესაბამისად, შეიძლება ითქვას, რომ ეპიდემიის გავრცელება და მისი სისწრაფე მთლიანად კონტროლდება“, - აღნიშნა გახარიამ.

პრემიერმა აქვე დასძინა, რომ საქართველოში სიკვდილიანობის მაჩვენებელი ევროპაში ყველაზე დაბალია - 0,3% 100 ათას ადამიანზე.

„ქვეყანაში ინფექციის განვითარების მიხედვით 143-ე ადგილზე ვართ. ეს სიამაყის საფუძველი არ არის და არც მხოლოდ მთავრობის დამსახურებაა, არამედ ბიზნესისა და საზოგადოებისა, პირველ რიგში. მაგრამ ეს გვაძლევს შესაძლებლობას, ვაკონტროლოთ პანდემია და თანდათანობით გავხსნათ ეკონომიკა“, - აღნიშნა გახარიამ.

როგორც პრემიერმა აღნიშნა, კრიზისი - ეს არის შანსი თითოეულისთვის საქართველოში.

„დარწმუნებული ვარ, რომ სახელმწიფო, მოქალაქეები, ბიზნესი, კომპანიები შეძლებენ ამ კრიზისის, როგორც შესაძლებლობის გამოყენებას. სინამდვილეში ჩვენ შეგვიძლია გამოვიყენოთ მენეჯმენტის სწრაფი და პროაქტიური ნაბიჯები, რომლებიც გადავდგით“, - აღნიშნა გახარიამ. 

მისი თქმით, საქართველომ ზაფხულში უნდა გააძლიეროს მედიცინის სფერო, გააფართოოს ლაბორატორიების ქსელი, გააძლიეროს სამშენებლო და ფინანსური სექტორი.

53
თემები:
საქართველოს პრემიერ–მინისტრი
მარინა ნაზარიანი ხელნაკეთი თოჯინები

ქართველი მეთოჯინის მიერ შექმნილო უცნაური არსებები, რომლებიც ბავშვობაში დაგაბრუნებენ

0
(განახლებულია 20:18 27.05.2020)
მარინა ნაზარიანი თვითნასწავლი მეთოჯინეა. ამბობს, რომ მთელი არსებით შეიგრძნობს იმას, რასაც ქმნის. ამ ემოციებს კი სხვებსაც უზიარებს.

თოჯინების შექმნა ოთხი წლის წინ დაიწყო და მას შემდეგ ამ ხელსაქმეს დიდი სიყვარულით ემსახურება. მისი თითოეული თოჯინა ექსკლუზიური და უნიკალურია, რომლის ანალოგს ვერსად ნახავთ.

მარინა ნაზარიანი
მარინა ნაზარიანი

- პროფესიით ვარ დიზაინერ-მოდელიორი. მიუხედავად იმისა, რომ ჩემი პროფესიით არასოდეს მიმუშავია, სიახლეების შექმნა ჩემი ცხოვრების განუყოფელი ნაწილი იყო. ამჯერად, ვქმნი არასათამაშო, ინტერიერის თოჯინებს.

მარინა ნაზარიანი ხელნაკეთი თოჯინა
მარინა ნაზარიანი ხელნაკეთი თოჯინა

- ამბობენ, შემთხვევით არაფერი ხდებაო, რატომ დაინტერესდით თოჯინების შექმნით, რამ განაპირობა თქვენი ინტერესი?

- თავიდან დავიწყე ჩემთვის განსხვავებული ტანისამოსის დიზაინის შექმნა, შეკერვა ან გადაკეთება. შემდეგ ვიყავი გატაცებული კულინარიით, სხვადასხვა დეკორატიული ნივთების შექმნით. ასე იცვლებოდა ჩემი ინტერესის სფეროები, სანამ არ მივაგენი თოჯინებს, რომელთა შექმნა ისეთ სიამოვნებას მანიჭებდა, რომელიც გაცდა მხოლოდ ჩემი სიამოვნების ფარგლებს და მომინდა, რომ ეს სიამოვნება სხვებისთვისაც მიმენიჭებია.

მარინა ნაზარიანი ხელნაკეთი თოჯინა
მარინა ნაზარიანი ხელნაკეთი თოჯინა

- თქვენი თოჯინები ზღაპრიდან გადმოსულ გმირებს ჰგვანან. რატომ აირჩიეთ ისინი?

