მამუკა ბახტაძე

პრემიერი: სტრასბურგის გადაწყვეტილება და მედიაპლურალიზმი საქართველოში

75
(განახლებულია 16:07 19.07.2019)
ბახტაძის განცხადებით, სტრასბურგის სასამართლოს გადაწყვეტილებას ყველა უნდა დაეთანხმოს.

თბილისი, 19 ივლისი — Sputnik. საქართველოს პრემიერ-მინისტრმა მამუკა ბახტაძემ მმართველი პარტია „ქართული ოცნება - დემოკრატიული საქართველოს" მთავარ მიღწევად მედიაპლურალიზმი დაასახელა და აღნიშნა, რომ ტელეკომპანია „რუსთავი 2"-ის საქმეზე ადამიანის უფლებათა ევროპული სასამართლოს გადაწყვეტილება უზენაესია.

ხუთშაბათს, 18 ივლისს ადამიანის უფლებათა ევროპულმა სასამართლომ დაუშვებლად ცნო ქართული სამართალწარმოებისადმი ტელეკომპანია „რუსთავი 2"-ის იურისტებისა და მფლობელების ყველა პრეტენზია. „რუსთავი 2"-ის მფლობელებმა სტრასბურგის სასამართლოს მას შემდეგ მიმართეს, რაც საქართველოს უზენაესმა სასამართლომ 2017 წლის მარტში ძალაში დატოვა ორი ქვედა ინსტანციის სასამართლოს გადაწყვეტილება ტელეკომპანიის ყოფილი მფლობელისთვის, ბიზნესმენ ქიბარ ხალვაშისა და მისი კომპანია „პანორამასთვის" გადაცემის შესახებ.

„აღნიშნული გადაწყვეტილება უზენაესია და მინდა ყველას კიდევ ერთხელ მოვუწოდო, რომ სასამართლოს გადაწყვეტილებას ყველა უნდა დაემორჩილოს. სასამართლო გადაწყვეტილების შეუსრულებლობა კანონით ისჯება", – განაცხადა ბახტაძემ ჟურნალისტებთან.

მან ფსევდოპატრიოტები უწოდა მათ, ვინც ცდილობს სხვადასხვა ინტერპრეტაციებით მომხდარის სხვა სურათის დახატვას.

„გუშინ თითოეულმა ჩვენგანმა, სამწუხაროდ, კიდევ ერთხელ დაინახა, თუ რაზე არიან ორიენტირებული ჩვენი ოპონენტები – ისინი ორიენტირებული არიან ნებისმიერი ინფორმაციის თუ ფაქტის ინტერპრეტირებასა და არასწორ ჭრილში გადმოცემაზე", – აღნიშნა ბახტაძემ.

როგორც პრემიერმა განაცხადა, "ეს სტრასბურგის სასამართლოს მიერ მიღებული გადაწყვეტილებაა და თითოეულმა ჩვენგანმა უნდა ვცეთ პატივი".

ამასთან, მან აღნიშნა, რომ „რუსთავი 2"-ის სარედაქციო პოლიტიკას საფრთხე არ ემუქრება და მსგავსი საუბრები საფუძველს მოკლებულია.

„ამის გარანტია სწორედ ისაა, რომ სწორედ „ქართული ოცნების" პირობებში მოხდა დიდი მიღწევა – ჩვენ გვაქვს მედიაპლურალიზმი, და თითოეული ჩვენგანი სიფრთხილით ვეკიდებით ამას", – განაცხადა ბახტაძემ.

სტრასბურგის სასამართლოს გადაწყვეტილების გამოცხადების შემდეგ ქიბარ ხალვაშმა „რუსთავი 2" ოფიციალურად გადაიფორმა. გარდა ამისა, შეცვალა ტელეკომპანიის გენერალური დირექტორი – ნიკა გვარამიას პოსტზე საკუთარი ადვოკატი პაატა სალია დაინიშნა.

ხალვაშმა პირობა დადო, რომ ტელეკომპანიის სარედაქციო პოლიტიკა არ შეიცვლება.

