დავით-გარეჯის სამონასტრო კომპლექსი

საქართველო-აზერბაიჯანის სადავო საზღვარი რაზე შეთანხმდნენ მხარეები

224
(განახლებულია 01:02 17.07.2019)
მოქალაქეები, მომლოცველები და ტურისტები უდაბნოს მონასტრის მიმდებარე ტერიტორიაზე თავისუფლად გადაადგილებას რამდენიმე დღეში შეძლებენ.

თბილისი, 15 ივლისი – Sputnik. საქართველო–აზერბაიჯანის საზღვარზე, დავით-გარეჯის სამონასტრო კომპლექსის ტერიტორიაზე, სადაც ადგილობრივ მოსახლეობასა და აზერბაიჯანელ მესაზღვრეებს შორის კონფლიქტი მოხდა, სიმშვიდეა, განაცხადა საქართველოს შსს-ს სასაზღვრო პოლიციის უფროსის მოადგილემ თეიმურაზ კუპატაძემ.

ამის შესახებ მან აზერბაიჯანულ მხარესთან მოლაპარაკების დასრულების შემდეგ ისაუბრა. კუპატაძის სიტყვებით, უახლოეს დღეებში მომლოცველები და ტურისტები თავისუფლად იმოძრავებენ უდაბნოს მონასტრის მიმართულებით, იმ მონაკვეთზე, სადაც კვირას ადგილობრივ მოსახლეობასა და აზერბაიჯანელ მესაზღვრეებს შორის კონფლიქტი მოხდა.

„განვიხილეთ ის პერიოდი, რა პერიოდშიც იქნება აკრძალვა საზღვრის ამ შეუთანხმებელ ტერიტორიაზე. ეს მოიცავს რამდენიმე დღეს და უახლოეს დღეებში იქნება გახსნილი, სიტუაცია დაუბრუნდება ძველ რეჟიმს. მოქალაქეები, მომლოცველები და ტურისტები თავისუფლად შეძლებენ იმ ტერიტორიაზე გადაადგილებას, სადაც გადაადგილდებოდნენ გუშინდელ დღემდე“, – განუცხადა კუპატაძემ ჟურნალისტებს.

რაც შეეხება ინციდენტს, კუპატაძის სიტყვებით, კვირას ადგილობრივმა მცხოვრებლებმა სიტყვიერი შეურაცხყოფა მიაყენეს აზერბაიჯანელ მესაზღვრეებს, რასაც დაპირისპირება მოჰყვა.

„ქართველი მესაზღვრეების ჩარევის შედეგად სიტუაცია დროულად იქნა განმუხტული“, – აღნიშნა კუპატაძემ.

Монастырский комплекс Давид Гареджи
© Sputnik / Alex Shlamov
დავით-გარეჯის სამონასტრო კომპლექსი

როგორც ცოტა ხნის წინ დავით-გარეჯში მომუშავე გიდმა განაცხადა, კონფლიქტის მიზეზი გახდა ის, რომ აზერბაიჯანელმა მესაზღვრეებმა ერთ-ერთი ეკლესიიდან ხატების გამოტანა უნებართვოდ დაიწყეს. აღნიშნულმა ქმედებამ ადგილობრივებში პროტესტი გამოიწვია.

„შინაგან საქმეთა სამინისტრო მოუწოდებს საზოგადოებას და საქართველოს ყველა მოქალაქეს, ნუ აჰყვებიან პროვოკაციებს, რათა მიეცეს დელიმიტაციის კომისიას მშვიდ ვითარებაში მუშაობის გაგრძელების საშუალება”, – განაცხადა თეიმურაზ კუპატაძემ.

საქართველო-აზერბაიჯანის საზღვარზე ვითარება მას შემდეგ დაიძაბა, რაც აპრილის ბოლოს აზერბაიჯანელმა მესაზღვრეებმა აღდგომის წინ რამდენიმე დღით გადაკეტეს უდაბნოს ქართული მონასტრისკენ მიმავალი გზა. მონასტერი დავით-გარეჯის სამონასტრო კომპლექსის ნაწილია, რომელიც სადავო სასაზღვრო მონაკვეთზე მდებარეობს. საგარეო საქმეთა სამინისტროს დონეზე მოლაპარაკებების შემდეგ გზა გახსნეს, მაგრამ ვითარება ბოლომდე არ განმუხტულა.

საზღვრის დელიმიტაციისა და დემარკაციის საკითხებზე ერთობლივი კომისიის მუშაობის აღდგენისთანავე აზერბაიჯანულმა მხარემ დავით-გარეჯისკენ მიმავალი გზის მშენებლობა დაიწყო. მოლაპარაკებების მეორე დღეს სპეცტექნიკა შეაჩერეს, მაგრამ გზა პრაქტიკულად უკვე გაყვანილი იყო.

