გიორგი გახარია

საქართველოს პრემიერ-მინისტრის პოსტზე გიორგი გახარია წარადგინეს

151
(განახლებულია 12:59 03.09.2019)
გახარიამ საქართველოს მთავრობაში მოსალოდნელი რიგი საკადრო ცვლილებები უკვე დააანონსა.

თბილისი, 3 სექტემბერი — Sputnik. მმართველმა პარტია „ქართული ოცნება - დემოკრატიულმა საქართველომ“ საქართველოს პრემიერ-მინისტრის პოსტზე შინაგან საქმეთა მინისტრი გიორგი გახარია წარადგინა.

ორშაბათს საქართველოს პრემიერის პოსტი ვაკანტური გახდა მას შემდეგ, რაც მთავრობის მოქმედმა ხელმძღვანელმა მამუკა ბახტაძემ თანამდებობიდან გადადგომის შესახებ განაცხადა.

სამშაბათს პარტიის თავმჯდომარის ბიძინა ივანიშვილის ხელმძღვანელობით „ქართული ოცნების“ პოლიტსაბჭოს სხდომა გაიმართა.

„მინდა მადლობა გადავუხადო პარტიისა და პოლიტსაბჭოს თითოეულ წევრს ასეთი მხარდაჭერისთვის, და გაწეული საქმიანობისთვის მსურს მადლობა გადავუხადო ჩემ წინამორბედ მამუკა ბახტაძეს", – განაცხადა გახარიამ.

მან აღნიშნა, რომ მოგვიანებით მთავრობის ახალ შემადგენლობას და პროგრამას წარმოადგენს.

„მთავრობის შემადგენლობაში მცირე ცვლილებები შევა. შინაგან საქმეთა მინისტრის პოსტს ვახტანგ გომელაური დაიკავებს. თავდაცვის მინისტრის პოსტს კი ბატონი ირაკლი ღარიბაშვილი. ეს ცვლილებები გააძლიერებს მთავრობას და პოლიტიკურ გუნდს“, – განაცხადა გახარიამ.

რაც შეეხება მოქმედ თავდაცვის მინისტრ ლევან იზორიას, იგი საქართველოს უშიშროების საბჭოს უხელმძღვანელებს, აღნიშნა გახარიამ.

ვინ არის წინააღმდეგი?

მმართველი პარტიის პოლიტსაბჭოს სხდომა გაიმართა მცირერიცხოვანი საპროტესტო აქციის „სირცხვილია“ ფონზე. უკმაყოფილება გამოხატეს იმ ადამიანებმა, რომლებიც ორ თვეზე მეტია გახარიას შინაგან საქმეთა მინისტრის პოსტიდან გადადგომას ითხოვდნენ. მას 20-21 ივნისის აქციის დარბევას ვერ პატიობენ.

ყველაფერი დაიწყო საქართველოში რუსეთის სახელმწიფო სათათბიროს დეპუტატის, კომუნისტური პარტიის წევრ სერგეი გავრილოვის ჩამოსვლითა და მისი პარლამენტში გამოსვლით. 20-21 ივნისის ღამეს ანტისამთავრობო აქცია არეულობაში გადაიზარდა. აქციის მონაწილეები პარლამენტში შეჭრას ცდილობდნენ. პოლიციამ ცრემლსადენი გაზი და რეზინის ტყვიები გამოიყენა. იმ ღამეს 240 ადამიანი დაშავდა.

გახარია – დოსიე

გიორგი გახარია 1975 წლის 19 მარტს დაიბადა. 1994 წელს დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ისტორიის ფაკულტეტი.

2000 წელს მ. ლომონოსოვის სახელობის მოსკოვის სახელმწიფო უნივერსიტეტში პოლიტოლოგიის მაგისტრის წოდება მიიღო. 2004 წელს – უმაღლესი ბიზნეს-სკოლა – ბიზნესის მართვის მაგისტრის წოდება. 1997-2004 წლებში იყო ფირმა A-Edam-ის გენერალური დირექტორი.

2004-2008 წლებში იყო SFK Group-ის გენერალური დირექტორი. 2006-2009 წლებში იყო მოსკოვის სახელმწიფო უნივერსიტეტის ლექტორი გამოყენებითი ბიოტექნოლოგიის საგანში. 2008-2013 წლებში იყო ბიზნესის განვითარების დირექტორი რუსეთის ფედერაციასა და აღმოსავლეთ ევროპაში. 2013 წელს საქართველოში დაინიშნა საგადასახადოს ომბუდსმენად, 2015 წელს კი ბიზნეს-ომბუდსმენი გახდა. 2016 წლის ნოემბრიდან ეკავა ეკონომიკის მინისტრის პოსტი, ერთი წლის შემდეგ კი გახდა საქართველოს შინაგან საქმეთა მინისტრი.

 

151
თემები:
საქართველოს მთავრობა (67)
ვანო მერაბიშვილი

არც პარლამენტში, არც მთავრობაში სად მიდის მერაბიშვილი

47
(განახლებულია 14:05 03.08.2020)
საქართველოს მესამე პრეზიდენტ მიხეილ სააკაშვილის პარტია „ერთიანი ნაციონალური მოძრაობის“ ყოფილმა წევრმა ვანო მერაბიშვილმა სასჯელაღსრულების დაწესებულება მიმდინარე წლის თებერვალში დატოვა – მან საპატიმროში შვიდი წელი დაჰყო.

