აქცია პარლამენტთან

პროტესტის 33-ე დღე: პარლამენტის წინ აქცია დღეიდან განსხვავებული ფორმატით გაგრძელდება

218
(განახლებულია 15:48 22.07.2019)
პარლამენტის შენობის წინ საპროტესტო აქცია 32 დღეა მიმდინარეობს.

თბილისი, 22 ივლისი — Sputnik. თბილისში, პარლამენტის შენობის წინ მიმდინარე საპროტესტო აქცია დღეიდან განსხვავებული ფორმატით გაგრძელდება, იუწყება ქართული მასმედია.

20–21 ივნისის საქმეზე დაკავებულ პოლიციელს გირაო შეეფარდა>>>

რუსთაველის გამზირზე საპროტესტო აქციები ამ დრომდე გრძელდება. აქცია, რომელიც 20 ივნისს თბილისში რუსი დეპუტატის ჩამოსვლის საპასუხოდ დაიწყო, ანტისამთავრობო გამოსვლებსა და არეულობებში გადაიზარდა. პოლიციამ ცრემლსადენი გაზი და რეზინის ტყვიები გამოიყენა. აქციის დაშლისას 240 ადამიანი დაშავდა.

აქციის ორგანიზატორების განცხადებით, ისინი საზოგადოებას პარლამენტის მიმდებარე ტერიტორიიდან ონლაინ-გადაცემებს შესთავაზებენ.

„ის ადამიანები, რომლებიც ვერ მოდიან ჩვენთან, ჩვენ მივალთ მათთან ტელეგადაცემით და, როგორც დავპირდით ჩვენ ადამიანებს, სანამ არ გადადგება გიორგი გახარია, მიადგება პოლიტიკური ზიანი მმართველ პარტიას", – განაცხადა აქციის ერთ-ერთმა ორგანიზატორმა შოთა დიღმელაშვილმა.

გუშინ, პროტესტის 32-ე დღეს სიტყვით გამოსვლების პარალელურად გაიმართა „ფლი–მარკეტიც", სადაც 40-მდე სტარტაპერმა გასაყიდად საკუთარი პროდუქცია წარმოადგინა. ორგანიზატორების განცხადებით, შემოსული თანხის ნაწილი აქციის ორგანიზებას მოხმარდება.

მომიტინგეების ერთადერთი მოთხოვნა შინაგან საქმეთა მინისტრ გიორგი გახარიას გადადგომაა, როგორც 20-21 ივნისის მოვლენებზე პასუხისმგებელი პირის. გახარიას სიტყვებით, პოლიცია 21 ივნისის ღამით ლეგიტიმურად მოქმედებდა და სახელმწიფო გადატრიალება აღკვეთა, ხოლო თუ ადგილი ჰქონდა ძალის გადამეტების ცალკეულ შემთხვევებს, ამას გამოძიება გაარკვევს.

ამჟამად გამოძიება ორი მიმართულებით მიდის. პირველი პოლიციელთა მიერ ძალის გადამეტებას ეხება. მეორე მიმართულებით გამოძიება მიმდინარეობს ორი მუხლით – „ჯგუფური ძალადობის ორგანიზება, ხელმძღვანელობა ან მასში მონაწილეობა“ და „ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად, რამაც გამოიწვია მძიმე შედეგი“.

გიორგი გახარია პროკურატურაში გამოიკითხა>>>

ამ დროისათვის მეორე მიმართულებით სისხლის სამართლის პასუხისგებაში 12 ადამიანია მიცემული, აქედან 11 ჯგუფურ ძალადობაში მონაწილეობის ბრალდებით დააკავეს, ხოლო დეპუტატს „ერთიანი ნაციონალური მოძრაობიდან“ ნიკა მელიას ჯგუფური ძალადობის ხელმძღვანელობა და მასში მონაწილეობა ედება ბრალად.

პოლიციის მიერ სამსახურებრივი უფლებამოსილების გადამეტების საქმის ფარგლებში დაკავებულია შსს-ს ორი თანამშრომელი, ერთს პატიმრობა შეეფარდა, მეორე გირაოს საფუძველზე გათავისუფლდა.

უფრო ადრე ძალის გადამეტების საქმის ფარგლებში უფლებამოსილება ათ პოლიციელს შეუჩერდა, ასევე განსაკუთრებულ დავალებათა დეპარტამენტის დირექტორს გიორგი ყაყიჩაშვილს.

