ანაკლია

ხაზარაძეს ბრალს წაუყენებენ: ანაკლიის პორტის მშენებლობას საფრთხე ემუქრება?

92
(განახლებულია 16:10 24.07.2019)
საქართველოს პარლამენტის თავმჯდომარემ კომენტარი გააკეთა TBC Holding-ის დამფუძნებლის წინააღმდეგ აღძრულ სისხლის სამართლის საქმესთან დაკავშირებით, რომელმაც უცხოურ ორგანიზაციებთან ერთად ანაკლიის ღრმაწყოვანი პორტის მშენებლობა დაიწყო.

თბილისი, 24 ივლისი — Sputnik. საქართველოს მთავრობა საკუთარი კომპეტენციის ფარგლებში გააკეთებს ყველაფერს, რათა ანაკლიაში ქვეყნის პირველი ღრმაწყლოვანი პორტის მშენებლობა ბოლომდე მივიდეს, განაცხადა პარლამენტის თავმჯდომარემ არჩილ თალაკვაძემ პროექტის გაგრძელებასთან დაკავშირებით „თიბისი ბანკის“ დამფუძნებლის მამუკა ხაზარაძის წინააღმდეგ სისხლის სამართლის საქმის შესაძლო ზეგავლენის თაობაზე კომენტარის გაკეთებისას.

პორტის მშენებლობას აწარმოებს „ანაკლიის განვითარების კონსორციუმი", რომელიც ქართული კომპანია TBC Holding-ის (მამუკა ხაზარაძე) და ამერიკული კომპანია Conti International LLC-ის დაფუძნებულია. დღეისთვის კონსორციუმში გაერთიანებული არიან SSA Marine (აშშ), British Wondernet Expres (ცენტრალური აზია) და G-Star Ltd (ბულგარეთი).

„ჩვენ ვავითარებთ ჩვენს ეკონომიკასა და ინფრასტრუქტურას. ინფრასტრუქტურის მნიშვნელოვანი ნაწილი კი არის კომუნიკაციებისა და სატრანსპორტო ინფრასტრუქტურის განვითარება. მნიშვნელოვან პროექტებს შორისაა ანაკლიის პორტი. აქ სახელმწიფოს მხრიდან ვალდებულებები იქნება განუხრელად შესრულებული. თქვენ იცით, რომ ეს იყო სწორედ მთავრობის მიერ ინიცირებული პროექტი. ხელისუფლებამ მასში საკმაოდ მნიშვნელოვანი რესურსები დახარჯა და მომავალშიც სახელმწიფო გააკეთებს ყველაფერს, თავისი ვალდებულებების ფარგლებში, რომ პორტის პროექტი წარმატებით განხორციელდეს", – განაცხადა არჩილ თალაკვაძემ.

რაც შეეხება ხაზარაძეს, რომელიც ასევე არის საქართველოს უმსხვილესი ბანკის TBC Bank-ის დამფუძნებელი, მას და მის ყოფილ მოადგილეს ბადრი ჯაფარიძეს 16 754 000 აშშ დოლარის ფარგლებში უკანონო შემოსავლების ლეგალიზაციზება ედებათ ბრალად. საუბარი ეხება TBC Bank-ის 2008 წლის ერთ-ერთ საბანკო ოპერაციას.

ანაკლიის პორტის მშენებლობა: პროგრესი ჯერჯერობით არ არის>>>

„ეკონომიკას აქვს თავისი ლოგიკა, მართლმსაჯულებას – თავისი. როგორც თქვენ იცით, ამ პროექტს (ანაკლიის პორტს) ეკონომიკური თვალსაზრისით სახელმწიფოს მხრიდან სრული მხარდაჭერა აქვს. ვფიქრობ, როგორც სახელმწიფოსთვის, ისე ხაზარაძისთვის და ჯაფარისთვის მნიშვნელოვანია, რომ ეს საქმე და საკითხები, რომელიც ამ საქმეში არსებობს, ამოიწუროს გონივრულ ვადებში“, – განაცხადა თალაკვაძემ.

