ანაკლია

ხაზარაძეს ბრალს წაუყენებენ: ანაკლიის პორტის მშენებლობას საფრთხე ემუქრება?

91
(განახლებულია 16:10 24.07.2019)
საქართველოს პარლამენტის თავმჯდომარემ კომენტარი გააკეთა TBC Holding-ის დამფუძნებლის წინააღმდეგ აღძრულ სისხლის სამართლის საქმესთან დაკავშირებით, რომელმაც უცხოურ ორგანიზაციებთან ერთად ანაკლიის ღრმაწყოვანი პორტის მშენებლობა დაიწყო.

თბილისი, 24 ივლისი — Sputnik. საქართველოს მთავრობა საკუთარი კომპეტენციის ფარგლებში გააკეთებს ყველაფერს, რათა ანაკლიაში ქვეყნის პირველი ღრმაწყლოვანი პორტის მშენებლობა ბოლომდე მივიდეს, განაცხადა პარლამენტის თავმჯდომარემ არჩილ თალაკვაძემ პროექტის გაგრძელებასთან დაკავშირებით „თიბისი ბანკის“ დამფუძნებლის მამუკა ხაზარაძის წინააღმდეგ სისხლის სამართლის საქმის შესაძლო ზეგავლენის თაობაზე კომენტარის გაკეთებისას.

პორტის მშენებლობას აწარმოებს „ანაკლიის განვითარების კონსორციუმი", რომელიც ქართული კომპანია TBC Holding-ის (მამუკა ხაზარაძე) და ამერიკული კომპანია Conti International LLC-ის დაფუძნებულია. დღეისთვის კონსორციუმში გაერთიანებული არიან SSA Marine (აშშ), British Wondernet Expres (ცენტრალური აზია) და G-Star Ltd (ბულგარეთი).

„ჩვენ ვავითარებთ ჩვენს ეკონომიკასა და ინფრასტრუქტურას. ინფრასტრუქტურის მნიშვნელოვანი ნაწილი კი არის კომუნიკაციებისა და სატრანსპორტო ინფრასტრუქტურის განვითარება. მნიშვნელოვან პროექტებს შორისაა ანაკლიის პორტი. აქ სახელმწიფოს მხრიდან ვალდებულებები იქნება განუხრელად შესრულებული. თქვენ იცით, რომ ეს იყო სწორედ მთავრობის მიერ ინიცირებული პროექტი. ხელისუფლებამ მასში საკმაოდ მნიშვნელოვანი რესურსები დახარჯა და მომავალშიც სახელმწიფო გააკეთებს ყველაფერს, თავისი ვალდებულებების ფარგლებში, რომ პორტის პროექტი წარმატებით განხორციელდეს", – განაცხადა არჩილ თალაკვაძემ.

რაც შეეხება ხაზარაძეს, რომელიც ასევე არის საქართველოს უმსხვილესი ბანკის TBC Bank-ის დამფუძნებელი, მას და მის ყოფილ მოადგილეს ბადრი ჯაფარიძეს 16 754 000 აშშ დოლარის ფარგლებში უკანონო შემოსავლების ლეგალიზაციზება ედებათ ბრალად. საუბარი ეხება TBC Bank-ის 2008 წლის ერთ-ერთ საბანკო ოპერაციას.

ანაკლიის პორტის მშენებლობა: პროგრესი ჯერჯერობით არ არის>>>

„ეკონომიკას აქვს თავისი ლოგიკა, მართლმსაჯულებას – თავისი. როგორც თქვენ იცით, ამ პროექტს (ანაკლიის პორტს) ეკონომიკური თვალსაზრისით სახელმწიფოს მხრიდან სრული მხარდაჭერა აქვს. ვფიქრობ, როგორც სახელმწიფოსთვის, ისე ხაზარაძისთვის და ჯაფარისთვის მნიშვნელოვანია, რომ ეს საქმე და საკითხები, რომელიც ამ საქმეში არსებობს, ამოიწუროს გონივრულ ვადებში“, – განაცხადა თალაკვაძემ.

პარლამენტის თავმჯდომარემ ასე უპასუხა ჟურნალისტების მიერ დასმულ კითხვას, გაჩნდება თუ არა პრობლემები პორტის მშენებლობისთვის ფინანსების მოზიდვის კუთხით, რამდენადაც ხაზარაძის წინააღმდეგ წაყენებული ბრალდებები ლახავენ მის რეპუტაციას.

