ქიბარ ხალვაში და პაატა სალია

„რუსთავი 2“-ს სააკაშვილი და გვარამია ანგრევდნენ" ხალვაში ბოლო მოვლენების შესახებ

217
(განახლებულია 12:31 23.08.2019)
ტელეკომპანია „რუსთავი 2“-ის ახალმა მფლობელმა საინფორმაციო სამსახურის ჟურნალისტების დემარში შეაფასა.

თბილისი, 23 აგვისტო — Sputnik. ტელეკომპანია „რუსთავი 2“-ის ახალმა მფლობელმა ქიბარ ხალვაშმა საქართველოს ექს–პრეზიდენტი მიხეილ სააკაშვილი და არხის ყოფილი გენერალური დირექტორი ნიკა გვარამია ტელეკომპანიის მიზანმიმართულ ნგრევაში დაადანაშაულა. 

ტელეკომპანიის მთავარი საინფორმაციო გამოშვება „კურიერის“ ჟურნალისტების თითქმის სრულმა შემადგენლობამ არხი დატოვა მიუხედავად იმისა, რომ მათ დარჩენა შესთავაზეს. ჟურნალისტების განცხადებით, ახალი მფლობელის პირობებში დამოუკიდებელი სარედაქციო პოლიტიკა ვერ შენარჩუნდება. ტელეკომპანიის მფლობელის შეცვლა 18 ივლისს, ადამიანის უფლებათა ევროპული სასამართლოს გადაწყვეტილების გამოქვეყნების შემდეგ მოხდა.

„საზოგადოებისთვის ცნობილია „რუსთავი 2“-ში ბოლო დღეებში მიმდინარე პროცესები. ეს კიდევ ერთი მტკიცებულებაა ჩემი ვარაუდის, რომ სააკაშვილი და გვარამია მიზანმიმართულად ანგრევენ კომპანიას. ფაქტია, რომ ტელევიზიის ფინანსური კრახის შემდეგ გვარამია გადაერთო თანამშრომლებზე და მათ წინააღმდეგ გაუგონარი ფსიქოლოგიური შეტევა და ბულინგი დაიწყო“, – დაწერა ხალვაშმა.

მან აღნიშნა, რომ ჟურნალისტებს სარედაქციო პოლიტიკაში ჩაურევლობის პირობებში შესთავაზა დასავლური, ცივილიზებული სტანდარტებით მუშაობა. ეს, მისი სიტყვებით, ნიშნავდა „კრიტიკულ, ობიექტურ და მიუკერძოებელ მაუწყებლობას“. მაგრამ ზოგიერთმა ჟურნალისტმა რამდენიმე ადამიანის „კონკრეტული მიზეზით“ გათავისუფლება მიიღო როგორც სარედაქციო პოლიტიკაში ჩარევის მცდელობა. 

„თუმცა, ვერც ერთი ჟურნალისტი ვერ იტყვის, რომ ამ დროის განმავლობაში ჩემი მხრიდან ადგილი ჰქონდა მათ საქმიანობაში რაიმე სახის ჩარევას. ჟურნალისტების გარკვეული ნაწილის წასვლა თავიდანვე ნათელი იყო და მხოლოდ ნიკა გვარამიას მოწოდებაზე იყო დამოკიდებული“, – აღნიშნა ხალვაშმა.

მისი სიტყვებით, გვარამიამ „რუსთავი 2“ ყოფილი მმართველი პარტია „ერთიანი ნაციონალური მოძრაობის“ პროპაგანდის იარაღად გადააქცია.

„ჩემთვის ნათელია, რომ ნიკა გვარამია მის პატრონთან სააკაშვილთან ერთად ცდილობდა „რუსთავი 2"-სთვის დაეკარგა ტელევიზიის სახე და აგრესიული პარტიული პროპაგანდის იარაღად გადააქცია. წლების განმავლობაში ამ პროპაგანდის მთავარი ინსტრუმენტი იყო სიცრუე და საზოგადოების ცნობიერებაზე ძალადობა. ბუნებრივია, ამ ყველაფერმა ტელევიზიის სანდოობას პირველი კრიტიკული დარტყმა მიაყენა“, – განაცხადა ხალვაშმა. 

ხალვაში „რუსთავი 2“-ის ფინანსურ პრობლემებში გვარამიას ადანაშაულებს.

