საქართველოს პრემიერ–მინისტრმა რუსეთის პრეზიდენტის გადაწყვეტილებაზე კომენტარი გააკეთა

გამოწერა
საქართველოს პრემიერ–მინისტრმა განაცხადა, რომ მთავრობა არავის მისცემს უფლებას, საქართველო აქციოს აგრესიული დღის წესრიგის მძევლად

თბილისი, 9 ივლისი — Sputnik. ხალხთაშორის ურთიერთობაში არანაირი ბარიერი არ უნდა არსებობდეს, განაცხადა საქართველოს პრემიერ-მინისტრი მამუკა ბახტაძე რუსეთის პრეზიდენტ ვლადიმერ პუტინის გადაწყვეტილებაზე საუბრისას.

პუტინი სანქციების დაწესების წინააღმდეგია, თუმცა დუმა განცხადებას არ გაიწვევს >>

სამშაბათს რუსეთის სახელმწიფო სათათბირომ მიიღო დეპუტატთა განცხადება, რომლებმაც მთავრობას საქართველოს მიმართ შესაძლო დამატებითი სპეციალური ეკონომიკური სანქციების დაწესების მიზანშეწონილობის საკითხის განხილვა შესთავაზეს. დეპუტატები მთავრობას ასევე მისცეს  რეკომენდაცია, წარედგინოს პრეზიდენტ ვლადიმირ პუტინს შესაბამისი წინადადებები.  რუსეთის პრეზიდენტი ვლადიმირ პუტინი კი საქართველოს მიმართ სანქციების დაწესების წინააღმდეგ გამოვიდა. „მე ამას ქართველი ხალხისადმი პატივისცემის გამო არ გავაკეთებ", – განაცხადა რუსეთის პრეზიდენტმა.

„ხალხთაშორისი ურთიერთობა არის ძალიან პრინციპული საკითხი და ბოლო წლების განმავლობაში ამ მიმართულებით  მნიშვნელოვანი პროგრესი არსებობს“, – განაცხადა მამუკა ბახტაძემ.

პრემიერის განცხადებით, ტელეარხ „რუსთავი 2“-ის პროგრამა „პოსტსკრიპტუმის" წამყვანის გიორგი გაბუნიას განცხადება, რომელმაც  საქართველოსა და რუსეთში პროტესტი გამოიწვია, ქართველი ხალხისთვის მიუღებელია. გიორგი გაბუნიამ პირდაპირ ეთერში რუსულ ენაზე უცენზურო ლექსიკის გამოყენებით შეურაცხყოფა მიაყენა რუსეთის პრეზიდენტს და მის გარდაცვლილ მშობლებს.

დავით ზალკალიანი - Sputnik საქართველო
დავით ზალკალიანი რუსეთის პრეზიდენტის გადაწყვეტილებას მიესალმება

„რაც შეეხება კვირას საღამოს მომხდარ ფაქტს, იმ პათოლოგიურ ფრაზებს, რაც მოვისმინეთ, ეს არის სრულიად მიუღებელი ნებისმიერი ჯანსაღად მოაზროვნე ადამიანისთვის, მით უმეტეს მიუღებელია ეს ჩვენი ერისთვის, ერისთვის, რომელიც განსაკუთრებით ამაყობს თავისი კულტურითა და ფასეულობებით. ჩვენ ვართ პასუხისმგებლიანი მთავრობა, რომელიც ყოველთვის ორიენტირებულია ეროვნულ ინტერესებზე“, – განაცხადა მამუკა ბახტაძემ.

მისი თქმით, საქართველოს წინაშე დგას ძალიან მტკივნეული გამოწვევები და ყველამ კარგად უნდა ვიცოდეთ, რომ ამ გამოწვევების გადალახვა შესაძლებელია მხოლოდ ერთსულოვნებით და კონსოლიდაციით.

„სრულიად მიუღებელია ნებისმიერი მცდელობა, რომ მოხდეს ქართული საზოგადოების პოლარიზება. ეს არ შეიძლება.  აქედან გამომდინარე, მსურს კიდევ ერთხელ ყველას მოვუწოდო, რომ ეს კარგად გავითვალისწინოთ და პასუხისმგებლობით მივუდგეთ ნებისმიერ საკითხს", - განაცხადა მამუკა ბახტაძემ.

გია ბარამიძე გამოკითხვაზე იმყოფება >>

თბილისში პარლამენტთან საპროტესტო აქციები 20 ივნისს რუსეთის სათათბიროს დეპუტატ სერგეი გავრილოვის ჩამოსვლის და საქართველოს პარლამენტში მისი სიტყვით გამოსვლის შემდეგ დაიწყო. ოპოზიციამ საქართველოს მთავრობას სამშობლოს ღალატში დასდო ბრალი, ხელისუფლებამ კი მომხდარს „პროტოკოლური შეცდომა" უწოდა. 20-21 ივნისის ღამეს ანტირუსული აქცია არეულობასა და ანტისახელმწიფოებრივ გამოსვლებში გადაიზარდა.

არეულობისას დაშავდა 240 ადამიანი, დააკავეს 300-ზე მეტი. თბილისში გაკეთებული ანტირუსული განცხადებების პასუხად რუსეთმა 8 ივლისიდან საქართველოსთან პირდაპირი ავიამიმოსვლა შეწყვიტა. საპროტესტო აქცია მესამე კვირაა გრძელდება.

ყველა ახალი ამბავი
0