ამ დღეებში საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა, რომ მოლაპარაკებებში სახელმწიფოსა და ინვესტორ ბანკებს შორის, რომლებიც მზად არიან ანაკლიის პორტის მშენებლობისთვის კონსორციუმს თანხები გამოუყონ, პროგრესი არ არის. მისი სიტყვებით, სახელმწიფო ბანკებისა და კონსორციუმის ყველა პირობას დათანხმდა, გარდა ტვირთების კომერციული რისკების დაზღვევისა.

როგორც ცქიტიშვილმა აღნიშნა, ამჟამად კონსორციუმი პორტის მშენებელ კომპანიას ეძებს, რომელთანაც 15 აგვისტოს შეთანხმება უნდა გაფორმდეს. ამასთან, 15 ოქტომბრისთვის ხელისუფლება ელოდება კონსორციუმის მიერ ფინანსების მოზიდვის ნაწილში ბანკებიდან წინასწარ პირობებს.

 

91
თემები:
სკანდალი TBC BANK–ის წინააღმდეგ (58)
საქართველო

მაღალჩინოსნები თანამდებობებს ტოვებენ: რატომ დატოვა ჩხოროწყუს საკრებულოს თავმჯდომარემ პოსტი

298
(განახლებულია 17:15 07.08.2020)
ბესიკ ესებუას თავმჯდომარის პოსტი 2012 წლიდან ეკავა, მას შემდეგ, რაც ხელისუფლებაში მმართველი პარტია "ქართული ოცნება – დემოკრატიული საქართველო" მოვიდა.

თბილისი, 7 აგვისტო — Sputnik. ჩხოროწყუს რაიონის საკრებულოს თავმჯდომარემ ბესიკ ესებუამ თანამდებობა დატოვა, იუწყება ტელეკომპანია Rustavi 2 ესებუას მოადგილეზე კობა ჯიქიაზე დაყრდნობით.

გადადგომის შესახებ განცხადებაში ჩინოვნიკი „პირად მიზეზებს“ ასახელებს.

2012 წლიდან ესებუა საკრებულოს თავმჯდომარის პოსტზე სამჯერ აირჩიეს.

ესებუა 2010 წლიდან საკრებულოს წევრია.

2009 წლიდან არის პოლიტიკური კოალიცია „ალიანსი საქართველოსთვის“ რაიონული ორგანიზაციის თავმჯდომარე.

2002–2003 წლებში იყო საკრებულოს ასოცირებული წევრი, სოფელ ახუთის გამგებელი.

 

298
პრემიერი გიორგი გახარია

მოსყიდვა თუ ზრუნვა? ოპოზიციამ ხელისუფლება მოსახლეობის დახმარებისთვის გაკიცხა

131
(განახლებულია 21:20 06.08.2020)
საპარლამენტო არჩევნების წინ საქართველოში მთავრობის ყველა ნაბიჯი განიხილება, როგორც წინასაარჩევნო კამპანიის ნაწილი.

თბილისი, 6 აგვისტო — Sputnik. ქვეყნის მთავრობის მიერ შემუშავებულმა მოსახლეობის დახმარების ახალმა პაკეტმა ოპოზიციური პარტიების დიდი უკმაყოფილება გამოიწვია. მათ ხელისუფლების გადაწყვეტილება უკვე მონათლეს „მოსახლეობის მოსყიდვის მცდელობად“, ხოლო მთავრობაში ამგვარ ბრალდებას უარყოფენ.

კორონავირუსის პანდემიამ და მის გამო ტურისტული სეზონის დახურვამ საქართველოს ეკონომიკის სერიოზული ვარდნა გამოიწვია. ბოლო პროგნოზებით, 2020 წელს წლიური ეკონომიკური ზრდა –5% იქნება.

თუ ყურადღებას არ მივაქცევთ ეკონომისტებისთვის მნიშვნელოვან ციფრებს და მოსახლეობას შევეკითხებით, ირკვევა, რომ კორონავირუსმა თითოეული ოჯახის ჯიბეს დაარტყა. როგორც საზოგადოებრივი აზრის ბოლო გამოკითხვამ აჩვენა, ოჯახების უმრავლესობას კვების პროდუქტებისა და პირველადი მოხმარების ნივთების მხოლოდ ერთი თვის მარაგის შესაძენი თანხა აქვს და ისინი დარწმუნებული არ არიან, რომ ეს თანხა მომავალში ეყოფათ.

არსებული მონაცემებით, ოფიციალურად დასაქმებული 849,3 ათასი მოქალაქიდან საგანგებო მდგომარეობის პერიოდში სამუშაო დაკარგა 90,8 ათასმა ადამიანმა. გარდა ამისა, იმავე პერიოდში 840,4 ათასი თვითდასაქმებულიდან უმუშევარი დარჩა 250 ათასი.

