Сенаки военные учения Минобороны Грузии

საქართველოში მორიგი სამხედრო სწავლება იწყება

84
(განახლებულია 14:26 23.07.2019)
შარშანდელ სწავლებასთან შედარებით როგორც სამხედრო მოსამსახურეთა, ისე სამხედრო ტექნიკის რაოდენობა ორჯერ გაიზარდა.

თბილისი, 23 ივლისი – Sputnik. საერთაშორისო სამეთაურო-საშტაბო სწავლება „მტკიცე სული“ (Agile Spirit 2019) საქართველოში 27 ივლისიდან 9 აგვისტომდე პერიოდში გაიმართება, ნათქვამია თავდაცვის სამინისტროს განცხადებაში.

Agile Spirit 2019 ერთდროულად სამ ლოკაციაზე გაიმართება – სენაკში, II ქვეითი ბრიგადის ტერიტორიაზე, ორფოლოსა და ვაზიანის პოლიგონებზე. მრავალმხრივია სწავლების სცენარიც, რომელიც სახმელეთო და საჰაერო კომპონენტების ჩართულობას ითვალისწინებს.

საქართველო, აზერბაიჯანი და თურქეთი სამხედრო თანამშრომლობას აფართოებენ >>

„ეს სწავლება გამოირჩევა თავისი მასშტაბებით. კერძოდ, როგორც სამხედრო მოსამსახურეთა, ისე სამხედრო ტექნიკის რაოდენობა ორჯერ გაიზარდა. სწავლება წარმოადგენს ჩვენი მთავარი სტრატეგიული პარტნიორის – აშშ-ის სწავლების ერთ-ერთ ეტაპს“, – განაცხადა თავდაცვის მინისტრმა ლევან იზორიამ.

მრავალეროვნულ სწავლებაში ნატოს წევრი და პარტნიორი 14 ქვეყნის 3000-ზე მეტი სამხედრო მიიღებს მონაწილეობას. ეს ქვეყნებია: საქართველო, აშშ, ბელგია, ბულგარეთი, დიდი ბრიტანეთი, საბერძნეთი, ლატვია, ლიეტუვა, მონტენეგრო, ნორვეგია, პოლონეთი, რუმინეთი, თურქეთი და უკრაინა. 2018 წლის სექტემბერში წვრთნებში საქართველოს გარდა 9 ქვეყანა მონაწილეობდა.

სწავლება მიზნად ისახავს მონაწილე ქვეყნებს შორის ურთიერთთავსებადობის გაძლიერებას, მრავალეროვნულ გარემოში ოპერატიული შესაძლებლობების გაუმჯობესებას და შავი ზღვის რეგიონში სტაბილური და უსაფრთხო გარემოს შენარჩუნებას.

„მტკიცე სული“ 2011 წლიდან იმართება და აშშ-სა და ნატოსთან საქართველოს ურთიერთობის ერთ-ერთი კომპონენტია. წვრთნების ფარგლებში ქართველი სამხედროები ემზადებიან საერთაშორისო სამშვიდობო მისიებში მონაწილეობის მისაღებად.

წვრთნების მიზანია ბრიგადის დონეზე სამეთაურო-საშტაბო წვრთნების დაგეგმვა და ჩატარება კრიზისებზე რეაგირებისთვის მზადყოფნისა და ნატოს სწრაფი რეაგირების ძალების შემადგენლობაში ერთობლივი ოპერაციების შესრულების მიზნით.

84
თემები:
საქართველოს თავდაცვა (88)
„გირჩის“ ლიდერი ზურაბ ჯაფარიძე

ზურაბ ჯაფარიძეს საბანკო ანგარიშები დაუყადაღეს

263
„გირჩის“ ლიდერი ზურაბ ჯაფარიძე აცხადებს, რომ საპარლამენტო არჩევნებზე დიდუბე–ჩუღურეთის საარჩევნო ოლქში იყრის კენჭს.

თბილისი, 10 აგვისტო – Sputnik. საქართველოს აღსრულების ეროვნულმა ბიურომ პარტია „გირჩის“ ლიდერის, ზურაბ ჯაფარიძის საბანკო ანგარიშები ძველი ჯარიმების გადაუხდელობის გამო დააყადაღა, ნათქვამია პარტიის ვებგვერდზე.

„მე მაქვს რამდენიმე ჯარიმა, მათ შორის 2000 და 3000 ლარიანი. არის ისეთი ჯარიმებიც, რომელიც დამაკისრეს ორი წლის წინ. აქამდე სახელმწიფოს არ გახსენებია, რომ მოეკითხა ამ ჯარიმებისთვის და აღსრულება დაეწყო, ამიტომ გასაგებია, რომ ეს არ არის დამთხვევა“, - განაცხადა ჯაფარიძემ.

აღსანიშნავია, რომ ზურაბ ჯაფარიძის შემდეგ აღსრულების ეროვნულმა ბიურომ „გირჩის" ,წევრის იმედა კლდიაშვილის ანგარიშებიც დააყადაღა.

ჯაფარიძე უკავშირებს მომხდარს იმას, რომ დამდეგ საპარლამენტო არჩევნებზე დიდუბე-ჩუღურეთის საარჩევნო ოლქის მაჟორიტარ დეპუტატად კენჭისყრას აპირებს. მას იმედი აქვს, რომ მას სხვა ოპოზიციური პარტიები დაუჭერენ მხარს.

ზურაბ ჯაფარიძის ერთ-ერთი ძირითადი კონკურენტი დიდუბე–ჩუღურეთის საარჩევნო ოლქში მმართველი პარტიის წარმომადგენელი, პარლამენტის ვიცე-სპიკერი გია ვოლსკი იქნება.