გვარამიას წინააღმდეგ სისხლის სამართლის საქმე უკვე აღძრულია. მას ბრალი ედება იმაში, რომ „რუსთავი 2“-ის ინტერესების საზიანოდ მისი მეგობრების კომპანია „ინტერ მედია პლუსისთვის“ მრავალმილიონიანი მოგების პირობები შექმნა. სწორედ ამ კომპანიასთან გაფორმდა 2015 წლის იანვარში შეთანხმება, რომელიც „ინტერ მედია პლუსს“ ტელეკომპანიის ეთერში რეკლამის განთავსების უფლებას აძლევდა. მაშინ „რუსთავი 2“-ის ზარალმა 7,4 მლნ ლარი შეადგინა, „ინტერ მედია პლუსის“ შემოსავალმა კი 8,7 მლნ ლარი. 

„უმძიმესი დარტყმა იყო ის ფინანსური მაქინაციები, რომლებმაც ტელეკომპანია ამ ვითარებამდე მიიყვანა. მათ შორის იყო ის ერთ-ერთი ეპიზოდი, რის გამოც მოხდა რამდენიმე თანამშრომლის გათავისუფლება. იმ დროს, როდესაც კომპანიის თანამშრომლების ხელფასები გაყინული იყო, გვარამიას, ანჯაფარიძეს, მელაძეს, ლაფერაშვილს, გაბუნიას, ასევე ყოფილ თანამშრომელ უდუმაშვილს ასიათასობით ლარი აქვთ მიღებული“, – განაცხადა ხალვაშმა.

მისი სიტყვებით, ახლა ეს ადამიანები ამტკიცებენ, რომ აღნიშნული თანხები ბონუსის სახით მიიღეს.

„თუმცა აშკარაა, რომ ასეთი ბონუსები კომპანიას არ გაუცია და სწორედ „რუსთავი 2“-ის კუთვნილი, მაგრამ სხვა კომპანიაში დალექილი თანხები მიიღეს, ჩუმად, სხვა თანამშრომლებისგან მალულად, გადასახადების გადაუხდელად“, – განაცხადა ხალვაშმა.

ამასთან, მან პირობა დადო, რომ ყველაფერს გააკეთებს „რუსთავი 2“-ის გადასარჩენად, რათა „შექმნილ ვითარებაში სწრაფად მოვახერხოთ არხის რეაბილიტაცია და ისევ იმ „კურიერის" დაბრუნება ეთერში“.

„სამწუხაროდ, ბევრმა ჟურნალისტმა გუშინ მიიღო ემოციური გადაწყვეტილება, რაც, იმედი მაქვს, რომ მალე შეიცვლება, როდესაც დარწმუნდებიან, რომ „რუსთავი 2“ არ ღალატობს თავის ძველ ტრადიციას, არის კრიტიკული, შეუპოვარი და დამოუკიდებელი, ისეთი, როგორიც იყო წლების წინ, სანამ ბოლომდე პოლიტიკური წნეხის ქვეშ მოექცეოდა და როდესაც მათ საზოგადოება ენდობოდა. პოზიტიურ სიახლეებს უახლოეს დღეებში შეგატყობინებთ!" – განაცხადა ხალვაშმა.

217
თემები:
დავა „რუსთავი 2"-ის ირგვლივ (194)
გიორგი ვოლსკი

ვოლსკი: ოპოზიცია ქვეყანაში დაუმორჩილებლობის ტალღის აგორებას ვერ შეძლებს

19
(განახლებულია 17:25 01.12.2020)
მმართველი გუნდის ერთ–ერთი ლიდერის განმარტებით, ოპოზიციის წარმომადგენლების განცხადებების პათოსით ერთნაირია, მიზანი კი ქვეყანაში დესტაბილიზაციის შექმნაა.

 

თბილისი, 1 დეკემბერი – Sputnik. საქართველოს პარლამენტის პირველმა ვიცე–სპიკერმა გიორგი ვოლსკიმ განაცხადა, რომ ოპოზიცია ქვეყანაში დაუმორჩილებლობის მეორე ტალღას ვერ ააგორებს, რამდენადაც ხალხს კარგად ესმის თუ რამდენად მძიმე გამოწვევის წინაშე დგას საქართველო და მსოფლიო. 

ასე გამოეხმაურა ვოლსკი ოპოზიციური პარტია „გირჩის“ ლიდერის ზურაბ ჯაფარიძის განცხადებას, რომელმაც მოსახლეობას მოუწოდა არ დაემორჩილონ შემზღუდველ რეგულაციებს, რადგანაც ბევრი მათგანი კონსტიტუციას ეწინააღმდეგება. საკონსტიტუციო სასამართლოში შესაბამის სარჩელი უკვე შევიდა.

 „მუქარა, რომ საქართველო დაუმორჩილებლობამ უნდა მოიცვას, ყოველივე ეს ამ ოპოზიციური ერთობის საერთო განწყობა და შინაარსია, რომელიც ქვეყანას დესტაბილიზაციით ემუქრება“, – განაცხადა ვოლსკიმ ჟურნალისტებთან.

