რუსთავი 2

გადაწყვეტილება სტრასბურგის სახელით ანუ მენტალური რევოლუცია უსისხლოდ

558
(განახლებულია 22:53 18.07.2019)
18 ივლისი, 2019 წელი - ეს თარიღი ერთგვარ ათვლის წერტილად იქცევა საქართველოში.

ას გვერდზე მეტია გადაწყვეტილება, რომლითაც სტრასბურგის სასამართლომ თქვა, რომ ტელეკომპანია „რუსთავი-2“-ის მიმართ გამოხატვის თავისუფლების ნორმები არ დარღვეულა. სტრასბურგის სასამართლო უფრო წინაც წავიდა და განაცხადა, რომ ყოველგვარი შეზღუდვა საკუთრების უფლებაზე უნდა მოიხსნას. დღის ბოლოს იუსტიციის სამინისტროს უკვე რეგისტრირებული ჰყავდა ახალი მესაკუთრე - 100 პროცენტიანი წილის მფლობელი ქიბარ ხალვაში. მოხსნილია ნიკა გვარამია და დანიშნულია ახალი დირექტორი - პაატა სალია. ქიბარ ხალვაში აცხადებს, რომ სარედაქციო პოლიტიკაში არ ჩაერევა, თუმცა არხის ჟურნალისტები ერთობლივად ამბობენ, რომ მათი სარედაქციო პოლიტიკის დამოუკიდებლობის გარანტი სწორედ ნიკა გვარამიაა.

რაც შეეხება მენტალურ რევოლუციას - სტრასბურგის სასამართლო უკვე აღარაა მხოლოდ ნაცებისა და მათი მოკავშირე არასამთავრობოების მეკავშირე. არა. მან თქვა, რომ სწორედ ის სასამართლო იღებს სამართლიან გადაწყვეტილებებს, რომელსაც სამოქალაქო სექტორის ნაწილი კლანს უწოდებს, რომ რუსთავი-2 ოპოზიციას კი არა, ქიბარ ხალვაშს ეკუთვნის, რომელიც ამავე დროს დავით დვალისა და ჯარჯი აქიმიძის უფლებებს აღიარებს და მათთან მოლაპარაკებების გამართვას გეგმავს. ჟურნალისტები და თავად ნიკა გვარამიაც არა მხოლოდ გაოგნებულები, არამედ მოულოდნელობისაგან განცვიფრებულებიც ჩანდნენ. დაბნეულობა იყო ხელისუფლების მომხრეთა შორის.

ფაქტია, რომ ტელეკომპანია რუსთავი-2 დიდი ხანია, დამოუკიდებელიცაა და ამავე დროს - ოპოზიციურიც. ეს იმას არ ნიშნავს, რომ ამ მრავალჯერ წართმეულ-წაგლეჯილ და ხელიდან ხელში გადასულ ტელევიზიას რეალური მესაკუთრე არ უნდა ფლობდეს. ქიბარ ხალვაში, როგორც ჩანს, კარგად იყო მომზადებული ამ პროცესისათვის, რადგან გადაწყვეტილების სისრულეში მოყვანასა და რუსთავი-2-ში შესვლისათვის მას მხოლოდ ნახევარი დღე დასჭირდა.

როგორ განვითარდება პროცესები მომავალში? ფაქტია, რომ ტელეკომპანიის სარედაქციო პოლიტიკა შეიცვლება და ის აღარ იქნება ეგზომ კრიტიკული ხელისუფლების მიმართ, თუმცა ეს იმას არ ნიშნავს, რომ საჩივრების სერია აქ დასრულდება. ნიკა გვარამია საკუთარი ხუთმილიონიანი კონტრაქტის გასაჩივრებას აპირებს სტრასბურგში, ხოლო თავად რუსთავი-2-ის ძველი შემადგენლობა - სტრასბურგის დიდ პალატაში.

