გიორგი გახარია

გახარიას მთავრობის პროგრამა: პრიორიტეტია კონფლიქტების მშვიდობიანი გადაწყვეტა

117
(განახლებულია 13:58 05.09.2019)
საქართველოს მომავალი მთავრობა აფხაზეთთან და ცხინვალის რეგიონთან პირდაპირი დიალოგისთვის განსაკუთრებული ყურადღების დათმობას აპირებს.

თბილისი, 5 სექტემბერი — Sputnik. საქართველოს მთავრობა არაკონტროლირებადი ტერიტორიების მიმართ შერიგების პოლიტიკას გაატარებს, ასევე აქტიურ მონაწილეობას გააგრძელებს ჟენევის საერთაშორისო ფორმატში რუსეთთან მოლაპარაკებებში, ნათქვამია მინისტრთა ახალი კაბინეტის პროგრამაში, რომელიც კვირას უნდა დაამტკიცოს პარლამენტმა.

საგარეო უწყება: ჟენევის მოლაპარაკებები უნდა გამოცოცხლდეს>>

საქართველოს ხელისუფლებამ კონტროლი აფხაზეთსა და ცხინვალის რეგიონზე 1990-იან წლებში დაკარგა. 2008 წლის აგვისტოს ომის შემდეგ მოსკოვმა ამ ტერიტორიების დამოუკიდებლობა აღიარა, ხოლო საქართველომ ამის საპასუხოდ რუსეთთან დიპლომატიური ურთიერთობები გაწყვიტა.

„კონფლიქტის მშვიდობიანი დარეგულირების პოლიტიკის ფარგლებში განსაკუთრებული ყურადღება დაეთმობა შერიგებისა და ჩართულობის პოლიტიკის განხორციელებას. აღნიშნული გულისხმობს მშვიდობის მშენებლობას, ადამიანზე ორიენტირებული პოლიტიკის წარმოებას, კონფლიქტით დაზარალებული მოსახლეობის მხარდაჭერას გამყოფი ხაზის როგორც ერთ, ისე მეორე მხარეს, მათ დახმარებას და სოციალურ-ეკონომიკურ გაძლიერებას, ასევე მავთულხლართებით ხელოვნურად დაშორებულ მოსახლეობას შორის ნდობის აღდგენას", – ნათქვამია მთავრობის 2019-2020 წლების პროგრამაში.

მომავალი მთავრობა გიორგი გახარიას მეთაურობით გეგმავს, რომ დიდი ყურადღება დაუთმოს აფხაზეთთან და ცხინვალის რეგიონთან პირდაპირ დიალოგს და საერთო ინტერესებზე დაფუძნებული თანამშრომლობის განვითარებას.

ამას გარდა, გახარიას მთავრობა აპირებს ჟენევის მოლაპარაკებების გააქტიურებას, რომელიც რუსეთთან პოლიტიკური დიალოგის ერთადერთი ფორმატია. შეხვედრები იმართება 2008 წლის 12 აგვისტოს ცეცხლის შეწყვეტის შესახებ შეთანხმების საფუძველზე. მოლაპარაკებებში, საქართველოსა და რუსეთის გარდა, მონაწილეობენ აშშ-ის, აფხაზეთისა და ცხინვალის რეგიონის დე-ფაქტო ხელისუფლებების წარმომადგენლები, ხოლო თანათავმჯდომარეების სახით – ევროკავშირის, გაეროს და ეუთოს წარმომადგენლები.

აბაშიძე: კარასინთან გამართულმა მოლაპარაკებებმა პრაღაში რეალური შედეგი გამოიღო>>

„ამ თვალსაზრისით საქართველო გააგრძელებს კონსტრუქციულ და აქტიურ მონაწილეობას ჟენევის საერთაშორისო მოლაპარაკებებში, რომელიც წარმოადგენს უმნიშვნელოვანეს ფორმატს ევროკავშირის, გაეროს, ეუთოს თანათავმჯდომარეობით და აშშ-ის მონაწილეობით საქართველოსა და რუსეთს შორის კონფლიქტიდან მომდინარე უსაფრთხოებისა და ჰუმანიტარული პრობლემების გადასაჭრელად", – ნათქვამია პროგრამაში.

პროგრამაში ასევე აღნიშნულია, რომ ჟენევის მოლაპარაკებების განხილვა გეოპოლიტიკური სიტუაციისგან იზოლირებულად არ შეიძლება.

„პროცესის გასაძლიერებლად მოზიდული იქნება დამატებითი საერთაშორისო მხარდაჭერა, მათ შორის, ძალისხმევა მიმართული იქნება რუსეთის ფედერაციასთან მაღალი დონის შეხვედრებზე საქართველოს საკითხის განხილვისა და ჟენევის პროცესის ინტენსიფიკაციის უზრუნველსაყოფად", – ნათქვამია პროგრამაში.

