ქართველი სამხედროები

საქართველოში 18-დან 50 წლამდე ყველა მამაკაცი შეიძლება რეზერვისტი გახდეს

958
(განახლებულია 15:24 05.09.2019)
საქართველოს თავდაცვის სამინისტრომ დაახლოებით მილიონი მამაკაცი შეიძლება აქტიური სარეზერვო სამსახურისთვის მოამზადოს.

თბილისი, 5 სექტემბერი — Sputnik. საქართველოს თავდაცვის მინისტრობის კანდიდატი ირაკლი ღარიბაშვილი გამოვიდა ინიციატივით საქართველოში მცხოვრები 18-დან 50 წლამდე ყველა მამაკაცის რეზერვისტად მომზადების შესახებ.

მას შემდეგ, რაც პარლამენტი ახალ პრემიერ-მინისტრ გიორგი გახარიასა და მის მიერ წარმოდგენილ სამთავრობო პროგრამას ნდობას გამოუცხადეს, ღარიბაშვილი მინისტრთა კაბინეტის ორიდან ერთ-ერთი ახალი წევრი გახდება.

„საქართველოში 18-დან 50 წლამდე დაახლოებით 785 ათასი მამაკაცია. და თუ ათი წლის განმავლობაში ჩვენ ამ ადამიანებს გადავამზადებთ სწრაფ კურსებზე, ნახევარწლიან ან ცხრათვიანებზე – ვნახოთ, შეიძლება კურსი რამდენიმე წელზე გავთვალოთ, – გარკვეული წლების შემდეგ ჩვენ მივიღებთ დაახლოებით მილიონ გადამზადებულ მამაკაცს. ეს ჩვენი ქვეყნის რესურსია, რომელიც ჩვენ უნდა გამოვიყენოთ", – განაცხადა ღარიბაშვილმა პარლამენტის გაერთიანებული კომიტეტების სხდომაზე.

საქართველოს მოსახლეობა დაახლოებით 3,7 მილიონია.

საქართველოში სარეზერვო სამსახური ორი სახისაა – აქტიური და სამობილიზაციო სამსახური. აქტიური რეზერვი ნებაყოფლობითია, მასში სამსახური ხუთ წელს გრძელდება და წელიწადში მხოლოდ 45-დღიან საბრძოლო მომზადებას ითვალისწინებს. ამ პერიოდში რეზერვში ჩარიცხულები იღებენ ხელფასს იმ დღეების გათვალისწინებით, როდესაც ისინი მსახურობდნენ. ხოლო მათ, რომლებიც პასიურ რეზერვში არიან, იწვევენ საყოველთაო მობილიზაციის გამოცხადების შემთხვევაში.

958
თემები:
საქართველოს თავდაცვა (87)
თბილისის აეროპორტი

საქართველოში უცხოელებისთვის ლეგალურად ყოფნის ვადა გახანგრძლივდა

12
(განახლებულია 15:50 06.08.2020)
საქართველოში ლეგალურად ყოფნის უფლება ექნებათ მხოლოდ იმ მოქალაქეებს, რომელთაც საქართველოში ყოფნის ვადა გაუვიდათ, თუმცა, ქვეყანაში მათი ყოფნა გარკვეული გარემოებებით არის გამოწვეული

თბილისი, 6 აგვისტო  — Sputnik.  უცხოეთის იმ მოქალაქეებისთვის, რომლებმაც კორონავირუსის პანდემიის გამო ქვეყნის დატოვება ვერ შეძლეს, ქვეყანაში ლეგალურად ყოფნის ვადა 31 დეკემბრამდე გახანგრძლივდა, ნათქვამია საქართველოს მთავრობის განკარგულებაში შესულ  ცვლილებებში.

კორონავირუსის პანდემიის გამო საქართველოს ხელისუფლებამ 14 მარტიდან 31 ივლისამდე პერიოდში უცხოელებისა და მოქალაქეობის არმქონე პირებისთვის საქართველოს ტერიტორიაზე კანონიერი ყოფნის საშეღავათო პერიოდი აამოქმედა.  1 აგვისტოდან კი ყველა მათგანი არალეგალად ითვლება.

განკარგულებაში შესული ცვლილებების თანახმად, 14 მარტიდან 31 დეკემბრამდე პერიოდში საქართველოში ლეგალურად ყოფნის უფლება ექნებათ მხოლოდ იმ მოქალაქეებს, რომელთაც ქვეყანაში ყოფნის ვადა გაუვიდათ, თუმცა, ქვეყანაში მათი ყოფნა გარკვეული გარემოებებით არის გამოწვეული. 

