კახა კალაძე

კალაძეს 20-21 ივნისის მოვლენების უსწრაფესი გამოძიება სურს

129
(განახლებულია 23:20 20.07.2019)
კახა კალაძემ პარალელი გაავლო - როგორ იძიებდნენ საქმეებს ახლანდელი და ძველი ხელისუფლებების დროს

თბილისი, 20 ივლისი - Sputnik. თბილისის მერმა, მმართველი პარტია „ქართული ოცნება - დემოკრატიული საქართველოს“ გენერალურმა მდივანმა ისურვა, რომ 20-21 ივნისის მოვლენების გამოძიება რაც შეიძლება მალე დასრულდეს.

ლომჯარია: 20 ივნისის მოვლენების გამოძიების მთავარი პრობლემა სპეცრაზმელების იდენტიფიკაციაა >>

20-21 ივნისის ღამეს ანტისამთავრობო აქცია არეულობაში გადაიზარდა, მომიტინგეებმა პარლამენტში შეჭრა სცადეს. ისინი პოლიციელებს ფარებსა და ხელკეტებს ართმევდნენ და მათ ქვებს ესროდნენ. ორი საათის შემდეგ პოლიციამ ცრემლსადენი გაზი და რეზინის ტყვიები გამოიყენა. იმ ღამეს 240 ადამიანი დაშავდა.

„რა თქმა უნდა, ვისურვებდი, სწრაფად დასრულდეს გამოძიება და ყველამ, ვისაც დანაშაული აქვს ჩადენილი, აგოს პასუხი. ეს ეხება, როგორც იმ ადამიანებს, ვინც შტურმისა და პარლამენტის აღებისკენ მოუწოდებდა, რისი კადრებიც გვაქვს, ასევე ის ცალკეული შემთხვევები სადაც იყო ძალის გადამეტება“, – განაცხადა კახა კალაძემ პირველი არხის ეთერში.

ამასთან მან აღნიშნა, რომ ესმის, რომ გამოძიების ერთ დღეში დასრულება შეუძლებელია.

„ცხადია, გამოძიება ისე ერთ დღეში არ ხდება, როგორც ხდებოდა ადრე. ერთ დღეს აკავებდნენ, ერთ დღეს გამოჰქონდათ განაჩენი, სასჯელი იცოდნენ. დღეს გვაქვს განსხვავებული რეალობა, არის აბსოლუტურად განსხვავებული სიტუაცია თავისუფლების კუთხით. დემოკრატიის თვალსაზრისით გვაქვს წინგადადგმული ნაბიჯები და შესაბამისად, დაველოდოთ გამოძიებას“, - განაცხადა კალაძემ.

ამჟამად გამოძიება ორ სისხლის სამართლის საქმეზე მიმდინარეობს. პირველი პოლიციელთა მიერ ძალის გადამეტებას ეხება. მეორე საქმის ფარგლებში გამოძიება მიმდინარეობს ორი მუხლით -  „ჯგუფური ძალადობის ორგანიზება, ხელმძღვანელობა ან მასში მონაწილეობა“ და „ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად, რამაც გამოიწვია მძიმე შედეგი“.

ბიძინა ივანიშვილი: გახარიას გადადგომა დღეს იქნებოდა სამშობლოს ღალატი >>

ამ დროისათვის სისხლის სამართლის პასუხისგებაში 12 ადამიანია მიცემული, აქედან 11 ჯგუფური ძალადობის ბრალდებით დააკავეს, ხოლო დეპუტატ „ერთიანი ნაციონალური მოძრაობიდან“ ნიკა მელიას ჯგუფური ძალადობის ხელმძღვანელობა და მასში მონაწილეობა ედება ბრალად.

სამსახურებრივი უფლებამოსილების გადამეტების საქმის ფარგლებში დაკავებულია შსს-ს ორი თანამშრომელი, ერთ-ერთს პატიმრობა შეეფარდა, მეორე გირაოს საფუძველზე გათავისუფლდა.

უფრო ადრე ძალის გადამეტების საქმის ფარგლებში უფლებამოსილება ათ პოლიციელს შეუჩერდა, ასევე განსაკუთრებულ დავალებათა დეპარტამენტის დირექტორს გიორგი ყაყიჩაშვილს.

