რუსთავი 2

ია კიწმარიშვილი: მოვუწოდებ პოტენციურ მყიდველებს, თავი შეიკავონ სადავო ქონების ყიდვისგან

166
(განახლებულია 16:21 12.08.2019)
ტელეკომპანია „რუსთავი2"-სთვის ბრძოლა გრძელდება - ტელეკომპანიის ყოფილი დამფუძნებლის ეროსი კიწმარიშვილის მეუღლემ, ია კიწმარიშვილმა სასამართლოში სარჩელი შეიტანა

თბილისი, 12 აგვისტო — Sputnik. ტელეკომპანია „რუსთავი 2"- ის ერთ-ერთი დამფუძნებლის, ეროსი კიწმარიშვილის მეუღლე ია კიწმარიშვილმა თბილისის საქალაქო სასამართლოში ტელეკომპანია „რუსთავი 2"-ის 30%-იანი წილის დაბრუნების მოთხოვნით სარჩელი შეიტანა, იუწყება საზოგადოებრივი მაუწყებლის პირველი არხი.

ხალვაში ტელეკომპანია „რუსთავი 2“-ს ყიდის>>>

1994 წელს დაარსებულმა ტელეკომპანია „რუსთავი 2“-მა მფლობელი რამდენჯერმე შეიცვალა. ყველაზე დიდხანს ტელეკომპანიას ფლობდა მისი დამფუძნებელი ეროსი კიწმარიშვილი ორ თანადამფუძნებელთან – დავით დვალთან და ჯარჯი აქიმიძესთან ერთად.

მას შემდეგ, რაც 2003 წელს ქვეყნის სათავეში „ერთიანი ნაციონალური მოძრაობა" მოვიდა, „რუსთავი 2"-ის დამფუძნებლებმა თავიანთი წილი გაყიდეს. იქიდან მოყოლებული დაიწყო მუდმივი გარიგებების პერიოდი სხვადასხვა, მათ შორის, ოფშორული კომპანიის მიერ არხის ყიდვა-გაყიდვის საკითხზე, ვიდრე 2012 წელს „რუსთავი 2" ძმებმა ყარამანაშვილებმა არ შეიძინეს.

2015 წელს „რუსთავი 2"-ზე პრეტენზია განაცხადა ბიზნესმენმა ქიბარ ხალვაშმა, რომელიც ტელეკომპანიას 2004-2006 წლებში ფლობდა. ბიზნესმენის მტკიცებით, მას ტელეკომპანიის გაყიდვა აიძულეს. საბოლოოდ, ბიზნესმენმა რამდენიმეწლიანი სასამართლო დავის შედეგად, მოიგო საქმე, რომელიც ერთ-ერთ- რეზონანსული აღმოჩნდა საქართველოს უახლეს ისტორიაში.

ხალვაშმა ტელეკომპანიის დაბრუნება 2014 წელს, არხის დამფუძნებლის ეროსი კიწმარიშვილის გაურკვეველ ვითარებაში გარდაცვალებიდან ერთი თვის შემდეგ მოითხოვა. გარდაცვალებამდე რამდენიმე კვირით ადრე კიწმარიშვილი აცხადებდა, რომ მოყვებოდა, თუ როგორ აიძულეს თავის დროზე „რუსთავი 2" ხალვაშისთვის მიყიდვა. რაც შეეხება დვალსა და აქიმიძეს, ისინი ტელეკომპანიის ახალი მფლობელისგან, ბიზნესმენ ქიბარ ხალვაშისგან 60%-იანი წილის დაბრუნებას მოითხოვენ.

გარდა ამისა, ტელეკომპანია  „რუსთავი 2"-ზე საკუთარი უფლებები საქართველოს თავდაცვის ექს-მინისტრმა ირაკლი ოქრუაშვილმა  ტელეკომპანიის მფლობელების შეცვლის შემდეგ წამოაყენა.

ოქრუაშვილის ადვოკატის განცხადებით, ქიბარ ხალვაში „რუსთავი 2"-ის მფლობელი არასდროს ყოფილა და უბრალოდ ოქრუაშვილის ნომინირებული პირი იყო. ამის დასტურად ოქრუაშვილმა 2010 წელს ბერლინში გაფორმებული დოკუმენტი წარმოადგინა, რომლის თანახმად, მისი პირობების დარღვევის შემთხვევაში ხალვაშმა ოქრუაშვილს 7 მილიონი დოლარი უნდა გადაუხადოს. ხალვაშის ადვოკატმა პაატა სალიამ აღნიშნულ დოკუმენტს ჯერ კიდევ მაშინ უწოდა ყალბი. ამ დროისთვის ორაკლი ოქრუაშვილი პატიმრობაში იმყოფება. მას, თბილისის საქალაქო სასამართლომ 20-21 ივნისს პარლამენტის წინ განვითარებულ მოვლენებთან დაკავშირებით, ჯგუფური ძალადობის ორგანიზების, ხელმძღვანელობის და მასში მონაწილეობის ფაქტზე, 27 ივლისს აღკვეთის ღონისძიების სახით პატიმრობა შეუფარდა.

