ადა მარშანია

ადა მარშანია კვიციანზე : მისი ემოცია მესმის, მაგრამ პასუხს არ ვუწონებ

136
(განახლებულია 15:12 08.09.2019)
პარლამენტთან შეკრებილი აქციის მონაწილეები გიორგი გახარიას პრემიერ-მინისტრად დამტკიცების წინააღმდეგ გამოდიან

თბილისი, 8 სექტემბერი — Sputnik. მე მისი ემოცია მესმის, მაგრამ პასუხს არ ვუწონებ, განაცხადა საქართველოს პარლამენტის დეპუტატმა, ოპოზიციური პარტია „საქართველოს პატრიოტთა ალიანსის" წევრმა ადა მარშანიამ თანაგუნდელ ემზარ კვიციანთან დაკავშირებით, რომელიც დღეს საქართველოს პარლამენტთან მოძრაობა "სირცხვილიას" აქტივისტებს დაუპირისპირდა.

ემზარ კვიციანმა აქციის მონაწილეებს სიტყვიერი და ფიზიკური შეურაცხყოფა მიაყენა. მთელი ინციდენტის დროს აქციის მონაწილეებსა და კვიციანს შორის პოლიცია იდგა და დაძაბულობის განმუხტვას ცდილობდა. საბოლოოდ, პოლიციამ დეპუტატი ინციდენტის ადგილიდან გაიყვანა.

„გამოსვლისას მას სიტყვიერი შეურაცხყოფა მიაყენეს, ჩემი ვარაუდით, „ნაცმოძრაობის" აქტივისტებმა. როცა შენ მოღალატე გეძახის მოღალატეს და ამას სკანდირებს, ადამიანს, რომელიც 15 წელის იარაღით ხელში სამშობლოს იცავდა და უამრავი ნათესავი ჰყავს იქ დაღუპული … ეტყობა ვერ მოითმინა და გადავიდა ფიზიკურ პასუხზეც. მე მისი ემოცია მესმის, მაგრამ პასუხს არ ვუწონებ", – განაცხადა ადა მარშანიამ.

საპატრულო პოლიციის დეპარტამენტის უფროსის ვაჟა სირაძის განცხადებით, ინციდენტს, რომელიც დღეს პარლამენტის წინ მოხდა დეპუტატ ემზარ კვიციანის მონაწილეობით, სამართლებრივი შეფასება მიეცემა.

პარლამენტთან შეკრებილი აქციის მონაწილეები გიორგი გახარიას პრემიერ-მინისტრად დამტკიცების წინააღმდეგ გამოდიან.

კვიციანის პარტიამ ადრე განაცხადა, რომ მხარს არ დაუჭერს პარლამენტში წარდგენილ საქართველოს მთავრობის ახალ შემადგენლობას, რამდენადაც მათ გახარიას სამთავრობო პროგრამა არ მოსწონთ, თუმცა, საკანონმდებლო ორგანოდან გამოსულ დეპუტატს აქციის მონაწილეები სტვენით დახვდნენ.

კვიციანმა გინება შენობის დატოვებისთანავე დაიწყო, ხოლო აქციის მონაწილეები როგორც კი გაყვნენ დეპუტატს შეძახილებითა და სტვენით, მან აქციის რამდენიმე მონაწილეს დაარტყა. ამასთან, მთელი ინციდენტის დროს აქციის მონაწილეებსა და კვიციანს შორის პოლიცია იდგა, რომელიც ცდილობდა დაძაბულობის განმუხტვას.

„პატრიოტთა ალიანი" ეს არის პარტია, რომელიც რუსეთთან ურთიერთობების დალაგების მომხრეა და რომლის დეპუტატებიც პერიოდულად მიემგზავრებიან მოსკოვში და რუს დეპუტატებთან მართავენ შეხვედრებს. რაც შეეხება დღევანდელი აქციის მონაწილეებს, ისინი ანტირუსული ლოზუნგებით აქციებს სისტემატურად მართავენ.

„საქართველოს პატრიოტთა ალიანსი"  8 სექტემბერს, 16:00 საათზე საკუთარ მომხრეებს სპორტის სასახლეში ელოდება, ხოლო  ქუჩის აქციების დაწყებას კი რესპუბლიკის მოედანზე 15 სექტემბრიდან აანონსებს.