პროცესების საინტერესოდ განვითარებას ვარაუდობს ჟურნალისტი ელისო კილაძე. ის წერს, რომ რუსთავი-2-ზე ჟურნალისტების ნაწილს საზოგადოებრივი მაუწყებლიდან გადაიყვანენ. საუბრობენ იმაზეც, რომ არხზე დააბრუნებენ ნათია ლაზაშვილსა და ნინო შუბლაძეს. ამის შემდეგ კი, კილაძის ვერსიით, „იმედსა“ და „მაესტროს“ გააერთიანებენ და დადგებს ტვ პირველის ჯერი. ჟურნალისტი სვამს კითხვას, არხის მფლობელი წერეთელი და მის უკან მდგომი ხაზარაძე გაურიგდებიან ხელისუფლებას თუ იბრძოლებენ დამოუკიდებლობისათვის. სხვათა შორის, დღეს ისეთი ვარაუდიც გამოითქვა, რომ ბიძინა ივანიშვილი 2020 წელს სწორედ მამუკა ხაზარაძესთან ერთად აპირებს კოალიციის შექმნას. თუმცა ეს ისეთი სფეროა, სადაც პროგნოზები ჯერჯერობით მართლაც ნაადრევია, ისე დინამიურად ვითარდება მოვლენები. ქართულ რეალობას კი ასეთ დროს კარგი ანდაზა ასახავს - კაცი ბჭობდა და ღმერთი იცინოდაო.

