საქართველოს პარლამენტი

რატომ გამოჰყვა მთავრობას პარლამენტში „საშემოდგომო“

147
(განახლებულია 18:02 01.08.2019)
რა წერია სახალხო დამცველისა და გენერალური პროკურორის ანგარიშში.

პრემიერ-მინისტრ მამუკა ბახტაძეს პარლამენტში წლიური ანგარიშით უკვე ორი თვეა ელოდებიან. დეპუტატები გააფრთხილეს კიდეც, საქართველო არ დატოვოთ, აგვისტოში, შესაძლოა, რიგგარეშე სხდომები ჩატარდესო. მაგრამ ამ კვირაში გაფრენილი ლარისა და მოტორტმანე ეკონომიკის შემხედვარე, დამფუძნებელმა მამებმა, როგორც ჩანს, მიიღეს გადაწყვეტილება, ვითარება ნელ-ნელა დაამშვიდონ. თუმცა, შესაძლოა, ეს მხოლოდ დროის გაჭიანურებას ემსახურებოდეს და არა პრობლემების რეალურ მოგვარებას. როცა არ უნდა მივიდეს მამუკა ბახტაძე პარლამენტში, ის ვერც ლარის კურსს აუვლის გვერდს, ვერც თვალებდათხრილ ახალგაზრდებს დაივიწყებენ საქართველოში და არც სოციალურ-ეკონომიკური მდგომარეობის გამოსწორების იმედი ჩანს.

პრემიერი პარლამენტში, სავარაუდოდ, სექტემბერში მივა და მინისტრთა კაბინეტთან ერთად საკმაოდ რთულ შეკითხვებზე მოუწევს პასუხის გაცემა. ყველაზე მტკივნეული მოსახლეობისთვის მაინც დასუსტებული ლარია. მართალია, უმრავლესობის წევრი ზაზა ხუციშვილი ფიქრობს, რომ დოლარში მეტი ლარი მოსდით ადამიანებს და ეს კარგია, მაგრამ ვინც უცხოეთიდან გამოგზავნილი ფულით არ არსებობს და თავადაც ცდილობს რაიმეს შექმნას, განიცდის ინფლაციის მაღალ დონეს და ფასების მატებას. იმ ხალხზე აღარაფერს ვამბობთ, დოლარში რომ აქვთ კრედიტი.

როგორც ჩანს, პრემიერ-მინისტრი პარლამენტში ისე მივა, მისი ანგარიში წინასწარ არ გამოქვეყნდება.

აი, სახალხო დამცველისა და გენერალური პროკურორის ანგარიშები კი გამოქვეყნებულია პარლამენტის საიტზე და იმედია, მათ დეპუტატების ნაწილი მაინც გაეცნობა.

ანგარიშიდან ნათლად ჩანს, რა კოლოსალური შრომა გაუწევია ომბუდსმენის აპარატს 2018 წელს. მათ 6640 განცხადება ცნეს დასაშვებად და შეისწავლეს.

შესაბამისად, ანგარიში 448-გვერდიანი და საკმაოდ კრიტიკულია. ომბუდსმენი კვლავ დაჟინებით მოითხოვს თემირლან მაჩალიკაშვილისა და დავით სალარიძის მკვლელობის ფაქტების გამჭვირვალე და სამართლიან გამოძიებას. ამავე დროს ყურადღებას ამახვილებს აფგან მუხთარლის საქმეზე.

როგორც ლომჯარიას უწყება წერს, პროკურატურიდან მათ ვერ მიიღეს საკმარისი ინფორმაცია აღნიშნული საქმეების გამოძიების მიმდინარეობის შესახებ, რის გამოც სახალხო დამცველი პარლამენტს მიმართავს, მხარი დაუჭიროს საკანონმდებლო ცვლილებებს და გაეზარდოს ომბუდსმენს სისხლის სამართლის საქმეებზე წვდომის უფლება მაშინ, როცა საქმე ეხება სიცოცხლის უფლებას.

სახალხო დამცველის ანგარიშში ვრცლადაა მოთხრობილი შრომითი და პაციენტების უფლებების შესახებ. განსაკუთრებული ყურადღებაა გამახვილებული სოციალურად დაუცველ ოჯახებსა და ძალადობის მსხვერპლ მოზარდებზე. ბავშვებზე, რომლებიც სიღარიბეში იზრდებიან, და სახელმწიფოს ეძლევა რეკომენდაცია, სისტემური ცვლილებები გაატაროს ბავშვთა უფლებრივი მდგომარეობის გამოსწორების მიზნით.