- ჩემი თოჯინები არ არიან ზღაპრის გმირები, ისინი ჩემი ფანტაზიის ნაყოფი არიან. თითოეულ თოჯინას აქვს სახასიათო გარეგნობა, თუმცა მათ გასდევთ საერთო შტრიხი- დადებითი ემოცია, სახალისო გარეგნობა და მეტყველი თვალები. ადამიანები მათ ხშირად საკუთარ თავთან ან საყვარელ ადამიანებთან აიგივებენ. სწორედ ამან განაპირობა თოჯინების პოპულარობა და სასაჩუქრედ ინდივიდიალური შეკვეთების სიმრავლე.

მარინა ნაზარიანი ხელნაკეთი თოჯინა
მარინა ნაზარიანი ხელნაკეთი თოჯინა

- რა მასალით ქმნით თოჯინებს?

- რაც შეეხება მასალებს, ტექსტილის თოჯინა იკერება მეტალის კარკასზე, რაც განაპირობებს მის სიმყარეს და მაღალ ხარისხს. ჩემთვის ამ საქმეზე მუშაობა სიამოვნებაა. თუმცა, ძალიან შრომატევადია თითოეული თოჯინის შექმნა. ყველა თოჯინა ექსკლუზიური და უნიკალურია, ვინაიდან ყველა დეტალი ხელით იქმნება და შეუძლებელია ზუსტი ანალოგის გამეორება.

როგორც უკვე აღვნიშნე პროფესიით გახლავართ დიზაინერ-მოდელიორი, ტანსაცმლის მოდელირება და შექმნა ჩემი პროფესიაა, შესაბამისად მათ ტანსაცმელსაც მე ვქმნი.

მარინა ნაზარიანი ხელნაკეთი თოჯინა
მარინა ნაზარიანი ხელნაკეთი თოჯინა

- რთული არ არის მცირე ზომის თოჯინასთვის სამოსის შეკერვა?

- რა თქმა უნდა, რაც უფრო პატარაა ხელნაკეთი ნივთი, მით უფრო რთულია მასზე მუშაობა.

მარინა ნაზარიანი ხელნაკეთი თოჯინა
მარინა ნაზარიანი ხელნაკეთი თოჯინა

- გაიხსენეთ რომელიმე საინტერესო ამბავი თოჯინებთან  დაკავშირებით...

- ერთხელ ძალიან უცნაური და დაუჯერებელი ფაქტი დამემართა. ჩემი ფანტაზიით შევქმენი თოჯინა. სოციალურ ქსელში გამოქვეყნების შემდეგ, გამომეხმაურა ქალბატონი, რომელმაც საკუთარი თავი დაინახა ამ თოჯინაში და შეიძინა. ამ ქალბატონთან შეხვედრის შემდეგ, მეც გაკვირვებული დავრჩი მათი მსგავსებით.

მარინა ნაზარიანი ხელნაკეთი თოჯინა
მარინა ნაზარიანი ხელნაკეთი თოჯინა

- გამოფენებში თუ იღებთ მონაწილეობას, ან პერსონალური გამოფენა თუ გქონიათ?

- საახალწლო ბაზრობებზე მიმიღია მონაწილეობა. თუმცა პერსონალური გამოფენის მოწყობა, ჩემი ოცნებაა.

მარინა ნაზარიანი ხელნაკეთი თოჯინა
მარინა ნაზარიანი ხელნაკეთი თოჯინა

- როგორ ახდენთ თოჯინების რეალიზებას?

- სოციალურ ქსელში მაქვს გვერი Mara’s Lab და  ძირითადად ფეისბუქ გვერდის საშუელბით იყიდება თოჯინები.

მარინა ნაზარიანი ხელნაკეთი თოჯინა
მარინა ნაზარიანი ხელნაკეთი თოჯინა

- თუ გაქვთ თოჯინა, რომელიც განსაკუთრებით ძვირფასია თქვენთვის, რომელსაც არასოდეს გაყიდით და არც გააჩუქებთ?

- ყველა თოჯინა ჩემთვის ძალიან ძვირფასია. როგორც ყველა ხელოვანს, ჩემს ხელნაკეთ ნივთებთან განშორება ძალიან მიჭირს. თუმცა, ოჯახის წევრების დაჟინებული თხოვნით, გადავწყვიტე რომ სხვისთვისაც მიმენიჭებინა სიხარული და დავიწყე თოჯინების რეალიზება. დღეს, კმაყოფილი მომხმარებლების პოზიტიური შეფასება ჩემთვის ყველაზე მნიშვნელოვანია, რაც სტიმულს მაძლევს უფრო მეტად განვვითარდე.

 

0