136
„გირჩის“ ლიდერი ზურაბ ჯაფარიძე

ზურაბ ჯაფარიძეს საბანკო ანგარიშები დაუყადაღეს

211
„გირჩის“ ლიდერი ზურაბ ჯაფარიძე აცხადებს, რომ საპარლამენტო არჩევნებზე დიდუბე–ჩუღურეთის საარჩევნო ოლქში იყრის კენჭს.

თბილისი, 10 აგვისტო – Sputnik. საქართველოს აღსრულების ეროვნულმა ბიურომ პარტია „გირჩის“ ლიდერის, ზურაბ ჯაფარიძის საბანკო ანგარიშები ძველი ჯარიმების გადაუხდელობის გამო დააყადაღა, ნათქვამია პარტიის ვებგვერდზე.

„მე მაქვს რამდენიმე ჯარიმა, მათ შორის 2000 და 3000 ლარიანი. არის ისეთი ჯარიმებიც, რომელიც დამაკისრეს ორი წლის წინ. აქამდე სახელმწიფოს არ გახსენებია, რომ მოეკითხა ამ ჯარიმებისთვის და აღსრულება დაეწყო, ამიტომ გასაგებია, რომ ეს არ არის დამთხვევა“, - განაცხადა ჯაფარიძემ.

აღსანიშნავია, რომ ზურაბ ჯაფარიძის შემდეგ აღსრულების ეროვნულმა ბიურომ „გირჩის" ,წევრის იმედა კლდიაშვილის ანგარიშებიც დააყადაღა.

ჯაფარიძე უკავშირებს მომხდარს იმას, რომ დამდეგ საპარლამენტო არჩევნებზე დიდუბე-ჩუღურეთის საარჩევნო ოლქის მაჟორიტარ დეპუტატად კენჭისყრას აპირებს. მას იმედი აქვს, რომ მას სხვა ოპოზიციური პარტიები დაუჭერენ მხარს.

ზურაბ ჯაფარიძის ერთ-ერთი ძირითადი კონკურენტი დიდუბე–ჩუღურეთის საარჩევნო ოლქში მმართველი პარტიის წარმომადგენელი, პარლამენტის ვიცე-სპიკერი გია ვოლსკი იქნება.

პარტია „გირჩისთვის“ ეს პირველი საპარლამენტო არჩევნებია, თუმცა ზურაბ ჯაფარიძეს წინასაარჩევნო რბოლაში მონაწილეობის გამოცდილება აქვს. მან საპრეზიდენტო არჩევნებში ხმების 2% მიიღო და ყველა კანდიდატთან შედარებით წინასაარჩევნო კამპანიაზე ყველაზე ნაკლები თანხა დახარჯა.

„ავტომობილი საჩუქრად“ – რა სიურპრიზს უმზადებს არჩევნებზე მისულ ამომრჩეველს „გირჩი“ >>

„გირჩი“ პოლიტიკურ სარბიელზე 2015 წელს გამოჩნდა, პარტია „ერთიანი ნაციონალური მოძრაობის“ ყოფილმა წევრებმა შექმნეს.

პარტია ლიბერალური მიმართულებისაა და ცნობილია თავისი არაორდინარული საქციელითა და კანონის გვერდის ავლის უნარით. შეიძლება ითქვას, რომ მარიხუანის მოხმარების დეკრიმინალიზაციაში „გირჩმა“ ერთ-ერთი მთავარი როლი შეასრულა.

211
თემები:
საქართველოს პოლიტიკური ცხოვრება
„ქართული ოცნების მთავარი ოფისი

დმანისის მერი „ქართული ოცნებიდან“ გარიცხეს

126
(განახლებულია 20:10 10.08.2020)
პარტიიდან გარიცხვის მიზეზი დმანისის მერის მხრიდან მმართველი პარტიის კონკურენტი კანდიდატის მხარდაჭერა გახდა.

თბილისი, 10 აგვისტო – Sputnik. დმანისის მერი გიორგი ტატუაშვილი მმართველი პარტია „ქართული ოცნებიდან“ გარიცხეს.

