პარლამენტი

საქართველოს პარლამენტი მუშაობას იწყებს დეპუტატები საშემოდგომო სესიისთვის ემზადებიან

48
(განახლებულია 12:51 03.09.2019)
პარლამენტი საქართველოს პრემიერ-მინისტრის გადადგომის გამო ამ კვირაში მუშაობის ფორმატს შეცვლის.

თბილისი, 3 სექტემბერი — Sputnik. საქართველოს პარლამენტის საშემოდგომო სესია პლენარული სხდომით შუადღისას გაიხსნება, განაცხადა საკანონმდებლო ორგანოს თავმჯდომარემ არჩილ თალაკვაძემ ბიუროს სხდომაზე.

საქართველოს წარმავალი პრემიერი პოლიტიკაში ახალ სახეებს ელოდება>>

მისი თქმით, იმის გათვალისწინებით, რომ საქართველოს პრემიერ-მინისტრი მამუკა ბახტაძე გადადგა, შეიცვლება ამ კვირისთვის გათვალისწინებული პარლამენტის მუშაობის ფორმატი – პლენარული სხდომების ნაცვლად ჩატარდება საკომიტეტო მოსმენები.

პარლამენტის ახალი რეგლამენტის თანახმად, პრემიერ-მინისტრობის კანდიდატი და მინისტრთა კაბინეტის ახალი შემადგენლობა პარლამენტის კომიტეტებისა და ფრაქციების წინაშე უნდა წარდგნენ, ხოლო შემდეგ პლენარულ სხდომაზე ნდობის გამოხატვის პროცედურა გაიმართება.

საშემოდგომო სესიის ფარგლებში იგეგმება 2020 წლის სახელმწიფო ბიუჯეტის პროექტის დამტკიცება, უზენაესი სასამართლოს მოსამართლეების კანდიდატურების დამტკიცება 20 ვაკანტურ ადგილზე, ასევე თბილისში 20-21 ივნისს განვითარებულ მოვლენებზე რეზოლუციის სამი პროექტის განხილვა.

სად მიდის ბახტაძე?>>

საშემოდგომო სესიის პერიოდში იგეგმება საარჩევნო სისტემის შეცვლაც – უკვე 2020 წელს საპარლამენტო არჩევნები პარტიული სიებით უნდა ჩატარდეს. საკონსტიტუციო შესწორებების საყოველთაო განხილვის საორგანიზაციო კომისია სამშაბათს პლენარულ სხდომაზე შეიქმნება.

48
თემები:
საქართველოს პარლამენტი (192)
ცესკო

ცესკოში საპარლამენტო არჩევნებზე დამკვირვებელთა რეგისტრაცია გრძელდება

4
(განახლებულია 10:00 24.09.2020)
ამ დროისათვის საერთაშორისო დამკვირვებლის სტატუსით რეგისტრაცია ცესკოში ექვსმა ორგანიზაციამ გაიარა.

თბილისი, 24 სექტემბერი  — Sputnik. ცენტრალურმა საარჩევნო კომისიამ ამ დროისთვის უკვე დაარეგისტრირა ექვსი საერთაშორისო და 49 ადგილობრივი ორგანიზაცია, რომლებიც არჩევნების მსვლელობას დააკვირდებიან, ნათქვამია ცესკოს ვებგვერდზე გამოქვეყნებულ მასალებში.

საქართველოში 31 ოქტომბერს საპარლამენტო არჩევნები გაიმართება. პარალელურად ამ დღეს ჩატარდება არჩევნები აჭარის უმაღლესი საბჭოს და რამდენიმე მუნიციპალიტეტში მერებისა და საკრებულოს დეპუტატების არჩევნები. 

ამ ეტაპზე სადამკვირვებლო ორგანიზაციებს მხოლოდ განაცხადები შეაქვთ. ორგანიზაციების და დამკვირვებლების ზუსტი რაოდენობა ცნობილი არჩევნებამდე ერთი კვირით ადრე გახდება.

ამ დროისათვის საერთაშორისო დამკვირვებლის სტატუსით რეგისტრაცია გაიარეს: „ადამიანის უფლებათა საერთაშორისო საზოგადოება" (ISHR), „საერთაშორისო რესპუბლიკური ინსტიტუტი" (IRI), „საერთაშორისო საქმეთა ეროვნულ-დემოკრატიული ინსტიტუტი" (NDI), „საარჩევნო სისტემების საერთაშორისო ფონდი" (IFES), „ინიციატივა დიალოგისა და დემოკრატიისთვის" (SILBA) და ამერიკის შეერთებული შტატების საელჩო საქართველოში.

ადგილობრივი ორგანიზაციების რაოდენობა გაცილებით მეტია – 53, მათ შორის არიან ისეთი გამოცდილი ორგანიზაციები, როგორიცაა „საქართველოს ახალგაზრდა იურისტთა ასოციაცია“, „საერთაშორისო გამჭვირვალობა – საქართველო“ და „სამართლიანი არჩევნებისა და დემოკრატიის საერთაშორისო საზოგადოება“ და ა.შ. კენჭისყრის პროცესების გაშუქების მიზნით ცესკოში აკრედიტაციას მასმედიის წარმომადგენლებიც გადიან. ამ დროისთვის რეგისტრაცია უკვე გაიარა 16–მა მედია–ორგანიზაციამ.

