აქციები რუსთაველზე გრძელდება: დილა დაძაბული ღამის შემდეგ

აქციები რუსთაველზე გრძელდება: დილა დაძაბული ღამის შემდეგ

210
(განახლებულია 14:34 09.07.2019)
ამჟამად ორივე საპროტესტო აქცია პარლამენტის წინ მიმდინარეობს, მაგრამ მათ შორის პოლიციის კორდონები დგას.

თბილისი, 9 ივლისი — Sputnik. ღამე თბილისში საკმაოდ დაძაბული იყო – საპროტესტო აქციები საქართველოს პარლამენტის წინ აქამდე გრძელდება, იუწყება „Sputnik-საქართველოს" კორესპონდენტი მოვლენების ადგილიდან.

„რუსთავი 2“-თან საპროტესტო აქცია დასრულებულია>>

Две акции перед зданием парламента Грузии
© Sputnik / Shota Nozadze
ორი საპროტესტო აქცია პარლამენტის წინ

ერთი აქციის მონაწილეები გამოდიან ანტირუსული ლოზუნგებით და შინაგან საქმეთა მინისტრის გიორგი გახარიას გადადგომას მოითხოვენ, ხოლო მეორე აქციაზე მოითხოვენ ანტიდისკრიმინაციული კანონმდებლობის გადახედვასა და გარყვნილების პროპაგანდის აკრძალვას. ისინი შეიკრიბნენ, რათა ლგბტ–საზოგადოების დამცველთა მიერ დაანონსებული მარშის ჩატარება არ დაუშვან.

ზნეობრიობის დამცველები მთელი ღამის განმავლობაში პარლამენტის წინ იდგნენ, ხოლო ვინც 20 ივნისის შემდეგ ყოველდღე ატარებდა მიტინგს, მოსწავლე ახალგაზრდობის სასახლის მიმდებარე ტერიტორიით დაკმაყოფილდნენ. დაპირისპირებების თავიდან ასაცილებლად რუსთაველის გამზირი ყვითელი ავტობუსებითა და პოლიციის კორდონით არის გადაკეტილი.

დაახლოებით 07:00 საათისთვის პოლიციამ გზა გახსნა. ახლა ყველა პარლამენტთან დგას, მაგრამ სხვადასხვა აქციის მონაწილეთა შორის სამართალდამცველები ჩადგნენ.

ღამით ვითარება რუსთაველის გამზირზე ამგვარი იყო: აქციაზე, სადაც გახარიას გადადგომას მოითხოვენ, იყვნენ ძირითადად ახალგაზრდები და ოპოზიციური პარტიის „ევროპული საქართველო - მოძრაობა თავისუფლებისთვის" ლიდერები, ხოლო მეორე აქციაზე – უმეტესად უფროსი თაობის წარმომადგენლები და სამღვდელოება.

საპროტესტო აქციების მონაწილეთა დაპირისპირება თბილისში - ვიდეო>>

შუაღამის შემდეგ მგზნებარე სიტყვებით გამოსვლებმა იკლო. პირველ აქციაზე ჟღერდა მუსიკა, ძირითადად, The Beatles-ისა და Queen-ის კომპოზიციები, იყო ცეკვაც, ხოლო მეორეზე კითხულობდნენ ლოცვებს და ანთებდნენ სანთლებს.

აქციებს მცირე ინციდენტების გარეშე არ ჩაუვლია.

210
თემები:
გინება პირდაპირ ეთერში - სკანდალი Rustavi 2-ის ირგვლივ (49)
არჩევნები

ყველა ეგზიტპოლის შემაჯამებელი მონაცემები ცნობილია

28
(განახლებულია 00:02 01.11.2020)
ყველა გამოკითხვის შედეგით, მმართველი პარტია „ქართული ოცნება“ ლიდერობს, მეორე ადგილზეა – „ერთიანი ნაციონალური მოძრაობა“.

თბილისი, 31 ოქტომბერი – Sputnik. ქართულმა ტელეკომპანიებმა საარჩევნო უბნებზე კენჭისყრის დასრულების შემდეგ 20:00 საათის მონაცემებით ეგზიტპოლის შედეგები გაავრცელეს. 

ყველა გამოკითხვაში მმართველი პარტია „ქართული ოცნება“ ლიდერობს, მეორე ადგილზეა – „ერთიანი ნაციონალური მოძრაობა“.

ოპოზიციური ტელეკომპანიების დაკვეთით ჩატარებული გამოკითხვების მონაცემებით, „ქართულ ოცნებას“ არ ჰყოფნის ხმები მთავრობის ფორმირებისა და დამტკიცებისთვის:
მთავრობის ფორმირებისა და დამტკიცებისთვის „ქართულ ოცნებას“ ხმების არანაკლებ 50% სჭირდება

წინააღმდეგ შემთხვევაში ოპოზიციას თეორიულად შეუძლია შექმნას კოალიცია და მთავრობის ფორმირების უფლება მიიღოს, „ქართული ოცნება“ კი უმცირესობაში აღმოჩნდება.

პარტიებისთვის გამსვლელი ბარიერი 1% იყო. 

