მამუკა ხაზარაძე

მამუკა ხაზარაძის საზოგადოებრივი მოძრაობის სპიკერი ანა ნაცვლიშვილი იქნება

84
(განახლებულია 17:45 09.09.2019)
ბიზნესმენმა მამუკა ხაზარაძემ საზოგადოებრივი მოძრაობის დაფუძნების შესახებ პირველი განცხადება 2019 წლის ივნისში გააკეთა.

თბილისი, 9 სექტემბერი — Sputnik. საქართველოს უმსხვილესი TBC Bank-ის დამფუძნებლის მამუკა ხაზარაძის საზოგადოებრივი მოძრაობის სპიკერი იურისტი ანა ნაცვლიშვილი იქნება, აღნიშნულია მამუკა ხაზარაძის Facebook-გვერდზე გავრცელებულ განცხადებაში.

ბიზნესმენმა მამუკა ხაზარაძემ საზოგადოებრივი მოძრაობის დაფუძნების შესახებ 2019 წლის ივნისში, რუსთაველის გამზირზე, პარლამენტის წინ მიმდინარე პროტესტის ფონზე განაცხადა. ხაზარაძის განცხადების თანახმად, დეესკალაცია და სამოქალაქო მშვიდობის მიღწევა მხოლოდ ხელისუფლების ან პოლიტიკური პარტიების ძალისხმევით პრაქტიკულად შეუძლებელი ხდება. სწორედ ამიტომ არის საჭირო „ჯანმრთელი, პროგრესული და პროდასავლური საზოგადოების კონსოლიდაცია და გაერთიანება".

„როგორც დაგპირდით, ახალი საზოგადოებრივი ორგანიზაცია უახლოეს დღეებში დაფუძნდება. ეს იქნება ახალი, თანამედროვე პლატფორმა, მიზნებზე და კონკრეტულ შედეგზე ორიენტირებული ძლიერი გუნდით, რომელიც მაღალი კლასის პროფესიონალებს გააერთიანებს. მინდა გითხრათ, რომ ჩვენს ახალ გუნდს შემოუერთდა ანა ნაცვლიშვილი, რომელიც მოძრაობის სპიკერი იქნება", – აღნიშნულია განცხადებაში.

ანა ნაცვლიშვილი საქართველოს ახალგაზრდა იურისტთა ასოციაციის ყოფილი თავმჯდომარე და ექს-პრეზიდენტ გიორგი მარგველაშვილის ყოფილი საპარლამენტო მდივანია. მისი განცხადებით, სწორედ მამუკა ხაზარაძის საზოგადოებრივ მოძრაობაში ხედავს რეალურ ძალას და რესურსს – მოიშალოს შეცდომებისა და დანაშაულების მოჯადოებული წრე და თვისობრივად ახალი რეალობა შეიქმნას.

„ყოველი დღე, რომელიც მოქალაქეებს სიღარიბესა და უიმედობაში ტოვებს, არა მარტო ჩვენი, არამედ ჩვენი შვილების ხარჯზე, მათი ჯანმრთელობის, სიცოცხლის და მომავლის ხარჯზე დაკარგული დროა. დღეს უამრავი ახალგაზრდა ფიქრობს, როგორ დატოვოს ეს ქვეყანა, რადგან ვერ ხედავს საკუთარი ნიჭისა და უნარის აქ რეალიზების შესაძლებლობას. მე, როგორც დედას, როგორც მოქალაქეს, ამ ყველაფერთან შეგუების უფლება არ მაქვს, ამიტომ მოგმართავთ თქვენც – ძალების გაერთიანების დროა", – წერს ანა ნაცვლიშვილი სოციალურ ქსელში.

მამუკა ხაზარაძე საზოგადოების ყურადღების ცენტრში იანვრის დასაწყისიდან მოექცა. სწორედ მაშინ გახდა ცნობილი, რომ პროკურატურა 2008 წლის ერთ-ერთ საბანკო ოპერაციას სწავლობს. საქმე 17 მლნ დოლარის გათეთრებას ეხება. დანაშაულის ჩადენაში ეჭვმიტანილებმა, TBC Bank-ის სამეთვალყურეო საბჭოს ხელმძღვანელმა მამუკა ხაზარაძემ და მისმა მოადგილემ ბადრი ჯაფარიძემ ეროვნული ბანკის ზეწოლის შედეგად თანამდებობები დატოვეს. თბილისის საქალაქო სასამართლომ ხაზარაძეს და ჯაფარიძეს გირაოს სახით 700–700 ათასი ლარი შეუფარდა და აუკრძალა ქვეყნის დატოვება პროკურატურის ნებართვის გარეშე.