საღამოს, როდესაც სალია ტელეკომპანიაში გენდირექტორის რანგში მივიდა, ჟურნალისტებმა ახალ ხელმძღვანელობას პირობა წაუყენეს: თუ გენდირექტორი კონტრაქტებს წარუდგენს ტელეკომპანიის ბირთვს – წამყვან ჟურნალისტებსა და ტელეკომპანიის სამსახურების ხელმძღვანელებს, ისინი მზად არიან მას ნდობა გამოუცხადონ. პასუხად სალიამ განაცხადა, რომ ტელეკომპანიის მფლობელს პრეტენზია მხოლოდ ნიკა გვარამიას მიმართ აქვს, დანარჩენებს საკადრო ცვლილებები არ შეეხებათ, თუმცა, კონტრაქტების გაფორმებაზე საუბარი ჯერ ადრეა.

75
თემები:
დავა „რუსთავი 2"-ის ირგვლივ (194)
სალომე ზურაბიშვილი

საქართველოს არ სურს სიტუაციის გართულება - ზურაბიშვილი სააკაშვილის დანიშვნის შესახებ

123
(განახლებულია 17:32 24.05.2020)
გადაწყვეტილება მიღებულია კონსულტაციის, გაფრთხილების გარეშე, თავაზიანობის გამო უბრალო შეტყობინების გარეშეც კი, განაცხადა პრეზიდენტმა

თბილისი, 24 მაისი – Sputnik. ქართულ მხარეს არ სურს სიტუაციის გართულება, ჩვენი საერთო, ძალიან მნიშვნელოვანი საქმეების გათვალისწინებით, განაცხადა Financial Times-თან ინტერვიუში საქართველოს პრეზიდენტმა სალომე ზურაბიშვილმა, მიხეილ სააკაშვილის უკრაინის რეფორმების ეროვნული საბჭოს აღმასრულებელი კომიტეტის თავმჯდომარედ დანიშვნასთან დაკავშირებით.

საქართველოს ექს-პრეზიდენტი მიხეილ სააკაშვილი უკრაინის რეფორმების ეროვნული საბჭოს აღმასრულებელი კომიტეტის თავმჯდომარედ დაინიშნა. ეს მოხდა იმის საპირისპიროდ, რომ საქართველოს პირველი პირები აცხადებდნენ, რომ სააკაშვილის ნებისმიერ მაღალ თანამდებობაზე  დანიშვნა მიუღებელია. საპასუხოდ საქართველომ კიევიდან ელჩი კონსულტაციებისთვის გამოიწვია.

ზურაბიშვილმა აღნიშნა, რომ უკრაინულმა მთავრობამ სააკაშვილი საქართველოსთან კონსულტაციის გარეშე დანიშნა.

„ეს არ იყო კარგად აწონ-დაწონილი გადაწყვეტილება, ის მიღებულია კონსულტაციის, გაფრთხილების გარეშე, თავაზიანობის გამო უბრალო შეტყობინების გარეშეც კი“, - განაცხადა პრეზიდენტმა.

მისი თქმით, ამ გადაწყვეტილებამ „საქართველოსა და უკრაინას შორის მრავალსაუკუნოვანი ურთიერთობები გაართულა“.

სააკაშვილი საქართველოს პრეზიდენტი 2004-2013 წლებში იყო. 2012 წლის საპარლამენტო არჩევნებში მისი პარტიის „ერთიანი ნაციონალური მოძრაობის“ დამარცხებისა და მისი საპრეზიდენტო ვადის ამოწურვის შემდეგ მან ქვეყანა დატოვა და უცხოეთში ცხოვრობდა, ვიდრე 2015 წელს უკრაინის მაშინდელმა პრეზიდენტმა პეტრო პოროშენკომ მას უკრაინის მოქალაქეობა არ მისცა და ოდესის ოლქის გუბერნატორობა არ შესთავაზა.

სხვა ქვეყნის მოქალაქეობისა და თანამდებობის მიღების შემდეგ სააკაშვილს საქართველოს მოქალაქეობა ავტომატურად ჩამოერთვა. ამასთან, ბოლო წლებში თავად სააკაშვილისა და მისი თანამოაზრეების საქმიანობა არაერთი სისხლის სამართლის საქმის აღძვრის მიზეზი გახდა.

