დავით-გარეჯის სამონასტრო კომპლექსი

საქართველო-აზერბაიჯანის საზღვრის შეუთანხმებელ მონაკვეთებს ექსპერტები შეისწავლიან

105
ქართული მხარე აზერბაიჯანთან საერთო საზღვრის 14 შეუთანხმებელი მონაკვეთის თემაზე გასამართი მოლაპარაკებებისგან პროგრესს ელოდება

თბილისი, 6 ივლისი – Sputnik. ქართველი და აზერბაიჯანელი ექსპერტები უახლოეს მომავალში დაათვალიერებენ საქართველო-აზერბაიჯანის საზღვრის შეუთანხმებელ მონაკვეთებს, შემდეგ კი მოლაპარაკებები გაგრძელდება, განუცხადა პირველ არხს საგარეო საქმეთა მინისტრის მოადგილე ლაშა დარსალიამ.

„პოლიტიკური მანიპულაციები დაუშვებელია" – ზურაბიშვილი აზერბაიჯანთან მოლაპარაკებების შესახებ >>

ექსპერტების ჩართვის შესახებ შეთანხმება მიღწეულია ქართულ-აზერბაიჯანული საზღვრის დელიმიტაციისა და დემარკაციის კომისიის სხდომაზე 23-24 მაისს. მოლაპარაკებები 8-წლიანი პაუზის შემდეგ განახლდა.

„ჩვენ კონტაქტი გვაქვს აზერბაიჯანელ კოლეგებთან, მიმდინარეობს დაზუსტება მონაკვეთების. უახლოეს მომავალში ექსპერტული ჯგუფები უნდა გავიდნენ და ჩაატარონ საველე სამუშაოები. შემდეგი შეხვედრისას ყველა იმ 14 შეუთანხმებელ მონაკვეთზე გავაგრძელებთ მსჯელობას, სადაც არის შესაძლებელი პროგრესის მიღწევა“, – განაცხადა დარსალიამ.

საქართველოსა და აზერბაიჯანს 446 კილომეტრის სიგრძის საერთო სახელმწიფო საზღვარი აქვთ.

საზღვრის დელიმიტაციისა და დემარკაციის თემა აპრილის ბოლოს გააქტიურდა, როდესაც აზერბაიჯანელმა მესაზღვრეებმა აღდგომის წინ რამდენიმე დღით გადაკეტეს უდაბნოს ქართული მონასტრისკენ მიმავალი გზა. მონასტერი დავით–გარეჯის სამონასტრო კომპლექსის ნაწილია, რომელიც სადავო სასაზღვრო მონაკვეთზე მდებარეობს. საგარეო საქმეთა სამინისტროს დონეზე მოლაპარაკებების შემდეგ გზა გახსნეს, მაგრამ სიტუაცია მაინც დაძაბულია.

საზღვრის დელიმიტაციის საკითხებზე ერთობლივი კომისიის მუშაობის აღდგენისთანავე, აზერბაიჯანულმა მხარემ დავით-გარეჯისკენ მიმავალი გზის მშენებლობა დაიწყო. მოლაპარაკებების მეორე დღეს სპეცტექნიკა შეაჩერეს, მაგრამ გზა პრაქტიკულად უკვე გაყვანილი იყო.

„საქართველო არ დათმობს დავით-გარეჯს“ – „პატრიოტთა ალიანსმა“ თბილისში აქცია გამართა >>

ორი დღის შემდეგ, მომხდარით აღშფოთებულმა სასულიერო პირებმა, მრევლმა და სამოქალაქო აქტივისტებმა კომპლექსის ტერიტორიაზე ჩაატარეს აქცია-მსვლელობა ლოზუნგით „დავით-გარეჯი - საქართველოა“. აქციის მონაწილეები დაგეგმილზე ადრე დაიშალნენ, საქართველოს კათოლიკოს-პატრიარქ ილია მეორის მოწოდების შემდეგ, პროვოკაციებს არ აჰყოლოდნენ.

ხელისუფლებამ მოსახლეობას ყოველგვარი ემოციების გვერდზე გადადებისკენ მოუწოდა, რათა ორი ქვეყნის ხელისუფლებას მოლაპარაკების მშვიდ ვითარებაში გამართვის შესაძლებლობა მიეცეს.

დავით–გარეჯის სამონასტრო კომპლექსი 25 კილომეტრზეა გადაჭიმული და საქართველო-აზერბაიჯანის საზღვარზე, გარეჯის მთაზე ნახევარუდაბნოში მდებარეობს.

