ილჰამ ალიევი

ალიევმა გახარიას პრემიერის პოსტზე დამტკიცება მიულოცა

60
(განახლებულია 14:42 10.09.2019)
ილჰამ ალიევმა იმედი გამოთქვა, რომ საქართველოსა და აზერბაიჯანის ურთიერთობები გიორგი გახარიას პრემიერობის დროს განაგრძობს განვითარებასა და განმტკიცებას.

თბილისი, 10 სექტემბერი — Sputnik. აზერბაიჯანის პრეზიდენტმა ილჰამ ალიევმა გიორგი გახარიას საქართველოს პრემიერ-მინისტრის პოსტზე დამტკიცებასთან დაკავშირებით მისალოცი წერილი გამოუგზავნა.

საქართველოს პარლამენტმა ახალ მთავრობას გიორგი გახარიას მეთაურობით და მის სამთავრობო პროგრამას ნდობა კვირას გამოუცხადა.

„მჯერა, რომ მშვენიერ ტრადიციებზე დაფუძნებული ჩვენი ურთიერთობები და სტრატეგიული პარტნიორობა მომავალშიც განვითარდება და გამტკიცდება ჩვენი ხალხების ინტერესების შესაბამისად. გისურვებთ წარმატებებს თქვენს საქმიანობაში მეგობარი ქართველი ხალხის საკეთილდღეოდ", – ნათქვამია ალიევის მილოცვაში, რომელიც გახარიამ აზერბაიჯანიდან მიიღო.

გახარიას ახალ თანამდებობაზე დანიშვნა გუშინ სომხეთის პრემიერმა ნიკოლ ფაშინიანმა მიულოცა.

ვითარება დავით-გარეჯის ირგვლივ: ბოლო ცნობები>>

დიპლომატიური ურთიერთობები საქართველოსა და აზერბაიჯანს შორის 1992 წლის 18 ნოემბერს დამყარდა.

60
ვაშინგტონი

აშშ-მა საქართველოს ფინანსური დახმარება გაუყინა? დეპუტატები სკანდალურ ინფორმაციას უარყოფენ

87
(განახლებულია 19:44 07.07.2020)
საქართველოს პარლამენტში არ დაადასტურეს ინფორმაცია იმის შესახებ, რომ შეერთებულმა შტატებმა საქართველოს ფინანსური დახმარება შეუჩერა.

თბილისი, 7 ივლისი – Sputnik. საქართველოს ხელისუფლების წარმომადგენლებმა უარყვეს ვაშინგტონის მიერ საქართველოსთვის ფინანსური დახმარების გაყინვის შესახებ გავრცელებული ინფორმაცია. 

ქართულმა მასმედიამ გაავრცელა ინფორმაცია, რომ აშშ-ის კონგრესმა საქართველოს ფინანსური დახმარება შეუჩერა – საუბარია ფინანსური დახმარების პაკეტის 15%-ზე. ამასთან, აღინიშნა, რომ დაფინანსება აღდგება მას შემდეგ, რაც საქართველოს ხელისუფლება დემოკრატიული ინსტიტუტების, კერძო სექტორში კანონის უზენაესობისა და კორუფციასთან ბრძოლის განმტკიცების მიმართულებებით ზომებს მიიღებს.

„ეს სიცრუეა. ძალზე სამწუხაროა, რომ ისინი (ოპოზიციის წარმომადგენლები) მსგავს სიცრუესა და დეზინფორმაციაზე  საკუთარი წინასაარჩევნო კამპანიის აგებას ცდილობენ. კონგრესს არაფერი გაუყინავს, არანაირი შესწორებები კონგრესს არ მიუღია. ეს არის სიცრუე და დეზინფორმაცია. მსგავსი ინფორმაციის გავრცელება არაპროფესიონალიზმზე მეტყველებს“, – განაცხადა პარლამენტის ვიცე-სპიკერმა კახა კუჭავამ ჟურნალისტებთან.