რაც შეეხება უკრაინაში მის პოლიტიკურ კარიერას, იგი პრეზიდენტ პეტრო პოროშენკოს მმართველობისას ოდესის გუბერნატორად დაინიშნა. თანამდებობაზე მან ერთი წელიც ვერ გაძლო. მას უკრაინის მოქალაქეობა ჩამოართვეს და ქვეყნიდან გააძევეს. უკრაინაში დაბრუნება და მოქალაქეობის აღდგენა მხოლოდ მას შემდეგ შეძლო, რაც ქვეყნის პრეზიდენტად ვლადიმირ ზელენსკი აირჩიეს.

საქართველოს ექს-პრეზიდენტს დაუსწრებლად მისჯილი აქვს თავისუფლების აღკვეთა 6 წლის ვადით. სასამართლოში მის წინააღმდეგ კიდევ რამდენიმე საქმე იხილება.

 

123
თემები:
საქართველოს პრეზიდენტი
საქართველოს პარლამენტი

როგორ გაიყოფს ოპოზიცია ცოცხალი დათვის ტყავს?

115
(განახლებულია 21:25 23.05.2020)
გახსოვთ, ერთი ქართული ანდაზაა, ცოცხალი დათვის ტყავის გაყოფის თაობაზე? თუ გასულ კვირას ოპოზიციის სიხარულსა და იწილო-ბიწილოს დააკვირდებოდით, შეუძლებელია, ეს ამბავი არ გაგხსენებოდათ.

აქაოდა, ელჩების ძალისხმევით ოქრუაშვილისა და უგულავას ციხიდან გათავისუფლებას მივაღწიეთო, კორონობიის გამო ლეიბორისტების ბაღშიც შეიკრიბნენ და ხელებიც გამარჯვების ნიშნად აღმართეს. ამავე დროს ოპოზიციამ დაანონსა, 20 ივნისს დიდ პირბადეებიან აქციას გავმართავთო. მანამდე კი საკონსულტაციოდ მუშა რეჟიმში გადაინაცვლეს. ერთადერთი ძალა, რომელიც არ კეკლუცობს და აცხადებს, ჩემს თამაშს ვთამაშობო, „ლელოა“. მათ ბარიერის გადალახვის პრობლემა წესით, საპარლამენტო არჩევნებზე არ უნდა ჰქონდეთ. ასევე მაჟორიტარების ნაწილში „ლელო“ ფიქრობს, რომ გაცილებით მეტი რესურსი აქვს და 30 იქნება თუ 72 ოლქი, საკუთარი მაჟორიტარობის კანდიდატები ეყოლება. საერთოდ, ეს არჩევნები რომ არნახულად რთული იქნება და განსაკუთრებული დატვირთვა მაჟორიტარებსა და ფინანსურ რესურსზე მოვა, ამას არავინ უარყოფს. შესაბამისად, ყველა პარტია ეცდება, საკუთარი ინტერესები მაქსიმალურად დაიცვას.

სასიამოვნო, მაგრამ ცოტა სასაცილოა პრემიერობის კანდიდატების დასახელება. ზოგადად, ამომრჩეველმა ზუსტად უნდა იცოდეს, თუ პარტიას ხმას მისცემს, რა პროგრამას და ვის სთავაზობს ის თანამდებობებზე, მაგრამ ქართული რეალობისათვის ჯერ ეს ცოტა ნაადრევიც აღმოჩნდა და - უცნაურიც. კაბინეტი ჯერ არ ვიცით, მაგრამ პრემიერად კი გიორგი ვაშაძე უმცროსი შემოთავაზებული გვყავს. არავინ უარყოფს, რომ ის უდავოდ ნიჭიერი ახალგაზრდაა, მაგრამ რამდენად დამოუკიდებელი და რეალისტურია მისი გეგმები და რამდენად არ „გადაირევა“ არჩევის შემთხვევაში წინა პრეზიდენტივით, ჯერ არავინ იცის. ოპოზიცია ასევე გიგა ბოკერიას, გრიგოლ ვაშაძისა და სხვათა კანდიდატურებსაც განიხილავს.

როგორც ჩანს, ამ არჩევნებზე ძალთა ისეთი გადანაწილება, როგორიცაა ყველა მინუს ერთი, არ გვექნება და არც ოპოზიციაში იქნება დიდი ერთსულოვნება, რასაც ძალიანაც წარმატებით წაახალისებს მმართველი პარტია.

