გიორგი გახარია

გიორგი გახარია პროკურატურაში გამოიკითხა

189
გიორგი გახარიამ ჟურნალისტებისთვის კომენტარი მას შემდეგ გააკეთა, რაც უპასუხა პროკურორების შეკითხვებს, რომლებიც პოლიციის მიერ ძალის გადამეტების შესახებ საქმეს უკავშირდება

თბილისი, 17 ივლისი — Sputnik. შს მინისტრი გიორგი გახარია გამოცხადდა პროკურატურაში 20-21 ივნისის ღამეს საპროტესტო აქციის დაშლის დროს პოლიციის მიერ სამსახურებრივი უფლებამოსილების გადამეტების საქმის ფარგლებში.

გახარია: „ყველაზე მარტივია ჩემთვის ახლა გადადგომა და წასვლა...“ >>

საქართველო 20 ივნისიდან საპროტესტო ტალღამ მოიცვა - მას შემდეგ, რაც რუსეთის სახელმწიფო დუმის დეპუტატი, კომუნისტური პარტიის წევრი სერგეი გავრილოვი საქართველოს საკანონმდებლო ორგანოს თავმჯდომარის სავარძელში აღმოჩნდა. იმავე დღეს ანტისამთავრობო აქცია არეულობაში გადაიზარდა, პოლიციამ კი ცრემლსადენი გაზი და რეზინის ტყვიები გამოიყენა. დაშავდა 240 ადამიანი.

„მოგეხსენებათ, რომ გენერალური პროკურატურა იძიებს სამოხელეო ნაწილში გადაცდომების შესაძლებლობას და საერთოდ ამ ღონისძიებას. კითხვები ბევრი იყო. შესაბამისად, ყველა ამ კითხვაზე ჩემ მიერ პასუხი იქნა გაცემული... საქმის მასალებში დევს ყველაფერი, რაც საჭიროა იმისთვის, რომ გენერალურმა პროკურატურამ გამოძიება ჩაატაროს კითხვის ნიშნების გარეშე“, - განუცხადა ჟურნალისტებს გახარიამ.

მისი თქმით, დღეს შსს-ს და მთავრობის მთავარი ამოცანაა იმ მოქალაქეებზე ზრუნვა, რომლებიც არეულობის აღკვეთის დროს დაშავდნენ.

ამ დროისათვის სტაციონარში მკურნალობას 21 ივნისის ღამის მოვლენების დროს ორი დაშავებული აგრძელებს. სავარაუდოდ, მათ კვირის ბოლომდე გაწერენ, იუწყება პირველი არხი რეგიონული ჰოსპიტალის დირექტორზე, ნათია ნუცუბიძეზე დაყრდნობით.

თბილისში საპროტესტო აქციები გრძელდება. მომიტინგეები მოითხოვენ გადადგეს გახარია, როგორც 20-21 ივნისის ღამეს პოლიციის ქმედებებზე პასუხისმგებელი პირი.

ჩუგოშვილი: ვინც ძალაუფლებას ჩაებღაუჭა, ყველამ ცუდად დაამთავრა >>

თავად მინისტრის თქმით, პოლიციელები იმ ღამეს ლეგიტიმურად მოქმედებდნენ და მათ საქართველოს ხელისუფლების ხელში ჩაგდების მცდელობა აღკვეთეს. ხოლო თუ ადგილი ჰქონდა ძალის გადამეტების ცალკეულ შემთხვევებს, ამას გამოძიება დაადგენს.

ამასთან მან განაცხადა, რომ არ ებღაუჭება თანამდებობას და ამ მომენტში გადადგომა პასუხისმგებლობისგან გაქცევა იქნებოდა.

„დღეს გიორგი გახარიას გადადგომა პირდაპირი მნიშვნელობით ქვეყნის ღალატი იქნებოდა“, - განაცხადა ოთხშაბათს მმართველი პარტია „ქართული ოცნება - დემოკრატიული საქართველოს“ დამფუძნებელმა ბიძინა ივანიშვილმა. მისი თქმით, გახარიამ საქართველო „ახალი სახელმწიფო გადატრიალებისგან იხსნა“.