როგორც მან აღნიშნა, მოცემულ მომენტში საქართველოსთვის ფინანსური დახმარების გაყინვის თაობაზე წინადადება მხოლოდ კანონპროექტის დონეზეა, რომელიც აშშ-ის კონგრესის ერთ-ერთ კომიტეტში იქნა ინიცირებული და რომელსაც „ძალიან ბევრი თვე დასჭირდება იმისთვის, რომ სესიამდე და კენჭისყრამდე მივიდეს“.

თუ რა დოკუმენტზეა საუბარი, საქართველოს პარლამენტის პირველმა ვიცე-სპიკერმა გია ვოლსკიმ განმარტა.

„ეს კანონპროექტი ეხება წმინდა ტექნიკურ საკითხს, ელექტრონულ კომუნიკაციებს, და განსაზღვრავს სახელმწიფოს ურთიერთობებს ტექნიკურ ნაწილში. იგი ვერანაირად ვერ შეეხება და არც შეეხება სიტყვის თავისუფლებას, მედიის თავისუფლებას და ინტერნეტ–სივრცის თავისუფლებას“, – აღნიშნა ვოლსკიმ. 

რაზეა საუბარი კანონპროექტში?

კანონპროექტში, რომელიც 326-გვერდიანია, მითითებულია აშშ-ის სახელმწიფო დეპარტამენტის 2021 წლის პრიორიტეტები. დოკუმენტის თანახმად, მომავალ წელს შეიძლება აშშ-ის მხრიდან საქართველოსთვის ფინანსური დახმარების მოცულობა 19,8 მლნ დოლარით შემცირდეს. 

მთლიანობაში, საქართველოსთვის 2021 წელს ფინანსური დახმარება არანაკლებ 132 025 000 აშშ დოლარის ფარგლებშია გამოყოფილი. თუმცა, გასული წლებისგან განსხვავებით, ამჯერად დოკუმენტში მითითებულია დახმარების მიღების პირობები.

კერძოდ, ამ თანხის 15%-ის საქართველოსთვის გადაცემა შეიძლება შეჩერდეს მანამდე, ვიდრე აშშ-ის სახელმწიფო მდივანი არ დარწმუნდება, რომ საქართველოს მთავრობა შესაბამის ნაბიჯებს დგამს კორუფციასთან ბრძოლის, დემოკრატიული ინსტიტუტების გაძლიერების, კერძო სექტორში კანონის უზენაესობისა და საერთაშორისოდ აღიარებული სტანდარტების დაცვის კუთხით.

კანონპროექტში აღნიშნულია შემდეგი პუნქტები, რომლებიც საქართველომ აუცილებლად უნდა შეასრულოს:

·  დემოკრატიული ინსტიტუტების განმტკიცება

·  მთავრობაში კორუფციასთან ბრძოლა ანტიკორუფციული კანონებისა და რეგულაციების გამოყენებით

·  დაიცვას კანონის უზენაესობა კერძო სექტორთან მიმართებაში, რომელიც შეესაბამება საერთაშორისო სტანდარტებს, ასევე უზრუნველყოს უცხოური ბიზნესის უფლებების და მათი შევიწროებისგან დაცვა, რათა მათ სრულად მიიღონ კომერციული და ფინანსური სარგებელი, რასაც საქართველოში განხორციელებული ინვესტიციები მოუტანს.

ამასთან, კანონპროექტში აღნიშნულია: კონგრესის გადაწყვეტილება არ შეეხება დემოკრატიის, კანონის უზენაესობის, სამოქალაქო და მედიის მხარდამჭერ პროგრამებს, ასევე გენდერული ნიშნით ძალადობის შემცირებისკენ და მოწყვლადი ჯგუფების დაცვისკენ მიმართულ პროგრამებს.