თბილისი, 3 აგვისტო  — Sputnik.  საქართველოს ექს–პრემიერი და შინაგან საქმეთა ყოფილი მინისტრი ვანო მერაბიშვილი „ივანიშვილის რეჟიმის“ წინააღმდეგ ბრძოლას გეგმავს, თუმცა, პარლამენტსა და მთავრობაში მის დაბრუნებას გამორიცხავს. 

„მე არ ვიქნები პარლამენტის წევრი და ასევე არ დავიკავებ რომელიმე თანამდებობას მომავალ მთავრობაში. მე ვიქნები ჩართული ივანიშვილის რეჟიმის წინააღმდეგ ბრძოლაში, ოღონდ ეს იქნება ბრძოლა არა პირადი სარგებლისთვის, არამედ ბრძოლა ჩემი ხალხის მომავლისთვის“, – წერს მერაბიშვილი საკუთარ Facebook–გვერდზე.

ექს–პრემიერმა აღნიშნა, რომ საქართველოსთვის ახლოვდება ყველაზე მნიშვნელოვანი არჩევნები.

 „ამ არჩევნებში გადამწყვეტი იქნება არა ის, რას იზამს „ქართული ოცნება“, რადგანაც ის უკვე გუშინდელი დღეა. გადამწყვეტი იქნება ის, თუ რამდენად შევძლებთ ჩვენ, საერთო ეროვნული მიზანი დავაყენოთ საკუთარ კარიერაზე, პირად ამბიციებზე მაღლა, ვიბრძოლოთ არა საკუთარი თავისთვის, არამედ ქვეყნის მომავლისთვის“, – წერს მერაბიშვილი. 

ამასთან, იგი გულისწყვეტით აღნიშნავს, რომ დღეს ოპოზიცია უფრო ხშირად არის დაკავებული პოლიტიკური ვაჭრობით, პარლამენტსა და მთავრობაში სკამების გადანაწილებით, ვიდრე საზოგადოებისთვის ალტერნატივის შეთავაზებით.

 „განახლებული „ნაციონალური მოძრაობა“ არის ერთადერთი ძალა, რომელსაც შესწევს უნარი, გადამწყვეტი როლი შეასრულოს ამ ბრძოლაში, დაასრულოს არჩევნები გამარჯვებით და ხალხს დაუბრუნოს მომავალი“, – აღნიშნავს მერაბიშვილი.

საქართველოს მესამე პრეზიდენტ მიხეილ სააკაშვილის პარტია „ერთიანი ნაციონალური მოძრაობის“ ყოფილმა წევრმა ვანო მერაბიშვილმა სასჯელაღსრულების დაწესებულება მიმდინარე წლის თებერვალში დატოვა – მან საპატიმროში შვიდი წელი დაჰყო. მერაბიშვილი სააკაშვილის ხელისუფლების დროს ერთ-ერთი ყველაზე გავლენიანი პოლიტიკოსი იყო.

47
თემები:
საქართველოს პოლიტიკური ცხოვრება
არჩევნები საქართველოში

არჩევნების ციებ–ცხელება: გუბერნატორები თანამდებობებს ტოვებენ

212
(განახლებულია 20:01 01.08.2020)
შაბათს დაკავებული თანამდებობები სამი რეგიონის გუბერნატორებმა დატოვეს – ისინი ოქტომბრის საპარლამენტო არჩევნებში მონაწილეობენ

თბილისი, 1 აგვისტო  — Sputnik. 1 აგვისტოსთვის თანამდებობები დატოვეს იმ გუბერნატორმა, რომლებიც მმართველმა პარტია „ქართული ოცნება – დემოკრატიულმა საქართველომ“ საპარლამენტო არჩევნებში მაჟორიტარი დეპუტატობის კანდიდატებად დაასახელა, ნათქვამია მმართველი პარტიის განცხადებაში. 

საქართველოში საპარლამენტო არჩევნები 31 ოქტომბერს არის დაგეგმილი. მოსახლეობა 150 დეპუტატს აირჩევს – 120-ს პარტიული სიებით, ხოლო 30-ს – მაჟორიტარულ ოლქებში. მმართველმა პარტიამ გასულ კვირას ერთმანდატიან ოლქებში საკუთარი კანდიდატები დაასახელა, რომლებიც ჩაერთვებიან წინასაარჩევნო კამპანიაში.

მმართველი პარტიის მიერ გავრცელებული ინფორმაციით, თანამდებობები დატოვეს კახეთის, შიდა ქართლის, მცხეთა–მთიანეთის გუბერნატორებმა: ირაკლი ქადაგიშვილმა, გიორგი ხოჯევანიშვილმა და შალვა კერესელიძემ, რომლებიც საკუთარ რეგიონებში იყრიან კენჭს.