კერძოდ, გარემოებები შემდეგია: სახელმწიფო, რომლის მოქალაქეებიც ისინი არიან, ინფიცირების მაღალი რისკის ზონაშია, ან თუ სახელმწიფომ საზღვრის კვეთაზე შეზღუდვები დააწესა, ან თუ პირი იმყოფება საავადმყოფოში, კარანტინსა ან თვითიზოლაციაში, ან თუ სამშობლოში დაბრუნებაში მას ხელს გაუქმებული ავიარეისები უშლის.

საქართველოში ყოფნის კანონიერი ვადის ამოწურვის შემდეგ უცხოეთის მოქალაქე ვალდებულია ქვეყანა დატოვოს, წინააღმდეგ შემთხვევაში მას ჯარიმა ან ქვეყნიდან გაძევება ემუქრება, რომელიც ითვალისწინებს ქვეყანაში შემოსვლაზე აკრძალვას ორიდან ხუთ წლამდე ვადით.

ქვეყნიდან გაძევების გადაწყვეტილებას საქართველოს შინაგან საქმეთა სამინისტრო იღებს – თითოეულ კონკრეტულ შემთხვევაში გადაწყვეტილება ინდივიდუალურია.

რაც შეეხება ჯარიმებს, ვადის ამოწურვის შემდეგ სამი თვის განმავლობაში მათ ჯარიმა 180 ლარი ეკისრებათ, შემდგომ პერიოდში კი ჯარიმის ოდენობა ორმაგდება.

12
თემები:
COVID-19 საქართველოში
მთავრობის სხდომა

საქართველოს მთავრობაში ახალი მინისტრია

64
(განახლებულია 15:51 06.08.2020)
თეა ახვლედიანმა პოსტზე ქეთევან ციხელაშვილი შეცვალა, რომელიც 22 მაისიდან საქართველოს მუდმივი წარმომადგენელია ეუთოს მისიაში და ვენაში მდებარე საერთაშორისო ორგანიზაციებში, ასევე საქართველოს ელჩი ავსტრიაში.

თბილისი, 6 აგვისტო — Sputnik. შერიგებისა და სამოქალაქო თანასწორობის საკითხებში სახელმწიფო მინისტრის თანამდებობა თეა ახვლედიანმა დაიკავა, რომელიც მანამდე ჯანდაცვის მინისტრის მოადგილე იყო. ამის შესახებ ხუთშაბათს გამართულ მთავრობის სხდომაზე პრემიერ-მინისტრმა გიორგი გახარიამ განაცხადა.

თეა ახვლედიანმა ამ პოსტზე ქეთევან ციხელაშვილი შეცვალა, რომელიც 22 მაისიდან საქართველოს მუდმივი წარმომადგენელია ეუთოს მისიაში და ვენაში მდებარე საერთაშორისო ორგანიზაციებში, ასევე საქართველოს ელჩი ავსტრიაში. 

„მინდა პირველ რიგში მას მივულოცო ეს დიდი და საპასუხისმგებლო თანამდებობა. ის ყოველთვის იყო ჩვენი გუნდის წევრი, მაგრამ უკვე იჯდება ამ მრგვალ მაგიდასთან... მას აქვს დიდი და სერიოზული გამოცდილება ჩვენი დიპლომატიური გუნდის წარმომადგენლობაში როგორც ევროპის, ისე კონფლიქტების მიმართულებით“, – განაცხადა გახარიამ.

ქეთევან ციხელაშვილი შერიგებისა და თანასწორობის საკითხებში სახელმწიფო მინისტრის თანამდებობაზე 2016 წლის ივლისში დაინიშნა. მინისტრის პოსტზე ყოფნის განმავლობაში იგი აქტიურად იყო დაკავებული საქართველოს ხელისუფლების მიერ არაკონტროლირებადი აფხაზეთისა და ცხინვალის რეგიონის მოსახლეობისთვის მთავრობის მხრიდან შეთავაზებული სერვისებსა და დახმარებებზე წვდომის, ასევე საქართველოში ეროვნული უმცირესობების ინტეგრაციის საკითხებით.

ამიერიდან აღნიშნული საკითხებით თეა ახვლედიანი დაკავდება.

 

64
თემები:
საქართველოს მთავრობა