2019 წლის დეკემბერში ცნობილი გახდა, რომ ვაშინგტონი თბილისს 132 025 000 დოლარის ფარგლებში ფინანსური დახმარების უპრეცედენტო პაკეტს გამოუყოფს. ამის შესახებ იყო საუბარი 2020 წლის ასიგნებათა კონსოლიდირებულ აქტში. კონგრესის მიერ დამტკიცებულ ერთ-ერთ ყველაზე მნიშვნელოვან საფინანსო დოკუმენტს ხელი აშშ-ის პრეზიდენტმა დონალდ ტრამპმა მოაწერა.

87
დეპუტატები

საქართველოში შეზღუდვების ვადები გახანგრძლივდება? გადაწყვეტილება პარლამენტზეა

125
(განახლებულია 18:20 07.07.2020)
უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებსა და შეზღუდვებს.

თბილისი, 7 ივლისი – Sputnik. პარლამენტს შეუძლია მთავრობას საგანგებო მდგომარეობის გარეშე გარკვეული შეზღუდვების შემოღების უფლება 2020 წლის ბოლომდე გაუგრძელოს – „საზოგადოებრივი ჯანმრთელობის შესახებ“ კანონში შესაბამის ცვლილებებს დეპუტატები უახლოეს დღეებში განიხილავენ. 

ცვლილებები, რაც მთავრობას უფლებას აძლევს პარლამენტის სანქციის გარეშე ქვეყანაში შეზღუდვები შემოიღოს, საქართველოს პარლამენტმა 22 მაისს დაამტკიცა, მაგრამ ეს უფლება 15 ივლისამდე მოქმედებს. ამ ვადით დაამტკიცა პარლამენტმა განკარგულება, რომლის თანახმად, ქვეყანაში კორონავირუსის გავრცელების პრევენციის მიზნით მთავრობა გარკვეულ შეზღუდვებს აწესებს.

საპარლამენტო უმრავლესობის მიერ ინიცირებული კანონპროექტის ბიუროზე გატანის შემდეგ იგი განსახილველად კომიტეტებს გადაეცა.

„სამი მთავარი პრიორიტეტია: მოქალაქეების სიცოცხლე და ჯანმრთელობა, ეკონომიკა და დათქმულ ვადაში დემოკრატიული არჩევნების ჩატარება ყოველგვარი ხარვეზების გარეშე. ეს არის მთავარი საკითხი, რომელზეც ჩვენ უკან არ უნდა დავიხიოთ. სწორედ არჩევნების კონტექსტში იქნება სასურველი წლის ბოლომდე (მთავრობის უფლებამოსილების) ვადის გაგრძელება და ამას ჩვენ ყველამ მხარი უნდა დავუჭიროთ“, – განაცხადა საპარლამენტო უმრავლესობის ლიდერმა მამუკა მდინარაძემ ბიუროს სხდომაზე საკითხის განხილვისას.

მისი თქმით, ამ რეგულაციებით ხელისუფლება იცავს როგორც მოქალაქეების სიცოცხლესა და ჯანმრთელობას, ისე ეკონომიკას პანდემიის მნიშვნელოვანი დარტყმისგან.

„ჩვენ არჩევნები უნდა ჩავატაროთ დათქმულ დროს და ჩვენ არც ერთ შემთხვევაში არ უნდა დაგვჭირდეს პატარა პრობლემების გამო სექტემბერში ან ოქტომბერში საგანგებო მდგომარეობის გამოცხადება“, – განაცხადა მდინარაძემ. 

როგორც მან აღნიშნა, ამისთვის საჭიროა საკანონმდებლო რეგულაციები, რაც მთავრობას საშუალებას მისცემს მცირე აფეთქებისა თუ ეპიდსიტუაციის დამძიმების შემთხვევაში ეფექტურად მართოს პროცესი, როგორც ამას დღემდე ახერხებდა.

