საქართველოში სამხედრო სწავლება Agile Spirit 2019 დაიწყო

„მტკიცე სული“: საქართველოში სამხედრო სწავლება დაიწყო

66
(განახლებულია 09:54 28.07.2019)
მრავალეროვნულ სწავლებაში 14 ქვეყნის 3000-ზე მეტი სამხედრო იღებს მონაწილეობას.

თბილისი, 28 ივლისი – Sputnik. სენაკში, II ქვეითი ბრიგადის ტერიტორიაზე შაბათს საერთაშორისო სამეთაურო-საშტაბო სწავლება „მტკიცე სული“ (Agile Spirit 2019) დაიწყო, ნათქვამია თავდაცვის სამინისტროს განცხადებაში.

„ტერორისტების ყურადღებას მივიქცევთ“ – ზურაბიშვილი აშშ-ის ბაზის განთავსების საფრთხეებზე >>

მრავალეროვნულ სწავლებაში ნატოს წევრი და პარტნიორი 14 ქვეყნის 3000-ზე მეტი სამხედრო იღებს მონაწილეობას. ეს ქვეყნებია: საქართველო, აშშ, ბელგია, ბულგარეთი, დიდი ბრიტანეთი, საბერძნეთი, ლატვია, ლიეტუვა, მონტენეგრო, ნორვეგია, პოლონეთი, რუმინეთი, თურქეთი და უკრაინა.

სწავლება 9 აგვისტომდე გაგრძელდება და გაიმართება სამ ლოკაციაზე - სენაკში, II ქვეითი ბრიგადის ტერიტორიაზე, ორფოლოსა და ვაზიანის პოლიგონებზე.

„Agile Spirit 2019 წარმოადგენს ერთ-ერთ ყველაზე მასშტაბურ სწავლებას, რომელიც საქართველოში ტარდება. აღნიშნული სწავლება არის კიდევ ერთი ნაბიჯი საქართველოს ნატოში მიმავალ გზაზე“, - განაცხადა საქართველოს თავდაცვის ძალების მეთაურმა, გენერალ-ლეიტენანტმა ვლადიმერ ჩაჩიბაიამ.

სწავლების მიზანია მონაწილე ქვედანაყოფებს შორის ურთიერთთავსებადობის ამაღლება, ოპერატიული შესაძლებლობების დახვეწა და ასევე, შავი ზღვის რეგიონში სტაბილურ და უსაფრთხო გარემოს შენარჩუნება.

ავღანეთში ქართველი სამხედროების როტაცია განხორციელდა >>

„მტკიცე სული“ 2011 წლიდან იმართება და აშშ-სა და ნატოსთან საქართველოს ურთიერთობის ერთ-ერთი კომპონენტია. წვრთნების ფარგლებში ქართველი სამხედროები ემზადებიან საერთაშორისო სამშვიდობო მისიებში მონაწილეობის მისაღებად.

წვრთნების მიზანია ბრიგადის დონეზე სამეთაურო-საშტაბო წვრთნების დაგეგმვა და ჩატარება კრიზისებზე რეაგირებისთვის მზადყოფნისა და ნატოს სწრაფი რეაგირების ძალების შემადგენლობაში ერთობლივი ოპერაციების შესრულების მიზნით.

66
თემები:
საქართველოს თავდაცვა (88)
ბელარუსის საელჩო საქართველოში

პირველად ისტორიაში: ბელარუსელები პრეზიდენტს საქართველოში ირჩევენ

460
(განახლებულია 14:37 09.08.2020)
საქართველოში მყოფ ბელარუსის მოქალაქეებს პირველად აქვს შესაძლებლობა, აქედან მიიღონ მონაწილეობა თავისი ქვეყნის საპრეზიდენტო არჩევნებში

 

თბილისი, 9 აგვისტო — Sputnik. ბელარუსის მოქალაქეებს პირველად ეძლევათ შესაძლებლობა, საქართველოს ტერიტორიაზე მიიღონ მონაწილეობა საპრეზიდენტო არჩევნებში, განუცხადეს „Sputnik საქართველოს“ ჩვენს ქვეყანაში ბელარუსის საელჩოს წარმომადგენელმა. 

საარჩევნო უბანი განთავსებულია საელჩოს შენობაში მისამართზე: კრწანისის ქუჩა №18. ხმის მიცემა დილის რვა საათზე დაიწყო და საღამოს 20:00 საათამდე გასტანს.