ყველა თვითდასაქმებულს, რომელმაც მთავრობას მიმართა, 300 ლარი დაერიცხება>>

ბევრი ადამიანი შემოსავლების გარეშე დარჩა ქვეყანაში ტურისტული სეზონის ჩავარდნის გამო. კრიზისმა განსაკუთრებით ძლიერად დაარტყა მათ, ვინც უცხოელ ტურისტებზე იყო ორიენტირებული.

მთავრობის გეგმა და ოპოზიციის კრიტიკა

მთავრობა ამჟამად მზადაა მოსახლეობის დახმარებაზე 410 მილიონი ლარი დახარჯოს ბიუჯეტიდან.

ეს დახმარება მოხმარდება 2020 წლის ნოემბრიდან 2021 წლის მარტამდე მოსახლეობის კომუნალური გადასახადების გადახდას, ბავშვებისა და თვითდასაქმებულებისთვის ერთჯერადი დახმარების გაცემას, ასევე შეჭირვებული ოჯახების სტუდენტების სწავლის საფასურის გადახდაში დახმარებას.

„საქართველოს მთავრობა პირველივე დღიდან ზრუნავს მოქალაქეებზე და ეს ზრუნვა გაგრძელდება ნებისმიერ პერიოდში“, – განაცხადა ვიცე-პრემიერმა მაია ცქიტიშვილმა ამ თემაზე საუბრისას.

ამასთან, ოპოზიციაში მთავრობის ეს გადაწყვეტილება არ დააფასეს და ხელისუფლება არჩევნების წინ (რომელიც 31 ოქტომბერს უნდა ჩატარდეს) მოსახლეობის მოსყიდვის მცდელობაში დაადანაშაულეს.

„ეს არის დაშინებისა და მოსყიდვის კომბინაცია. ეს არის ის, რასაც ივანიშვილი ქართველ ხალხს სთავაზობს: თუ თავისუფალ ნებას გამოხატავთ, დაისჯებით, თუ არა – გადმოგიგდებთ ამ დამამცირებელ დახმარებასო“, – ასე შეაფასა მთავრობის გეგმა პარტიის „ევროპული საქართველო – მოძრაობა თავისუფლებისთვის“ ლიდერმა გიგა ბოკერიამ.

მთავრობის გეგმაში პოლიტიკურ კონტექსტს ხედავს „ერთიანი საქართველოს“ ლიდერი ნინო ბურჯანაძეც.

გახარია: შემდგომი ორი წელიც ეკონომიკურად საკმაოდ რთული იქნება>>

„როდესაც დახმარების პირველი და მეორე ეტაპი არ არის სრულად გაცემული, მესამე ეტაპზე გადასვლის შესახებ მთავრობის განცხადება მხოლოდ პიარია“, – განაცხადა ბურჯანაძემ.

მხოლოდ ზრუნვა

მმართველ პარტიაში „ქართული ოცნება – დემოკრატიული საქართველო“ აღნიშნავენ, რომ დახმარება მხოლოდ პანდემიას უკავშირდება და არა – არჩევნებს.

„გლობალური პანდემიის პირობებში ჩვენი მთავარი ამოცანა გახლდათ ჩვენი მოქალაქეების სიცოცხლისა და ჯანმრთელობის დაცვა, ასევე იმ ოჯახების სოციალური და ეკონომიკური დახმარება, ვინც ყველაზე მეტად დააზარალა პანდემიამ. ვაგრძელებთ ზრუნვას ჩვენს თანამოქალაქეებზე. ამიტომ დღეს მივიღეთ ახალი გადაწყვეტილებები ამ მიმართულებით“, – განაცხადა საქართველოს პარლამენტის თავმჯდომარემ არჩილ თალაკვაძემ.

მმართველი პარტიის გენერალურმა მდივანმა ირაკლი კობახიძემ კი აღნიშნა, რომ სახელმწიფოს სახსრები საჭირო კალაპოტში მიდის.

„პანდემიამ ეკონომიკური სირთულეები შექმნა და ამას სჭირდება პასუხი. ჩვენი პასუხი პირველ რიგში არის სოციალური დახმარება საზოგადოების ყველაზე მოწყვლადი ფენებისთვის. ძალიან მნიშვნელოვანია ეს პაკეტი, რომელიც არის შემოთავაზებული საქართველოს მთავრობის მხრიდან“, – განაცხადა კობახიძემ.

ოფიციალური მონაცემებით, ამჟამად სოციალურად დაუცველად აღიარებულია დაახლოებით 137,1 ათასი ოჯახი, რაც ოჯახების საერთო რაოდენობის 12,9%-ს შეადგენს.