აღნიშნული საქმის ფარგლებში პროკურატურამ 22 აგვისტოს სისხლის სამართლის საქმე აღძრა ბიზნესმენ ავთანდილ წერეთლის წინააღმდეგაც. საქმე ეხება 2008 წელს „თიბისი ბანკის" საბანკო ოპერაციის მეშვეობით იმავე 17 მილიონი დოლარის ოდენობის უკანონო შემოსავლის ლეგალიზებას ავთანდილ წერეთლის კუთვნილი კომპანიების – „სამგორი თრეიდისა" და „სამგორი М"-ის დახმარებით. ამჟამად ამ კომპანიების წილს მისი ვაჟი ვახტანგ წერეთელი ფლობს, რომელიც TV Pirveli-ს დამფუძნებელია. საქალაქო სასამართლომ წერეთელს აღკვეთის ღონისძიების სახით 500 ათასი ლარის ოდენობის გირაო შეუფარდა.

ხაზარაძე TBC Holding-ის დამფუძნებელია, რომელმაც ამერიკულ კომპანია Conti International LLC-თან ერთად „ანაკლიის განვითარების კონსორციუმი" დააფუძნა. სწორედ ეს კონსორციუმი აშენებს ანაკლიაში პირველ ღრმაწყლოვან პორტს. თუმცა „კონტი ჯგუფმა" ცოტა ხნის წინ კონსორციუმი დატოვა.

ფულის გათეთრების საქმეზე პირველი სასამართლო სხდომა სექტემბერში გაიმართება. ასევე სექტემბერში იგეგმება ხაზარაძის მიერ დაანონსებული საზოგადოებრივი მოძრაობის პრეზენტაციაც, რომელიც, როგორც ექსპერტები ვარაუდობენ, 2020 წლის საპარლამენტო არჩევნებისთვის პარტიად გარდაიქმნება.

ხაზარაძე და ჯაფარიძე საკუთარ უდანაშაულობაზე საუბრობენ და აცხადებენ, რომ მათ წინააღმდეგ აღძრული საქმე აბსურდულია. უფრო მეტიც, ხაზარაძემ საქართველოს ხელისუფლებას არსებული მმართველობის სისტემის ნგრევის პირობა მისცა. მისი სიტყვებით, ისინი, ვინც 2012 წელს დაუჯერა და მხარი დაუჭირა „ქართული ოცნების“ დამფუძნებელ ბიძინა ივანიშვილს, მოტყუებული აღმოჩნდნენ.

 

84
ენზელ მკოიანი

მორიგი სკანდალი და კრიმინალების მუქარა: ქართველი დეპუტატი აცხადებს, რომ შეშინებულია

132
(განახლებულია 19:26 11.08.2020)
პარლამენტარი ამტკიცებს, რომ მას ემუქრებიან კრიმინალურ სამყაროსთან დაკავშირებული ადამიანები და ხუთ მილიონ დოლარს მოითხოვენ

თბილისის, 11 აგვისტო – Sputnik. საქართველოში მმართველი პარტია „ქართული ოცნება - დემოკრატიული საქართველოს“ დეპუტატ ენზელ მკოიანთან დაკავშირებული მორიგი სკანდალი აგორდა. ამჯერად გაირკვა, რომ მას ემუქრებოდნენ და ფულს სძალავდნენ.

ენზელ მკოიანი ცნობილი პიროვნებაა. თავის დროზე იყო ახალქალაქის დეპუტატი ყოფილი მმართველი პარტიიდან „ერთიანი ნაციონალური მოძრაობა“, ხოლო 2012 წელს „ქართული ოცნების“ მოგების შემდეგ მან მკვეთრად შეიცვალა პარტია და 2016 წელს ამ პარტიიდან კენჭი იყარა და პარლამენტშიც მოხვდა. არც ისე დიდი ხნის წინ სოციალურ ქსელებში გავრცელდა ვიდეო, რომელზეც ჩანს, როგორ ესვრის მკოიანი ავტომობილს  ახალქალაქის ქუჩაში.