საქართველოს ხელისუფლებამ, თავის მხრივ, მოსახლეობას მოუწოდა, თავი შეიკავონ ემოციური შეფასებებისგან და ორი ქვეყნის ხელისუფლებებს მოლაპარაკებების მშვიდ გარემოში ჩატარების შესაძლებლობა მისცენ.

დავით–გარეჯის სამონასტრო კომპლექსი 25 კილომეტრზეა გადაჭიმული და ქართულ-აზერბაიჯანული საზღვრის ერთ-ერთ შეუთანხმებელ მონაკვეთზე მდებარეობს.

224
თემები:
ვნებათაღელვა დავით–გარეჯის ირგვლივ (42)
პირბადით არჩევნებზე

როდესაც ყველა ამომრჩეველი ერთმანეთს ჰგავს

73
(განახლებულია 18:40 05.08.2020)
ახალი კორონავირუსის COVID-19-ის გავრცელების საშიშროების გამო წელს არჩევნებზე ამომრჩევლები პირბადეებით მივლენ.
პირბადით არჩევნებზე

კორონავირუსის პანდემიის გამო, რომელიც მსოფლიოში ჯერ კიდევ განაგრძობს გავრცელებას, საარჩევნო უბნებზე წელს, შესაძლოა, ნიღბის ტარება აუცილებელი იყოს.

ზუსტი პასუხი კითხვაზე, როგორ ჩატარდება ამომრჩეველთა რეგისტრაცია პირბადეებით, ჯერ უცნობია. დიდი ალბათობით, ნიღბის გარეშე არჩევნებში მონაწილეობა შეუძლებელი იქნება.

ამავდროულად არჩევნების დროს ნიღბების გამოყენება საკამათო თემად რჩება: რეგისტრაციის დროს პიროვნების ამოსაცნობად ნიღბის მოხსნა, სავარაუდოდ, საჭირო გახდება.

73
ოპოზიციის აქცია

პირველი დარღვევები წინასაარჩევნო კამპანიის დროს: რა დააფიქსირეს დამკვირვებლებმა

83
(განახლებულია 13:56 05.08.2020)
არასამთავრობო ორგანიზაციამ ივლისში მოსახლეობის შესაძლო მოსყიდვის რვა ფაქტი დააფიქსირა და ამას უკვე უწოდა „წინასაარჩევნო კამპანიის ტენდენცია“.

თბილისი, 5 აგვისტო – Sputnik. არასამთავრობო ორგანიზაცია „სამართლიანი არჩევნებისა და დემოკრატიის საერთაშორისო საზოგადოებამ“ მიმდინარე წლის ივლისში წინასაარჩევნო კამპანიაზე დაკვირვების შესახებ ანგარიში გამოაქვეყნა, რომელშიც დააფიქსირა ისეთი დარღვევები, როგორიცაა მუქარა, მოსახლეობის მოსყიდვა და პოლიტიკური ნიშნით სამსახურიდან გათავისუფლება.

საპარლამენტო არჩევნები საქართველოში 31 ოქტომბერს არის დაგეგმილი, ხოლო ოფიციალური წინასაარჩევნო კამპანია არჩევნებამდე 60 დღით ადრე დაიწყება. ამ ეტაპზე წინასაარჩევნო კამპანია ოფიციალურად არ დაწყებულა და, აქედან გამომდინარე, არ ამოქმედებულა ამ კამპანიის პერიოდში მოქმედი შეზღუდვები ადმინისტრაციული რესურსების გამოყენებაზე, ამომრჩევლის დასაჩუქრებაზე და ა.შ.

თუმცა არასამთავრობო ორგანიზაცია შეზღუდვების შესაძლო დარღვევის ფაქტებს უკვე აღრიცხავს და ანგარიშს ყოველთვიურად წარმოადგენს.

ორგანიზაციის მონაცემებით, ივლისში მოსახლეობის შესაძლო მოსყიდვის რვა ფაქტი დაფიქსირდა. ამას ორგანიზაციამ უკვე უწოდა „წინასაარჩევნო კამპანიის ტენდენცია“. ამასთან, ამ შესაძლო მოსყიდვაში მონაწილეობდნენ როგორც მმართველი პარტიის წარმომადგენლები, ისე ოპოზიციური პარტიები – „ერთიანი ნაციონალური მოძრაობა“ და „ლელო საქართველოსთვის“.

მოსყიდვაში არასამთავრობო ორგანიზაცია გულისხმობს პარტიის ან კანდიდატის მხრიდან ჩვეულებრივი მოქალაქეებისთვის პროდუქტების, ტანსაცმლისა და მედიკამენტების გადაცემას. ორგანიზაციამ ამ ჩამონათვალში ჩართო ასევე წყალდიდობისგან დაზარალებული რაჭის დახმარება და საქველმოქმედო აქცია ხანდაზმულთა სახლში.