ქვეყანაში მკვეთრად გაუარესებული ეპიდვითარების გამო, მთავრობამ 28 ნოემბრიდან მკაცრი შეზღუდვები შემოიღო. 

ცერცვაძე: ვირუსის გართულებები საფრთხეს უქმნის როგორც ხანდაზმულებს, ასევე ახალგაზრდებს>>>

დიდ ქალაქებში არ მუშაობს მუნიციპალუტი ტრანსპორტი, დაიკეტა სავაჭრო ცენტრები, ბაზრობები (გარდა აგრარული ბაზრისა), ფიტნეს–დარბაზები და აუზები, სასწავლო დაწესებულებები მუშაობის დისტანციურ რეჟიმზეა გადასული. გარდა ამისა, ქვეყნის მთელ ტერიტორიაზე 21:00 საათიდან 05:00 საათამდე იკრძალება ქუჩაში როგორც ქვეითების, ისე ტრანსპორტის გადაადგილება.

შსს–ს ცნობით, სამართალდამცველებმა ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 984 ფაქტი გამოავლინეს – 79 ფიზიკური პირი „იზოლაციის ან/და კარანტინის წესის დარღვევის“ ფაქტზე, 905 კი პირბადის ტარების წესის დარღვევისთვის დაჯარიმდა.

პირბადის ტარების წესის დარღვევა იწვევს ადმინისტრაციულ პასუხისმგებლობას და ჯარიმას 20 ლარის ოდენობით. იზოლაციისა და კარანტინის წესის დარღვევა კი იწვევს ადმინისტრაციულ პასუხისმგებლობასა და ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. დარღვევის გამეორება სისხლის სამართლებრივ პასუხისმგებლობას ითვალისწინებს.

19
თემები:
COVID-19 საქართველოში
ანა მიქელაძე

ცესკოს პრეს-სპიკერმა თანამდებობა დატოვა

54
(განახლებულია 16:47 01.12.2020)
ანა მიქელაძემ აღნიშნა, რომ მისთვის დაკავებული თანამდებობის დატოვება რთული, მაგრამ მნიშვნელოვანი იყო.

თბილისი, 1 დეკემბერი – Sputnik. საქართველოს ცენტრალური საარჩევნო კომისიის (ცესკო) პრეს-სპიკერმა ანა მიქელაძემ დაკავებული თანამდებობა დატოვა. ამის შესახებ მან თავის Facebook-გვერდზე დაწერა.

აწ უკვე ყოფილი პრეს-სპიკერი აცხადებს, რომ მან ეს გადაწყვეტილება თავისი სურვილით მიიღო.

„ცხოვრებაში გვიწევს რთული, მაგრამ მნიშვნელოვანი გადაწყვეტილებების მიღება და, რაღა თქმა უნდა, თითოეული ჩვენი ნაბიჯი თანხვედრაში უნდა იყოს ჩვენივე ღირებულებებთან. ვინც კარგად მიცნობთ, იცით, რომ ყოველთვის, როგორც ადგილობრივ და საერთაშორისო ორგანიზაციებში, ისე საჯარო სექტორში მუშაობისას ვხელმძღვანელობდი მხოლოდ პროფესიონალიზმის, სამართლიანობის, კეთილსინდისიერების პრინციპებით და მუდამ ვცდილობდი ჩემი, თუნდაც მცირე წვლილი შემეტანა ჩვენი ქვეყნის განვითარების პროცესში“, – დაწერა მიქელაძემ.

მან მადლობა გადაუხადა თავის კოლეგებს, პარტნიორებსა და ჟურნალისტებს, რომლებთანაც დიდი ხნის საქმიანი და მეგობრული ურთიერთობები აკავშირებს.

ანა მიქელაძე ცესკოს ბრიფინგზე ბოლოს ნოემბრის დასაწყისში გამოჩნდა, ამის შემდეგ არჩევნების შესახებ ინფორმაციას ჟურნალისტებს პრეს-სპიკერის მოვალეობის შემსრულებელი ნათია იოსელიანი აწვდიდა.

პრესაში მაშინვე გაჩნდა ინფორმაცია იმის თაობაზე, რომ მიქელაძემ თანამდებობა არჩევნების გაყალბების გამო დატოვა, თუმცა ცესკოში მისი წასვლის შესახებ ოფიციალური განცხადება არ გაუკეთებიათ.

საქართველოში 31 ოქტომბრის საპარლამენტო არჩევნების შედეგად საკანონმდებლო ორგანოში რვა ოპოზიციური პარტია და ბლოკი შევიდა. მაგრამ ისინი არ აღიარებენ არჩევნების შედეგებს, აცხადებენ, რომ არჩევნები გაყალბდა და ამიტომ სადეპუტატო მანდატებზე უარს ამბობენ.