218
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
ბუდაპეშტი

მოთავსდება თუ არა კარანტინში უნგრეთის საგარეო საქმეთა მინისტრი საქართველოში ჩამოფრენისას

88
(განახლებულია 10:27 05.07.2020)
საქართველოში ვიზიტის ფარგლებში, უნგრეთის საგარეო საქმეთა მინისტრი პიტერ სიიარტო სრულიად საქართველოს კათოლიკოს-პატრიარქ ილია მეორეს ესტუმრება

თბილისი, 5 ივლისი – Sputnik. საქართველოს 2020 წლის 6 ივლისს, ვიზიტით ეწვევა უნგრეთის საგარეო საქმეთა და ვაჭრობის მინისტრი პიტერ სიიარტო. ნათქვამია უწყების მიერ გავრცელებულ განცხადებაში.

უნგრეთის საგარეო საქმეთა მინისტრი პიტერ სიიარტო პანდემიის დაწყების შემდეგ პირველი ოფიციალური პირი იქნება, რომელიც თბილისს ეწვევა. უნგრელი დიპლომატი კარანტინში არ მოთავსდება, რადგან ეს რეგულაცია ოფიციალურ პირებზე არ ვრცელდება.

ვიზიტის ფარგლებში უნგრეთის საგარეო უწყების ხელმძღვანელი შეხვედრებს გამართავს საქართველოს პრემიერ-მინისტრთან გიორგი გახარიასთან; საგარეო საქმეთა მინისტრთან დავით ზალკალიანთან, ეკონომიკისა და მდგრადი განვითარების მინისტრთან ნათია თურნავასთან და სხვა უწყების წარმომადგენლებთან.

უნგრელ კოლეგას დავით ზალკალიანი საგარეო საქმეთა სამინისტროში უმასპინძლებს. მინისტრები განიხილავენ ორმხრივი და მრავალმხრივი თანამშრომლობის საკითხებს, შეხვედრის დასრულების შემდგომ გაკეთდება მინისტრების ერთობლივი განცხადება.

საქართველოში ვიზიტის ფარგლებში, უნგრეთის საგარეო საქმეთა მინისტრი სრულიად საქართველოს კათოლიკოს-პატრიარქ ილია მეორეს ესტუმრება.

88
თემები:
საქართველოს საგარეო პოლიტიკა
საქართველოს და აშშ-ის დროშები

საქართველოს პირველმა პირებმა აშშ-ს დამოუკიდებლობის დღე მოულოცეს

63
(განახლებულია 16:50 04.07.2020)
საქართველოს ხელისუფლების წარმომადგენლებმა ამერიკელ ხალხს მათი ეროვნული დღესასწაული ვიდეომიმართვით მიულოცეს

თბილისი, 4 ივლისი – Sputnik. საქართველოს პრეზიდენტმა სალომე ზურაბიშვილმა და პრემიერ-მინისტრმა გიორგი გახარიამ აშშ-ს დამოუკიდებლობის დღე მიულოცეს, რომელიც ყოველწლიურად 4 ივნისს აღინიშნება.

აშშ-მა მსოფლიოში ყველაზე დიდი თვითმფრინავი გამოიყვანა ანგარიდან - ვიდეოკადრები >>

„ეს დღე არის მატარებელი იმ ღირებულებების, რომლის ირგვლივაც ერთიანდება ერი. ეს ღირებულებები მთელმა მსოფლიომ იცის – თავისუფლება, დამოუკიდებლობა, ადამიანის უფლებები, დემოკრატია. ეს ღირებულებებია, რომელიც ჩვენ ჩავწერეთ კონსტიტუციაში დამოუკიდებლობის შემდგომ, რომლითაც მივდივართ ჩვენი განვითარების გზაზე“, - განაცხადა ზურაბიშვილმა თავის ვიდეომიმართვაში.

მან ასევე გამოყო აშშ-ის სტრატეგიული პარტნიორობის როლი და შტატების ხელისუფლებას მხარდაჭერისთვის მადლობა გადაუხადა.

ვიდეომილოცვა გამოაქვეყნა ასევე პრემიერმა გიორგი გახარიამა. მანაც მადლობა გადაუხადა აშშ-ს ქვეყნის განვითარების პროცესში გაწეული დახმარებისთვის.