ამჟამად გამოძიება ორ სისხლის სამართლის საქმეზე მიმდინარეობს. პირველი პოლიციელთა მიერ ძალის გადამეტებას ეხება. მეორე საქმის ფარგლებში გამოძიება მიმდინარეობს ორი მუხლით -  „ჯგუფური ძალადობის ორგანიზება, ხელმძღვანელობა ან მასში მონაწილეობა“ და „ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად, რამაც გამოიწვია მძიმე შედეგი“.

ჭელიძე: 20-21 ივნისის მოვლენებთან დაკავშირებით კიდევ სამი პირი დააკავეს >>

„გამოძიებამ ერთმნიშვნელოვნად უნდა გამოყოს ყველა ის ორგანიზატორი, პოლიტიკოსები, კონკრეტული ადამიანები, რომლებმაც პირდაპირი მოწოდებით, მშვიდობიანი აქცია გახადეს ძალადობრივი, რასაც შემდგომ მოყვა ორგანიზებული ძალადობრივი სისტემური შტურმი საქართველოს პარლამენტზე და ამ შტურმის მოსაგერიებლად ქართული პოლიცია იყო იძულებული, გამოეყენებინა სპეციალური საშუალებები“, – განაცხადა გახარიამ.

ამ დროისათვის სისხლის სამართლის პასუხისგებაში 12 ადამიანია მიცემული, აქედან 11 ჯგუფური ძალადობის ბრალდებით დააკავეს, ხოლო დეპუტატ „ერთიანი ნაციონალური მოძრაობიდან“ ნიკა მელიას ჯგუფური ძალადობის ხელმძღვანელობა და მასში მონაწილეობა ედება ბრალად.

 

 

 

189
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
სალომე ზურაბიშვილი

ზურაბიშვილი ვიზიტის ფარგლებში ქართველი სტუდენტების სწავლის საფასურის თემას აგრძელებს

14
სალომე ზურაბიშვილმა ევროკომისიის პრეზიდენტთან შეხვედრისას პანდემიასთან დაკავშირებული საკითხები, ასევე ევროკავშირსა და საქართველოს შორის არსებული ურთიერთობები განიხილა

თბილისი, 23 იანვარი - Sputnik. საქართველოს პრეზიდენტმა სალომე ზურაბიშვილმა ქართველი სტუდენტებისა და ევროკავშირის ქვეყნების სტუდენტების სწავლის საფასურის გათანაბრების საკითხი ევროკომისიის პრეზიდენტთან შეხვედრისას განიხილა. ინფორმაციას პრეზიდენტის ადმინისტრაცია ავრცელებს.

ადმინისტრაციის ცნობით, საქართველოს პრეზიდენტმა შეხვედრისას კიდევ ერთხელ დასვა ქართველი სტუდენტების დაფინანსების საკითხი, რათა ევროკავშირის ქვეყნებში სასწავლებლად ჩასული საქართველოს მოქალაქეების სწავლის საფასური გაუთანაბრდეს ამავე ქვეყნების სტუდენტების სწავლის საფასურს.

პარასკევს ზურაბიშვილმა ქართველი და ევროკავშირის ქვეყნების სტუდენტებისთვის სწავლის საფასურის გათანაბრება ევროპარლამენტს სთხოვა. სალომე ზურაბიშვილმა თხოვნით მიმართა ევროპარლამენტის პრეზიდენტს – რეკომენდაციით მიმართოს ამ გადაწყვეტილების მიმღებ შესაბამის ინსტანციებს.

აღნიშნულ საკითხზე ევროკომისიის პრეზიდენტმა არსებული მდგომარეობის შესახებ დეტალური ინფორმაცია მოითხოვა და საკითხზე მუშაობის მზაობა გამოთქვა.

სალომე ზურაბიშვილი ევროკომისიის პრეზიდენტ ურსულა ფონ დერ ლაიენს ბრიუსელში ვიზიტისას შეხვდა. მათ ასევე ისაუბრეს საქართველოსა და ევროკავშირს შორის არსებული ურთიერთობების განვითარებისა და უფრო ღრმა და სექტორული ინტეგრაციის ხელშეწყობის საკითხებთან დაკავშირებით.

შეხვედრისას ძირითადი ყურადღება დაეთმო მსოფლიოში არსებული პანდემიის თემას, მასთან ბრძოლის გზებს, კოვიდსოლიდარობასა და ვაქცინის გამოყოფის საკითხს.