კანონის მოქმედების ვადების გაგრძელების აუცილებლობას ხედავს პარლამენტის პირველი ვიცე-სპიკერი გია ვოლსკიც, მისი აზრით, ეს არჩევნების უსაფრთხო გარემოში ჩატარებას გახდის შესაძლებელს.

ამ შეზღუდვებს მოწინააღმდეგეებიც ჰყავს. არასამთავრობო ორგანიზაციების ნაწილმა საკონსტიტუციო სასამართლოში ამ ცვლილებების წინააღმდეგ სარჩელი ჯერ კიდევ მაშინ შეიტანა, როდესაც პარლამენტმა მისი თავდაპირველი ვარიანტი დაამტკიცა – სადაც მთავრობას ეს უფლება 15 ივლისამდე განუსაზღვრეს. საკონსტიტუციო სასამართლომ სარჩელი წარმოებაში მიიღო.

საქართველოში კორონავირუსის პირველი შემთხვევა 26 თებერვალს დაფიქსირდა, 21 მარტს კი, როდესაც ინფიცირებულთა რაოდენობამ ქვეყანაში 50-ს მიაღწია, გამოცხადდა საგანგებო მდგომარეობა, რომელიც 23 მაისამდე მოქმედებდა.

რა უფლებებს ანიჭებს კანონი მთავრობას

22 მაისს პარლამენტის მიერ „საზოგადოებრივი ჯანმრთელობის შესახებ“ კანონში მიღებული ცვლილებების თანახმად, მთავრობას უფლება აქვს საგანგებო მდგომარეობის გამოცხადების გარეშე პანდემიის ან გართულებული ეპიდსიტუაციის პერიოდში ერთპიროვნულად, პარლამენტის თანხმობის გარეშე საჯარო უწყებების საქმიანობასთან დაკავშირებით შემოიღოს შეზღუდვები ან რეგულირების ისეთი წესები, რომლებიც განსხვავდება მოქმედი კანონმდებლობისგან.

გარდა ამისა, მას აქვს უფლება შეზღუდოს მოქალაქეების გადაადგილება, მათი პროფესიული და ეკონომიკური საქმიანობა და აკრძალოს სოციალური ღონისძიებების გამართვა. 

ამასთან, კანონი განსაზღვრავს, რომ მთავრობის მიერ შემოღებული შეზღუდვები უნდა შეესაბამებოდეს საქართველოს კონსტიტუციას და განსაზღვრული უნდა იყოს კანონით ან ნორმატიული აქტით. მათი შემოღება შესაძლებელია მხოლოდ იმ შემთხვევაში, თუ იგი საზოგადოებისთვის აუცილებელია და, ამასთან, არ ატარებს დისკრიმინაციულ ხასიათს.

შეზღუდვები აუცილებლად უნდა იყოს პროპორციული, მისგან მიღებულმა სარგებელმა კი უნდა გადააჭარბოს ზარალს და მათ არ უნდა დაარღვიონ ადამიანის უფლებების ევროპული კონვენცია.

კანონი ხელისუფლებას ასევე ანიჭებს უფლებას, ადამიანები კარანტინში ან იზოლაციაში გაგზავნოს. თუმცა, თითოეულ პირს, ვინც კარანტინში ან იზოლაციაში მოხვდება, უფლება ექნება მოითხოვოს ადვოკატი, ახლობლებსა და დამსაქმებელს შეატყობინოს საკუთარი ადგილსამყოფელი და იცოდეს კარანტინში მისი გაგზავნის მიზეზები.