საქართველომ და აშშ-მა დიპლომატიური ურთიერთობები 1992 წელს დაამყარეს. ყველაზე აქტიური ის გახდა 2000-იანი წლების დასაწყისში. 2009 წელს ქვეყნებმა ხელი მოაწერეს სტრატეგიული პარტნიორობის ქარტიას, რომელიც ითვალისწინებს საპარტნიორო კავშირების და თანამშრომლობის გაფართოებას თავდაცვისა და უსაფრთხოების, ეკონომიკის და ენერგეტიკის, დემოკრატიული რეფორმების, დიპლომატიის და კულტურის სფეროებში.

63
თემები:
საქართველოს საგარეო პოლიტიკა
მცხეთის ბლოკპოსტი

შაქარაშვილის დაღუპვის საქმე: პოლიციამ ტრაგიკული წვეულების მასპინძელი გოგონა გამოკითხა

0
(განახლებულია 19:08 05.07.2020)
გოგონას ადვოკატმა განაცხადა, რომ მისი დაცვის ქვეშ მყოფი სოციალურ ქსელში მუქარებს იღებს და ზეწოლას განიცდის

თბილისი, 5 ივლისი — Sputnik. მცხეთის პოლიციაში გამოკითხეს ანა გაბეჩავა, რომლის დაბადების დღეზე მოხდა ის სისხლიანი გარჩევა, რომელიც, გამოძიების ვერსიით, 19 წლის ფეხბურთელის, გიორგი შაქარაშვილის გარდაცვალების მიზეზი გახდა.

„მის განცხადებასთან დაკავშირებით, მისი უფლებების დარღვევასთან დაკავშირებით ვართ გამოკითხვაზე მოსული. ხორციელდება მასზე ბულინგი“, - განაცხადა გოგონას ადვოკატმა ლიკა ბითაძემ პირველი არხის ეთერში.

ბითაძეს არ დაუკონკრეტებია, ვისგან მომდინარეობს ზეწოლა მისი დაცვის ქვეშ მყოფის მისამართით. თავად გაბეჩავამ პრესასთან ურთიერთობაზე უარი განაცხადა.

19 წლის ფეხბურთელი გიორგი შაქარაშვილი ოთხდღიანი ძებნის შემდეგ მდინარე არაგვში 22 ივნისს გარდაცვლილი იპოვეს.

28 ივნისს მცხეთის სასამართლომ შაქარაშვილის საქმეზე დაკავებულ 17 ახალგაზრდას პატიმრობა შეუფარდა. პროცესი დახურულ კარს მიღმა მიმდინარეობდა, რადგან ბრალდებულებს შორის რამდენიმე არასრულწლოვანია. საქმეზე წინასწარი მოსმენა 31 ივლისს არის ჩანიშნული.

გამოძიების ვერსიით, 18 ივნისს თბილისის საფეხბურთო კლუბ „საბურთალოს“ 19 წლის აღსაზრდელი გიორგი შაქარაშვილი მეგობართან ერთად მცხეთაში დაქირავებულ სახლში წვეულებაზე იმყოფებოდა, სადაც სტუმრებს შორის კონფლიქტი მოხდა. ურთიერთობების გარკვევა გაგრძელდა ტრასაზე, სადაც კონფლიქტის მონაწილეთა ნაწილმა თბილისიდან „დახმარება“ გამოიძახა.

ბევრ კითხვას ექსპერტიზა უპასუხებს – გომელაური 19 წლის ფეხბურთელის დაღუპვის საქმეზე >>

მოწმეები ამტკიცებენ, რომ გიორგიმ გარჩევის ადგილი დატოვა და მდინარისკენ გაიქცა, შემდეგ კი მისი კვალი იკარგება.

ასევე ცნობილია, რომ მცხეთა-თბილისის ტრასაზე, ჩხუბის ადგილზე 15-20 წუთის სხვაობით ორი ავტომობილი მივიდა. ავტომობილების მგზავრებსა და ახალგაზრდების ჯგუფს შორის, რომელთა შორის იყო გიორგი შაქარაშვილი, ორი ჩხუბი მოხდა. ამის შემდეგ შაქარაშვილი არავის არ უნახავს.

0
თემები:
გახმაურებული სასამართლო პროცესები