ბრიუსელში ორდღიანი სამუშაო ვიზიტის ფარგლებში დაგეგმილია სალომე ზურაბიშვილის შეხვედრები ევროკავშირისა და ნატოს ხელმძღვანელ პირებთან. კერძოდ, პრეზიდენტი უკვე შეხვდა და შეხვდება ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში, ევროკომისიის ვიცე-პრეზიდენტს ჟოზეპ ბორელს, ევროპარლამენტის პრეზიდენტს დავიდ სასოლის, ევროკომისიის აღმასრულებელ ვიცე-პრეზიდენტს ეკონომიკურ საკითხებში ვალდის დომბროვსკის, ევროპარლამენტის საგარეო კომიტეტის თავმჯდომარეს დევიდ მაკალისტერსა და ნატოს გენერალურ მდივანს იენს სტოლტენბერგს.

ბრიუსელში საქართველოს პრეზიდენტის ვიზიტი 23 იანვარს დასრულდება.

14
მამუკა მდინარაძე

მამუკა მდინარაძე „ქართული ოცნების“ აღმასრულებელი მდივანი გახდა

27
მამუკა მდინარაძემ ამ პოსტზე შეცვალა ირაკლი კობახიძე, რომელიც ცოტა ხნის წინ მმართველი პარტიის თავმჯდომარე გახდა

თბილისი, 23 იანვარი – Sputnik. მმართველი პარტია „ქართული ოცნება - დემოკრატიული საქართველოს“ პოლიტსაბჭოს სხდომაზე პარტიის სამდივნო აირჩიეს.

პოლიტსაბჭოს 21-წევრიანი შემადგენლობა დღეს პირველად შეიკრიბა. სხდომა დახურულ ფორმატში ერთ საათზე მეტ ხანს მიმდინარეობდა. მას პარტიის ახალი თავმჯდომარე, ირაკლი კობახიძე უძღვებოდა.

მმართველი პარტიის სამდივნოს შემადგენლობა ასეთია:

  • გენერალური მდივანი - კახა კალაძე;
  • პოლიტიკური მდივანი - ირაკლი ღარიბაშვილი;
  • საერთაშორისო მდივანი - კახა კუჭავა;
  • რეგიონალური მდივანი - დიმიტრი სამხარაძე;
  • აღმასრულებელი მდივანი - მამუკა მდინარაძე.

სამდივნოს არჩევის გარდა, სხდომაზე სხვა საკითხებიც განიხილეს.

„ვისაუბრეთ სამომავლო გეგმებზე, გამოწვევებზე, პარტიის გაძლიერებაზე. ბიძინა ივანიშვილის პოლიტიკიდან წასვლის შემდეგ ბუნებრივია, ჩვენი პარტია დგას ახალი გამოწვევის წინაშე და ჩვენ ამ გამოწვევას ერთობლივი ძალისხმევით, პარტიული სტრუქტურების კიდევ უფრო გაძლიერებით ერთად შევძლებთ დარწმუნებული ვარ“, – განაცხადა განაცხადა პარტიის ახალარჩეულმა აღმასრულებელმა მდივანმა მამუკა მდინარაძემ. მანამდე ამ თანამდებობას იკავებდა პარტიის ახლანდელი თავმჯდომარე ირაკლი კობახიძე, რომელიც ამ პოსტზე პარტიის დამფუძნებლის, ბიძინა ივანიშვილის პოლიტიკიდან და პარტიიდან წასვლის შემდეგ აირჩიეს.

მდინარაძის თქმით, პარტიული სტრუქტურებში რაიმე განსაკუთრებული ცვლილება არ იგეგმება.

„გავაგრძელებთ ჩვეულებრივად მუშაობას. ჩვენ შევეცდებით, რომ გავაძლიეროთ რეგიონალური მიმართულებით მუშაობა. პარტიული სტრუქტურების რაიმე განსაკუთრებული ცვლილება როგორც ასეთი, არ იგეგმება“, - განაცხადა მდინარაძემ.

პარტიის თავმჯდომარის პოსტი მას შემდეგ გახდა ვაკანტური, რაც 11 იანვარს მმართველი პარტიის დამფუძნებელმა და თავმჯდომარემ, მილიარდერმა ბიძინა ივანიშვილმა პოლიტიკიდან წასვლის შესახებ განაცხადა. 

27