აქცია დავით-გარეჯში და ხელისუფლების ოპტიმიზმი: აზერბაიჯანთან მოლაპარაკებები გრძელდება >>

დავით–გარეჯის ისტორია VI საუკუნიდან იწყება, როდესაც 13 ასურელ მამათაგან ერთ-ერთი – დავითი გარეჯის გამოქვაბულში დასახლდა და იქ პირველი მონასტერი — დავითის ლავრა დააარსა. კომპლექსი 20-ზე მეტი მონასტრისგან შედგება. კომპლექსის ტერიტორიაზე მრავალ ეკლესიასა და სატრაპეზოში VIII—XIV საუკუნეებით დათარიღებული ფრესკები შემორჩა. ფრესკებზე გამოსახული არიან ისტორიული პირები, მათ შორის, თამარ მეფე.

დავით-გარეჯის კომპლექსის აზერბაიჯანის მიერ კონტროლირებადი ნაწილი, მათ შორის უდაბნოს მონასტერი, მთის სამხრეთ-დასავლეთ ფერდობზე მდებარეობს.

აზერბაიჯანელი ისტორიკოსები დავით-გარეჯის სამონასტრო კომპლექსის ტერიტორიას ქეშიქჩიდაღს უწოდებენ. მათი მტკიცებით, კომპლექსი ისტორიული კავკასიის ალბანეთის კუთვნილებაა.

105
თემები:
ვნებათაღელვა დავით–გარეჯის ირგვლივ (42)
თბილისის აეროპორტი

საქართველოში უცხოელებისთვის ლეგალურად ყოფნის ვადა გახანგრძლივდა

49
(განახლებულია 15:50 06.08.2020)
საქართველოში ლეგალურად ყოფნის უფლება ექნებათ მხოლოდ იმ მოქალაქეებს, რომელთაც საქართველოში ყოფნის ვადა გაუვიდათ, თუმცა, ქვეყანაში მათი ყოფნა გარკვეული გარემოებებით არის გამოწვეული

თბილისი, 6 აგვისტო  — Sputnik.  უცხოეთის იმ მოქალაქეებისთვის, რომლებმაც კორონავირუსის პანდემიის გამო ქვეყნის დატოვება ვერ შეძლეს, ქვეყანაში ლეგალურად ყოფნის ვადა 31 დეკემბრამდე გახანგრძლივდა, ნათქვამია საქართველოს მთავრობის განკარგულებაში შესულ  ცვლილებებში.

კორონავირუსის პანდემიის გამო საქართველოს ხელისუფლებამ 14 მარტიდან 31 ივლისამდე პერიოდში უცხოელებისა და მოქალაქეობის არმქონე პირებისთვის საქართველოს ტერიტორიაზე კანონიერი ყოფნის საშეღავათო პერიოდი აამოქმედა.  1 აგვისტოდან კი ყველა მათგანი არალეგალად ითვლება.

განკარგულებაში შესული ცვლილებების თანახმად, 14 მარტიდან 31 დეკემბრამდე პერიოდში საქართველოში ლეგალურად ყოფნის უფლება ექნებათ მხოლოდ იმ მოქალაქეებს, რომელთაც ქვეყანაში ყოფნის ვადა გაუვიდათ, თუმცა, ქვეყანაში მათი ყოფნა გარკვეული გარემოებებით არის გამოწვეული. 

კერძოდ, გარემოებები შემდეგია: სახელმწიფო, რომლის მოქალაქეებიც ისინი არიან, ინფიცირების მაღალი რისკის ზონაშია, ან თუ სახელმწიფომ საზღვრის კვეთაზე შეზღუდვები დააწესა, ან თუ პირი იმყოფება საავადმყოფოში, კარანტინსა ან თვითიზოლაციაში, ან თუ სამშობლოში დაბრუნებაში მას ხელს გაუქმებული ავიარეისები უშლის.

საქართველოში ყოფნის კანონიერი ვადის ამოწურვის შემდეგ უცხოეთის მოქალაქე ვალდებულია ქვეყანა დატოვოს, წინააღმდეგ შემთხვევაში მას ჯარიმა ან ქვეყნიდან გაძევება ემუქრება, რომელიც ითვალისწინებს ქვეყანაში შემოსვლაზე აკრძალვას ორიდან ხუთ წლამდე ვადით.

ქვეყნიდან გაძევების გადაწყვეტილებას საქართველოს შინაგან საქმეთა სამინისტრო იღებს – თითოეულ კონკრეტულ შემთხვევაში გადაწყვეტილება ინდივიდუალურია.

რაც შეეხება ჯარიმებს, ვადის ამოწურვის შემდეგ სამი თვის განმავლობაში მათ ჯარიმა 180 ლარი ეკისრებათ, შემდგომ პერიოდში კი ჯარიმის ოდენობა ორმაგდება.