  ეგზიტპოლი Imedi ეგზიტპოლი Rustavi2 ეგზიტპოლი Formula TV ეგზიტპოლი „მთავარი არხი"
„ქართული ოცნება“ 54% 51,36% 46% 41%
ბლოკი „ძალა ერთობაშია“ 24% 25,38% 28% 33%
„ევროპული საქართველო“ (დავით ბაქაძე) 3% 4,20% 5% 5%

„გირჩი“ (ზურაბ ჯაფარიძე)

4% 3,65% 3% 3%
„ლელო საქართველოსთვის“(მამუკა ხაზარაძე) 3% 2,94% 3% 4%
„პატრიოტთა ალიანსი“ (ირმა ინაშვილი) 2% 2,36% 2% 2%
„გიორგი ვაშაძე – სტრატეგია აღმაშენებელი" 3% 2,47% 2% 3%
„ლეიბორისტული პარტია“ (შალვა ნათელაშვილი) 1% 1,23% 1% 2%
„ერთიანი საქართველო" (ნინო ბურჯანაძე) 1% ––– ––– 1%
„ალეკო ელისაშვილი – მოქალაქე“ 1% 1,11% 1% 1%

 

28
თემები:
საქართველოს საპარლამენტო არჩევნები 2020
ბათუმი. საპარლამენტო და აჭარის უმაღლესი საბჭოს არჩევნები

აჭარაში უმაღლესი საბჭოს არჩევნებზე ხმების დათვლა დაიწყეს

11
(განახლებულია 00:04 01.11.2020)
ამ დროისთვის აჭარის სამი მაჟორიტარული ოლქის 373-ივე უბანი დახურულია და დაწყებულია ხმის დათვლის პროცედურა.

თბილისი, 31 ოქტომბერი – Sputnik. აჭარის ავტონომიურ რესპუბლიკაში უმაღლესი საბჭოს არჩევნებზე ხმის მიცემა დასრულდა, განაცხადა აჭარის უმაღლესი საარჩევნო კომისიის თავმჯდომარემ, პარმენ ჯალაღონიამ.

ცესკო: ყველაზე მეტი აქტივობა რაჭა-ლეჩხუმსა და სვანეთში დაფიქსირდა >>

აჭარის უმაღლესი საბჭოს არჩევნები საქართველოს პარლამენტის არჩევნების პარალელურად გაიმართა.

პარმენ ჯალაღონიას თქმით, აჭარის სამი მაჟორიტარული ოლქის 373-ივე უბანი დახურულია და დაწყებულია ხმის დათვლის პროცედურა.

31 ოქტომბერს საკუთარი არჩევანი დააფიქსირა უბანზე მისულმა 186 182-მა ამომრჩეველმა, რაც ამომრჩეველთა საერთო რაოდენობის, ანუ 314 889-ის 59,12% პროცენტია. 2016 წლის არჩევნების აქტივობის მაჩვენებელი იყო – 52,97%, რაც 163 419 ამომრჩეველს შეადგენს.

ამომრჩეველთა აქტივობა ოლქების მიხედვით ასეთია: ბათუმის ოლქი – 81 222 ამომრჩეველი – 55,14%; ქობულეთის ოლქი – 43 186 ამომრჩეველი – 60,9%; ხელვაჩაურის ოლქი – 25 402 ამომრჩეველი – 60,9 %; შუახევის ოლქი – 10 057 ამომრჩეველი – 66,52%; ქედის ოლქი – 11304 ამომრჩეველი – 71,9%; ხულოს ოლქი – 15 011 ამომრჩეველი – 61,96%. ყველაზე მაღალი აქტივობა დაფიქსირდა ქედის ოლქში.

ხმების დათვლა კენჭისყრის პროცესის დასრულების შემდეგ დაიწყეს. მას შემდეგ, რაც შედგება საუბნო საარჩევნო კომისიების შემაჯამებელი ოქმები, ისინი შესაბამისი საოლქო საარჩევნო კომისიის მიერ დაუყოვნებლივ მიეწოდება უსკო-ს და მიღებისთანავე აიტვირთება უსკოს ვებ-გვერდზე (www.usko.ge).

აჭარის მასშტაბით საოლქო და საუბნო საარჩევნო კომისიებში დაწერილია დაახლოებით 40-მდე საჩივარი. ნაწილი დარღვევებისა ძირითადად ადგილზევე აღმოიფხვრა, იყო პროცედურული ხასიათის. საჩივრები ორი დღის ვადაში განიხილება შესაბამისი საარჩევნო კომისიების მიერ.

უკვე დაიწყო ხმის დათვლა 24-ვე სპეცუბანზეც, რომლებიც სპეციალურად შეიქმნა სამკურნალო და თვითიზოლაციაში მყოფი ამომრჩევლებისათვის. აღნიშნულ უბნებზე საჩივარი არსად არ დაფიქსირებულა.

ბაქრაძე: „ქართულ ოცნებას“ არ გააჩნია ხალხის ნდობის საკმარისი მანდატი >>

წელს საქართველოში კორონავირუსის გამო არჩევნები განსაკუთრებულ და უჩვეულო გარემოში ჩატარდა, მოსახლეობის დაცვის მიზნით საარჩევნო უბნებზე განსაკუთრებული წესები მოქმედებს.

პანდემიური ვითარებიდან გამომდინარე, ცესკომ იმ მოქალაქეებისთვის, რომლებიც კოვიდ-ცენტრებში, საკარანტინო სივრცეებსა და თვითიზოლაციაში იმყოფებიან, 127 სპეციალური საარჩევნო უბანი შექმნა. გადასატანი საარჩევნო ყუთი 4 ათასზე მეტმა ამომრჩეველმა მოითხოვა.

11
თემები:
საქართველოს საპარლამენტო არჩევნები 2020