როგორც დღეს ია კიწმარიშვილმა განაცხადა, „რუსთავი 2"-ის 30%-იანი წილის დაბრუნების მოთხოვნით სასამართლოს ჯერ კიდევ 2009 წელს, თავად ეროსი კიწმარიშვილმა მიმართა, თუმცა, სასამართლომ ხანდაზმულობის ვადის გამო სარჩელი არ დააკმაყოფილა.

„მე, როგორც ეროსის სამართალმემკვიდრეს, მაქვს უფლება მოვითხოვო მისი წილი…დავით დვალმა და ჯარჯი აქიმიძემ დავა დაიწყეს მხოლოდ რამდენიმე წლის წინ, 2015 წელს, როდესაც ეს გახდა მათთვის აქტუალური. ეროსი ამას დავობდა 2009 წლიდან. დღეს ქიბარ ხალვაში გეგმავს, გაასხვისოს „რუსთავი 2" და მე მინდა მოვუწოდო პოტენციურ მყიდველებს, თავი შეიკავონ სადაო ქონების ყიდვისგან, რადგან ვაპირებ, ამ საქმეს მივყვე ბოლომდე, იქნება ეს საქართველო, თუ სტრასბურგი", – განაცხადა ია კიწმარიშვილმა.

„რუსთავი 2"- ის ერთ-ერთი დამფუძნებლის მეუღლე არ გამორიცხავს, რომ დავის დასრულებამდე ტელეკომპანია „რუსთავი 2"-ზე ყადაღის დადება მოითხოვოს და წილების გასხვისება შეაჩეროს.

დღეს ცნობილი გახდა, რომ „რუსთავი 2"-ის 100%-იანი წილის მფლობელი ქიბარ ხალვაში ტელევიზიას ყიდის. მისი განცხადებით, აღნიშნული გადაწყვეტილების მიზეზი კომპანიის მწვავე ფინანსური მდგომარეობაა.

ტელეკომპანია ახალი რეალობის წინაშე მას შემდეგ დადგა, რაც მიმდინარე წლის 18 ივლისს ადამიანის უფლებათა ევროპულმა სასამართლომ დაუშვებლად ცნო ქართული სამართალწარმოებისადმი ტელეკომპანია „რუსთავი 2"-ის იურისტებისა და მფლობელების ყველა პრეტენზია. „რუსთავი 2"-ის მფლობელებმა სტრასბურგის სასამართლოს მას შემდეგ მიმართეს, რაც საქართველოს უზენაესმა სასამართლომ 2017 წლის მარტში ძალაში დატოვა ორი ქვედა ინსტანციის სასამართლოს გადაწყვეტილება ტელეკომპანიის ყოფილი მფლობელისთვის, ბიზნესმენ ქიბარ ხალვაშისა და მისი კომპანია „პანორამასთვის" გადაცემის შესახებ.

ხალვაშმა ტელეკომპანიის გენერალური დირექტორი ნიკა გვარამია იმ დღესვე გაათავისუფლა თანამდებობიდან და აღნიშნულ თანამდებობაზე მისი ადვოკატი პაატა სალია დანიშნა.

9 აგვისტოს საქართველოს პროკურატურამ  ტელეკომპანია „რუსთავი 2"-ის ყოფილ გენერალურ დირექტორ ნიკა გვარამიას ბრალი წაუყენა. გამოძიების მტკიცებით, მის მიერ საწარმოს ხელმძღვანელობითი და წარმომადგენლობითი უფლებამოსილების ბოროტად გამოყენებით „რუსთავი 2"-მა ვერ მიიღო 6 მლნ ლარზე მეტი, რითაც საწარმოს დიდი ოდენობით ზიანი მიადგა. საქალაქო სასამართლომ გვარამიას აღკვეთის ღონისძიების სახით გირაოს – 40 ათასი ლარის გადახდა დააკისრა.

შეგახსენებთ, რომ საჯარო რეესტრის სააგენტომ 18 ივლისს დააკმაყოფილა ბიზნესმენ ხალვაშის ადვოკატის განცხადება ტელეკომპანიის წილების ხალვაშსა (60%) და მის კომპანია „პანორამაზე" (40%) გადაფორმების შესახებ. 