20-21 ივნისის საქმე: გრიგოლ ვაშაძე სასამართლოში გამოკითხვაზეა, ვინ იქნება შემდეგი? >>

საქართველოში საპროტესტო აქციები 20 ივნისიდან იმართება, რაც ქვეყნის პარლამენტში რუსეთის სახელმწიფო სათათბიროს დეპუტატის, სერგეი გავრილოვის გამოჩენას მოჰყვა. ის, როგორც მართლმადიდებლობის საპარლამენტთაშორისო ასამბლეის გენერალური ასამბლეის პრეზიდენტი, ამ საერთაშორისო ორგანიზაციის სესიას ხელმძღვანელობდა.

129
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
ბუდაპეშტი

მოთავსდება თუ არა კარანტინში უნგრეთის საგარეო საქმეთა მინისტრი საქართველოში ჩამოფრენისას

88
(განახლებულია 10:27 05.07.2020)
საქართველოში ვიზიტის ფარგლებში, უნგრეთის საგარეო საქმეთა მინისტრი პიტერ სიიარტო სრულიად საქართველოს კათოლიკოს-პატრიარქ ილია მეორეს ესტუმრება

თბილისი, 5 ივლისი – Sputnik. საქართველოს 2020 წლის 6 ივლისს, ვიზიტით ეწვევა უნგრეთის საგარეო საქმეთა და ვაჭრობის მინისტრი პიტერ სიიარტო. ნათქვამია უწყების მიერ გავრცელებულ განცხადებაში.

უნგრეთის საგარეო საქმეთა მინისტრი პიტერ სიიარტო პანდემიის დაწყების შემდეგ პირველი ოფიციალური პირი იქნება, რომელიც თბილისს ეწვევა. უნგრელი დიპლომატი კარანტინში არ მოთავსდება, რადგან ეს რეგულაცია ოფიციალურ პირებზე არ ვრცელდება.

ვიზიტის ფარგლებში უნგრეთის საგარეო უწყების ხელმძღვანელი შეხვედრებს გამართავს საქართველოს პრემიერ-მინისტრთან გიორგი გახარიასთან; საგარეო საქმეთა მინისტრთან დავით ზალკალიანთან, ეკონომიკისა და მდგრადი განვითარების მინისტრთან ნათია თურნავასთან და სხვა უწყების წარმომადგენლებთან.

უნგრელ კოლეგას დავით ზალკალიანი საგარეო საქმეთა სამინისტროში უმასპინძლებს. მინისტრები განიხილავენ ორმხრივი და მრავალმხრივი თანამშრომლობის საკითხებს, შეხვედრის დასრულების შემდგომ გაკეთდება მინისტრების ერთობლივი განცხადება.

საქართველოში ვიზიტის ფარგლებში, უნგრეთის საგარეო საქმეთა მინისტრი სრულიად საქართველოს კათოლიკოს-პატრიარქ ილია მეორეს ესტუმრება.

88
თემები:
საქართველოს საგარეო პოლიტიკა
საქართველოს და აშშ-ის დროშები

საქართველოს პირველმა პირებმა აშშ-ს დამოუკიდებლობის დღე მოულოცეს

63
(განახლებულია 16:50 04.07.2020)
საქართველოს ხელისუფლების წარმომადგენლებმა ამერიკელ ხალხს მათი ეროვნული დღესასწაული ვიდეომიმართვით მიულოცეს

თბილისი, 4 ივლისი – Sputnik. საქართველოს პრეზიდენტმა სალომე ზურაბიშვილმა და პრემიერ-მინისტრმა გიორგი გახარიამ აშშ-ს დამოუკიდებლობის დღე მიულოცეს, რომელიც ყოველწლიურად 4 ივნისს აღინიშნება.

აშშ-მა მსოფლიოში ყველაზე დიდი თვითმფრინავი გამოიყვანა ანგარიდან - ვიდეოკადრები >>

„ეს დღე არის მატარებელი იმ ღირებულებების, რომლის ირგვლივაც ერთიანდება ერი. ეს ღირებულებები მთელმა მსოფლიომ იცის – თავისუფლება, დამოუკიდებლობა, ადამიანის უფლებები, დემოკრატია. ეს ღირებულებებია, რომელიც ჩვენ ჩავწერეთ კონსტიტუციაში დამოუკიდებლობის შემდგომ, რომლითაც მივდივართ ჩვენი განვითარების გზაზე“, - განაცხადა ზურაბიშვილმა თავის ვიდეომიმართვაში.

მან ასევე გამოყო აშშ-ის სტრატეგიული პარტნიორობის როლი და შტატების ხელისუფლებას მხარდაჭერისთვის მადლობა გადაუხადა.

