საქართველოსა და აზერბაიჯანის დროშები

რაზე იმსჯელეს ქართველმა დეპუტატებმა ბაქოში

129
(განახლებულია 13:56 16.07.2019)
ბაქოში სამუშაო ვიზიტით მყოფმა ქართულმა დელეგაციამ მონაწილეობა მიიღო ქართულ-აზერბაიჯანული პარლამენტთაშორისი მეგობრობის ჯგუფის წევრთა შეხვედრაში.

თბილისი, 16 ივლისი — Sputnik. საქართველოსა და აზერბაიჯანს შეუძლიათ ყველა საკითხი მეგობრობისა და თანამშრომლობის ვითარებაში გადაწყვიტონ, განაცხადა საქართველოს პარლამენტის საგარეო ურთიერთობათა კომიტეტის თავმჯდომარემ სოფიო ქაცარავამ აზერბაიჯანულ-ქართული პარლამენტთაშორისი მეგობრობის ჯგუფის წევრთა შეხვედრაზე მილი მეჯლისში, იუწყება „Sputnik-აზერბაიჯანი".

საქართველოს პარლამენტის დეპუტატების დელეგაცია, რომელსაც სოფიო ქაცარავა ხელმძღვანელობს, ბაქოში საქართველოს, აზერბაიჯანისა და თურქეთის პარლამენტების საგარეო კომიტეტების სამმხრივ სხდომაში მონაწილეობისთვის ჩავიდა.

შეხვედრის მსვლელობისას აზერბაიჯანულ-ქართული პარლამენტთაშორისი კავშირების სამუშაო ჯგუფის ხელმძღვანელმა აფლატუნ ამაშოვმა აღნიშნა, რომ საქართველოსა და აზერბაიჯანს შორის ურთიერთობების მაღალი დონეა და თანამშრომლობა ქვეყნებს შორის წარმატებით გრძელდება.

საქართველოს პარლამენტის თავმჯდომარის მოადგილემ, ქართულ-აზერბაიჯანული პარლამენტთაშორისო მეგობრობის ჯგუფის ხელმძღვანელმა ზვიად ძიძიგურმა, თავის მხრივ, აღნიშნა, რომ პარლამენტთაშორის კავშირებს უფრო ინტენსიური ხასიათი აქვს.

„თანამშრომლობა ჩვენს ქვეყნებს შორის ფართოვდება. კარგად ვიცით აზერბაიჯანთან მეგობრობის ფასი", – აღნიშნა ძიძიგურმა.

სოფიო ქაცარავამ ასევე ისაუბრა ორი ქვეყნის პარლამენტების დეპუტატების ეფექტური თანამშრომლობის შესახებ როგორც საერთაშორისო ორგანიზაციების, ისე ორმხრივი კავშირების ფარგლებში.

„ყველა საკითხში ვგრძნობთ და ვაფასებთ აზერბაიჯანის მხარდაჭერას. საქართველოსა და აზერბაიჯანს ყველა საკითხის გადაჭრა მეგობრობისა და თანამშრომლობის ვითარებაში შეუძლიათ", – განაცხადა ქაცარავამ.

კონფლიქტი საზღვარზე: დავით-გარეჯიდან ხატები გაიტანეს>>

შეხვედრაზე დეპუტატებმა ერთმანეთს გაუზიარეს მოსაზრებები საერთო ინტერესებთან დაკავშირებული საკითხების შესახებ.

129
თემები:
ვნებათაღელვა დავით–გარეჯის ირგვლივ (42)
მთავრობის სხდომა

საქართველოს მთავრობაში ახალი მინისტრია

63
(განახლებულია 15:51 06.08.2020)
თეა ახვლედიანმა პოსტზე ქეთევან ციხელაშვილი შეცვალა, რომელიც 22 მაისიდან საქართველოს მუდმივი წარმომადგენელია ეუთოს მისიაში და ვენაში მდებარე საერთაშორისო ორგანიზაციებში, ასევე საქართველოს ელჩი ავსტრიაში.

