ირაკლი ოქრუაშვილი

ოქრუაშვილი vs ხალვაში: ხელმოწერა დოკუმენტზე ყალბი აღმოჩნდა?

204
ოქრუაშვილის მიერ დაფუძნებული პოლიტიკური პარტია „გამარჯვებული საქართველოს" წარმომადგენლებმა განმეორებითი ექსპერტიზის ჩატარება საქართველოს საზღვრებს გარეთ მოითხოვეს.

თბილისი, 9 აგვისტო — Sputnik. თავდაცვის ექს-მინისტრ ირაკლი ოქრუაშვილსა და ბიზნესმენ ქიბარ ხალვაშს შორის ბერლინში გაფორმებულ ხელშეკრულებაზე ხალვაშის ხელმოწერა ყალბია, იუწყება საზოგადოებრივი მაუწყებლის პირველი არხი ლევან სამხარაულის სახელობის სასამართლო ექსპერტიზის ბიუროზე დაყრდნობით.

ირაკლი ოქრუაშვილი: „რუსთავი 2“ მაშინაც მე მეკუთვნოდა და ხვალაც იქნება ჩემი...“>>>

ოქრუაშვილის ადვოკატმა სასამართლოს ივლისის შუა რიცხვებში მას შემდეგ მიმართა, რაც ოქრუაშვილმა „რუსთავი 2"-ის მფლობელების შეცვლის შემდეგ ტელეკომპანიაზე საკუთარი უფლებები წამოაყენა. დაცვის მხარის განცხადებით, ქიბარ ხალვაში „რუსთავი 2"-ის მფლობელი არასდროს ყოფილა და უბრალოდ ოქრუაშვილის ნომინირებული პირი იყო. ამის დასტურად ოქრუაშვილმა 2010 წელს ბერლინში გაფორმებული დოკუმენტი წარმოადგინა, რომლის თანახმად, მისი პირობების დარღვევის შემთხვევაში ხალვაშმა ოქრუაშვილს 7 მილიონი დოლარი უნდა გადაუხადოს. ხალვაშის ადვოკატმა პაატა სალიამ აღნიშნულ დოკუმენტს ჯერ კიდევ მაშინ უწოდა ყალბი.

ოქრუაშვილის მიერ დაფუძნებული პოლიტიკური პარტია „გამარჯვებული საქართველოს" წარმომადგენლებმა განმეორებითი ექსპერტიზის ჩატარება საქართველოს საზღვრებს გარეთ მოითხოვეს.

„ეს დასკვნა არის ნახევარგვერდიანი, ანუ ძალიან ზედაპირულად ექსპერტი წერს, რომ ასო ვ, ასო შ თურმე თავის დახრილობით და ნიუანსებით არ არის ისეთი, როგორსაც ჩვენ ვაწყდებით ხალვაშის ექსპერიმენტულ ნიმუშებში და ეს იძლევა კატეგორიული დასკვნის გაკეთების საშუალებას, რომ ეს ხელმოწერა ხალვაშის მიერ არ არის შესრულებული", - განაცხადა კემულარიამ.

მისი სიტყვებით, ყოველივე ეს ტელეკომპანია Rustavi2-ის ირგვლივ მიმდინარე „პოლიტიკური პროცესია", რის გამოც უკვე პატიმრობაში იმყოფება პარტიის ლიდერი ირაკლი ოქრუაშვილი. 

ხალვაშის ადვოკატმა თავის მხრივ განაცხადა, რომ ექსპერტიზის ჩატარების სანდოობისთვის ყველა შესაბამისი პროცედურა იქნა ჩატარებული.

„მივიდა სალია და თუ არ ვცდები დაახლოებით ასამდე ხელმოწერა გააკეთა, ამას ირაკლი ოქრუაშვილის ადვოკატიც ესწრებოდა. დავი დაიზღვია და თვითონ მან დანიშნა თითოეული ექსპერტი, რომელიც ამ საქმით დაკავდა. ამასთან, აღებული იქნა ხალვაშის ხელმოწერის ნიმუშები, რომლებიც სხვადასხვა დროს სხვადასხვა დოკუმენტებზე იყო გაკეთებული", - განაცხადა ხალვაშის ადვოკატმა ტელეკომპანია Imedi-ის ეთერში.

ოპოზიციური პარტია „გამარჯვებული საქართველოს" ლიდერი ირაკლი ოქრუაშვილი 2019 წლის 20-21 ივნისს პარლამენტის წინ განვითარებულ მოვლენებთან დაკავშირებით, ჯგუფური ძალადობის ორგანიზების, ხელმძღვანელობის და მასში მონაწილეობის ფაქტზე 25 ივლისს დააკავეს.