558
„ლეიბორისტული პარტიის“ წინასარჩევნო სიმბოლიკა

„საქართველოს ლეიბორისტული პარტია“ - ყველაფერი პოლიტიკური ძალის შესახებ

9
ყველაფერი, რაც უნდა ვიცოდეთ პარტიის შესახებ, რომელიც ერთ-ერთი ყველაზე ძველი ოპოზიციონერის მიერ არის დაფუძნებული - Sputnik-საქართველოს ინფორმაცია
  • ოპოზიციური პარტია, 1999 წლიდან არჩევნების უცვლელი მონაწილე.
  • დაარსებულია 1995 წელს შალვა ნათელაშვილის მიერ.
  • პირველ წარმატებას მიღწია 1998 წელს ადგილობრივი არჩევნებზე - პარტიამ მოიპოვა ორი მანდატი, 2002 წელს მოიგო არჩევნები თბილისის საკრებულოში და უმრავლესობა მოიპოვა.
  • 2003 წელს პარტიამ არ დაუჭირა მხარი „ვარდების რევოლუციას“ და მხარდამჭერთა ნაწილი დაკარგა.
  • 2004 წელს საპარლამენტო არჩევნებზე ხმების მხოლოდ 3,89% აიღო, რის გამოც პარლამენტის მიღმა დარჩა.
  • მთელი თავისი არსებობის განმავლობაში პარტია ოპოზიციაშია. ვარდების რევოლუციის შემდეგ „ლეიბორისტული პარტია“ მონაწილეობდა ყველა მსხვილ გამოსვლებში სააკაშვილის ხელისუფლების წინააღმდეგ.
  • 2008 წელს პარტია მოხვდა პარლამენტში, თუმცა არცერთი მისი დეპუტატი ბოიკოტის ნიშნად არ დასწრებია არცერთ საპარლამენტო სხდომას.
  • 2012 წელს პარტიამ უარი თქვა მმართველი პარტია „ქართული ოცნება - დემოკრატიული საქართველოს“ ლიდერის მხარდაჭერაზე და კვლავ ოპოზიციაში დარჩა.
    წელი არჩევნების ტიპი ხმების რაოდენობა პროცენტი საერთო ხმებში
    2012           საპარლამენტო           26 621 1,24%
    2013 საპრეზიდენტო         46 984 2,88%
    2014 ადგილობრივი  48 862 3,45%
    2016         საპარლამენტო         5 2085 3,14%
    2017 ადგილობრივი 49 130 3,27%
    2018           საპრეზიდენტო       59 651 3,74%
  • პარტიის ლიდერები და ცნობილი წევრები: შალვა ნათელაშვილი, ბექა ნათელაშვილი, გიორგი გუგავა.
  • ოპოზიციაში ყოფნის მიუხედავად, პარტიამ 2000 წელს მიაღწია ფასიანი ზოგადი განათლების შესახებ კანონში ცვლილებების გაუქმებას. იმავე პერიოდში პარტიამ ასევე ელექტროენერგიაზე ტარიფების შემცირებას მიაღწია.
  • უკვე 2019 წელს, საკონსტიტუციო ცვლილებების ჩავარდნის გამო შექმნილი პოლიტიკური კრიზისის დროს პარტიამ ოპოზიციურ პარტიებს შორის მედიატორის როლი შეასრულა. „ლეიბორისტების“ ოფისში ოპოზიციურმა პარტიებმა თბილისში ერთიანი კანდიდატების წარდგენის შესახებ შეთანხმება შეძლეს.
  • პარტიას პოპულარობა მოუტანა მისი ლიდერის, შალვა ნათელაშვილის გამონათქვამებმა, რომელსაც საქართველოში მეორე ჟირინოვსკის უწოდებენ. ბოლო დროს მისი გამონათქვამები პოპულარულ ინტერნეტ-მემებად იქცნენ.
  • არჩევნებზე პარტია მონაწილეობს მე-10 ნომრით, ლოზუნგით „მომავალი შენია“.
  • თავის წინასაარჩევნო პროგრამაში პარტია აცხადებს, რომ აპირებს შეინარჩუნოს დიალოგი რუსეთთან ჟენევის მოლაპარაკებების ფორმატში, გააღრმავოს ურთიერთობები აშშ-თან და საქართველოში ამერიკული ბაზები განალაგოს.
  • ნათელაშვილი: ქათმის დაკვლას ვერ ვუყურებ, მაგრამ დახვრეტის შესაძლებლობაზე ვიმსჯელებდი >>
  • „ლეიბორისტული პარტიის“ რეიტინგი ბოლოდროინდელი გამოკითხვების მიხედვით:
    გამოკითხვა     რეიტინგი
    IRI 3%
    Gorbi        3,3%
    Ipsos         1,9%
    Edison Research 3%
    Survation 2,7%

 

   

 

9
თემები:
საქართველოს საპარლამენტო არჩევნები 2020
დავით ზალკალიანი

ზალკალიანმა რუსეთთან პოლიტიკური დიალოგის აღდგენის პირობა დაასახელა

26
დავით ზალკალიანმა ქართულ-რუსული ურთიერთობების მოწესრიგების მთავარ პირობად რუსეთის მიერ აფხაზეთის და ცხინვალის რეგიონის დამოუკიდებლობის აღიარების უკან წაღება დაასახელა

თბილისი, 26 ოქტომბერი - Sputnik. რუსულ-ქართული პოლიტიკური ურთიერთობების მოწესრიგება შესაძლებელია მხოლოდ იმ შემთხვევაში, თუ რუსული მხარე უკან წაიღებს აფხაზეთისა და ცხინვალის რეგიონის დამოუკიდებლობის აღიარებას, განაცხადა საქართველოს საგარეო საქმეთა მინისტრმა დავით ზალკალიანმა მმართველი პარტია „ქართული ოცნება - დემოკრატიული საქართველოს“ წინასაარჩევნო პროგრამის პრეზენტაციაზე, რომელიც შიდა ქართლის რეგიონში გაიმართა.

მოსაზრება: რატომ აღორძინებს რუსეთი „განკითხვის დღის თვითმფრინავებს“ >>

ზალკალიანმა განაცხადა, რომ ქართული მხარე ყველაფერს გააკეთებს იმისათვის, რომ ეს საკითხი მუდმივად იდგეს ყველა საერთაშორისო ფორმატის დღის წესრიგში.