თბილისი, 6 აგვისტო — Sputnik. შერიგებისა და სამოქალაქო თანასწორობის საკითხებში სახელმწიფო მინისტრის თანამდებობა თეა ახვლედიანმა დაიკავა, რომელიც მანამდე ჯანდაცვის მინისტრის მოადგილე იყო. ამის შესახებ ხუთშაბათს გამართულ მთავრობის სხდომაზე პრემიერ-მინისტრმა გიორგი გახარიამ განაცხადა.

თეა ახვლედიანმა ამ პოსტზე ქეთევან ციხელაშვილი შეცვალა, რომელიც 22 მაისიდან საქართველოს მუდმივი წარმომადგენელია ეუთოს მისიაში და ვენაში მდებარე საერთაშორისო ორგანიზაციებში, ასევე საქართველოს ელჩი ავსტრიაში. 

„მინდა პირველ რიგში მას მივულოცო ეს დიდი და საპასუხისმგებლო თანამდებობა. ის ყოველთვის იყო ჩვენი გუნდის წევრი, მაგრამ უკვე იჯდება ამ მრგვალ მაგიდასთან... მას აქვს დიდი და სერიოზული გამოცდილება ჩვენი დიპლომატიური გუნდის წარმომადგენლობაში როგორც ევროპის, ისე კონფლიქტების მიმართულებით“, – განაცხადა გახარიამ.

ქეთევან ციხელაშვილი შერიგებისა და თანასწორობის საკითხებში სახელმწიფო მინისტრის თანამდებობაზე 2016 წლის ივლისში დაინიშნა. მინისტრის პოსტზე ყოფნის განმავლობაში იგი აქტიურად იყო დაკავებული საქართველოს ხელისუფლების მიერ არაკონტროლირებადი აფხაზეთისა და ცხინვალის რეგიონის მოსახლეობისთვის მთავრობის მხრიდან შეთავაზებული სერვისებსა და დახმარებებზე წვდომის, ასევე საქართველოში ეროვნული უმცირესობების ინტეგრაციის საკითხებით.

ამიერიდან აღნიშნული საკითხებით თეა ახვლედიანი დაკავდება.

 

63
თემები:
საქართველოს მთავრობა
გიორგი გახარია

ახალი შეღავათები მოსახლეობისთვის: მთავრობა კიდევ ოთხი თვის კომუნალურ გადასახადს დაფარავს

287
(განახლებულია 15:02 06.08.2020)
საქართველოს ხელისუფლება ფიზიკურ პირებს ნოემბერში, დეკემბერში, იანვარსა და თებერვალში კომუნალური მომსახურების გადასახადებს დაუფარავს.

თბილისი, 6 აგვისტო — Sputnik. საქართველოს ხელისუფლება ოთხი თვის ელექტროენერგიისა და ბუნებრივი აირის კომუნალურ გადასახადებს დაფარავს, განაცხადა საქართველოს პრემიერ-მინისტრმა გიორგი გახარიამ ხუთშაბათს გამართულ მთავრობის სხდომაზე. 

როგორც მთავრობის მეთაურმა აღნიშნა, კორონავირუსის პანდემიის გამო ბევრ ადამიანს ფინანსური ზარალი მიადგა, ამიტომაც ხელისუფლებამ რთულ პერიოდში მოსახლეობის მხარდაჭერის გადაწყვეტილება მიიღო.

„საქართველოს მთავრობამ მიიღო გადაწყვეტილება, კომუნალურ მომსახურებაზე შეღავათები გაგრძელდეს ოთხი თვის განმავლობაში – ნოემბერი, დეკემბერი, იანვარი და თებერვალი. სუბსიდირება მოხდება იმავე პრინციპით – 200 კილოვატ/საათი ელექტროენერგია და 200 კუბური მეტრი გაზის მოხმარება მთავრობის მიერ იქნება კომპენსირებული. რა თქმა უნდა, შეძლებულ მოქალაქეებს ექნებათ შესაძლებლობა, ასეთ დახმარებაზე თქვან უარი“, – განაცხადა გიორგი გახარიამ.