ახლა კი მისმა ადვოკატმა ტარიელ მურმანიშვილმა განაცხადა, რომ მკოიანსა და მის ოჯახს ემუქრებიან და ფულს სძალავენ.

„მკოიანმა მისი სახელით განცხადების გაკეთება მთხოვა“, - განაცხადა მურმანიშვილმა.

ადვოკატის თქმით, 2020 წლის 20 ივლისს უცნობმა პირი მკოიანს მესენჯერით დაუკავშირდა. მას ესაუბრნენ რუსულად, თუმცა კავკასიური აქცენტით. ამ ადამიანმა მოსთხოვა მკოიანს, დაეტოვებინა პოლიტიკა, წყნარად ყოფილიყო და არავისთან ეურთიერთა, წინააღმდეგ შემთხვევაში ახლობელ ადამიანს დაკარგავდა.

მეორე ზარი - WatsApp-ით - მოსკოვიდან იყო. მკოიანის თქმით, ამას ნომრის ინდექსით მიხვდა. მას კვლავ რუსულად და კავკასიური აქცენტით ესაუბრნენ. ამჯერად მას დიდი თანხა მოსთხოვეს.

„ჰეი, ოლიგარქო, შენ ხომ ბიზნესში ხარ, რატომ არ იხდი ფულს? შენ ხუთი მილიონი დოლარი უნდა გადაგვიხადო“, - განაცხადა ადვოკატმა.

როდესაც მკოიანმა იკითხა, რა მოუვა, თუ ამას არ გააკეთებდა, გამომძალველმა განუცხადა, რომ უკვე 15 წლიანი პატიმრობა მოიხადა და თუ მისი მოთხოვნა არ შესრულდება, მოკლავს დეპუტატს და კიდევ 20 წლით ჩაჯდება ციხეში. მეორე ჯერზე მას ესაუბრა ორი ადამიანი და ორივე კრიმინალური ჟარგონით.

„ამან ჩემი დაცვის ქვეშ მყოფი შეაშინა. შეგახსენებთ, რამდენიმე თვის წინ მასზე თავდასხმა მოხდა, მას სამჯერ ესროლეს. ის პოლიციელების წყალობით გადარჩა“, - განაცხადა მურმანიშვილმა.

მან აღნიშნა, რომ მკოიანი და მისი ოჯახი ძალიან შეშინებულები არიან. მათ 30 ივლისს პროკურატურას მიმართეს, თუმცა გაირკვა, რომ საქმის გამოძიება დაიწყო რეგიონულმა პოლიციამ და დეპუტატი ორი დღის წინ დაკითხა. ახლა მკოიანი მოითხოვს, რომ საქმე პროკურატურამ გამოიძიოს, ხოლო აშშ-ის ელჩი კელი დეგნანი შეხვდეს სხვა საელჩოების წარმომადგენლებს, რათა მისი ოჯახის წევრების უსაფრთხოება უზრუნველყოს. წინააღმდეგ შემთხვევაში მკოიანი დაცვას სახელმწიფოს მოსთხოვს.

ბოროტმოქმედი თუ მსხვერპლი?

ეს პირველი ინციდენტი არ არის, რომელიც ბოლო წელს მკოიანს შეემთხვა.

აპრილის დასაწყისში ოპოზიციამ მისთვის დეპუტატის მანდატის ჩამორთმევა მოითხოვა. საბაბი გახდა ჩხუბი, რომლის დროს იარაღი გამოიყენეს. ინციდენტი 26 მარტს მოხდა. თავდაპირველად ცნობილი გახდა, რომ მკოიანისა და ყოფილი დეპუტატ სამველ პეტროსიანის მომხრეებს შორის მოხდა ჩხუბი, თანაც იარაღის გამოყენებით. გაირკვა, რომ ჩხუბში თავად მკოიანი და პეტროსიანი მონაწილეობდნენ. დააკავეს პეტროსიანი და მისი 19 წლის ძმისშვილი. მათ 7 წლამდე თავისუფლების აღკვეთა ემუქრებათ.

ივლისში კი სოციალურ ქსელებში გავრცელდა ვიდეო, რომელმაც მკოიანის ვერსია ჩხუბის შესახებ თავდაყირა დააყენა. ვიდეოზე ჩანს, რომ მკოიანი მისდევს პეტროსიანს პისტოლეტით ხელში და ესვრის მის მანქანას. ვიდეოზე ასევე ჩანს, რომ პოლიცია მკოიანის დაშოშმინებას ცდილობს.