„ჩვენი საელჩო საქართველოში 2016 წლიდან ფუნქციონირებს. ასე რომ არჩევნებს აქ პირველად ვატარებთ“, — განმარტეს საელჩოში.

ბელარუსის საგანგებო და სრულუფლებიანი ელჩის მრჩეველმა კირილ გრიგორიევმა აღნიშნა, რომ ამომრჩეველთა სიები კიდევ ერთხელ დაზუსტდა, ვინაიდან საქართველოში მყოფმა ბელარუსის მოქალაქეებმა თავად მიმართეს საელჩოს თხოვნით, შეეყვანათ სიაში, რათა ხმის მიცემის შესაძლებლობა ჰქონოდათ.

საარჩევნო ბიულეტენში პრეზიდენტობის ხუთი კანდიდატია შეყვანილი: ალექსანდრ ლუკაშენკო (მოქმედი პრეზიდენტი), სვეტლანა ტიხანოვსკაია, ანდრეი დმიტრიევი, სერგეი ჩერეჩნი და ანა კანოპაცკაია. გარდა ამისა, ბიულეტენში არის გრაფა „ყველას წინააღმდეგ“.

როგორც ცნობილია, ბელარუსის პრეზიდენტი 5 წლის ვადით ირჩევა. შესაბამისად, მომდევნო არჩევნები უკვე 2025 წელს უნდა გაიმართოს.

460
თემები:
მსოფლიო დღეს
არჩევნები ბელარუსში

ბელარუსში საპრეზიდენტო არჩევნები ტარდება

316
საქართველოში ბელარუსის მოქალაქეები საკუთარი პოზიციის დაფიქსირებას ქვეყნის საელჩოს შენობაში შეძლებენ.

თბილისი, 9 აგვისტო — Sputnik. ბელარუსში საპარლამენტო არჩევნები ტარდება, იუწყება „Sputnik ბელარუსი“.

9 აგვისტოს ძირითადი კენჭისყრა მიმდინარეობს. ამასთან, 4 აგვისტოდან მოქალაქეებს შეეძლოთ ხმა ვადაზე ადრე მიეცათ. ცესკოს ბოლო მონაცემებით (07.08.2020), ამომრჩევლის აქტივობამ 32,24% შეადგინა.

9 აგვისტოს საარჩევნო უბნები 08:00 საათიდან გაიხსნა და 20:00 საათზე დაიხურება, რის შემდეგაც ხმების დათვლის პროცესი დაიწყება. 

საარჩევნო კამპანიის პერიოდში 5767 საარჩევნო უბანი შეიქმნა, მათგან 44 უცხოეთში, რომლებიც 36 ქვეყანაში ბელარუსის საელჩოებსა და გენერალურ საკონსულოებში მუშაობენ.

არჩევნების სავარაუდო შედეგები 10 აგვისტოს დილით გახდება ცნობილი.

არჩევნებში ხუთი კანდიდატი მონაწილეობს: ალექსანდრ ლუკაშენკო – მოქმედი პრეზიდენტი, კენჭს იყრის მეექვსედ, ასევე ანა კანოპაცკაია, ანდრეი დმიტრიევი, სერგეი ჩერეჩენი, სვეტლანა ტიხანოვსკაია.

საქართველოში ბელარუსის მოქალაქეები საკუთარი პოზიციის დაფიქსირებას ქვეყნის საელჩოს შენობაში შეძლებენ.

316
თბილისი

როგორი ამინდი იქნება თბილისში 12 აგვისტოს

0
(განახლებულია 10:15 10.08.2020)
დედაქალაქში ოთხშაბათს ძირითადად მზიანი ამინდი იქნება, მაგრამ მოსალოდნელია წვიმაც. დღისით ჰაერი 32 გრადუსამდე მოიმატებს

თბილისი, 10 აგვისტო - Sputnik. სინოპტიკოსების პროგნოზით თბილისში ოთხშაბათს, 12 აგვისტოს უპირატესად მზიანი ამინდია მოსალოდნელი, თუმცა შესაძლებელია ხანმოკლე წვიმა ელჭექით.

ჰაერის ტემპერატურა ღამით იქნება +22, ხოლო დღისით +32 გრადუსი.

ქარი 10–15 მეტრი წამში სიჩქარით დაუბერავს.

მზე 06:06 საათზე ამოვა და 20:04 საათზე ჩავა.

0
თემები:
ამინდის ზუსტი პროგნოზი თბილისში