ვიდეომილოცვა გამოაქვეყნა ასევე პრემიერმა გიორგი გახარიამა. მანაც მადლობა გადაუხადა აშშ-ს ქვეყნის განვითარების პროცესში გაწეული დახმარებისთვის.

საქართველომ და აშშ-მა დიპლომატიური ურთიერთობები 1992 წელს დაამყარეს. ყველაზე აქტიური ის გახდა 2000-იანი წლების დასაწყისში. 2009 წელს ქვეყნებმა ხელი მოაწერეს სტრატეგიული პარტნიორობის ქარტიას, რომელიც ითვალისწინებს საპარტნიორო კავშირების და თანამშრომლობის გაფართოებას თავდაცვისა და უსაფრთხოების, ეკონომიკის და ენერგეტიკის, დემოკრატიული რეფორმების, დიპლომატიის და კულტურის სფეროებში.

63
თემები:
საქართველოს საგარეო პოლიტიკა
მოძრაობა გვირაბში

გორისა და ჩაქვი-მახინჯაურის გვირაბებში მოძრაობა შეიზღუდება

0
(განახლებულია 18:57 05.07.2020)
საავტომობილო გვირაბის სენაკი-თბილისის მიმართულების ჩაკეტვის პერიოდში ავტოტრანსპორტის ნაკადი გადაერთვება შიდასახელმწიფოებრივი მნიშვნელობის გორის გვირაბების შემოსავლელ საავტომობილო გზაზე

თბილისი, 5 ივლისი — Sputnik. გორისა და ჩაქვი-მახინჯაურის გვირაბებში პროფილაქტიკური სამუშაოების გამო მოძრაობა შეიზღუდება, ნათქვამია საავტომობილო გზების დეპარტამენტის მიერ გავრცელებულ განცხადებაში.

მიმდინარე წლის 7 ივლისის 08:00 საათიდან 8 ივლისის 14:00 საათამდე გვირაბის სენაკი-თბილისის, ხოლო 8 ივლისის 14:00 საათიდან 9 ივლისის 20:00 საათამდე გვირაბის თბილისი-სენაკის მიმართულებებზე იკრძალება ყველა სახის ავტოტრანსპორტის მოძრაობა.

უწყების ცნობით, საავტომობილო გვირაბის სენაკი-თბილისის მიმართულების ჩაკეტვის პერიოდში ავტოტრანსპორტის ნაკადი გადაერთვება შიდასახელმწიფოებრივი მნიშვნელობის გორის გვირაბების შემოსავლელ საავტომობილო გზაზე.

„საავტომობილო გვირაბის თბილისი-სენაკის მიმართულების ჩაკეტვის პერიოდში ავტოტრანსპორტის ნაკადი გადაერთვება გვირაბის სენაკი-თბილისის მიმართულებაზე და სენაკი-თბილისის მიმართულება გადაერთვება შიდასახელმწიფოებრივი მნიშვნელობის გორის გვირაბების შემოსავლელ საავტომობილო გზაზე“, - ნათქვამია ინფორმაციაში.

ასევე საერთაშორისო მნიშვნელობის სენაკი-ფოთი(ასაქცევი)-სარფის საავტომობილო გზის 92-ე კმ-ზე მდებარე ჩაქვი-მახინჯაურის საავტომობილო გვირაბებში პროფილაქტიკური სამუშაოების ჩატარების მიზნით, 2020 წლის 7 ივლისის 08:00 სთ-დან 9 ივლისის 20:00 სთ-მდე გვირაბის ქობულეთი-ბათუმის მიმართულებაზე, ხოლო 14 ივლისის 08:00 სთ-დან 16 ივლისის 20:00 სთ-მდე გვირაბის ბათუმი-ქობულეთის მიმართულებაზე იკრძალება ყველა სახის ავტოტრანსპორტის მოძრაობა.

ქობულეთი-ბათუმის მიმართულების ჩაკეტვის პერიოდში ავტოტრანსპორტის ნაკადი გადაერთვება გვირაბის ბათუმი-ქობულეთის მიმართულებაზე. ხოლო ბათუმი-ქობულეთის მიმართულების ჩაკეტვის პერიოდში - გვირაბის ქობულეთი-ბათუმის მიმართულებაზე.

აღნიშნული რეჟიმებით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით.

0
თემები:
ტრანსპორტი საქართველოში