როგორც პარტია „ქართული ოცნება – დემოკრატიული საქართველოს“ მიერ გავრცელებულ განცხადებაშია აღნიშნული, გარიცხვის მიზეზი ტატუაშვილის მიერ მმართველი პარტიის კონკურენტი კანდიდატის მხარდაჭერაა.

„გარიცხვის მიზეზი გახდა პარტიული დისციპლინის უხეში დარღვევა, რაც გამოიხატა მის მიერ „ქართული ოცნების“ კონკურენტი კანდიდატის საარჩევნო კამპანიის მხარდაჭერაში“, – აღნიშნულია განცხადებაში.

როგორც ოფიციალურ დოკუმენტშია ნათქვამი, დმანისის რაიონული ორგანიზაციის თავმჯდომარე გიორგი ტატუაშვილი, რომელიც ამავე დროს იკავებს დმანისის მერის თანამდებობას, პარტიის რიგებიდან „ქართული ოცნება – დემოკრატიული საქართველოს“ სამდივნოს გადაწყვეტილებით გარიცხეს.

126
თემები:
საქართველოს საპარლამენტო არჩევნები 2020
„სუხიშვილების“ მოცეკვავე

ანსამბლი „სუხიშვილები“ ექსპერიმენტული პროექტით ბათუმში წარდგება

0
(განახლებულია 12:54 11.08.2020)
„სუხიშვილებისთვის“ შთაგონების წყარო კვლავ ფოლკლორია. მოცეკვავეებმა ის კლუბურ მოტივებს შეუხამეს და წარსულისა და თანამედროვეობის უჩვეულო ნაზავი მიიღეს

თბილისი, 11 აგვისტო – Sputnik. საქართველოს ეროვნული ბალეტი „სუხიშვილები“ ახალი პროექტის „არტეფაქტების“ საპრემიერო ჩვენებებს ამზადებს. კონცერტები ბათუმის კლუბ UP2U–ში 15 და 16 აგვისტოს გაიმართება, ნათქვამია ორგანიზატორების განცხადებაში.

„სუხიშვილები" ექსპერიმენტებს ხშირად ატარებს. ამ ექსპერიმენტებში შერწყმულია თითქოსდა შეუთავსებელი ფოლკლორისა და კლუბური სტილის ელემენტები და სწორედ ამაში იმალება მისი განუმეორებლობა.

ანსამბლმა ილიკო და ნინო სუხიშვილების ხელმძღვანელობით ინოვაციური რეფორმა გაატარა, რომელიც მიახლოებულია ე.წ. მოდერნისტული ბალეტის პრინციპებთან. მაგრამ, მიუხედავად ამისა, თავისი არსით ესაა ქართული ეროვნული ქორეოგრაფია – ადგილობრივ ფოლკლორზე აღმოცენებული ცეკვები.

ანსამბლის ხელმძღვანელების განცხადებით, მოცეკვავეები პროექტზე სამი თვე მუშაობდნენ. ანსამბლი თბილისში „თაკარს“ ღია სცენაზე 21–28 აგვისტოს გამოვა.

ექსპერიმენტები გრძელდება: ანსამბლი „სუხიშვილები" წარმოადგენს პროექტს „არტეფაქტები">>

ექსპერიმენტებთან და სიახლეებთან ნინო და ილიკო სუხიშვილები ბებიამ და ბაბუამ – ანსამბლის შემქმნელებმა ნინო რამიშვილმა და ილიკო სუხიშვილმა მიიყვანეს. პროფესიონალი მოცეკვავეები ილიკო სუხიშვილი და ნინო რამიშვილი ქართული ხალხური ცეკვის აღორძინებას მეორე მსოფლიო ომის შემდეგ შეუდგნენ. სუხიშვილისა და რამიშვილის ქართული ნაციონალური ბალეტი 1945 წელს დაარსდა. ეს იყო საქართველოს პირველი პროფესიონალური ანსამბლი, რომლის მაგალითსაც მოგვიანებით სხვებმაც მიბაძეს. უკვე 1948 წელს ანსამბლი გასტროლებით გაემგზავრა ევროპაში. ამას მოჰყვა მიწვევები მსოფლიოს სხვადასხვა კუთხიდან.

0
თემები:
საქართველო და კულტურა