გენერალური პროკურორის ანგარიში პარლამენტს 14 მაისს წარედგინა. ბუნებრივია, შალვა თადუმაძე, როგორც საგამოძიებო და სისხლის სამართლებრივი დევნის ორგანოს ხელმძღვანელი, კონკრეტული სისხლის სამართლის საქმეებზე ვერ ისაუბრებს, მაგრამ ციფრები აქაც შთამბეჭდავია.

16 820 პირის მიმართ დაწყებული სისხლის სამართლებრივი დევნა და 903 საქმეზე დაწყებული გამოძიება.

ანგარიშიდან ირკვევა, რომ სასამართლო აღმკვეთი ღონისძიების მოთხოვნის შემთხვევაში უმეტესად იზიარებს პროკურატურის პოზიციას.

ის, რომ პატიმრობის მოთხოვნა, მაგალითად, 76,5 პროცენტ შემთხვევაში კმაყოფილდება და არა 100 პროცენტით, მხოლოდ და მხოლოდ მისასალმებელია.

გენპროკურორის ანგარიშში განსაკუთრებით აღნიშნულია არასრულწლოვანთა დანაშაულის პრევენციის მიზნით გატარებული ზომები, ბრძოლა ოჯახური დანაშაულის წინააღმდეგ და მოქალაქეებისათვის წინა ხელისუფლების დროს წართმეული ქონების დაბრუნება. თქვენ წარმოიდგინეთ და თადუმაძის უწყების გამოძიების მეშვეობით სახელმწიფომ 49 მილიონის ქონება დაუბრუნა მეპატრონეებს და ეს პროცესი გრძელდება.

ყველა ამ თემის განხილვა ხელისუფლებამ საშემოდგომოდ გადადო. თანაც, აგვისტოში ხომ დიპლომატიური მისიებიც ისვენებენ.

შემოდგომაზე კი, როცა წინასაარჩევნო საათი ჩართული იქნება, იმედია, მოსმენები საქმიანი იქნება და შოუს ელემენტებს ნაკლებად შევხვდებით.

 

147
საქართველოს საგარეო საქმეთა სამინისტრო

საგარეო უწყება: საქართველო მზადაა ხელი შეუწყოს ყარაბაღში სიტუაციის დეესკალაციას

49
(განახლებულია 09:21 28.09.2020)
საქართველო მოუწოდებს ეუთოს მინსკის ჯგუფის თანათავმჯდომარეებსა და საერთაშორისო მონაწილეებს მთელი ძალისხმევა მიმართონ კონფლიქტის ესკალაციის შეწყვეტისკენ

თბილისი, 27 სექტემბერი  — Sputnik. საქართველო შეშფოთებით აკვირდება აზერბაიჯანსა და სომხეთს შორის მორიგ სამხედრო ესკალაციას, რომელსაც, გავრცელებული ინფორმაციით, უკვე მოჰყვა მსხვერპლი და ინფრასტრუქტურის დაზიანება, ნათქვამია საქართველოს საგარეო საქმეთა სამინისტროს განცხადებაში.

სიტუაცია მთიან ყარაბაღში 27 სექტემბრის დილას მკვეთრად გამწვავდა - სომხეთი და აზერბაიჯანი ერთმანეთს აგრესიაში ადანაშაულებენ. აზერბაიჯანის თავდაცვის სამინისტრო ამტკიცებს, რომ ცეცხლი სომხურმა მხარემ გახსნა, ხოლო აზერბაიჯანის ძალებმა კონტრშეტევითი ოპერაცია დაიწყეს. სომხეთის თავდაცვის სამინისტროში აცხადებენ, რომ აზერბაიჯანმა ყარაბაღზე „საჰაერო და სარაკეტო იერიში მიიტანა“.

„იმედი გვაქვს, რომ მოხერხდება მხარეებს შორის ცეცხლის შეწყვეტის შესახებ შეთანხმების მიღწევა, მოლაპარაკებების რეჟიმში გადასვლა და თავიდან აცილება ფართომასშტაბიანი სამხედრო მოქმედებების, რაც მკვეთრად ნეგატიურად იმოქმედებს მთელი რეგიონის უსაფრთხოებაზე“, - ნათქვამია საგარეო საქმეთა სამინისტროში.

საქართველო მოუწოდებს ეუთოს მინსკის ჯგუფის თანათავმჯდომარეებსა და საერთაშორისო მონაწილეებს მთელი ძალისხმევა მიმართონ აზერბაიჯანსა და სომხეთს შორის ესკალაციის შეწყვეტის და კონსტრუქციული დიალოგის განახლების უზრუნველყოფისთვის.

სომხეთისა და აზერბაიჯანის საზღვარზე სიტუაციის გამწვავებას საქართველოს პრეზიდენტი სალომე ზურაბიშვილიც გამოეხმაურა.