იმ აბონენტების რაოდენობა, ვინც ყოველთვიურად 200 კილოვატზე ნაკლებ ელექტროენერგიას მოიხმარს, 1,2 მილიონს შეადგენს და სახელმწიფო დაახლოებით 17 მლნ ლარს გამოყოფს ამ მოქალაქეებისთვის კომუნალური გადასახადების დასაფარად.

ასევე საქართველოში 670 ათასი აბონენტია, რომელიც თვეში 200 კუბურ მეტრამდე ბუნებრივ აირს მოიხმარს – სახელმწიფო ამ გადასახადების დასაფარად 27 მლნ ლარს გამოყოფს.

 

287
თემები:
COVID-19 საქართველოში
რაჭა

რაჭაში სტიქიით დაზარალებულ სოფლებs წყალმომარაგება აღუდგა

0
(განახლებულია 14:38 06.08.2020)
რეგიონი თანდათანობით უმკლავდება დამანგრეველი წყალდიდობის შედეგებს – აღდგენილია ელექტროენერგიის მიწოდება, იგება დროებითი გზები, შენდება ხიდები.

 

თბილისი, 6 აგვისტო - Sputnik. გაერთიანებული წყალმომარაგების კომპანიის საავარიო ჯგუფების რამდენიმედღიანი ინტენსიური სამუშაოების შედეგად, სტიქიის დროს დაზიანებული ონის წყალმომარაგების მაგისტრალური მილის აღდგენა სრულდება, ნათქვამია რაჭა-ლეჩხუმისა და ქვემო სვანეთის მხარის ადმინისტრაციის მიერ გავრცელებულ განცხადებაში.

უწყების ცნობით, უკვე დამონტაჟდა 200 მეტრი ფოლადის მაგისტრალი რთულ რელიეფურ ადგილებში, უახლოეს პერიოდში კი სრულად აღდგება ჟიჟორეთის სათავე ნაგებობა. 

ონის მუნიციპალიტეტში მოსახლეობის წყლით მომარაგება, სტიქიიდან მეორე დღეს, ალტერნატიული ქსელის მეშვეობით ხდებოდა.

მუნიციპალიტეტში ინტენსიური სამუშაოები წყალდიდობის შედეგების სრული ლიკვიდაციისთვის ამ დრომდე გრძელდება.

სტიქიისგან დაზარალებულ ყველა სოფელს ელექტროენერგია უწყევეტ რეჟიმში მიეწოდებაა.

უამინდობისა და კოკისპირული წვიმების გამო რაჭა-ლეჩხუმისა და ქვემო სვანეთის რეგიონის 12 სოფელი – 2 ათასზე მეტი ადამიანი გარე სამყაროს მოწყვეტილი აღმოჩნდა. სტიქიის შედეგად დაზიანდა  10 ხიდი, 8 ადგილზე ჩაინგრა ცენტრალური გზის სავალი ნაწილი, ასევე რამდენიმე მონაკვეთი ონიდან შოვის მიმართულებით და შიდა სასოფლო გზები. 

სულ 29 ივლისიდან დღემდე სტიქიის გამო გარე სამყაროს მოწყვეტილი სოფლებიდან 562 ადამიანის გადმოყვანა გახდა შესაძლებელი, აქედან 122 ბავშვია.

სულ 29 ივლისიდან დღემდე სტიქიის გამო გარე სამყაროს მოწყვეტილი სოფლებიდან 562 ადამიანის გადმოყვანა გახდა შესაძლებელი, აქედან 122 ბავშვია.

სოფლის მოსახლეობას ადგილობრივი მუნიციპალიტეტის თანამშრომლები ვერტმფრენებით უწყვეტად აწვდიან სურსათს და საჭირო ნივთებს.

0
თემები:
საქართველოს რეგიონები