„რუსეთმა აუცილებლად უკან უნდა წაიღოს აღიარება. ურთიერთობის მოწესრიგების სხვა გზა არ არსებობს“, - განაცხადა ზალკალიანმა.

ამასთან მინისტრმა აღნიშნა, რომ ეს არ ნიშნავს, რომ საქართველო თანმიმდევრულ მუშაობას არ გააგრძელებს ხალხებს შორის ურთიერთობების მოწესრიგების, ტურიზმის აღდგენისა და სხვა ჰუმანიტარული საკითხების გადაჭრის მიმართულებით.

საქართველომ რუსეთთან დიპლომატიური ურთიერთობები 2008 წელს რუსეთის ხელისუფლების მიერ 1990-იანი წლებიდან არაკონტროლირებადი აფხაზეთისა და ცხინვალის რეგიონის დამოუკიდებლობის აღიარების სანაცვლოდ გაწყვიტა. საქართველოს და რუსეთის ურთიერთობებში შუამავლის როლს შვეიცარია ასრულებს.

დიალოგი საქართველოსა და რუსეთს შორის მრავალი წლის განმავლობაში ჟენევის საერთაშორისო მოლაპარაკებების და პრაღაში ორი ქვეყნის დიპლომატების - ზურაბ ჯაფარიძის და გრიგორი კარასინის რეგულარული შეხვედრების ფარგლებში ნარჩუნდებოდა.

ჟენევაში განიხილება პოლიტიკური პრობლემები, პრაღაში - ძირითადად სავაჭრო-ეკონომიკური, სატრანსპორტო და ჰუმანიტარული საკითხები.

26
თემები:
ქართულ–რუსული ურთიერთობები
სპეცოპერაცია ზუგდიდში

ზუგდიდში მძევლების აყვანა: პოლიციამ ეჭვმიტანილის სახლში ჩხრეკა დაასრულა

23
ზუგდიდის პოლიციის სამმართველოს უფროსმა პოლიციაში ეჭვმიტანილის მამა, ტარიელ ესებუა სამხარეო პოლიციაში პირადად გადაიყვანა

თბილისი, 26 ოქტომბერი - Sputnik. პოლიციამ ზუგდიდის მუნიციპალიტეტის სოფელ ალერწკარში დაასრულა ჩხრეკა ბადრი ესებუას სახლში, რომელსაც ზუგდიდში ბანკის ძარცვა და მძევლების აყვანა ედება ბრალად.

პირველი არხის ინფორმაციით, სამართალდამცველებმა დაადასტურეს, რომ ადგილზე საგამოძიებო მოქმედებები ჩატარდა, თუმცა არ დაუზუსტებიათ, იყო თუ არა ამოღებული სახლიდან რაიმე ნივთები.

გარდა ამისა, ზუგდიდის პოლიციის სამმართველოს უფროსმა ირაკლი ფაცაციამ ეჭვმიტანილის მამა, ტარიელ ესებუა პირადად გადაიყვანა სამეგრელო-ზემო სვანეთის სამხარეო პოლიციაში. 

საგამოძიებო მოქმედებები ასევე დასრულდა ბადრი ესებუას ძმის, ბიძინა ესებუას სახლში. გამოკითხვაზე არიან გადაყვანილნი ბიკენტი და ბიძინა ესებუები. ასევე, გამოკითხვაზე გადაიყვანეს ბადრი ესებუას დეიდა და დეიდაშვილი.

შსს-მ დღეს გაავრცელა ინფორმაცია იმის შესახებ, რომ ზუგდიდში „საქართველოს ბანკზე“ თავდასხმა ბადრი ესებუამ განახორციელა. შსს-მ ასევე მისი ფოტო გაავრცელა. მიმდინარეობს დამნაშავის ძებნის სპეცოპერაცია.

23
თემები:
ზუგდიდში შეიარაღებულმა პირმა მძევლები აიყვანა