„ძალიან შეშფოთებული ვარ სომხეთსა და აზერბაიჯანს შორის საბრძოლო მოქმედებების განახლებით. მოვუწოდებთ მშვიდობისკენ. სტაბილურობა და მშვიდობა ჩვენს რეგიონში საერთო პირობაა“, – წერს ზურაბიშვილი Twitter-ში.

კონფლიქტის მხარეები მოწინააღმდეგის დანაკარგებზე საუბრობენ. ასე, სომხეთში ჩამოგდებულ ვერტმფრენებსა და აფეთქებულ ტანკებზე საუბრობენ, ხოლო აზერბაიჯანში - განადგურებულ საზენიტო კომპლექსებზე.

რუსეთის საგარეო საქმეთა სამინისტრომ სომხეთსა და აზერბაიჯანს მოუწოდა დაუყოვნებლივ შეწყვიტონ ცეცხლი და სიტუაციის სტაბილიზაციის მიზნით მოლაპარაკებები დაიწყონ.

მთიან ყარაბაღში სიტუაცია გამწვავდა: მხარეები ერთმანეთს ადანაშაულებენ >>

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ–დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე. კონფლიქტის მშვიდობიანად მოგვარების მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს - რუსეთი, აშშ და საფრანგეთი. აზერბაიჯანი მოითხოვს საკუთარი ტერიტორიული მთლიანობის შენარჩუნებას, სომხეთი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

49
თემები:
მთიან ყარაბაღში სიტუაცია გამწვავდა
სომხეთის შეიარაღებული ძალების არტილერია მთიანი ყარაბაღის პოზიციებზე

საქართველოს პარლამენტში სომხეთსა და აზერბაიჯანს ცეცხლის შეწყვეტისკენ მოუწოდეს

123
(განახლებულია 14:42 27.09.2020)
მთიან ყარაბაღში კონფლიქტის ესკალაცია საშიშროებას მთელი რეგიონის უსაფრთხოებას უქმნის, მიიჩნევს საქართველოს პარლამენტის თავდაცვისა და უშიშროების კომიტეტის თავმჯდომარე

თბილისი, 27 სექტემბერი  — Sputnik. საქართველო ყურადღებით აკვირდება სიტუაციას მთიან ყარაბაღში და იმედს იტოვებს, რომ მიმდინარე სიტუაცია დარეგულირდება, განაცხადა საქართველოს პარლამენტის თავმჯდომარე არჩილ თალაკვაძემ.

მთიან ყარაბაღში 27 სექტემბრის დილას სიტუაცია მკვეთრად გამწვავდა - სომხეთი და აზერბაიჯანი ერთმანეთს აგრესიაში ადანაშაულებენ. ბაქო და ერევანი ერთმანეთს სიტუაციის გამწვავებაში ადანაშაულებენ. აზერბაიჯანის თავდაცვის სამინისტრო ამტკიცებს, რომ ცეცხლი სომხურმა მხარემ გახსნა, ხოლო აზერბაიჯანის ძალებმა კონტრშეტევითი ოპერაცია დაიწყეს. სომხეთის თავდაცვის სამინისტროში აცხადებენ, რომ აზერბაიჯანმა ყარაბაღზე „საჰაერო და სარაკეტო იერიში მიიტანა“.

„მოგეხსენებათ, რომ ჩვენი რეგიონი არის გამოწვევებით სავსე. სამწუხაროდ, რუსეთის პოლიტიკა საუკუნეების განმავლობაში რჩება დესტრუქციული და რეგიონში არაერთი მიმდინარე კონფლიქტი არსებობს. რაც შეეხება ამ კონკრეტულ შემთხვევას, რა თქმა უნდა აქ ჩვენი, საქართველოს, როგორც აზერბაიჯანის და სომხეთის მიმართ მეგობრული ერისა და ქვეყნის ამოცანა და სურვილია, რომ სტაბილურობა, უსაფრთხოება და მშვიდობა მაქსიმალურად იყოს დაცული. ამიტომ, რა თქმა უნდა ყურადღებით ვადევნებთ თვალს ამ პროცესს და იმედი გვაქვს, რომ ეს ესკალაციები დარეგულირდება და რეგიონში იქნება მშვიდი და უსაფრთხო გარემო“, – განუცხადა ჟურნალისტებს თალაკვაძემ.

საქართველოს პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა განაცხადა, რომ საქართველო ყოველთვის იდგა მშვიდობისა და სტაბილურობის მხარეს და საერთაშორისო საზოგადოებასთან ერთად მოწინაღმდეგე მხარეებს ცეცხლის შეწყვეტისკენ მოუწოდებს.

