გიორგი გახარია

გიორგი გახარია: მე მაშინ უნდა გადავმდგარიყავი, თუ პარლამენტში შეჭრას დავუშვებდი

118
(განახლებულია 14:51 08.09.2019)
კანონმდებლების წინაშე სიტყვით გამოსვლისას შინაგან საქმეთა მინისტრის მოვალეობის შემსრულებელმა გიორგი გახარიამ, რომელიც საქართველოს პრემიერ-მინისტრობის კანდიდატია, თანამდებობის არდატოვების მიზეზები განმარტა

თბილისი, 8 სექტემბერი — Sputnik. მე მაშინ უნდა გადავმდგარიყავი, თუ პარლამენტში შეჭრას დავუშვებდი, განაცხადა საქართველოს პრემიერ-მინისტრობის კანდიდატმა გიორგი გახარიამ პარლამენტში.

დღეს პარლამენტმა გიორგი გახარიას, მის მიერ წარდგენილ მინისტრთა კაბინეტსა და სამთავრობო პროგრამას ნდობა უნდა გამოუცხადოს.

მმართველ პარტიას ახალი მთავრობისთვის ნდობის გამოსაცხადებლად საკმარისზე მეტი ხმები აქვს. ამისათვის საკმარისია მინიმუმ 76 ხმა, ანუ საპარლამენტო უმრავლესობა.

ახალგაზრდებისთვის, რომლებიც შინაგან საქმეთა მინისტრის პოსტიდან გიორგი გახარიას გადადგომას ივნისიდან მოითხოვენ, მთავრობის მეთაურის თანამდებობაზე გახარიას ყოფნა კატეგორიულად მიუღებელია. ისინი მოითხოვენ, რომ გახარიამ საკუთარ თავზე აიღოს პასუხისმგებლობა 20-21 ივნისს საპროტესტო აქციის დაშლისას პოლიციის ქმედებებისთვის და მთავრობის შემადგენლობა დატოვოს.

ყველაფერი დაიწყო საქართველოში რუსეთის სახელმწიფო სათათბიროს დეპუტატის, კომუნისტური პარტიის წევრი სერგეი გავრილოვის ჩამოსვლითა და მისი პარლამენტში გამოსვლით. ანტისამთავრობო აქცია არეულობაში გადაიზარდა. აქციის მონაწილეები პარლამენტში შეჭრას შეეცადნენ. პოლიციამ ცრემლსადენი გაზი და რეზინის ტყვიები გამოიყენა. ორმა ადამიანმა რეზინის ტყვიის მოხვედრის შედეგად თვალი დაკარგა. ოპოზიციამ პოლიცია ძალის არამართლზომიერ გამოყენებაში დაადანაშაულა და გახიარიას შს მინისტრის პოსტიდან გადადგომა მოითხოვა.

„როდესაც ვამბობ, რომ ეს იყო პარლამენტზე შტურმი ორგანიზებული პოლიტიკური ძალების მიერ, მასობრივი შეტევა პოლიციაზე, ამის შემდგომ მე აბსოლუტურად გააზრებულად თითოეულ პოლიციელს მადლობას ვუხდი... ამ დროს გადადგომით მე რატომღაც ვიღაცას დავუდასტურებდი, რომ რაღაცაში თავს ვგრძნობ დამნაშავედ. არ ვგრძნობ, მიუხედავად იმისა, რომ პასუხისმგებლობას ვგრძნობ თითოეულ იმ დაშავებულ ადამიანზე, რომელსაც მოხვდა რეზინის ტყვია", - განაცხადა გახარიამ.

როგორც გახარიამ დღეს კანონმდებლების წინაშე სიტყვით გამოსვლისას განაცხადა, სახელმწიფო ინსტიტუტში შეჭრას ჰქვია შტურმი, როგორც მინიმუმ ორგანიზებული თავდასხმა სახელმწიფო ინსტიტუტზე პოლიტიკური კონიუნქტურის რეალობის შეცვლის მიზნით.

„სახელმწიფო ინსტიტუტში ფიზიკურ შეჭრას ჰქვია შტურმი, აქ ხომ არ არის საუბარი სიმღერით, ცეკვით – შტურმით შეჭრას ჰქვია თავისი სახელი, ამას ჰქვია როგორც მინიმუმ ორგანიზებული თავდასხმა სახელმწიფო ინსტიტუტზე პოლიტიკური კონიუნქტურის რეალობის შეცვლის მიზნით. დამთავრდა. მე რომ დამეშვა მათი აქ შემოჭრა, მაშინ უნდა გადავმდგარიყავი", – განაცხადა გიორგი გახარიამ.

