მამუკა ხაზარაძე

დადებს თუ არა ლელოს „ლელო" არჩევნებზე: პოლიტიკურ არენაზე ხაზარაძის მოძრაობა გამოჩნდა

123
(განახლებულია 16:16 12.09.2019)
მამუკა ხაზარაძის საზოგადოებრივ მოძრაობაში ცნობილი პოლიტიკოსები არ იქნებიან, ამასთან იგი საპარლამენტო არჩევნებამდე არც სხვა პარტიებთან აპირებს თანამშრომლობას.

თბილისი, 12 სექტემბერი — Sputnik. საქართველოში უმსხვილესი TBC Bank-ის დამფუძნებელმა მამუკა ხაზარაძემ საზოგადოებრივი მოძრაობა „ლელო" დააფუძნა და 2020 წლის საპარლამენტო არჩევნებისთვის საკუთარ გეგმებზე ისაუბრა.

ღონისძიება სიმბოლურად ანაკლიაში, ზღვის სანაპიროზე შედგა, სადაც მიმდინარეობს საქართველოში პირველი ღრმაწყლოვანი პორტის მშენებლობა. ამ ისტორიული პროექტის განხორციელებაზე უფლება რამდენიმე წლის წინ სწორედ ხაზარაძემ მოიპოვა.

ხაზარაძის პარტნიორი, ისევე, როგორც ბიზნესში, ბადრი ჯაფარიძეა. ბიზნესმენები, რომელთაც პროკურატურა TBC Bank-ის საშუალებით დაახლოებით 17 მლნ დოლარის გათეთრებას ედავება, ხელისუფლებას დევნასა და ასევე პორტის მშენებლობის პროექტის ჩაშლის მცდელობაში ადანაშაულებენ. მათი სიტყვებით, საქართველო აღმოჩნდა ჭაობში, რომლიდანაც გამოსვლას ვერ ახერხებს.

„ჩვენ ვქმნით ძალას, რომელიც ორიენტირებული იქნება 2020 წლის არჩევნების მოგებაზე. ამას ვაცხადებ მთელი სერიოზულობით. ამიტომაც ამ მოძრაობაში, ამ პარტიაში გაერთიანებული იქნებიან ადამიანები, რომლებსაც კონკრეტული შედეგი აქვთ დადებული თავიანთ სფეროებში, სხვადასხვა დისციპლინებში და ინდუსტრიებში… ეს გაერთიანება უახლოეს დროში გარდაიქმნება პარტიად, ლიდერების პარტიად", – განაცხადა ხაზარაძემ.

იგი 2020 წლის არჩევნებამდე სხვა პარტიებთან თანამშრომლობას არ აპირებს.

„ჩვენ დამოუკიდებლად მივდივართ ცნობილი პოლიტიკოსების გარეშე... ჩვენ ვისაუბრებთ ყველასთან, მაგრამ ამ ეტაპზე არავისთან ვითანამშრომლებთ. ხოლო როდესაც არჩევნებში გავიმარჯვებთ და პარლამენტში მოვხვდებით, გადაწყვეტილებას მივიღებთ იმის მიხედვით, რა იქნება ქვეყნისთვის სასარგებლო", – აღნიშნა ხაზარაძემ. 

ბიზნესმენმა პირობა დადო, რომ სხვა პარტიებისგან განსხვავებით „ლელო" საკუთარი ამოცანების შესრულებასთან დაკავშირებით გარკვეულ ვადებს დაასახელებს.

Презентация партии банкира Мамуки Хазарадзе в Анаклия
© photo: Sputnik / Nika Lataria
მამუკა ხაზარაძემ საზოგადოებრივი მოძრაობა „ლელოს" პრეზენტაცია ანაკლიაში გამართა

„ამისთვის თითოეულ სფეროში მოვძებნით 12 ლიდერს, ქალაქებსა და სოფლებში 12 რეფორმატორს, რადგანაც ეს ქვეყანა არ უნდა იყოს ერთ ადამიანზე დამოკიდებული", – განაცხადა ხაზარაძემ.

თავის მხრივ ჯაფარიძემ აღნიშნა, რომ მოძრაობა იქმნება არა ერთ ადამიანთან – მმართველი პარტია „ქართული ოცნება - დემოკრატიული საქართველოს" ლიდერ ბიძინა ივანიშვილთან საბრძოლველად.

„ჩვენ კონკრეტული ადამიანის წინააღმდეგ არ ვერთიანდებით, ჩვენ ვერთიანდებით ქვეყნის მომავლისთვის და, აქედან გამომდინარე, ჩვენთვის არ იარსებებენ საძულველი ადამიანები", – განაცხადა ჯაფარიძემ.