პარლამენტის თავმჯდომარემ ასე უპასუხა ჟურნალისტების მიერ დასმულ კითხვას, გაჩნდება თუ არა პრობლემები პორტის მშენებლობისთვის ფინანსების მოზიდვის კუთხით, რამდენადაც ხაზარაძის წინააღმდეგ წაყენებული ბრალდებები ლახავენ მის რეპუტაციას.

ამ დღეებში საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა, რომ მოლაპარაკებებში სახელმწიფოსა და ინვესტორ ბანკებს შორის, რომლებიც მზად არიან ანაკლიის პორტის მშენებლობისთვის კონსორციუმს თანხები გამოუყონ, პროგრესი არ არის. მისი სიტყვებით, სახელმწიფო ბანკებისა და კონსორციუმის ყველა პირობას დათანხმდა, გარდა ტვირთების კომერციული რისკების დაზღვევისა.

როგორც ცქიტიშვილმა აღნიშნა, ამჟამად კონსორციუმი პორტის მშენებელ კომპანიას ეძებს, რომელთანაც 15 აგვისტოს შეთანხმება უნდა გაფორმდეს. ამასთან, 15 ოქტომბრისთვის ხელისუფლება ელოდება კონსორციუმის მიერ ფინანსების მოზიდვის ნაწილში ბანკებიდან წინასწარ პირობებს.

 

92
თემები:
სკანდალი TBC BANK–ის წინააღმდეგ (58)
„ქართული ოცნების“ ბანერი

ოპოზიციური ტელეარხის გამოკითხვაში „ქართული ოცნება“ ლიდერობს

10
(განახლებულია 12:52 29.10.2020)
კიდევ ერთმა გამოკითხვამ, რომელიც ოპოზიციური ტელეარხის დაკვეთით ჩატარდა, აჩვენა, რომ მმართველი პარტია „ქართული ოცნება“ არჩევნებზე ყველაზე მეტ ხმას დააგროვებს

თბილისი, 29 ოქტომბერი – Sputnik. საპარლამენტო არჩევნებამდე ცოტა ხნით ადრე მმართველი პარტია „ქართული ოცნება – დემოკრატიული საქართველო“ ქართული პარტიების რეიტინგის ლიდერი გახდა. რეიტინგი ფრანგულმა კომპანია IPSOS–მა შეადგინა.

კვლევა 17–27 ოქტომბერს ოპოზიციური ტელეკომპანია „მთავარი არხის“ დაკვეთით ჩატარდა. გამოიკითხა 2 ათასი ადამიანი. ცდომილება 2,2%–ს შეადგენს.

საზოგადოებრივი აზრის გამოკითხვის შედეგებით, მოსახლეობის დაახლოებით მეოთხედი – 25% მზადაა, არჩევნებზე მხარი „ქართულ ოცნებას“ დაუჭიროს. მეორე ადგილზე 18%–ით „ერთიანი ნაციონალური მოძრაობა და გაერთიანებული ოპოზიცია „ძალა ერთობაშია“.

ამომრჩევლის ერთნაირი მხარდაჭერა – ოთხ–ოთხი პროცენტი აქვთ ოპოზიციურ „ევროპულ საქართველოსა“ და „სტრატეგია აღმაშენებელს“. პარტიების ხუთეულში 3%–ით მოხვდა ასევე „ლელო საქართველოსთვის“.

დანარჩენი პარტიები ამგვარად გადანაწილდნენ:

  • „ლეიბორისტული პარტია“ – 2%
  • „გირჩი“ – 1%
  • „საქართველოს პატრიოტთა ალიანსი“ – 1%
  • „ერთიანი საქართველო“ – 1%
  • ელისაშვილი – მოქალაქეები – 1%
  • სხვა პარტიები – 1%
  • პასუხზე უარი განაცხადა რესპოდენტების 41%–მა.