საქართველოში მოქმედი შეზღუდვები

საქართველოს ტერიტორიაზე მოქმედებს შემდეგი შეზღუდვები:

– დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და სავაჭრო ობიექტებში სავალდებულოა პირბადის ტარება და სოციალური დისტანციის დაცვა; 

– საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

– დახურულ სივრცეებში აკრძალულია კულტურული და სპორტული ღონისძიებების გამართვა;

– აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);

საქართველო სხვა ქვეყნებისთვის კორონავირუსთან ბრძოლაში სამაგალითოა>>>

– სკოლებსა და უმაღლეს სასწავლებლებში სასწავლო პროცესი დისტანციურად ხორციელდება;

– კაზინოების და ტოტალიზატორების მუშაობა დაშვებულია მხოლოდ ონლაინ;

– ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;

– ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საქართველოში ინფიცირებულთა რაოდენობამ 958-ს მიაღწია, გამოჯანმრთელდა 838 ადამიანი, 15 კი გარდაიცვალა. საკარანტინო სივრცეში იმყოფება 3902, სტაციონარებში მეთვალყურეობის ქვეშ კი 202 ადამიანია.

125
თემები:
საქართველოს პარლამენტი
ნახევარმთვარე

როგორ მოქმედებებს ახალმთვარეობა ზოდიაქოს ნიშნებზე

0
(განახლებულია 12:40 07.07.2020)
ახალმთვარეობა ცხოვრებაში ახალი ეტაპის სიმბოლოა. როგორ მოქმედებს ის ზოდიაქოს ნიშნებზე, ვინ უნდა იყოს უფრო ფრთხილად და ვისთვის კი ეს ძალზე ხელსაყრელი დროა - ამის შესახებ გაეცანით ჩვენს სტატიას

მთვარე დედამიწასთან ყველაზე ახლოს მყოფი პლანეტაა, ამიტომ ის სხვა პლანეტებზე უფრო ძლიერ გავლენას ახდენს ადამიანებზე.

მთვარის ოთხი ძირითადი ფაზა არსებობს - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ ახალმთვარეობის გავლენას ზოდიაქოს ნიშნებზე.

ვერძი

ახალმთვარეობის დადგომისთანავე ვერძებს ძველისგან, დრომოჭმულისგან გათავისუფლების სურვილი უჩნდებათ. სერიოზული ცვლილებების დაჩქარება არ ღირს, მაგრამ, მაგალითად, ძველი ნივთების გადაყრა, ტელეფონის გაწმენდა არასაჭირო კონტაქტებისგან, ვისთანაც დიდი ხანია, ურთიერთობა აღარ გაქვთ, ძალიან წაგადგებათ.

კურო

ახალმთვარეობას ნებისმიერ შემთხვევაში მოაქვს ცვლილებები, მაგრამ პრობლემა ისაა, რომ კონსერვატიულ კუროებს ის მაინცდამაინც არ გიყვართ. ამასთან, ახალმთვარეობას თქვენთვის ენერგიის ძლიერი მუხტის მოცემა შეუძლია, რათა პრიორიტეტებს გადახედოთ. ასე რომ, ეცადეთ, მთლიანად დაიმუხტოთ ამ დღის ენერგიით. ამაში დაგეხმარებათ სეირნობა, მედიტაცია ან საყვარელი ჰობი.

როგორ უნდა გავაძლიეროთ ჩვენი ენერგეტიკა ზოდიაქოს ნიშნის მიხედვით>>

ტყუპი

ტყუპებისთვის, რომლებიც ისედაც ენერგიას „აფრქვევენ", დამატებითი, ახალმთვარეობის ნაკადი უკვე შეიძლება ზედმეტი აღმოჩნდეს. აქედან გამომდინარე, ამ პერიოდში არ მიიღოთ ნაჩქარევი გადაწყვეტილებები. სჯობს, ყურადღება შემდგომი თვის დაგეგმვაზე გაამახვილოთ.

კირჩხიბი

როგორც შემოქმედებითი პიროვნებები, კირჩხიბები მუდამ მოხარული ხართ, რომ მოსინჯოთ რამე ახალი. ახალმთვარეობა ამისთვის საუკეთესო პერიოდია. მთვარის ეს ფაზა, შესაძლოა, დაგეხმაროთ ცხოვრების უკეთესობისკენ შეცვლაში თვითგამოხატვის საშუალებით.