 

166
თემები:
დავა „რუსთავი 2"-ის ირგვლივ (194)
ცესკოს შენობა

არჩევნები 2020: ცესკოში პარტიების განაცხადების მიღება გრძელდება

75
(განახლებულია 19:34 11.07.2020)
ამ დროისათვის 2020 წლის საპარლამენტო არჩევნებში მონაწილეობის სურვილი ათმა პოლიტიკურმა პარტიამ გამოხატა

თბილისი, 11 ივლისი — Sputnik. საქართველოს ცენტრალურმა საარჩევნო კომისიამ (ცესკო) გამოაქვეყნა იმ პარტიების ჩამონათალი, რომლებსაც 31 ოქტომბრის საპარლამენტო არჩევნებში მონაწილეობის სურვილი გამოთქვეს.

გახარია: კარგად ჩატარებული არჩევნები – ჩვენი საერთო მიზანია >>

ცესკოს ვებგვერდზე გავრცელებული ინფორმაციის მიხედვით, პარტიებმა უკვე მიიღეს უფლება საარჩვენო კომისიაში ჰყავდეთ საკუთარი წარმომადგენელი. დღეისათვის წინასწარი რეგისტრაცია ცესკოში გაიარეს შემდეგმა პოლიტიკურმა ძალებმა:

  • „სამართლიანობის აღდგენის კავშირი - ხმა ერისა: უფალია ჩვენი სიმართლე „სოციალური სამართლიანობისთვის“
  • „ქრისტიან-დემოკრატიული მოძრაობა“
  • „საქართველო“
  • „საქართველოს ერთობისა და განვითარების პარტია“
  • „ახალი პოლიტიკური ცენტრი - გირჩი“
  •  „მოძრაობა თავისუფალი საქართველოსთვის“
  • „საქართველოს ძალოვან ვეტერანთა და პატრიოტთა პოლიტიკური მოძრაობა”
  • „ქრისტიან-დემოკრატიული მოძრაობა“
  • „ახალი ქრისტიან-დემოკრატები“
  • „ევროპელი დემოკრატები“

პარტიების განაცხადების მიღება არჩევნებამდე 43 დღით ადრე - 21 სექტემბერს შეწყდება. ამის შემდეგ პარტიებმა, რომლებმაც წინა არჩევნებზე 15 ათასი ხმა ვერ მოიპოვეს, ცესკოში უნდა წარადგინონ 5 ათასი მხარდამჭერის ხელმოწერა - ბლანკებზე და ელექტრონული სახით. პარტიების საბოლოო ჩამონათვალი გახდება ცნობილი სიების შემოწმების შემდეგ, არჩევნებამდე 30 დღით ადრე - 2 ოქტომბერს. მხარდამჭერების სიების შემოწმების შემდეგ პარტია გაივლის ოფიციალურ რეგისტრაციას და ბიულეტენში თავიანთი რიგითი ნომრები მიენიჭებათ.

პარლამენტში მოსახვედრად პარტიამ არჩევნებზე მისული ამომრჩევლების ხმების სულ მცირე 1% უნდა მიიღოს.

75
თემები:
საქართველოს პოლიტიკური ცხოვრება
ვანო მერაბიშვილი

„ახალი ხალხი მოვა“ - მერაბიშვილმა პოლიტიკაში დაბრუნება გამორიცხა

146
(განახლებულია 17:24 11.07.2020)
ყოფილმა პრემიერ-მინისტრმა გამოთქვა რწმენა იმისა, რომ მოახლოებული არჩევნების შემდეგ საქართველოში ხელისუფლება შეიცვლება

თბილისი, 11 ივლისი — Sputnik. ყოფილმა პრემიერ მინისტრმა და ყოფილმა შინაგან საქმეთა მინისტრმა ვანო მერაბიშვილმა გამორიცხა თავისი დაბრუნება საქართველოს მთავრობაში, თუნდაც ხელისუფლების შეცვლის შემთხვევაში.

მერაბიშვილი გირგვლიანის საქმეზე: არასწორად მოვიქეცი თანამდებობა რომ არ დავტოვე >>

„მე პირადად უკვე ამოვწურე ყველა თანამდებობა, რომელიც კი შეიძლება დამეკავებინა. მინისტრი ვერ ვიქნები. ყოფილი პრემიერ-მინისტრი ვერ იქნება მინისტრი, ხოლო პრემიერ-მინისტრის თანამდებობაზე არც კი ვფიქრობ. ახალი ხალხი მოვა“, - განაცხადა მერაბიშვილმა ჟურნალისტ დმიტრი გორდონთან ინტერვიუში.

ამავე ინტერვიუში მერაბიშვილმა გამოთქვა რწმენა, რომ საქართველოში ხელისუფლება აუცილებლად შეიცვლება არჩევნების შემდეგ, მაგრამ, მისი თქმით, მომავალში ახალი ხელსუფლება პრობლემების წინაშე დადგება.