ამჟამად დიალოგი ქვეყნებს შორის შენარჩუნებულია ჟენევის საერთაშორისო მოლაპარაკებებისა და ასევე დიპლომატების ზურაბ აბაშიძისა და გრიგორი კარასინის პრაღაში შეხვედრების სახით.

117
თემები:
ქართულ–რუსული ურთიერთობები (169)
საქართველო

მაღალჩინოსნები თანამდებობებს ტოვებენ: რატომ დატოვა ჩხოროწყუს საკრებულოს თავმჯდომარემ პოსტი

248
(განახლებულია 17:15 07.08.2020)
ბესიკ ესებუას თავმჯდომარის პოსტი 2012 წლიდან ეკავა, მას შემდეგ, რაც ხელისუფლებაში მმართველი პარტია "ქართული ოცნება – დემოკრატიული საქართველო" მოვიდა.

თბილისი, 7 აგვისტო — Sputnik. ჩხოროწყუს რაიონის საკრებულოს თავმჯდომარემ ბესიკ ესებუამ თანამდებობა დატოვა, იუწყება ტელეკომპანია Rustavi 2 ესებუას მოადგილეზე კობა ჯიქიაზე დაყრდნობით.

გადადგომის შესახებ განცხადებაში ჩინოვნიკი „პირად მიზეზებს“ ასახელებს.

2012 წლიდან ესებუა საკრებულოს თავმჯდომარის პოსტზე სამჯერ აირჩიეს.

ესებუა 2010 წლიდან საკრებულოს წევრია.

2009 წლიდან არის პოლიტიკური კოალიცია „ალიანსი საქართველოსთვის“ რაიონული ორგანიზაციის თავმჯდომარე.

2002–2003 წლებში იყო საკრებულოს ასოცირებული წევრი, სოფელ ახუთის გამგებელი.

 

248
პრემიერი გიორგი გახარია

მოსყიდვა თუ ზრუნვა? ოპოზიციამ ხელისუფლება მოსახლეობის დახმარებისთვის გაკიცხა

131
(განახლებულია 21:20 06.08.2020)
საპარლამენტო არჩევნების წინ საქართველოში მთავრობის ყველა ნაბიჯი განიხილება, როგორც წინასაარჩევნო კამპანიის ნაწილი.

თბილისი, 6 აგვისტო — Sputnik. ქვეყნის მთავრობის მიერ შემუშავებულმა მოსახლეობის დახმარების ახალმა პაკეტმა ოპოზიციური პარტიების დიდი უკმაყოფილება გამოიწვია. მათ ხელისუფლების გადაწყვეტილება უკვე მონათლეს „მოსახლეობის მოსყიდვის მცდელობად“, ხოლო მთავრობაში ამგვარ ბრალდებას უარყოფენ.

კორონავირუსის პანდემიამ და მის გამო ტურისტული სეზონის დახურვამ საქართველოს ეკონომიკის სერიოზული ვარდნა გამოიწვია. ბოლო პროგნოზებით, 2020 წელს წლიური ეკონომიკური ზრდა –5% იქნება.

თუ ყურადღებას არ მივაქცევთ ეკონომისტებისთვის მნიშვნელოვან ციფრებს და მოსახლეობას შევეკითხებით, ირკვევა, რომ კორონავირუსმა თითოეული ოჯახის ჯიბეს დაარტყა. როგორც საზოგადოებრივი აზრის ბოლო გამოკითხვამ აჩვენა, ოჯახების უმრავლესობას კვების პროდუქტებისა და პირველადი მოხმარების ნივთების მხოლოდ ერთი თვის მარაგის შესაძენი თანხა აქვს და ისინი დარწმუნებული არ არიან, რომ ეს თანხა მომავალში ეყოფათ.

არსებული მონაცემებით, ოფიციალურად დასაქმებული 849,3 ათასი მოქალაქიდან საგანგებო მდგომარეობის პერიოდში სამუშაო დაკარგა 90,8 ათასმა ადამიანმა. გარდა ამისა, იმავე პერიოდში 840,4 ათასი თვითდასაქმებულიდან უმუშევარი დარჩა 250 ათასი.

ყველა თვითდასაქმებულს, რომელმაც მთავრობას მიმართა, 300 ლარი დაერიცხება>>

ბევრი ადამიანი შემოსავლების გარეშე დარჩა ქვეყანაში ტურისტული სეზონის ჩავარდნის გამო. კრიზისმა განსაკუთრებით ძლიერად დაარტყა მათ, ვინც უცხოელ ტურისტებზე იყო ორიენტირებული.