თბილისში 20-21 ივნისის მოვლენების შემდეგ გამოძიება ორი მიმართულებით დაიწყო. პირველი პოლიციელთა მიერ ძალის გადამეტებას ეხება. მეორე მიმართულებით კი გამოძიება მიმდინარეობს ორი მუხლით – „ჯგუფური ძალადობის ორგანიზება, ხელმძღვანელობა ან მასში მონაწილეობა" და „ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად, რომელმაც მძიმე შედეგი გამოიწვია".

გახარიას მოწინააღმდეგეები, რომლებიც პარლამენტის შენობის წინ ყოველ საღამოს აქციას მართავენ, საზოგადოებრივი მოძრაობა სახელწოდებით „სირცხვილია" დააფუძნეს. დღეს ისინი პარლამენტთან მორიგ საპროტესტო აქციას მართავენ.

118
ვანო მერაბიშვილი

არც პარლამენტში, არც მთავრობაში სად მიდის მერაბიშვილი

40
(განახლებულია 14:05 03.08.2020)
საქართველოს მესამე პრეზიდენტ მიხეილ სააკაშვილის პარტია „ერთიანი ნაციონალური მოძრაობის“ ყოფილმა წევრმა ვანო მერაბიშვილმა სასჯელაღსრულების დაწესებულება მიმდინარე წლის თებერვალში დატოვა – მან საპატიმროში შვიდი წელი დაჰყო.

თბილისი, 3 აგვისტო  — Sputnik.  საქართველოს ექს–პრემიერი და შინაგან საქმეთა ყოფილი მინისტრი ვანო მერაბიშვილი „ივანიშვილის რეჟიმის“ წინააღმდეგ ბრძოლას გეგმავს, თუმცა, პარლამენტსა და მთავრობაში მის დაბრუნებას გამორიცხავს. 

„მე არ ვიქნები პარლამენტის წევრი და ასევე არ დავიკავებ რომელიმე თანამდებობას მომავალ მთავრობაში. მე ვიქნები ჩართული ივანიშვილის რეჟიმის წინააღმდეგ ბრძოლაში, ოღონდ ეს იქნება ბრძოლა არა პირადი სარგებლისთვის, არამედ ბრძოლა ჩემი ხალხის მომავლისთვის“, – წერს მერაბიშვილი საკუთარ Facebook–გვერდზე.

ექს–პრემიერმა აღნიშნა, რომ საქართველოსთვის ახლოვდება ყველაზე მნიშვნელოვანი არჩევნები.

 „ამ არჩევნებში გადამწყვეტი იქნება არა ის, რას იზამს „ქართული ოცნება“, რადგანაც ის უკვე გუშინდელი დღეა. გადამწყვეტი იქნება ის, თუ რამდენად შევძლებთ ჩვენ, საერთო ეროვნული მიზანი დავაყენოთ საკუთარ კარიერაზე, პირად ამბიციებზე მაღლა, ვიბრძოლოთ არა საკუთარი თავისთვის, არამედ ქვეყნის მომავლისთვის“, – წერს მერაბიშვილი. 

ამასთან, იგი გულისწყვეტით აღნიშნავს, რომ დღეს ოპოზიცია უფრო ხშირად არის დაკავებული პოლიტიკური ვაჭრობით, პარლამენტსა და მთავრობაში სკამების გადანაწილებით, ვიდრე საზოგადოებისთვის ალტერნატივის შეთავაზებით.

 „განახლებული „ნაციონალური მოძრაობა“ არის ერთადერთი ძალა, რომელსაც შესწევს უნარი, გადამწყვეტი როლი შეასრულოს ამ ბრძოლაში, დაასრულოს არჩევნები გამარჯვებით და ხალხს დაუბრუნოს მომავალი“, – აღნიშნავს მერაბიშვილი.

საქართველოს მესამე პრეზიდენტ მიხეილ სააკაშვილის პარტია „ერთიანი ნაციონალური მოძრაობის“ ყოფილმა წევრმა ვანო მერაბიშვილმა სასჯელაღსრულების დაწესებულება მიმდინარე წლის თებერვალში დატოვა – მან საპატიმროში შვიდი წელი დაჰყო. მერაბიშვილი სააკაშვილის ხელისუფლების დროს ერთ-ერთი ყველაზე გავლენიანი პოლიტიკოსი იყო.