„სამწუხაროდ, ახალ მთავრობას ექნება ნაკლები აზარტი, ნაკლები მოტივაცია. მათ რეფორმატორების წარმატებაც და წარუმატებლობაც ნახეს. ეს არის ყველაზე ცუდი იქიდან, რაც მოხდა. რეფორმების გატარებისას ისინი შეშინდებიან, დაფრთხებიან, იქნებიან უფრო ფრთხილები, რეფორმები კი ასე არ კეთდება. მაგრამ იმედი მაქვს, რომ გლობალიზაცია, ევროკავშირში შესვლა დააჩქარებს სიტუაციის გაუმჯობესებას საქართველოში. ყველაზე მთავარია, რომ ეს გამოიყვანს ქვეყანას იმ სტაგნაციიდან, რომელშიც ის ახლა იმყოფება“, - განაცხადა მერაბიშვილმა.

რაც შეეხება მის გეგმებს პოლიტიკასთან დაკავშირებით, ყოფილმა შინაგან საქმეთა მინისტრმა განაცხადა, რომ მათ თბილისში პრესკონფერენციაზე გაახმოვანებს.

ექს-პრეზიდენტ მიხეილ სააკაშვილის პარტიის „ერთიანი ნაციონალური მოძრაობის“ ყოფილი წევრი თითქმის შვიდწლიანი პატიმრობიდან თებერვალში გათავისუფლდა. სააკაშვილის ხელისუფლების დროს ის ერთ-ერთი ყველაზე გავლენიანი პოლიტიკოსი იყო.

ამჟამად მერაბიშვილი უკრაინაში იმყოფება. მანამდე კი პოლონეთში მკურნალობის კურსი გაიარა.

 

146
თემები:
საქართველოს პოლიტიკური ცხოვრება
პრეპარატის დამზადება ლაბორატორიაში

რუსეთში დასრულდა მსოფლიოში პირველი COVID-19-ის საწინააღმდეგო ვაქცინის გამოცდა

25
(განახლებულია 12:06 12.07.2020)
პრეპარატის კლინიკური გამოცდები სეჩენოვის სახელობის უნივერსიტეტში ჩატარდა - კვლევამ მისი უსაფრთხოება აჩვენა

თბილისი, 12 ივლისი — Sputnik. დასრულდა მსოფლიოში პირველი COVID-19-ის საწინააღმდეგო ვაქცინის კვლევები, რომელიც რუსეთის სეჩენოვის სახელობის უნივერსიტეტში მოხალისეებზე ჩატარდა, განუცხადა РИА Новости-ს სეჩენოვის უნივერსიტეტის ტრანსლაციური მედიცინისა და ბიოტექნოლოგიების ინსტიტუტის დირექტორმა ვადიმ ტარასოვმა.

შეგახსენებთ, რომ ამ პრეპარატის კლინიკური გამოცდები მოხალისეებზე 18 ივნისს დაიწყო. კვირას დილით ცნობილი გახდა, რომ კვლევები წარმატებით დასრულდა.

მოხალისეები ორ ჯგუფად დაყვეს: პირველ ვაქცინის ერთი დოზა მისცეს, მეორეს - ორი. როგორც სეჩენოვის უნივერსიტეტის სამედიცინო პარაზიტოლოგიის, ტროპიკულ და ტრანსმისიურ დაავადებათა ინსტიტუტის დირექტორმა ალექსანდრ ლუკაშევმა, ვაქცინაციის შემდგომ პირველ დღეებში მათ აღენიშნებოდათ ტემპერატურის მომატება, სხვა ნეგატიური რეაქციები არ დაფიქსირდა.

„ამ ეტაპზე სახეზეა ვაქცინის უსაფრთხოება... ვაქცინის უსაფრთხოება დადასტურდა. ის შეესაბამება იმ ვაქცინების უსაფრთხოებას, რომლებიც ამჟამად ბაზარზე არსებობს“, - განაცხადა ლუკაშევმა.

მოხალისეების გაწერა 15 და 20 ივლისს იგეგმება, მედიკოსები მათ მდგომარეობას მომავალშიც დააკვირდებიან.

ვაქცინის შემუშავების შემდგომი გეგმა შემქმნელის სტრატეგიის შესაბამისად განისაზღვრება, როგორც ლუკაშევმა განმარტა, მასზე სხვა ყველაფერთან ერთად ეპიდსიტუაცია მოქმედებს.

ველოდებით შედეგს: ჯანმო COVID-19-ის რუსული ვაქცინით დაინტერესდა >>

აღსანიშნავია, რომ ეს არ არის ერთადერთი ვაქცინა, რომელიც გამოცდას გადის: ცენტრი „ვექტორი“ COVID-19-ის საწინააღმდეგო ვაქცინის გამოცდას ადამიანებზე ივლისში დაიწყებს.

25
თემები:
COVID-19-ის პანდემია მსოფლიოში