ხაზარაძემ საზოგადოებრივი მოძრაობის სახელწოდება „ლელო" შემთხვევით არ შეარჩია. ლელო – რაგბის მსგავსი ქართული თამაშია. გარდა ამისა, „ლელო" ეწოდება რაგბიში ბურთის დადებას მეტოქის ჩათვლის მოედანზე.

„თითოეულმა ქართველმა უნდა დადოს თავისი ლელო", – განაცხადა ხაზარაძემ.

123
საქართველოსა და ისრაელის დროშები

შეთანხმება ხელმოწერილია: საქართველოს მოქალაქეები ისრაელში დროებით ლეგალურად დასაქმდებიან

87
(განახლებულია 20:06 30.09.2020)
საქართველოს მოქალაქეებს აღარ დასჭირდებათ არალეგალური გზების ძიება ისრაელში სამუშაოდ ჩასასვლელად და დიდი თანხების გადახდა იმისთვის, რომ ლეგალურად დასაქმდნენ ქვეყანაში

თბილისი, 30 სექტემბერი — Sputnik. საქართველოსა და ისრაელის მთავრობებს შორის ხელი მოეწერა შეთანხმებას ჩვენი მოქალაქეების ისრაელში დროებით დასაქმების შესახებ, წერს საქართველოს ელჩი ისრაელში ლაშა ჟვანია Facebook–ზე.

„დღეს ისრაელის საგარეო საქმეთა მინისტრთან, გაბი აშკენაზისთან ერთად ხელი მოვაწერე მნიშვნელოვან ხელშეკრულებას საქართველოს მთავრობასა და ისრაელის სახელმწიფოს მთავრობას შორის ისრაელის სახელმწიფოში შრომის ბაზრის კონკრეტულ სექტორებში საქართველოს მოქალაქეთა დროებითი დასაქმების შესახებ“, — ნათქვამია ელჩის განცხადებაში.

ლაშა ჟვანიას თქმით, საქართველოს მოქალაქეებს აღარ დასჭირდებათ არალეგალური გზების ძიება ისრაელში სამუშაოდ ჩასასვლელად და დიდი თანხების გადახდა იმისთვის, რომ ლეგალურად დასაქმდნენ ქვეყანაში. 

ელჩის განმარტებით, ამაზე უკვე საქართველოს შრომის, ჯანმრთელობისა და სიციალური დაცვის სამინისტრო იზრუნებს.

აღსანიშნავია, რომ ქვეყნებს შორის გაფორმებული შეთანხმება მოიწონა საქართველოს პრეზიდენტმა სალომე ზურაბიშვილმა.

„ისრაელში პრეზიდენტ რივლინთან შეხვედრისას ვისაუბრე სწორედ ამ დოკუმენტის გაფორმების მნიშვნელობაზე. მოხარული ვარ, რომ ხელი მოეწერა ძალიან სასარგებლო შეთანხმებას“, — დაწერა პრეზიდენტმა სოციალურ ქსელში.

მისი თქმით, მიუხედავად კორონავირუსის პანდემიისა, პროცესი დროულად დასრულდა.

 

87
ირაკლი კობახიძე

კობახიძე: საქართველო ყარაბაღზე მოლაპარაკებებისთვის შეიძლება საუკეთესო პლატფორმა იყოს

25
(განახლებულია 20:39 30.09.2020)
ირაკლი კობახიძე მიესალმება საქართველოს პრემიერის წინადადებას, რომ სომხეთისა და აზერბაიჯანის წარმომადგენლებმა შეხვედრა თბილისში გამართონ.

თბილისი, 30 სექტემბერი – Sputnik. საქართველო შეიძლება საუკეთესო ადგილი იყოს აზერბაიჯანსა და სომხეთს შორის მშვიდობიანი მოლაპარაკებების გამართვისთვის, განაცხადა მმართველი პარტია „ქართული ოცნების“ აღმასრულებელმა მდივანმა ირაკლი კობახიძებ ბრიფინგზე.

ვითარება მთიან ყარაბაღში: ეუთო რიგგარეშე სხდომის მოწვევას გეგმავს>>

საქართველოს პრემიერ-მინისტრმა გიორგი გახარიამ ოთხშაბათს განაცხადა, რომ საქართველო მზადაა თბილისში უმასპინძლოს აზერბაიჯანისა და სომხეთის წარმომადგენლებს, რათა მთიან ყარაბაღში კონფლიქტი მალე მოგვარდეს.