ისეთი გამოცდილი პოლიტიკოსიც კი, როგორიც ზვიად ძიძიგურია, ამბობს, რომ 2020-ის არჩევნები იქნება ყველაზე რთული, რაც საქართველოს დამოუკიდებლობის წლებში ჰქონია.

როგორც ჩანს, დიდი იქნება საერთაშორისო ინტერესიც და თუ კორონამ არ შეგვიშალა ხელი, დამკვირვებლებიც ბლომად ჩამოვლენ.

დღევანდელი მდგომარებით ისე ჩანს, რომ საკონსტიტუციო ცვლილებების მიღებას ხელი არაფერმა უნდა შეუშალოს. გიორგი რურუას პოლიტპატიმრობა ცალკე განხილვის საგანია, მაგრამ მაჰათმა განდიც რომ იყოს, ნამდვილად არაა ეს ის თემა, რის გამოც წვალებით მიღწეული და თითქმის პროპორციულთან მიახლოებული საარჩევნო კოდექსი უნდა გაიცვალოს. სავარაუდოა, რომ ამ თემაზე დიპლომატები „ნაცებსა” და „ევრონაცებსაც“ „ტკბილად” დაელაპარაკებიან, რადგან ეს სისტემა, რომელიც 1 პროცენტიან პარტიებსაც კი აძლევს პარლამენტში მოხვედრის შანსს, ყველაზე მეტად, მმართველი პარტიის შემდეგ, მათ არ აძლევთ ხელს, რადგან ამ შემთხვევაში მრავალფეროვნება ჩნდება და მათი ხმებიც შესაბამისად, იქსაქსება.

როგორც ჩანს, ოპოზიცია 20 ივნისის აქციის ორგანიზებასა და კონსულტაციებში „მოკლავს” დროს უკეთეს მომავლამდე. და თუ საერთო პრემიერზე ვერა, იმედია, მაჟორიტარობის კანდიდატებზე მაინც შეთანხმდებიან. ყველაზე რთული და საინტერესოსი რა მოგახსენოთ და ოქტომბრის არჩევნები რომ პირბადეების ფონზე ჩაივლის, დღესაც აშკარაა. წამზომი კი უკვე ჩართულია და თუ პარტიას და მის ლიდერს მხოლოდ პარლამენტში მოხვედრა და ტრიბუნის შოვნა არ დაუსახავს მიზნად, უახლოეს მომავალში თავდადებულ შრომას უნდა შეუდგნენ.

 

რედაქცია შესაძლოა არ ეთანხმებოდეს ავტორის მოსაზრებას!

115
სელფი

წარუმატებლები და არასაიმედოები: სელფის მოყვარულები მეცნიერული ექსპერიმენტით შეფასდნენ

0
(განახლებულია 13:01 25.05.2020)
ამერიკელი მეცნიერების კვლევამ სელფის მოყვარული ადამიანების რეალური ფსიქოლოგიური პორტრეტი დახატა და აჩვენა, როგორი აზრი ექმნებათ მათზე სოციალურ ქსელებში

თბილისი, 25 მაისი — Sputnik. თუ სოციალურ ქსელებში აქამდე განაგრძობთ სელფი–ფოტოების  გამოქვეყნებას, იცოდეთ, რომ ვერასდროს გახდებით „ინსტაგრამის“ დედოფალი, აცხადებს ვაშინგტონის უნივერსიტეტის ფსიქოლოგიის პროფესორი  კრის ბარი, რომელიც უკვე ხუთი წელია სწავლობს, თუ როგორ აისახება ადამიანის პიროვნული შტრიხები მის ქცევაზე სოცქსელებში. 

აღსანიშნავია, რომ მაშინ სამეცნიერო საზოგადოებაში დამკვიდრებული მოსაზრების თანახმად, სელფი–ფოტოების დიდი რაოდენობა ადამიანის ნარცისულ–ნევრასტენიკულ მიდრეკილებებზე მეტყველებდა. კრის ბარიმ გადაწყვიტა შეემოწმებინა ეს პოპულარული თეორია პრაქტიკაზე, რისთვისაც კვლევა ჩაატარა და... უარყოფითი პასუხი მიიღო.