თბილისის საქალაქო სასამართლომ 27 ივლისს ოქრუაშვილს აღკვეთის ღონისძიების სახით პატიმრობა შეუფარდა.

ტელეკომპანია ახალი რეალობის წინაშე ხუთშაბათს დადგა, როდესაც ადამიანის უფლებათა ევროპულმა სასამართლომ დაუშვებლად ცნო ქართული სამართალწარმოებისადმი ტელეკომპანია "რუსთავი 2"-ის იურისტებისა და მფლობელების ყველა პრეტენზია. „რუსთავი 2"-ის მფლობელებმა სტრასბურგის სასამართლოს მას შემდეგ მიმართეს, რაც საქართველოს უზენაესმა სასამართლომ 2017 წლის მარტში ძალაში დატოვა ორი ქვედა ინსტანციის სასამართლოს გადაწყვეტილება ტელეკომპანიის ყოფილი მფლობელისთვის, ბიზნესმენ ქიბარ ხალვაშისა და მისი კომპანია „პანორამასთვის" გადაცემის შესახებ.

ამის შემდეგ ხალვაშმა განაცხადა, რომ „რუსთავი 2"-ის სარედაქციო პოლიტიკა არ შეიცვლება, ტელეკომპანიის ყველა თანამშრომელი დარჩება ადგილზე გენდირექტორ ნიკა გვარამიას გარდა.

იმავე დღეს საჯარო რეესტრის სააგენტომ დააკმაყოფილა ბიზნესმენ ხალვაშის ადვოკატის განცხადება ტელეკომპანიის წილების ხალვაშსა (60%) და მის კომპანია „პანორამაზე" (40%) გადაფორმების შესახებ. მოგვიანებით კი დარეგისტრირდა ტელეკომპანიის ახალი გენერალური დირექტორი პაატა სალია.

204
თემები:
დავა „რუსთავი 2"-ის ირგვლივ (194)
ესტონეთის ახლად დანიშნულმა ელჩმა რიინა კალიურანდმა საქართველოს საგარეო საქმეთა მინისტრს დავით ზალკალიანს რწმუნებათა სიგელების ასლები გადასცა

ესტონეთის ელჩმა დავით ზალკალიანს რწმუნებათა სიგელების ასლები გადასცა

52
(განახლებულია 20:15 13.08.2020)
საგარეო საქმეთა სამინისტროში გამართულ შეხვედრაზე რიინა კალიურანდმა და დავით ზალკალიანმა ორმხრივი და მრავალმხრივი ურთიერთობების ფართო სპექტრი განიხილეს.

თბილისი, 13 აგვისტო – Sputnik. ესტონეთის ახლად დანიშნულმა ელჩმა რიინა კალიურანდმა საქართველოს საგარეო საქმეთა მინისტრს დავით ზალკალიანს რწმუნებათა სიგელების ასლები გადასცა, იუწყებიან საგარეო პოლიტიკურ უწყებაში.

ასლების გადაცემის ცერემონიის შემდეგ გაიმართა შეხვედრა, სადაც დავით ზალკალიანმა ხაზი გაუსვა საქართველოსა და ესტონეთს შორის არსებულ განსაკუთრებულ ურთიერთობებს და ესტონეთის მხარეს მადლობა გადაუხადა საქართველოს სუვერენიტეტისა და ტერიტორიული მთლიანობის და ევროპული და ევროატლანტიკური მისწრაფებების მტკიცე მხარდაჭერისთვის.

დიპლომატებმა განიხილეს ორ ქვეყანას შორის არსებული ორმხრივი ურთიერთობების დინამიკა. ამ კონტექსტში აღინიშნა მაღალი დონის პოლიტიკური დიალოგი, ისევე, როგორც ძალიან აქტიური სექტორული თანამშრომლობა სხვადასხვა უწყებებს შორის.

გარდა ამისა, მხარეებმა მიმოიხილეს საქართველოს ევროპული და ევროატლანტიკური ინტეგრაციის პროცესის დღის წესრიგში არსებული აქტუალური საკითხები.

შეხვედრის დასასრულ დავით ზალკალიანმა ესტონეთის ახალ ელჩთან აქტიური თანამშრომლობის მზადყოფნა გამოხატა და წარმატება უსურვა საქართველოში დიპლომატიურ მისიაში მის შემდგომ საქმიანობაში.

52
თემები:
საქართველოს საგარეო პოლიტიკა
„ქართული ოცნების დროშები

„ქართული ოცნება“ წინასაარჩევნო რეიტინგების ლიდერია კიდევ ერთი გამოკითხვა

132
(განახლებულია 20:11 13.08.2020)
პარტიების რეიტინგში „ოცნების" შემდეგ მეორე ადგილზე ყოფილი მმართველი ძალა „ერთიანი ნაციონალური მოძრაობაა“.