თანამდებობას ასევე დატოვებს ვაკის რაიონის გამგებელი  ნოდარ ტურძელაძე, რომელიც არჩევნებში მაჟორიტარი დეპუტატის მანდატის მოპოვებისთვის იბრძოლებს.

დღეისთვის საკუთარი თანამდებობები უკვე დატოვეს აჭარის ჯანდაცვის მინისტრმა ზაალ მიქელაძემ, რომელიც კენჭს ქობულეთის საარჩევნო ოლქში იყრის და სამეგრელო–ზემო სვანეთის გუბერნატორმა ალექსანდრე მოწერელიამ.

მმართველ პარტიაში აღნიშნავენ, რომ დანარჩენი კანდიდატები, რომლებსაც თანამდებობები სახელმწიფო აპარატში უკავიათ, თანამდებობებს წინასაარჩევნო კამპანიის დაწყების შემდეგ დატოვებენ, როგორც ეს კანონითაა გათვალისწინებული.

212
თემები:
საქართველოს საპარლამენტო არჩევნები 2020
ნინი ბადურაშვილი

ნინი ბადურაშვილი ლელა წურწუმიას ქმრის მოკვლისკენ მოუწოდებს რა მოხდა მათ შორის?

0
(განახლებულია 14:11 31.07.2020)
ნინი ბადურაშვილმა სოციალურ ქსელში ლელა წურწუმიას საჯაროდ მიმართა. ნახეთ, რას სთხოვს ლელა წურწუმიას ბადურაშვილი.

ქართულ შოუბიზნესში არ არსებობს მომღერალი, რომელიც მამულაშვილი-წურწუმიას ოჯახს არ ემეგობრება. მიუხედავად ამისა, ქართული სცენის წარმატებულ შემსრულებლებს შორის ინტრიგები არ წყდება. ნინი ბადურაშვილმა ლელა წურწუმიას სოციალური ქსელით საჯაროდ მამულიჩას მოკვლის თხოვნით მიმართა.

View this post on Instagram

A post shared by Kakhi Mamulashvili.Mamulicha (@mamulicha888) on

აღნიშნული თხოვნა კი კახა მამულაშვილის დამაინტრიგებელ ქმედებას მოჰყვა. პოპ-დივას პროდიუსერმა ნინის ძველი სურათი გამოუქვეყნა. ამ ფოტოზე ბადურაშვილის სახეცვლილება კარგად ჩანს. მამულიჩამ გასაჯაროებული სურათი ასე დაასათაურა: „გახსოვდეს ლოყები შენი. ვაიმე, დედიკო, დედა. მაპატიე, ბადურ. დამედოსავით".

ნინი ბადურაშვილმა მამულიჩას ქმედება უპასუხოდ არ დატოვა. ის ჯერ ხუმრობით შემოიფარგლა, შემდეგ კი ლელა წურწუმიას ქმრის მოკვლის თხოვნით მიმართა. „გთხოვ, ფოტო კიდე სადმე გამოაქვეყნე", – მიმართა გაბრაზებულმა ბადურაშვილმა მამულიჩას.

View this post on Instagram

thanks to @itallook_tbilisi for this amazing dress 🙏💛 #tvimedi #primeshow photos by @savemoment_studio 📸

A post shared by Nini badurashvili (@ninibadurashvili) on

ლელა წურწუმია: „მე მოვკლავდი, თვითონ ხო დახატულია“. ლელა წურწუმიას ასეთ პასუხს ნინის შოკისმომგვრელი თხოვნა მოჰყვა: „მოკალი, გთხოვ“. ძველი და ახალი ფოტოებიდან ჩანს, რომ ნინი ბადურაშვილი რადიკალურად შეიცვალა. მამულიჩამ მის დიდ ლოყებზე გააკეთა აქცენტი, რამაც მსახიობი, მომღერალი და ტელეწამყვანი გააღიზიანა.

View this post on Instagram

A post shared by Nini badurashvili (@ninibadurashvili) on

როგორც ჩანს, თავად პროდიუსერმაც საგრძნობლად დაიკლო წონაში, რასაც ლელა წურწუმიას დამცინავი კომენტარიც მოჰყვა. ძველ ფოტოს ახალთან თუ შეადარებთ, კარგად ჩანს, რომ ნინი ბადურაშვილს რამდენიმე ოპერაცია აქვს გაკეთებული, მათ შორის ცხვირის პლასტიკა და ყვრიმალებისა და ტუჩის კონტურის კორექცია.

View this post on Instagram

A post shared by Nini badurashvili (@ninibadurashvili) on

ლელა და მისი პროდიუსერი და მეუღლე კახა მამულაშვილი ერთ-ერთი ყველაზე პოპულარული წყვილია. მათი ერთმანეთის გარეშე წარმოდგენა რთულია. ლელას პარალელურად მამულიჩაც გამოირჩევა სოციალურ ქსელში აქტიურობით. მის გვერდზე ხშირად ჩნდება ვარსკვლავებთან გადაღებული სახალისო ფოტო-ვიდეოები. ეს უკანასკნელი ფოტოც მამულიჩამ არქივიდან გაასაჯაროვა.

0
თემები:
სელებრითების ცხოვრება