ნიკა გვარამია

ნიკა გვარამიას ბრალს წარუდგენენ

383
(განახლებულია 17:06 09.08.2019)
ოპოზიციური ტელეკომპანია "რუსთავი 2"-ის ყოფილ გენერალურ დირექტორს სამ წლამდე ვადით პატიმრობა ემუქრება

თბილისი, 9 აგვისტო - Sputnik. რეიტინგული ოპოზიციური ტელეკომპანია „რუსთავი 2“-ის ყოფილ გენერალურ დირექტორ ნიკა გვარამიას უფლებამოსილების ბოროტად გამოყენება ედება ბრალად, განაცხადა პროკურორმა ზვიად გუბელაძემ დღეს გამართულ ბრიფინგზე. 

სისხლის სამართლის საქმე აღძრულია სსკ-ის 220-ე მუხლით, რაც გულისხმობს საწარმოში ხელმძღვანელობითი და წარმომადგენლობითი უფლებამოსილების გამოყენებას ამ ორგანიზაციის კანონიერი ინტერესის საწინააღმდეგოდ, სხვისთვის გამორჩენის მიღების მიზნით, რამაც მნიშვნელოვანი ზიანი გამოიწვია. აღნიშნული დანაშაული ისჯება ჯარიმით ან გამასწორებელი სამუშაოთი ვადით ორ წლამდე ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამიდან ხუთ წლამდე.

„გამოძიებით დადგენილია, რომ ნიკა გვარამიას მიერ საწარმოს ხელმძღვანელობითი და წარმომადგენლობითი უფლებამოსილების ბოროტად გამოყენებით, სამაუწყებლო კომპანია „რუსთავი 2"-მა ვერ მიიღო 6 763 510 ლარი, რითაც საწარმოს დიდი ოდენობით ზიანი მიადგა", - აღნიშნა  გუბელაძემ.

გვარამია დღეს საქართველოს პროკურატურაში ბრალის წარსადგენად დაიბარეს, რის შემდეგაც პროკურატურა სასამართლოს მიმართავს აღკვეთის ღონისძიების შეფარდების შუამდგომლობით.

„რუსთავი 2“-ის საქმე

პროკურატურის გამომძიებლებმა  სამსახურებრივი უფლებამოსილების გადამეტების,  თანხების უკანონოდ მითვისებისა და ქონების დამალვის საქმის გამოძიების ფარგლებში დაასრულეს მუშაობა კომპანია „ინტერ მედიას“ ოფისში, რომელიც მისი დამქირავებელი ტელეკომპანია „რუსთავი2“-ის შენობაში მდებარეობს, ამოიღეს საფინანსო დოკუმენტაცია და სეიფი.

აღნიშნული საქმის ფარგლებშიგამოკთხულია  ორივე კომპანიის გენერალური დირექტორი ზურაბ იაშვილი, ასევე „რუსთავი2“-ის ყოფილი გენერალური დირექტორი ნიკა გვარამია. გვარამიამ აღძრულ საქმეს აბსურდული უწოდა, ხელისუფლება „რუსთავი2“-ის მიტაცების და კრიტიკულად განწყობილ ადამიანებთან ანგარიშსწორების მცდელობაში დაადანაშაულა. ასევე მან ტელეკომპანიის ამჟამინდელ გენერალურ დირექტორს შეურაცხყოფა მიაყენა.

სალია „რუსთავი2“-ის საფინანსო დოკუმენტაციას უკვე გაეცნო და ის აცხადებს, რომ სიტუაცია სავალალოა, რადგან თანხა ყველაზე დაბალანაზღაურებადი თანამშრომლის ხელფასის გასასტუმრებლად არ არის საკმარისი.
როგორც პროკურორმა ზვიად გუბელაძემ განაცხადა, ფულის მითვისების საქმეს სალიაც განცხადება ერთვის.