ალოკაციის შემდეგ მიღებული კვლევის შედეგები ცოტა სხვაგვარად გამოიყურება. ალოკაცია – ეს არის განაწილების მეთოდი იმ რესპოდენტების ხმებისა, რომლებაც ფავორიტი პარტიის პირდაპირ დასახელებაზე უარი განაცხადეს, მაგრამ ამის განსაზღვრა დამატებით კითხვებზე პასუხების მიხედვით არის შესაძლებელი.

ამგვარად ლიდერთა მხარდამჭერები უფრო მეტნი აღმოჩნდნენ:

  • „ქართული ოცნება“ – 40%
  • „ერთიანი ნაციონალური მოძრაობა და გაერთიანებული ოპოზიცია“ – 33%
  • „სტრატეგია აღმაშენებელი“ – 7%
  • „ევროპულ საქართველო“ – 7%
  • „ლელო საქართველოსთვის“ – 4%
  • „ლეიბორისტული პარტია“ – 2%
  • „გირჩი“ – 2%
  • „საქართველოს პატრიოტთა ალიანსი“ – 2%
  • „ერთიანი საქართველო“ – 1%
  • ელისაშვილი – მოქალაქეები – 1%
  • სხვა პარტიები – 1%

კვლევის შედეგების მიხედვით, ქვეყნის 49%–მა განაცხადა, რომ სურს ხელისუფლების შეცვლა საპარლამენტო არჩევნების გზით, 26% ამის წინააღმდეგია.

10
თემები:
საქართველოს საპარლამენტო არჩევნები 2020
თავდაცვის სამინისტროს გერბი

თავდაცვის სამინისტრო: ჯარი პოლიტიკურ პროცესებში ნეიტრალიტეტს იცავს

14
(განახლებულია 12:21 29.10.2020)
სამხედრო მოსამსახურეები თავიანთ ნებას არჩევნებზე ისევე გამოხატავენ, როგორც საქართველოს დანარჩენი მოქალაქეები – ჩვეულებრივ და არა სპეციალურ საარჩევნო უბნებზე

თბილისი, 29 ოქტომბერი – Sputnik. საქართველოს თავდაცვის სამინისტრო მიუღებლად და დაუშვებლად მიიჩნევს სამხედრო მოსამსახურეებისა და თავდაცვის ძალების დისკრედიტაციის მცდელობებს, რაც მოახლოებულ არჩევნებთან ერთად ძალიან გახშირდა, ნათქვამია უწყების განცხადებაში.

სალომე ზურაბიშვილმა საპარლამენტო არჩევნებამდე სამი დღით ადრე მოქალაქეებს მიმართა>>

უწყებაში აღნიშნავენ, რომ სიცრუეა ინფორმაცია იმის თაობაზე, თითქოს სამხედრო მოსამსახურეები არ იმყოფებიან სამხედრო ნაწილებში, რათა მონაწილეობა მიიღონ საარჩევნო პროცესში. სამინისტროში აცხადებენ, რომ მზად არიან, უპასუხონ ნებისმიერ აბსურდულ ბრალდებას.

„ამჯერად პარტიული ტელევიზია „მთავარი არხის“ მიერ ვრცელდება ცრუ ბრალდებები, თითქოსდა სამხედრო მოსამსახურეების ნაწილი იმიტომ არ იმყოფება სამხედრო ნაწილებში, რომ ჩართულნი არიან საარჩევნო პროცესში. განვმარტავთ, რომ კოვიდ–პანდემიის პირობებში სამხედრო ნაწილებში უსაფრთხოების ინტერესებიდან გამომდინარე ჯერ კიდევ პანდემიის დასაწყისიდან მიღებულია განსაკუთრებული ზომები. კერძოდ, უმკაცრესი სანიტარულ-ჰიგიენური პირობების პარალელურად, სამხედრო მოსამსახურეების ნაწილი გადაყვანილია დისტანციურ მუშაობაზე, ხოლო ნაწილი კი სამხედრო ნაწილებში იმყოფება მონაცვლეობით“, – აღნიშნულია განცხადებაში.