ლომი

ახალმთვარეობის პერიოდში ლომებს ყურადღების ცენტრში ყოფნის სურვილი გიმძაფრდებათ. ამიტომ თამამად შეხვდით მეგობრებს, წადით პაემანზე, გაიცანით ადამიანები. ეს ბევრ საინტერესო მომენტს გპირდებათ.

ზოდიაქოს რომელ ნიშნებს აქვთ ძლიერი ენერგეტიკა>>

ქალწული

ქალწულები შესანიშნავი ორგანიზატორები ხართ, ხოლო ახალმთვარეობისას ეს უნარი მრავალგზის ძლიერდება. აქედან გამომდინარე, მთვარის ეს ფაზა შესანიშნავი დროა იმისთვის, რომ დაუბრუნდეთ გადადებულ პროექტებს, საქმეებს, გადაწყვიტოთ, ღირს თუ არა მათი რეალიზება და თუ საჭიროდ ჩათვლით, რომ ღირს, მაშინ შეუდგეთ კიდეც მოქმედებებს.

სასწორი

სასწორების ნაკლი ისაა, რომ გადაწყვეტილების მიღება გიჭირთ. მაგრამ ახალმთვარეობის მაღალი ენერგია თითქოს „გაცოცხლებთ" და აუცილებელ ძალას გაძლევთ. ამიტომ ამ დღეებში კარგი იქნება, თუ მიხედავთ გრძელვადიან გეგმებს და ადამიანებთან კომუნიკაციას. ყველა საკითხი წარმატებით გადაიჭრება.

მორიელი

ჯიუტი მორიელებისთვის ახალმთვარეობა კარგი დროა იმისთვის, რომ დაფიქრდეთ საკუთარ საქციელზე და გულისყური მიმართოთ იმაზე, რომ რაღაც შეცვალოთ თქვენს თავში. ეს დღეები კიდევ იმისთვისაა კარგი, რომ ძველი წყენები დაივიწყოთ.

ყველაზე, ყველაზე... ზოდიაქოს ნიშნების ძლიერი მხარეები>>

მშვილდოსანი

მშვილდოსანი ის ნიშანია, რომელსაც მუდამ სწამს მომავლის და ცვლილებების არ ეშინია. ახალმთვარეობის ცინცხალი ენერგია გაძლევთ სტიმულს, რომ გაარღვიოთ ჩაკეტილი წრე, ცხოვრების რა სფეროსაც არ უნდა ეხებოდეს და სცადოთ რამე ახალი.

თხის რქა

რამდენადაც თხის რქებს არ გიყვართ დროისა და ენერგიის ტყუილუბრალოდ დახარჯვა, ეს მშვენიერი დროა იმისთვის, რომ საკუთარ ცხოვრებას გვერდიდან შეხედოთ და გათავისუფლდეთ იმ ყველაფრისგან, რასაც სარგებლობა არ მოაქვს.

მერწყული

მერწყულებში ახალმთვარეობისას განსაკუთრებით ძლიერდება სურვილი, რომ იყოთ ორიგინალური და სხვებისგან განსხვავდებოდეთ. უბრალოდ, საჭიროა ამ ყველაფრის სწორ კალაპოტში მიმართვა. მაგალითად, ძველი ჩვევებისგან გათავისუფლება, რომლებიც არაფერში აღარ გჭირდებათ და ცხოვრებაში ახალი, პროდუქტიული უნარების ჩართვა.

როგორ გავწმინდოთ სახლი ნეგატიური ენერგიისგან - სასარგებლო რჩევები>>

თევზები

ახალმთვარეობის ენერგია გაიძულებთ, დაფიქრდეთ იმაზე, თუ რა გიშლით ხელს საკუთარი მიზნების მიღწევაში. მთავარი კი ისაა, რომ ეს პერიოდი სტიმულს გაძლევთ, დაბრკოლებებისგან უმტკივნეულოდ გათავისუფლდეთ.

0