„ეს არის უმნიშვნელოვანესი გზავნილი. საქართველოს აქვს კეთილმეზობლური ურთიერთობა და ჩვენ მეგობრობა გვაკავშირებს ორივე ქვეყანასთან. აქედან გამომდინარე, საქართველო შეიძლება იყოს საუკეთესო ადგილი და პლატფორმა, რომ ასეთი ტიპის სამშვიდობო მოლაპარაკებები შედგეს და, ბუნებრივია, ჩვენ სიამოვნებით ავიღებთ ჩვენ თავზე ასეთ მისიას, თუ ასეთი ინტერესი იქნება“, – განაცხადა კობახიძემ.

სომხეთისა და აზერბაიჯანის ხელისუფლებებმა 27 სექტემბერს მთიან ყარაბაღში ვითარების გამწვავების შემდეგ საომარი მდგომარეობა გამოაცხადეს. არაღიარებული რესპუბლიკის ხელისუფლებამ განაცხადა, რომ აზერბაიჯანმა არტილერია გამოიყენა მათ წინააღმდეგ და რომ არის მსხვერპლი მშვიდობიან მოსახლეობაში.

კონფლიქტის ესკალაციაში ერევანი და ბაქო ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

რიგმა ქვეყნებმა და, მათ შორის, საქართველომ და რუსეთმა მხარეებს თავშეკავებისკენ მოუწოდეს.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე.

„დაუყოვნებლივ შეწყვიტეთ ცეცხლი“ – გაეროს უშიშროების საბჭო ყარაბაღთან დაკავშირებით>>

კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

25
თემები:
მთიან ყარაბაღში ვითარება გამწვავდა – შეიარაღებული შეტაკება 2020
სავსე მთვარე

მთვარის კალენდარი: 1 ოქტომბერი რისი გაკეთება შეიძლება და რისი არა

0
(განახლებულია 09:47 30.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

1 ოქტომბერი, ხუთშაბათი. ამ დღეს იუპიტერი მართავს. მზარდი მთვარე ვერძის ნიშანშია.

ვერძის დღეებში საჭიროა აქტიურობა, ორიგინალურად და მტკიცედ მოქმედება, მაგრამ ასევე დიპლომატია. თავი უნდა აარიდოთ აჩქარებას, იმპულსურობას, აუცილებელია მოთმინების გამოჩენა. არ ივარგებს სამუშაოზე ზუსტი გათვლების ჩატარება და ანგარიშების შედგენა, გრძელვადიანი საქმეების წამოწყება. არასასურველია შეთანხმებებსა და კონტრაქტებზე ხელმოწერა, მნიშვნელოვანი მოლაპარაკებების გამართვა.

როდესაც მთვარე ვერძის ნიშანშია, იზრდება ინტერესი საწინააღმდეგო სქესის მიმართ. მამაკაცები მზად არიან, თავიანთი ვაჟკაცობა დაამტკიცონ, ხოლო ქალები ნამდვილი ამორძალები ხდებიან. კარგი დროა სიყვარულში გამოტყდომისთვის.

მთვარე ვერძში ხელს უწყობს აქტიურ, სწრაფ ნაცნობობას. ამ დღეს დაწყებული სასიყვარულო რომანი მგზნებარე და ცეცხლოვანი იქნება, მაგრამ, სავარაუდოდ, ხანმოკლე.

რეკომენდებულია აქტიური და მტკიცე მოქმედებები, მნიშვნელოვანი და სერიოზული საქმეების დაწყება, წარმატების მიღწევის რწმენა, გადასადგმელი ნაბიჯების კარგად მოფიქრება, ადამიანებთან ურთიერთობები, ოჯახური და ნათესაური კავშირების გამტკიცება, საკუთარი იდეებისა და გეგმების გამხელა, კარიერასა და ბიზნესზე ზრუნვა, ფინანსური საკითხების გადაჭრა.

არარეკომენდებულია უსაქმოდ ყოფნა, ენერგიის დახარჯვა უმნიშვნელო მოვლენებზე, წვრილმანებზე.

ხელსაყრელი დღეა ხანმოკლე მგზავრობისთვის.

თმის შეჭრა, შეღებვა: ვერძის დღეებში სასურველია, თმის შეჭრისა და შეღებვისგან თავი შეიკავოთ. ნებისმიერი ქიმიური საშუალებები ამ დღეს უარყოფითად მოქმედებს.

მანიკურისთვის ნეიტრალური დღეა.

მებაღეობა: ვერძის დღეებში შეიძლება მოსავლის აღება, მარცვლოვანი, ნაყოფიანი კულტურებისა და ბოსტნეულისთვის სასუქის მიცემა, გასხვლა, შეწამვლა დაავადებებისა და მავნებლებისგან დასაცავად, სარეველისგან გაწმენდა.

0