4
თემები:
საქართველოს საპარლამენტო არჩევნები 2020
ცესკო

როგორ უნდა მოხდეს საკარანტინე სივრცეებში არჩევნების ორგანიზება? შეხვედრა ცესკოში

34
(განახლებულია 23:33 23.09.2020)
 საარჩევნო უბნებზე ამომრჩევლებისა და კომისიების წევრებისთვის  სანიტარიულ–ჰიგიენური წესები  სპეციალურმა სამუშაო ჯგუფმა შეიმუშავა, რომელშიც ცესკოს, პოლიტიკური პარტიების, სამოქალაქო სექტორის და საერთაშორისო ორგანიზაციების წარმომადგენლები შედიან.

თბილისი, 24 სექტემბერი  — Sputnik.  ცენტრალური საარჩევნო კომისია იმ სავალდებული წესებისა და რეკომენდაციების შემუშავების საკითხებზე მუშაობს, რომელიც სტაციონარულ სამკურნალო დაწესებულებებსა და საკარანტინე სივრცეებში კენჭისყრის ორგანიზებისას უნდა იყოს გათვალისწინებული, ნათქვამია უწყების ვებგვერდზე გავრცელებულ ინფორმაციაში. 

გუშინ, ცესკოს თავმჯდომარე თამარ ჟვანიამ  ჯანდაცვის  მინისტრის მოადგილე გიორგი წოწკოლაურთან და  დაავადებათა კონტროლისა  და საზოგადოებრივი ჯანმრთელობის ეროვნული ცენტრის დირექტორის მოადგილე პაატა იმნაძესთან  სამუშაო შეხვედრა გამართა.

შეხვედრის მონაწილეებმა  ის შესაძლებლობები და რისკები განიხილეს, რაც სტაციონარულ სამკურნალო დაწესებულებებსა და საკარანტინე სივრცეებში არჩევნების ორგანიზებას უკავშირდება.

„ამ საკითხებზე მსჯელობა ხელს შეუწყობს საარჩევნო ადმინისტრაციის პოზიციის ჩამოყალიბებას, რომელიც შემდგომ  სპეციალურ სამუშაო ჯგუფთან განიხილება. ცესკომ სწორედ ამ სამუშაო ჯგუფთან ერთად უკვე შეიმუშავა კენჭისყრის დღის ეპიდემიოლოგიური პროტოკოლი“, – ნათქვამია ცესკოს მიერ გავრცელებულ ინფორმაციაში.

 საარჩევნო უბნებზე ამომრჩევლების, საარჩევნო კომისიების წევრებისა და ჩართული მხარეებისთვის  სანიტარიულ–ჰიგიენური წესები  სპეციალურმა სამუშაო ჯგუფმა შეიმუშავა, რომელშიც საარჩევნო ადმინისტრაციის, პოლიტიკური პარტიების, სამოქალაქო სექტორის და საერთაშორისო ორგანიზაციების წარმომადგენლები შედიან. 

საქართველოში საპარლამენტო არჩევნები 31 ოქტომბერს უნდა გაიმართოს. დღეს არსებული ეპიდდემიოლოგიური მდგომარეობის პირობებში აუცილებელია ყველაფერი გაკეთდეს, რათა, ერთი მხრივ, დაცული იყოს არჩევნებზე ხმის მიცემასთან დაკავშირებული ადამიანის ფუნდამენტური უფლება, ხოლო მეორე მხრივ – ქვეყანაში ინფექციის შემდგომი გავრცელების პრევენცია მოხდეს.

ცესკომ უკვე მიიღო დადგენილება, რომლითაც რეგულირდება კენჭისყრის შენობებში შესვლის, გამოსვლის, ყოფნის, გადაადგილების, თერმოსკრინინგის, პირბადის გამოყენების, საარჩევნო უბანზე უფლებამოსილი პირის სხვა პირით ჩანაცვლების წესები.
კენჭისყრის დღეს  საარჩევნო უბნებზე კომისიის ყველა წევრი და ამომრჩევლები პირბადეებით უნდა გამოცხადდნენ.

კენჭისყრის შენობის შესასვლელებთან განთავსებული იქნება დეზობარიერი, ხელის დეზინფექციისთვის საჭირო ხსნარი და ინფორმაცია ვირუსის გავრცელების პრევენციული ღონისძიებების შესახებ.  


კომისიის წევრებმა, რომელთაც უშუალო შეხება აქვთ ბიულეტენებთან, კონვერტებთან, სიებთან, უნდა გამოიყენონ ხელთათმანები.

ამომრჩეველს კენჭისყრის პერიოდში პირბადის მოხსნა ორჯერ მოუწევს – კენჭისყრის ოთახში შესვლისას და რეგისტრატორის მაგიდასთან იდენტიფიცირებისას. პირბადის გამოყენებაზე გამონაკლისი დაშვებული იქნება იმ პირებისთვის, ვისაც ჯანმრთელობის მდგომარეობის გამო უჭირს პირბადის ტარება. ამ შემთხვევაში აღნიშნულმა პირმა სამედიცინო ცნობა უნდა წარადგინოს.

ცენტრალურ საარჩევნო კომისიებში არჩევნებში მონაწილეობისთვის 58 პარტია და ორი ბლოკია დარეგისტრირებული. პარლამენტში სულ 150 ადგილია, აქედან 120 ადგილს დაიკავებენ პარტიებიდან და ბლოკებიდან პროპორციული სისტემით არჩეული კანდიდატები, 30-ს კი ერთმანდატიან საარჩევნო ოლქში გამარჯვებული კანდიდატები.

34
თემები:
საქართველოს საპარლამენტო არჩევნები 2020