ასეთი ზომები იმისთვის არის მიღებული, რომ პანდემიის გამო არ დაზარალდეს ჩვენი ქვეყნის უსაფრთხოების ინტერესები, განმარტავენ უწყებაში.

სამინისტროს განცხადებაში ნათქვამია, რომ 2012 წლიდან საქართველოს შეიარაღებული ძალები პოლიტიკურად ნეიტრალური სახელმწიფო ინსტიტუტია, რომელშიც ყველა შეხედულების საქართველოს მოქალაქეები არიან გაერთიანებული.

განცხადებაში ასევე აღნიშნულია, რომ წინა ხელისუფლებისთვის დამახასიათებელი ე.წ. დახურული უბნები მოქმედი ხელისუფლების პირობებში გაუქმებულია და სამხედრო მოსამსახურეებზე და მათ არჩევანზე არანაირი ზეწოლა არ ხორციელდება.

„დღეს სამხედრო მოსამსახურეებს სრულიად თავისუფლად, ჩვეულებრივ საარჩევნო უბნებზე შეუძლიათ გააკეთონ არჩევანი საკუთარი შეხედულების მიხედვით და პარტიული ტელევიზიებიდან ამ რეალობის მოდელირების ნებისმიერი მცდელობა სრულიად წარუმატებლად დასრულდება“, – ნათქვამია განცხადებაში.

საპარლამენტო არჩევნები 31 ოქტომბერს გაიმართება. მასში მონაწილეობს 48 პარტია და ორი ბლოკი.

14
ქართული ოცნება

„ქართული ოცნების“ მაჟორიტარი დეპუტატობის კანდიდატს კორონავირუსი დაუდასტურდა

11
(განახლებულია 12:54 29.10.2020)
ირაკლი ქადაგიშვილი „ქართული ოცნების“ თელავის, ახმეტის, ყვარლისა და ლაგოდეხის მაჟორიტარი დეპუტატობის კანდიდატია.

 

თბილისი, 29 ოქტომბერი - Sputnik. მმართველი პარტია „ქართული ოცნება–დემოკრატიული საქართველოს“ მაჟორიტარი დეპუტატობის კანდიდატ ირაკლი ქადაგიშვილს კორონავირუსი დაუდასტურდა. აღნიშნული ინფორმაცია ქადაგიშვილმა საკუთარ Facebook–გვერდზე გაავრცელა. 

ქადაგიძის განმარტებით, კორონავირუსზე ტესტი მას შემდეგ ჩაიტარა, რაც პირს, რომელთანაც მას კონტაქტი ჰქონდა, კორონავირუსი დაუდგინდა. მას ვირუსისთვის დამახასიათებელი არცერთი სიმპტომი არ აღენიშნება. კახეთის რეგიონის ყოფილი გუბერნატორი ამ დროისთვის იზოლაციაში იმყოფება და  სახლის პირობებში გადის მკურნალობას.

 „დამიდასტურდა COVID-19 , რის გამოც იძულებული ვარ საჯარო სივრციდან გადავინაცვლო თვითიზოლაციაში. თავს ვგრძნობ მხნედ, შემართებით და იმედიანად“,  - წერს ქადაგიშვილი.

ირაკლი ქადაგიშვილი „ქართული ოცნების“ მაჟორიტარი დეპუტატობის კანდიდატია თელავი–ახმეტა–ყვარელი–ლაგოდეხის საარჩევნო ოლქში.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია. გამოჯანმრთელდა 16904 ადამიანი, გარდაიცვალა – 273.

საქართველოში კორონავირუსის პირველი შემთხვევა 26 თებერვალს დაფიქსირდა.



 

 

 

11
თემები:
COVID-19 საქართველოში