„ჩვენი რეგიონის უსაფრთხოებისა და ჩვენი ქვეყნის უსაფრთხოების გარემოსთვის ძალიან სახიფათოა კონფლიქტი ჩვენს რეგიონში, ყარაბაღში განვითარებული მოვლენები ჩვენი და საერთაშორისო საზოგადოების შეშფოთებას იწვევს. ცხადია, ჩვენ ყოველთვის ვიყავით მშვიდობის, სტაბილურობის მხარეს და ამ შემთხვევაშიც საერთაშორისო საზოგადოებასთან ერთად, დაპირისპირებულ მხარეებს მოვუწოდებთ, რომ ცეცხლი შეწყვიტონ, მეტი დრო და ენერგია დაუთმონ მშვიდობიან დიალოგს. ცხადია, ჩვენი შესაბამისი სამსახურები ზოგადად პროცესს დააკვირდებიან, მოვლენებს გაანალიზებენ და თუ საჭირო იქნება ჩვენი თანადგომა მშვიდობისთვის და უსაფრთხოებისთვის, ცხადია, ამისთვის მზად ვიქნებით“, – განუცხადა ჟურნალისტებს სესიაშვილმა.

კონფლიქტის მხარეები მოწინააღმდეგის დანაკარგებზე საუბრობენ. ასე, სომხეთში ჩამოგდებულ ვერტმფრენებსა და აფეთქებულ ტანკებზე საუბრობენ, ხოლო აზერბაიჯანში - განადგურებულ საზენიტო კომპლექსებზე.

რუსეთის საგარეო საქმეთა სამინისტრომ სომხეთსა და აზერბაიჯანს მოუწოდა დაუყოვნებლივ შეწყვიტონ ცეცხლი და სიტუაციის სტაბილიზაციის მიზნით მოლაპარაკებები დაიწყონ.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ–დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე. კონფლიქტის მშვიდობიანად მოგვარების მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს - რუსეთი, აშშ და საფრანგეთი. აზერბაიჯანი მოითხოვს საკუთარი ტერიტორიული მთლიანობის შენარჩუნებას, სომხეთი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

123
თემები:
მთიან ყარაბაღში სიტუაცია გამწვავდა
ვაქცინაცია

COVID-19-ის ჩინური ვაქცინა მალე გაყიდვაში გამოვა: ცნობილია თარიღი

0
(განახლებულია 09:45 28.09.2020)
ამ დროისათვის COVID-19-ის საწინააღმდეგო ოთხი ჩინური ვაქცინა კლინიკური გამოცდების მესამე ფაზას გადის უცხოეთში, რაც მსოფლიოში მიმდინარე ყველა კლინიკური კვლევის 44%-ია

თბილისი, 29 სექტემბერი — Sputnik. ჩინური ვაქცინა COVID-19–ის წინააღმდეგ გაყიდვაში შესაძლოა წლის ბოლომდე გამოვიდეს, იუწყება РИА Новости ჩინეთის ჯანდაცვის საკითხთა სახელმწიფო კომიტეტზე დაყრდნობით.

კომიტეტის ცნობით, COVID-19-ის საწინააღმდეგო ოთხი ჩინური ვაქცინა უკვე გადის კლინიკური გამოცდების მესამე ფაზას უცხოეთში, რაც მსოფლიოში მიმდინარე ყველა კლინიკური კვლევის 44%-ია.

„თუ ყველაფერი კარგად წავა, მაშინ ჩინური ინაქტივირებული ვაქცინა გაყიდვაში უკვე მიმდინარე წლის ბოლოსთვის გამოვა“, — აცხადებენ ჩინეთის ჯანდაცვის კომიტეტში.

სულ ქვეყანა ამ დროისათვის 11 ვაქცინის კლინიკურ გამოცდას აწარმოებს. აღსანიშნავია, რომ ჩინელმა სპეციალისტებმა ვირუსის აფეთქებისთანავე დაიწყეს ერთდოულად ხუთი მიმართულების ვაქცინებზე მუშაობა: რეკომბინანტული ცილების, ადენოვირუსული ვექტორის, ნუკლეინური მჟავების საფუძველზე დამზადებულ და ასევე ინაქტივირებულ და ატენუირებულ გრიპოზულ ვაქცინებზე.

მანამდე ჩინეთის მეცნიერებათა აკადემიის წევრი ვან ციუნჩჟი აცხადებდა, რომ ადგილობრივი ვაქცინების კლინიკურმა კვლევებმა მხოლოდ მსუბუქი და მისაღები გვერდითი მოვლენები გამოავლინა.

 

0
თემები:
COVID-19-ის პანდემია მსოფლიოში