თბილისი, 13 აგვისტო – Sputnik. საქართველოს მოსახლეობის უმეტესობა მზადაა, საპარლამენტო არჩევნებზე მხარი მმართველ პარტიას „ქართული ოცნება – დემოკრატიული საქართველო“ დაუჭიროს. ამაზე მეტყველებს ტელეკომპანია Rustavi 2-ის დაკვეთით კვლევითი კომპანია Survation-ის მიერ ჩატარებული გამოკითხვის შედეგები.

გამოკითხვის მონაცემებით, საპარლამენტო არჩევნები რომ ხვალ ტარდებოდეს, მმართველ პარტიას ხმას გამოკითხულთა 52% მისცემდა.

საქართველოს ყოველი მესამე მცხოვრები ხმას „ქართულ ოცნებას“ მისცემს – IRI-ს გამოკითხვა>>

მეორე ადგილზეა „ნაციონალური მოძრაობა“, რომელსაც ხმას გამოკითხულთა 19% მისცემდა. მესამე ადგილი, ტრადიციულად, პარტიამ „ევროპული საქართველო - მოძრაობა თავისუფლებისთვის“ დაიკავა 8%-ით.

შემდეგ მოდიან პარტიები: „საქართველოს პატრიოტთა ალიანსი“ – 5%, „გიორგი ვაშაძე – სტრატეგია აღმაშენებელი“ – 4% და სხვ.

არჩევნებზე წასვლისთვის მზადაა გამოკითხულთა 65%, კიდევ 13%-მა უპასუხა, რომ დიდი ალბათობით წავა. კიდევ 13 პროცენტი ეჭვობს, წავა თუ არა, ხოლო არჩევნებში მონაწილეობაზე უარი 8%-მა განაცხადა.

კომპანიამ 2–22 ივლისის პერიოდში სულ გამოკითხა 1,2 ათასი ადამიანი. გამოკითხვის ცდომილება ცნობილი არ არის.

სხვა გამოკითხვები

კომპანია Survation-ის ივლისის გამოკითხვა ამ ზაფხულს ჩატარებული უკვე მესამე გამოკითხვა იყო. ყველა დანარჩენი გამოკითხვის თანახმად, მმართველი პარტია პირველ ადგილს იკავებს, ხოლო მას „ნაცმოძრაობა“ მოსდევს.

პარტია Edisson Research-ის გამოკითხვა IRI-ს გამოკითხვა Survation-ის გამოკითხვა
„ქართული ოცნება" 39% 33% 52%
„ნაცმოძრობა" 16% 16% 19%
„ევროპული საქართველო" 5% 5% 8%
„პატრიოტთა ალიანსი" 3% 3% 5%
„გიორგი ვაშაძე – სტრატეგია აღმაშენებელი“ 3% 3% 4%
„ლელო საქართველოსთვის“ 3% 2% 5%
132
თემები:
საქართველოს საპარლამენტო არჩევნები 2020
მთვარე

მთვარის კალენდარი: 14 აგვისტო რისი გაკეთება შეიძლება და რისი არა

0
(განახლებულია 12:39 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

14 აგვისტო, პარასკევი. ამ დღეს ვენერა მართავს. კლებადი მთვარე ტყუპის ნიშანშია.

სწრაფი და ენერგიული საქმეების დროა. მომატებულია იმპულსურობა, ამიტომ ეცადეთ, თავი აარიდოთ ისეთ საქმეებს, რომლებიც დიდ ყურადღებას მოითხოვს.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სწრაფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ინტუიციის ნდობა დღის მეორე ნახევარში, განსაკუთრებით ფულთან დაკავშირებულ საკითხებში, მარტივი საკითხების გადაჭრა, მიმდინარე საქმეების განხილვა, სავაჭრო ოპერაციების ჩატარება, პასიურობა და საკუთარ თავში ჩაღრმავება, ნეიტრალიტეტის დაცვა კოლეგებთან მიმართებით.

არარეკომენდებული აჩქარება, აქტიურობა, დღის პირველ ნახევარში გუნდთან ერთად საქმიანობა, რთული მოლაპარაკებები, შეთანხმებების დადება, კონტრაქტებზე ხელმოწერა, საპასუხისმგებლო გადაწყვეტილებების მიღება.

კარგი დღეა მგზავრობისთვის, მაგრამ აჩქარების გარეშე.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. ხელსაყრელია ჰაეროვანი ვარცხნილობის გაკეთებისთვის. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. არახელსაყრელი დღეა ბალახეული კულტურების დარგვა–გადარგვისთვის. ეფექტური იქნება ზედმეტი ყლორტების მოშორება გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0