383
თემები:
დავა „რუსთავი 2"-ის ირგვლივ (194)

თბილისში ხმაურიანი აქცია გაიმართა „ქართული ოცნების“ ყრილობის წინააღმდეგ - ვიდეო

12
არასამთავრობო და სამოქალაქო ორგანიზაციების წარმომადგენლებმა მმართველი პარტია „ქართული ოცნების“ ყრილობის წინ ხმაურიანი აქცია გამართა თბილისში. დაწვრილებით - იხილეთ ვიდეოში

საპროტესტო აქცია საგამოფენო ცენტრი ExpoGeorgia-ს ტერიტორიაზე გაიმართა, სადაც „ქართული ოცნების“ ყრილობა ტარდებოდა. პოლიციამ რამდენიმე ადამიანი დააკავა.

სიტუაცია მას შემდეგ დაიძაბა, რაც მონაწილეებმა საგამოფენო ცენტრთან ანტისამთავრობო ლოზუნგების შემცველი დიდი პლაკატის დაყენება დააპირეს. როგორც კი მათ გზის გადაკეტვა სცადეს, მათსა და პოლიციას შორის დაპირისპირება მოხდა.

მმართველი პარტიის ყრილობის მთავარი მიზანი პარტიის ახალი ხელმძღვანელისა და პოლიტსაბჭოს წევრების არჩევნებია. პარტიაში ცვლილებები მას შემდეგ გახდა საჭირო, რაც ბიძინა ივანიშვილმა პოლიტიკიდან წასვლის შესახებ განაცხადა.

12
საპროტესტო აქცია ExpoGeoriga-სთან

„ქართული ოცნების“ პოლიტსაბჭოს განახლებული შემადგენლობა დამტკიცებულია

18
მმართველი პარტიის პოლიტსაბჭოს შემადგენლობა „ქართული ოცნების“ ახლადარჩეულმა თავმჯდომარემ, ირაკლი კობახიძემ წარადგინა

თბილისი, 16 იანვარი - Sputnik. მმართველი პარტია „ქართული ოცნება – დემოკრატიული საქართველოს“ ყრილობაზე პარტიის პოლიტიკური საბჭოს განახლებული შემადგენლობა დაამტკიცეს.

პარტიის პოლიტსაბჭოს შემადგენლობა 21-მდე გაიზარდა.

პოლიტსაბჭოს ახალი წევრები პარტიის ახლადარჩეულმა თავმჯდომარემ, ირაკლი კობახიძემ ყრილობაზე დაასახელა და მათ წარმატებები უსურვა.

„ქართული ოცნების“ პოლიტსაბჭოს წევრები არიან: კახა კალაძე, ვასილ მაღლაფერიძე, გიორგი გახარია, არჩილ თალაკვაძე, მაია ცქიტიშვილი, გიორგი ვოლსკი, ირაკლი ღარიბაშვილი, თეა წულუკიანი, მამუკა მდინარაძე, კახაბერ კუჭავა, ვახტანგ გომელაური, ეკატერინე ტიკარაძე, ივანე მაჭავარიანი, მაკა ბოჭორიშვილი, შალვა პაპუაშვილი, მარიამ ქვრივიშვილი, ნიკოლოზ სამხარაძე, სოზარ სუბარი, დიმიტრი სამხარაძე და თორნიკე რიჟვაძე.

პარტიის ყრილობაზე დღესვე პარტია „ქართული ოცნების“ თავმჯდომარედ ირაკლი კობახიძე აირჩიეს.

პარტიის ყრილობა საგამოფენო ცენტრ ExpoGeoriga-ში ხმაურისა და საპროესტო აქციის ფონზე გაიმართა. აქტივისტების და პოლიციის შეხლა-შემოხლის შედეგად ათამდე ადამიანია დაკავებული.

პარტიის განახლება მას შემდეგ გახდა საჭირო, რაც პარტიის მოქმედმა თავმჯდომარე ბიძინა ივანიშვილმა პოლიტიკა საბოლოოდ დატოვა.

18