კვლევამ აჩვენა, რომ ადამიანები, რომლებიც სოციალურ ქსელებში დიდი რაოდენობით ფოტოებს აქვეყნებდნენ, რეალურ ცხოვრებაში არ გამოირჩეოდნენ გადაჭარბებული თვითშეფასებითა და ამპარტავნებით.

მაშინ მეცნიერმა გადაწყვიტა, გამოეკვლია, როგორ აღიქვამდნენ გარშემომყოფები ამა თუ იმ ადამიანის გატაცებას სელფებით და რა შთაბეჭდილება ექმნებოდათ მათ შესახებ.

კრის ბარიმ და მისმა კოლეგებმა საინტერესო ექსპერიმენტი ჩაატარეს. მათ სტუდენტების ორი ჯგუფი შეკრიბეს: 30 კაცი ვაშინგტონის უნივერსიტეტიდან და 119  — სამხრეთ მისისიპის უნივერსიტეტიდან. მეცნიერებს შემთხვევით არ შეურჩევიათ ქვეყნის საპირისპირო ნაწილებში განთავსებული სასწავლო დაწესებულებები — ეს  იმისთვის გაკეთდა, რომ გამოერიცხათ პირადი ნაცნობობა პირველი და მეორე ჯგუფის წევრებს შორის. 

ვაშინგტონელმა სტუდენტებმა სწავლულებს თავიანთი ინსტაგრამ–გვერდები წარუდგინეს ექსპერიმენტისთვის. ფსიქოლოგებმა აკაუნტებიდან რამდენიმე ათეული პოსტი შეარჩიეს ერთმანეთის მსგავს თემებზე — მაგალითად, სადაც ახალგაზრდები მოგზაურობებზე, წვეულებებზე, სპორტულ ღონისძიებებსა თუ მათ ცხოვრებაში მომხდარ სხვა მოვლენებზე „საუბრობდნენ“. ამასთან, ზოგი სტუდენტი ამისთვის სელფის ამჯობინებდა, ზოგი კი პოზირების ჟანრს, ანუ როცა სხვა უღებდა ფოტოებს.

​ამის შემდეგ ვაშინგტონელი სტუდენტების პროფილები მისისიპელ თანატოლებს გადასცეს, რომლებსაც ისინი 13 კრიტერიუმით უნდა შეეფასებინათ: ნარცისიზმი, წარმატება, ექსტრავერსიისადმი მიდრეკილება, დაბალი ან მაღალი თვითშეფასება და ა.შ.

გაირკვა, რომ ერთი და იგივე მოვლენის მიწოდების ფორმა ძლიერ გავლენას ახდენდა მომხმარებლების აღქმაზე.

„იმ შემთხვევაშიც კი, როდესაც აკაუნტს ერთნაირი შინაარსი ჰქონდა, იმ ადამიანისადმი დამოკიდებულება, რომელიც სელფებს აქვეყნებდა, უარყოფითი იყო. ხოლო ის სტუდენტები, რომლებიც პოზირებას არჩევდნენ, შეფასდნენ როგორც უფრო საზრიანები, კომუნიკაბელურები, საიმედოები და წარმატებულები. გარდა ამისა, იუზერები მიიჩნევდნენ, რომ ეს მაღალი თვითშეფასების მქონე და კარგი სამეგობრო ადამიანები იყვნენ. სელფის მოყვარულები ყველა პოზიციაში ჩცამორჩებოდნენ“, — ამბობს პროფესორი კრის ბარი.

მეცნიერებს მიაჩნიათ, რომ არსებობს ვიზუალური სიგნალები, რომლებიც, კონტექსტის მიუხედავად, სოციალურ ქსელებში დადებით გამოხმაურებას ჰპოვებს ან გაღიზიანებას იწვევს. სწავლულების ერთ–ერთი მოსაზრების თანახმად, ადამიანი ბევრად ბუნებრივად გამოიყურება, როდესაც პოზირებს, ანუ სხვა უღებს სურათს. ამიტომ სოციალური ქსელების მომხმარებლები გულწრფელ და გახსნილ ადამიანად აღიქვამენ ასეთებს, ხოლო სელფის მოყვარულებს მანერულ, საკუთარ თავზე შეყვარებულ და ამპარტავან ეგოისტებად აფასებენ.

 

0
თემები:
მსოფლიო და მეცნიერება