40
თემები:
საქართველოს პოლიტიკური ცხოვრება
არჩევნები საქართველოში

არჩევნების ციებ–ცხელება: გუბერნატორები თანამდებობებს ტოვებენ

210
(განახლებულია 20:01 01.08.2020)
შაბათს დაკავებული თანამდებობები სამი რეგიონის გუბერნატორებმა დატოვეს – ისინი ოქტომბრის საპარლამენტო არჩევნებში მონაწილეობენ

თბილისი, 1 აგვისტო  — Sputnik. 1 აგვისტოსთვის თანამდებობები დატოვეს იმ გუბერნატორმა, რომლებიც მმართველმა პარტია „ქართული ოცნება – დემოკრატიულმა საქართველომ“ საპარლამენტო არჩევნებში მაჟორიტარი დეპუტატობის კანდიდატებად დაასახელა, ნათქვამია მმართველი პარტიის განცხადებაში. 

საქართველოში საპარლამენტო არჩევნები 31 ოქტომბერს არის დაგეგმილი. მოსახლეობა 150 დეპუტატს აირჩევს – 120-ს პარტიული სიებით, ხოლო 30-ს – მაჟორიტარულ ოლქებში. მმართველმა პარტიამ გასულ კვირას ერთმანდატიან ოლქებში საკუთარი კანდიდატები დაასახელა, რომლებიც ჩაერთვებიან წინასაარჩევნო კამპანიაში.

მმართველი პარტიის მიერ გავრცელებული ინფორმაციით, თანამდებობები დატოვეს კახეთის, შიდა ქართლის, მცხეთა–მთიანეთის გუბერნატორებმა: ირაკლი ქადაგიშვილმა, გიორგი ხოჯევანიშვილმა და შალვა კერესელიძემ, რომლებიც საკუთარ რეგიონებში იყრიან კენჭს.

თანამდებობას ასევე დატოვებს ვაკის რაიონის გამგებელი  ნოდარ ტურძელაძე, რომელიც არჩევნებში მაჟორიტარი დეპუტატის მანდატის მოპოვებისთვის იბრძოლებს.

დღეისთვის საკუთარი თანამდებობები უკვე დატოვეს აჭარის ჯანდაცვის მინისტრმა ზაალ მიქელაძემ, რომელიც კენჭს ქობულეთის საარჩევნო ოლქში იყრის და სამეგრელო–ზემო სვანეთის გუბერნატორმა ალექსანდრე მოწერელიამ.

მმართველ პარტიაში აღნიშნავენ, რომ დანარჩენი კანდიდატები, რომლებსაც თანამდებობები სახელმწიფო აპარატში უკავიათ, თანამდებობებს წინასაარჩევნო კამპანიის დაწყების შემდეგ დატოვებენ, როგორც ეს კანონითაა გათვალისწინებული.

210
თემები:
საქართველოს საპარლამენტო არჩევნები 2020

ცხოვრება სტიქიის შემდეგ: რაჭაში წყალდიდობის შედეგების აღმოფხვრაზე მუშაობენ - ვიდეო

0
რაჭაში გადაუღებელი წვიმის გამო მოვარდნილი წყალდიდობის შედეგების ლიკვიდაცია და აღდგენითი სამუშაოები მიმდინარეობს. იხილეთ Sputnik-საქართველოს კადრები შემთხვევის ადგილიდან

რაჭაში ძლიერი წვიმის შედეგად კალაპოტებიდან გადმოვიდა მდინარეები, რომლებმაც ონის რაიონში დააზიანა სახლები, გზები და ინფრასტრუქტურა. ადიდებულმა მდინარეებმა დატბორა მიმდებარე ტერიტორიები. 12 სოფელი, რომლებშიც 2 ათასამდე მოსახლეა, გარესამყაროს მოწყდა.

სტიქიური უბედურების ზონაში მცხოვრებთა ევაკუაცია სასაზღვრო პოლიციის ვერტმფრენებით განხორციელდა.

ახლა რაჭაში მიმდინარეობს გზისა და ინფრასტრუქტურის აღდგენითი სამუშაოები. წინასწარი შეფასებით, წყალდიდობის შედეგების აღმოსაფხვრელად 50 მილიონი ლარი დაიხარჯება.

0