„სამართლიანმა არჩევნებმა“ ასევე გამოავლინა შესაძლო მუქარებისა და ამომრჩეველზე ზეწოლის ფაქტები, ადმინისტრაციული რესურსების გამოყენების შესაძლო ხუთი შემთხვევა, ასევე პოლიტიკური შეხედულებების გამო გათავისუფლების ორი ფაქტი.

არასამთავრობო ორგანიზაციის მიერ დაფიქსირებული ფაქტების 99% რეგიონებში მოხდა და ჰქონდა ლოკალური ხასიათი.

არჩევნების ციებ–ცხელება: გუბერნატორები თანამდებობებს ტოვებენ>>

წინასაარჩევნო გარემოს გასაუმჯობესებლად ორგანიზაციამ, ანგარიშის შედეგებით, ჯერჯერობით პარტიებს ურჩია, თავი შეიკავონ ქველმოქმედებისა და საჩუქრებისგან, ხოლო რეგიონულ ხელისუფლებებს მოუწოდა, დაიცვან ნეიტრალიტეტი დახმარების გამოყოფის, საკადრო გადაადგილებებისა და ახალი კადრების დანიშვნის დროს.

83
თემები:
საქართველოს საპარლამენტო არჩევნები 2020
სასამართლო

დაკავებული ექიმების საქმე: სასამართლოს გადაწყვეტილება ცნობილია

0
ქართველი ექიმები თბილისის ცენტრალური საავადმყოფოს დირექტორისა და ექიმების მხარდამჭერ აქციებს ატარებენ

თბილისი, 5 აგვისტო — Sputnik.  თბილისის საქალაქო სასამართლოს გადაწყვეტილებით, თბილისის ცენტრალური საავადმყოფოს დირექტორი გირაოს სანაცვლოდ გათავისუფლდა, ორი ექიმი კი განაჩენს საპატიმროში დაელოდება, იუწყება საზოგადოებრივი მაუწყებლის პირველი არხი.

საავადმყოფოს დირექტორი გიორგი ლობჟანიძე და ექიმი ვახტანგ ყიფიანი სამშაბათს დააკავეს. იმავე დღეს გენერალურმა პროკურატურამ ბრალი დაუსწრებლად წარუდგინა ანესთეზიოლოგ მაგდა ხოჭოლავას, რომელიც იტალიაში მუშაობს.

სასამართლოს გადაწყვეტილებით,  კლინიკის  დირექტორი გიორგი ლობჟანიძე საპატიმროს 100 ათასი ლარის ოდენობით გირაოს გადახდის შემდეგ დატოვებს, რაც შეეხება ხოჭოლავას, მას სასამართლომ დაუსწრებლად  პატიმრობა შეუფარდა. 

ექიმების საქმე ეხება ოპერაციას, რომელიც 2018 წელს ახალგაზრდა გოგონას ჩუტარდა. გოგონამ კლინიკას კონსულტაციისთვის მიმართა, ყიფიანი კი გოგონას დაპირდა, რომ გამოკვლევის შედეგებს იტალიაში გადააგზავნიდნენ.  ასევე მან პაციენტი დაარწმუნა, რომ ქირურგიულ ოპერაციას იტალიელი ექიმები ჩაუტარებდნენ. გოგონა დათანხმდა, ოპერაცია კი თავად ყიფიანმა, მაგდა ხოჭოლავას დახმარებით  ჩაატარა. მოგვიანებით მათ განმეორებით ჩაატარეს ოპერაცია, რომლის შემდეგაც გოგონა კომაში ჩავარდა.

გამოძიების ცნობით, ყიფიანს მსგავსი ოპერაციის ჩატარებისთვის კანონით გათვალისწინებული შესაბამისი კვალიფიკაცია არ ჰქონდა, ხოჭოლავას კი საერთოდ არ ჰქონდა ოპერაციებზე დაშვების უფლება, რადგანაც კონსულტანტად მუშაობდა. გარდა ამისა, ოპერაციის დროს მათ შეცდომები დაუშვეს, რამაც პაციენტის მდგომარეობა გაართულა.

რაც შეეხება კლინიკის დირექტორ გიორგი ლობჟანიძეს, გამოძიება  ბრალს სდებს იმაში, რომ მან არ გააკონტროლა ოპერაცია და არ შეამოწმა მედპერსონალის შესაბამისი ლიცენზიის არსებობის საკითხი.

ბრალდებებს კატეგორიულად არ ეთანხმებიან ექიმები, რომლებიც ბრალდებული კოლეგების მხარდამჭერ წერილებს აქვეყნებენ.

0
თემები:
შემთხვევები საქართველოში