თუმცაღა, როდესაც მმართველ პარტიას ახალქალაქის მაჟორიტარი დეპუტატის წარდგენა მოუწია, მკოიანი ამ სიაში არ აღმოჩნდა. პოლიტოლოგებმა ივარაუდეს, რომ მიზეზი სწორედ პეტროსიანზე თავდასხმის ამსახველი ვიდეო გახდა.

132
თემები:
საქართველოს პოლიტიკური ცხოვრება
„გირჩის“ ლიდერი ზურაბ ჯაფარიძე

ზურაბ ჯაფარიძეს საბანკო ანგარიშები დაუყადაღეს

404
„გირჩის“ ლიდერი ზურაბ ჯაფარიძე აცხადებს, რომ საპარლამენტო არჩევნებზე დიდუბე–ჩუღურეთის საარჩევნო ოლქში იყრის კენჭს.

თბილისი, 10 აგვისტო – Sputnik. საქართველოს აღსრულების ეროვნულმა ბიურომ პარტია „გირჩის“ ლიდერის, ზურაბ ჯაფარიძის საბანკო ანგარიშები ძველი ჯარიმების გადაუხდელობის გამო დააყადაღა, ნათქვამია პარტიის ვებგვერდზე.

„მე მაქვს რამდენიმე ჯარიმა, მათ შორის 2000 და 3000 ლარიანი. არის ისეთი ჯარიმებიც, რომელიც დამაკისრეს ორი წლის წინ. აქამდე სახელმწიფოს არ გახსენებია, რომ მოეკითხა ამ ჯარიმებისთვის და აღსრულება დაეწყო, ამიტომ გასაგებია, რომ ეს არ არის დამთხვევა“, - განაცხადა ჯაფარიძემ.

აღსანიშნავია, რომ ზურაბ ჯაფარიძის შემდეგ აღსრულების ეროვნულმა ბიურომ „გირჩის" ,წევრის იმედა კლდიაშვილის ანგარიშებიც დააყადაღა.

ჯაფარიძე უკავშირებს მომხდარს იმას, რომ დამდეგ საპარლამენტო არჩევნებზე დიდუბე-ჩუღურეთის საარჩევნო ოლქის მაჟორიტარ დეპუტატად კენჭისყრას აპირებს. მას იმედი აქვს, რომ მას სხვა ოპოზიციური პარტიები დაუჭერენ მხარს.

ზურაბ ჯაფარიძის ერთ-ერთი ძირითადი კონკურენტი დიდუბე–ჩუღურეთის საარჩევნო ოლქში მმართველი პარტიის წარმომადგენელი, პარლამენტის ვიცე-სპიკერი გია ვოლსკი იქნება.

პარტია „გირჩისთვის“ ეს პირველი საპარლამენტო არჩევნებია, თუმცა ზურაბ ჯაფარიძეს წინასაარჩევნო რბოლაში მონაწილეობის გამოცდილება აქვს. მან საპრეზიდენტო არჩევნებში ხმების 2% მიიღო და ყველა კანდიდატთან შედარებით წინასაარჩევნო კამპანიაზე ყველაზე ნაკლები თანხა დახარჯა.

„ავტომობილი საჩუქრად“ – რა სიურპრიზს უმზადებს არჩევნებზე მისულ ამომრჩეველს „გირჩი“ >>

„გირჩი“ პოლიტიკურ სარბიელზე 2015 წელს გამოჩნდა, პარტია „ერთიანი ნაციონალური მოძრაობის“ ყოფილმა წევრებმა შექმნეს.

პარტია ლიბერალური მიმართულებისაა და ცნობილია თავისი არაორდინარული საქციელითა და კანონის გვერდის ავლის უნარით. შეიძლება ითქვას, რომ მარიხუანის მოხმარების დეკრიმინალიზაციაში „გირჩმა“ ერთ-ერთი მთავარი როლი შეასრულა.