პარტია „გირჩისთვის“ ეს პირველი საპარლამენტო არჩევნებია, თუმცა ზურაბ ჯაფარიძეს წინასაარჩევნო რბოლაში მონაწილეობის გამოცდილება აქვს. მან საპრეზიდენტო არჩევნებში ხმების 2% მიიღო და ყველა კანდიდატთან შედარებით წინასაარჩევნო კამპანიაზე ყველაზე ნაკლები თანხა დახარჯა.

„ავტომობილი საჩუქრად“ – რა სიურპრიზს უმზადებს არჩევნებზე მისულ ამომრჩეველს „გირჩი“ >>

„გირჩი“ პოლიტიკურ სარბიელზე 2015 წელს გამოჩნდა, პარტია „ერთიანი ნაციონალური მოძრაობის“ ყოფილმა წევრებმა შექმნეს.

პარტია ლიბერალური მიმართულებისაა და ცნობილია თავისი არაორდინარული საქციელითა და კანონის გვერდის ავლის უნარით. შეიძლება ითქვას, რომ მარიხუანის მოხმარების დეკრიმინალიზაციაში „გირჩმა“ ერთ-ერთი მთავარი როლი შეასრულა.

263
თემები:
საქართველოს პოლიტიკური ცხოვრება
„ქართული ოცნების მთავარი ოფისი

დმანისის მერი „ქართული ოცნებიდან“ გარიცხეს

173
(განახლებულია 20:10 10.08.2020)
პარტიიდან გარიცხვის მიზეზი დმანისის მერის მხრიდან მმართველი პარტიის კონკურენტი კანდიდატის მხარდაჭერა გახდა.

თბილისი, 10 აგვისტო – Sputnik. დმანისის მერი გიორგი ტატუაშვილი მმართველი პარტია „ქართული ოცნებიდან“ გარიცხეს.

როგორც პარტია „ქართული ოცნება – დემოკრატიული საქართველოს“ მიერ გავრცელებულ განცხადებაშია აღნიშნული, გარიცხვის მიზეზი ტატუაშვილის მიერ მმართველი პარტიის კონკურენტი კანდიდატის მხარდაჭერაა.

„გარიცხვის მიზეზი გახდა პარტიული დისციპლინის უხეში დარღვევა, რაც გამოიხატა მის მიერ „ქართული ოცნების“ კონკურენტი კანდიდატის საარჩევნო კამპანიის მხარდაჭერაში“, – აღნიშნულია განცხადებაში.

როგორც ოფიციალურ დოკუმენტშია ნათქვამი, დმანისის რაიონული ორგანიზაციის თავმჯდომარე გიორგი ტატუაშვილი, რომელიც ამავე დროს იკავებს დმანისის მერის თანამდებობას, პარტიის რიგებიდან „ქართული ოცნება – დემოკრატიული საქართველოს“ სამდივნოს გადაწყვეტილებით გარიცხეს.

173
თემები:
საქართველოს საპარლამენტო არჩევნები 2020
აქცია მინსკში

ბელარუსის პრეზიდენტობის ექს–კანდიდატმა მომხრეებს მოუწოდა, პროტესტზე უარის თქვან

0
(განახლებულია 15:45 11.08.2020)
ქსელში პრეზიდენტობის კანდიდატის ვიდეომიმართვა გამოჩნდა, სადაც ის თანამემამყლეებს მოუწოდებს, არ დაუპირისპირდნენ მილიციას და არ გავიდნენ მოედანზე, რათა საკუთარი სიცოცხლე საფრთხეში არ ჩააგდონ

თბილისის, 11 აგვისტო – Sputnik. ბელარუსის პრეზიდენტობის კანდიდატმა სვეტლანა ტიხანოვსკაიამ მოქალაქეებს მოუწოდა, უარი თქვან არასანქცირებულ საპროტესტო აქციებზე გასვლაზე. შესაბამისი ვიდეო მიმართვა ქსელში სამშაბათს გავრცელდა, იუწყება Sputnik–ბელარუსი.

გაუგებარია, სად და როდის არის გადაღებული ვიდეორგოლი, მაგრამ ჩანს, რომ ტიხანოვსკაია დაწერილ ტექსტს კითხულობს. კანდიდატმა ბელარუს ხალხს მადლობა გადაუხადა არჩევნებში მონაწილეობისას მხარდაჭერისთვის.

„ბელარუსის ხალხმა თავისი არჩევანი გააკეთა. მადლიერებით მივმართავ ყველა მოქალაქეს, რომლებმაც მთელი ამ დროის განმავლობაში მხარი დამიჭირეს“, – განაცხადა მან.

მან მოქალაქეებს მოუწოდა, დაიცვან კანონი და კეთილგონიერება გამოიჩინონ.

„არ მინდა სისხლი და ძალადობა. გთხოვთ, არ დაუპირისპირდეთ მილიციას, არ გახვიდეთ მოედანზე და თავი საფრთხეში არ ჩაიგდოთ. გაუფრთხილდით საკუთარ თავსა და ახლობლებს“, – განაცხადა ტიხანოვსკაიამ.

სამშაბათს ცნობილი გახდა, რომ სვეტლანა ტიხანოვსკაიამ ქვეყანა დატოვა. გაერთიანებულ შტაბში განაცხადეს, რომ ის ლიეტუვაში ბელარუსის ხელისუფლებამ გაიყვანა. თავად ტიხანოვსკაიამ ამის შემდეგ გამოაქვეყნა ვიდეო, სადაც აღნიშნა, რომ შვილებთან გაემგზავრა.

0
თემები:
მსოფლიო დღეს