ამასთან, შემოსავლების სამსახურის ოფიციალური მონაცემებით, საქართველოში 618 ათასზე მეტ ადამიანს თვეში 500 ლარამდე შემოსავალი აქვს, აქედან 246 ათასზე მეტს – 100 ლარი.

131
თემები:
საქართველოს საპარლამენტო არჩევნები 2020
 AirFrance

Air France–მა საქართველოში რეგულარული ფრენები განაახლა

0
(განახლებულია 11:12 09.08.2020)
თბილისის საერთაშორისო აეროპორტმა პარიზიდან პირველი მგზავრები მიიღო – ავიაკომპანია  რეისებს  A320 და A321 მარკის თვითმფრინავებით კვირაში ორი სიხშირით შეასრულებს.

თბილისი, 9 აგვისტო — Sputnik. ფრანგულმა ავიაკომპანია „ეარ ფრანსმა“ (Air France) საქართველოში რეგულარული ფრენები განაახლა – პარიზიდან თბილისში 178 მგზავრი ჩამოფრინდა, იუწყება თბილისის შოთა რუსთაველის სახელობის საერთაშორისო აეროპორტის ოპერატორი TAV Georgia.  

საქართველოში ჩამოსულ მგზავრებს თბილისის აეროპორტში საჩუქრად დამცავი პირბადეები და ავიაკომპანიის ლოგო გადასცეს.

ავიაკომპანია  რეისებს  A320 და A321 მარკის თვითმფრინავებით კვირაში ორი სიხშირით შეასრულებს. რეისები პარიზიდან თბილისში ყოველ ოთხშაბათსა და შაბათს, თბილისიდან პარიზში კი ხუთშაბათს და კვირას შესრულდება.

კორონავირუსის პანდემიასთან დაკავშირებით საქართველომ უცხოელებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა 21 მარტიდან ყველა მიმართულებით შეწყვიტა.

ივლისის ბოლოს საქართველომ საჰაერო სივრცე გაუხსნა ხუთ ქვეყანას, რომელთა მოქალაქეებს ქვეყანაში უპირობო შემოსვლის უფლება აქვთ. ესენია გერმანია, საფრანგეთი, ლატვია, ლიეტუვა და ესტონეთი.

2 აგვისტოდან რეგულარული ფრენები განახლდა მიუნხენის მიმართულებით. გერმანული ავიაკომპანია Lufthansa პირველი ავიაკომპანიაა, რომელმაც ოთხთვიანი შესვენების შემდეგ საქართველოში რეგულარული ავიარეისები აღადგინა. 5 აგვისტოდან რეგულარული საჰაერო მიმოსვლა აღდგა თბილისსა და რიგას შორის, რომელსაც AirBaltic ასრულებს, ხოლო 8 აგვისტოდან კი თბილისსა და პარიზს შორის ავიამიმოსვლა განახლდა. 

საქართველო ევროკავშირის არაწევრი იმ უსაფრთხო ქვეყნების სიაში დარჩა, რომლის მოქალაქეებს შენგენის ზონის ქვეყნებში მოგზაურობა შეუძლიათ. უსაფრთხო ქვეყნების სიაში, საქართველოს გარდა, ასევე შევიდნენ ალჟირი, ავსტრალია, კანადა. იაპონია, მაროკო, ახალი ზელანდია, რუანდა, სამხრეთ კორეა, ტაილანდი, ტუნისი და ურუგვაი. 

კორონავირუსის პანდემიის გამო ევროპის ქვეყნებმა თავიანთი საზღვრები ევროკავშირის არარეზიდენტებისთვის მარტში დაკეტეს. პირველი სიის მომზადების შემდეგ (30 ივნისს) იქ მოხვედრილი ქვეყნებისთვის საზღვრები 1 ივლისიდან ნაწილობრივად გაიხსნა.

იმ ქვეყნების განსაზღვრის კრიტერიუმები, რომლებისთვისაც ევროკავშირი რეკომენდაციას გასცემს, რომ მოიხსნას მოქმედი შეზღუდვა საზღვრების გადალახვაზე, ითვალისწინებს ეპიდემიურ ვითარებას, ვირუსის გავრცელების აღსაკვეთად გატარებულ ზომებს, მათ შორის ფიზიკურ დისტანცირებას, ასევე ეკონომიკურ და სოციალურ მდგომარეობას.

საქართველოსთვის საზღვრები გახსნეს შვეიცარიამ, უნგრეთმა, გერმანიამ, ლატვიამ, საფრანგეთმა, ესპანეთმა, ნიდერლანდებმა, იტალიამ და სხვა ქვეყნებმა.







 

0
თემები:
COVID-19 საქართველოში