404
თემები:
საქართველოს პოლიტიკური ცხოვრება
მოსამართლის ჩაქუჩი

შაქარაშვილის მკვლელობაში ბრალდებულების ადვოკატები დაცვის სტრატეგიაზე მუშაობენ

0
შაქარაშვილის დამამძიმებელ მდგომარეობაში ჯგუფურად განზრახ მკვლელობის ბრალი დღეს ხუთ ადამიანს წაუყენეს, ყველა მათგანი პატიმრობაშია

თბილისის, 11 აგვისტო – Sputnik. 19 წლის გიორგი შაქარაშვილის მკვლელობაში ბრალდებულების - ვასილ ჩიქოვანის, არჩილ გაგნიძის, ნიკოლოზ რევაზიშვილის და ორი არასრულწლოვანის ადვოკატები ელოდებიან კონკრეტულ მტკიცებულებებს, რომლებიც მათი დაცვის ქვეშ მყოფთა ბრალს დაადასტურებს.

სამშაბათს გენერალურმა პროკურატურამ შაქარაშვილის საქმეში გარღვევის შესახებ განაცხადა და ხუთ ფიგურანტს ბრალი წაუყენა. გამოძიების ვერსიით, ბრალდებულებმა შაქარაშვილი მდინარე არაგვის პირას მოიმწყვდიეს, სასტიკად სცემეს და ჯერ კიდევ ცოცხალი მდინარეში გადააგდეს. 19 წლის ბიჭის ცხედარი იქ ოთხდღიანი ძებნის შემდეგ იპოვეს.

„საქმე გამოიყო, მაგრამ არც მაშინ, არც ახლა არ ველოდებით, რომ საქმეში არსებობს ისეთი სამხილები, რომლებიც ბრალდებას გაამყარებს“, - განაცხადა ვასილ ჩიქოვანის ადვოკატმა არჩილ ბერიანიძემ.

მისი თქმით, ის გაეცნობა მასალებს და მათზე დაყრდნობით დაცვის ხაზს ააგებს.

„ჩემთვის პროკურატურის პოზიცია დაუსაბუთებულია“, - განუცხადა ბერიანიძემ ჟურნალისტებს.

მტკიცებულებების არარსებობის გამო გამამართლებელ განაჩენს ელოდება ასევე არჩილ გაგნიძის ადვოკატი ვასილ მამულაშვილიც.

„დარწმუნებული ვარ, რომ ჩემი დაცვის ქვეშ მყოფს სასამართლო გაამართლებს“, - განუცხადა მან ჟურნალისტებს.

ამასთან ადვოკატმა აღნიშნა, რომ დანაშაულს სასამართლოში დამტკიცება სჭირდება, პროკურატურამ კი მხოლოდ შაქარაშვილის ოჯახის და საზოგადოების ვერსია გაიმეორა.

„ადამიანი ბოროტმოქმედი მხოლოდ სასამართლოს განაჩენის შემდეგ ხდება“, - განაცხადა მამულაშვილმა.

მას არასრულწლოვანის ადვოკატი გიორგი გელხაურიც ეთანხმება.

„ბრალის დამძიმების მოლოდინი ჩვენ არ გვქონდა, არანაირი მტკიცებულებები არ არსებობდა იმის, რომ ბრალი დამძიმებულიყო. იმედია, რომ წარმოადგენენ კონკრეტულ მტკიცებულებებს“, - განუცხადა ჟურნალისტებს გელხაურმა.

იმ ხუთი პირის გარდა, რომელთა მიმართ სისხლისსამართლებრივი დევნა გიორგი შაქარაშვილის დამამძიმებელ გარემოებებში განზრახ მკვლელობის ბრალდებით დაიწყო, ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის, ასევე, ჯგუფურად თავისუფლების უკანონო აღკვეთის ფაქტებზე დაკავებულია 12 პირი, რომელთაც აღკვეთის ღონისძიების სახით შეფარდებული აქვთ პატიმრობა. მათ მიმართ წარდგენილი ბრალდება სასჯელის სახით თავისუფლების აღკვეთას ოთხიდან ათ წლამდე ითვალისწინებს, აღნიშნავენ პროკურატურაში.

სასამართლო პროცესი შაქარაშვილის საქმეზე: ექვსივე არასრულწლოვანი პატიმრობაში დარჩა >>

სასამართლო სხდომის თარიღი ჯერჯერობით უცნობია. თუმცა 18 აგვისტოს დაიწყება მოსმენები ჩხუბის ეპიზოდებზე ყველა არასრულწლოვანის მონაწილეობით.

 

0
თემები:
19 წლის გიორგი შაქარაშვილის მკვლელობის საქმე