მთავრობის გეგმა და ოპოზიციის კრიტიკა

მთავრობა ამჟამად მზადაა მოსახლეობის დახმარებაზე 410 მილიონი ლარი დახარჯოს ბიუჯეტიდან.

ეს დახმარება მოხმარდება 2020 წლის ნოემბრიდან 2021 წლის მარტამდე მოსახლეობის კომუნალური გადასახადების გადახდას, ბავშვებისა და თვითდასაქმებულებისთვის ერთჯერადი დახმარების გაცემას, ასევე შეჭირვებული ოჯახების სტუდენტების სწავლის საფასურის გადახდაში დახმარებას.

„საქართველოს მთავრობა პირველივე დღიდან ზრუნავს მოქალაქეებზე და ეს ზრუნვა გაგრძელდება ნებისმიერ პერიოდში“, – განაცხადა ვიცე-პრემიერმა მაია ცქიტიშვილმა ამ თემაზე საუბრისას.

ამასთან, ოპოზიციაში მთავრობის ეს გადაწყვეტილება არ დააფასეს და ხელისუფლება არჩევნების წინ (რომელიც 31 ოქტომბერს უნდა ჩატარდეს) მოსახლეობის მოსყიდვის მცდელობაში დაადანაშაულეს.

„ეს არის დაშინებისა და მოსყიდვის კომბინაცია. ეს არის ის, რასაც ივანიშვილი ქართველ ხალხს სთავაზობს: თუ თავისუფალ ნებას გამოხატავთ, დაისჯებით, თუ არა – გადმოგიგდებთ ამ დამამცირებელ დახმარებასო“, – ასე შეაფასა მთავრობის გეგმა პარტიის „ევროპული საქართველო – მოძრაობა თავისუფლებისთვის“ ლიდერმა გიგა ბოკერიამ.

მთავრობის გეგმაში პოლიტიკურ კონტექსტს ხედავს „ერთიანი საქართველოს“ ლიდერი ნინო ბურჯანაძეც.

გახარია: შემდგომი ორი წელიც ეკონომიკურად საკმაოდ რთული იქნება>>

„როდესაც დახმარების პირველი და მეორე ეტაპი არ არის სრულად გაცემული, მესამე ეტაპზე გადასვლის შესახებ მთავრობის განცხადება მხოლოდ პიარია“, – განაცხადა ბურჯანაძემ.

მხოლოდ ზრუნვა

მმართველ პარტიაში „ქართული ოცნება – დემოკრატიული საქართველო“ აღნიშნავენ, რომ დახმარება მხოლოდ პანდემიას უკავშირდება და არა – არჩევნებს.

„გლობალური პანდემიის პირობებში ჩვენი მთავარი ამოცანა გახლდათ ჩვენი მოქალაქეების სიცოცხლისა და ჯანმრთელობის დაცვა, ასევე იმ ოჯახების სოციალური და ეკონომიკური დახმარება, ვინც ყველაზე მეტად დააზარალა პანდემიამ. ვაგრძელებთ ზრუნვას ჩვენს თანამოქალაქეებზე. ამიტომ დღეს მივიღეთ ახალი გადაწყვეტილებები ამ მიმართულებით“, – განაცხადა საქართველოს პარლამენტის თავმჯდომარემ არჩილ თალაკვაძემ.

მმართველი პარტიის გენერალურმა მდივანმა ირაკლი კობახიძემ კი აღნიშნა, რომ სახელმწიფოს სახსრები საჭირო კალაპოტში მიდის.

„პანდემიამ ეკონომიკური სირთულეები შექმნა და ამას სჭირდება პასუხი. ჩვენი პასუხი პირველ რიგში არის სოციალური დახმარება საზოგადოების ყველაზე მოწყვლადი ფენებისთვის. ძალიან მნიშვნელოვანია ეს პაკეტი, რომელიც არის შემოთავაზებული საქართველოს მთავრობის მხრიდან“, – განაცხადა კობახიძემ.

ოფიციალური მონაცემებით, ამჟამად სოციალურად დაუცველად აღიარებულია დაახლოებით 137,1 ათასი ოჯახი, რაც ოჯახების საერთო რაოდენობის 12,9%-ს შეადგენს.

ამასთან, შემოსავლების სამსახურის ოფიციალური მონაცემებით, საქართველოში 618 ათასზე მეტ ადამიანს თვეში 500 ლარამდე შემოსავალი აქვს, აქედან 246 ათასზე მეტს – 100 ლარი.

131
თემები:
საქართველოს საპარლამენტო არჩევნები 2020
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

0
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0