ოპოზიცია ცესკოს თავმჯდომარისა და გაყალბებაში მონაწილე ყველა პირის გადადგომას მოითხოვს.

54
Tbilisi Energy 114-ის მორიგე ბრიგადა

„თბილისი ენერჯის“ კომერციული მომხმარებლებისთვის გაზის ტარიფს აძვირებს

0
(განახლებულია 18:34 01.12.2020)
ბუნებრივი აირის ტარიფი უცვლელი მხოლოდ პურის საწარმოებისთვის დარჩება, სხვა დანარჩენი კომერციული ობიექტები კი 3 იანვრიდან ერთ კუბურ მეტრ მოხმარებულ გაზში 1.10 ლარს გადაიხდიან.

თბილისი, 1 დეკემბერი – Sputnik. „თბილისი ენერჯის“ კომერციული მომხმარებლებისთვის პურის საწარმოების გარდა, 2021 წლის 3 იანვრიდან ბუნებრივი გაზის ღირებულება იცვლება, ნათქვამია კომპანიის გვერდზე.

2021 წლის 3 იანვრიდან კომპანიის არასაყოფაცხოვრებო მომხმარებლისათვის მისაწოდებელი ბუნებრივი აირის ფასი ერთ კუბურ მეტრზე განისაზღვრება 1.10 ლარით, დამატებული ღირებულების გადასახადის ჩათვლით.

კომპანიის განცხადებით, ბოლო წლებში ეროვნული ვალუტის კურსის ცვლილებამ აშშ დოლართან მიმართებით სერიოზული პრობლემები შექმნა დედაქალაქის უწყვეტი გაზმომარაგების საკითხში, ვინაიდან კომპანია ბუნებრივი გაზის შესყიდვას ახორციელებს აშშ დოლარში, ხოლო მომხმარებლებთან ბუნებრივი გაზის მიწოდებისას ანგარიშსწორებას ახდენს ლარში ფიქსირებული ფასით.

„შპს „თბილისი ენერჯი“ დღემდე ინარჩუნებს ბუნებრივი გაზის ყველაზე დაბალ ტარიფს არასაყოფაცხოვრებო მომხმარებლებისთვის. კომპანია შექმნის პირველივე დღიდან, ქართული ბიზნესის განვითარების ხელშეწყობისთვის, საკუთარი რესურსებით აბალანსებს ვალუტის კურსის ცვლილებით, ბუნებრივი გაზის შესაძენ და სარეალიზაციო ფასებს შორის წარმოქმნილ სხვაობას“, - ნათქვამია კომპანიის განცხადებაში.

კომპანიის ცნობით, მილიონობით ლარის ზარალი სერიოზულ საფრთხეს უქმნის მნიშვნელოვან პროექტებს, რომლებსაც შპს „თბილისი ენერჯი“ დედაქალაქის მასშტაბით ახორციელებს - მაგალითად, გამანაწილებელი ქსელის რეაბილიტაცია-განახლება, რომელიც 60 წელია არ შეცვლილა და მწყობრიდანაა გამოსული. ქსელის განახლება სასიცოცხლოდ მნიშვნელოვანია ჩვენი აბონენტების, დედაქალაქის მოსახლეობის მეტი უსაფრთხოებისთვის.

„დღეისათვის შპს „თბილისი ენერჯის“ უჭირს მოწოდებული ბუნებრივი გაზის შესასყიდად საკმარისი ფინანსური სახსრების აკუმულირება, რაც არა მხოლოდ რეალურ საფრთხეს უქმნის მომხმარებელთა უწყვეტ გაზმომარაგებას, არამედ კომპანიის ნორმალურ და უსაფრთხო ფუნქციონირებას“,- აღნიშნულია განცხადებაში.

კომპანიის განცხადებით, იმისათვის, რომ არ შეფერხდეს ბუნებრივი გაზის შესყიდვის პროცესი და თბილისის მოსახლეობის უწყვეტი გაზმომარაგება, აუცილებელია არასაყოფაცხოვრებო აბონენტებისთვის ბუნებრივი გაზის ფასის კორექტირება.

„ხაზგასმით აღვნიშნავთ, რომ ბუნებრივი გაზის ფასი არ ძვირდება საყოფაცხოვრებო მომხმარებლებისთვის, რომელიც 1 კუბურ მეტრზე 0,461374 ლარს შეადგენს და დადგენილია სემეკის მიერ. ასევე, ქვეყანაში დღეს არსებული მდგომარეობის გათვალისწინებით ტარიფი არ გაუძვირდებათ პურის საწარმოებს“, - აღნიშნულია განცხადებაში.
0
თემები:
საქართველოს ენერგეტიკა