49
თემები:
COVID-19 საქართველოში
მთავრობის სხდომა

საქართველოს მთავრობაში ახალი მინისტრია

68
(განახლებულია 15:51 06.08.2020)
თეა ახვლედიანმა პოსტზე ქეთევან ციხელაშვილი შეცვალა, რომელიც 22 მაისიდან საქართველოს მუდმივი წარმომადგენელია ეუთოს მისიაში და ვენაში მდებარე საერთაშორისო ორგანიზაციებში, ასევე საქართველოს ელჩი ავსტრიაში.

თბილისი, 6 აგვისტო — Sputnik. შერიგებისა და სამოქალაქო თანასწორობის საკითხებში სახელმწიფო მინისტრის თანამდებობა თეა ახვლედიანმა დაიკავა, რომელიც მანამდე ჯანდაცვის მინისტრის მოადგილე იყო. ამის შესახებ ხუთშაბათს გამართულ მთავრობის სხდომაზე პრემიერ-მინისტრმა გიორგი გახარიამ განაცხადა.

თეა ახვლედიანმა ამ პოსტზე ქეთევან ციხელაშვილი შეცვალა, რომელიც 22 მაისიდან საქართველოს მუდმივი წარმომადგენელია ეუთოს მისიაში და ვენაში მდებარე საერთაშორისო ორგანიზაციებში, ასევე საქართველოს ელჩი ავსტრიაში. 

„მინდა პირველ რიგში მას მივულოცო ეს დიდი და საპასუხისმგებლო თანამდებობა. ის ყოველთვის იყო ჩვენი გუნდის წევრი, მაგრამ უკვე იჯდება ამ მრგვალ მაგიდასთან... მას აქვს დიდი და სერიოზული გამოცდილება ჩვენი დიპლომატიური გუნდის წარმომადგენლობაში როგორც ევროპის, ისე კონფლიქტების მიმართულებით“, – განაცხადა გახარიამ.

ქეთევან ციხელაშვილი შერიგებისა და თანასწორობის საკითხებში სახელმწიფო მინისტრის თანამდებობაზე 2016 წლის ივლისში დაინიშნა. მინისტრის პოსტზე ყოფნის განმავლობაში იგი აქტიურად იყო დაკავებული საქართველოს ხელისუფლების მიერ არაკონტროლირებადი აფხაზეთისა და ცხინვალის რეგიონის მოსახლეობისთვის მთავრობის მხრიდან შეთავაზებული სერვისებსა და დახმარებებზე წვდომის, ასევე საქართველოში ეროვნული უმცირესობების ინტეგრაციის საკითხებით.

ამიერიდან აღნიშნული საკითხებით თეა ახვლედიანი დაკავდება.

 

68
თემები:
საქართველოს მთავრობა
გერმანული ნაგაზი

გერმანულმა ნაგაზმა დედა და ერთი წლის ბავშვი გადაარჩინა

0
(განახლებულია 17:19 06.08.2020)
გერმანულმა ნაგაზმა მაქსმა, რომელმაც სულ ცოტა ხნის წინ დაასრულა წვრთნა, პირველსავე დავალებაზე დედა და ერთი წლის ბავშვი გადაარჩინა

თბილისი, 6 აგვისტო ― Sputnik. პოლიციის ძაღლმა სახელად მაქსმა სამსახურში გასვლის პირველსავე დღეებში დედა და პატარა ბავშვი გადაარჩინა, იუწყება BBC.

​გავრცელებული ინფორმაციით, მიმდინარე წლის თებერვალში, ბრიტანეთში მცხოვრები ოჯახი ორი დღის განმავლობაში ვერ უკავშირდებოდა ერთი წლის ბავშვთან ერთად ავტომობილით სასეირნოდ გასულ ქალს —  მობილური ტელეფონი გამორთული იყო.

საბოლოოდ ოჯახმა პოლიციას მიმართა დახმარებისთვის, რომლებმაც საქმეში პოლიციის კინოლოგები და ძაღლები ჩართეს. მათ შორის იყვნენ პიტერ ლოიდი და მისი ოთხფეხა მეწყვილე — გერმანული ნაგაზი მაქსი, რომლისთვისაც ეს პირველი სერიოზული დავალება იყო — სწავლება და წვრთნა მან სულ ცოტა ხნის წინ დაასრულა.

ირკვევა, რომ კვალი პირველმა მაქსმა აიღო და პოლიციელები მთის ფერდობთან მიიყვანა, სადაც მათ ფრიალო კლდეზე თოვლის ნამქერსა და ქვის ლოდებში გაჭედილი ავტომობილი შენიშნეს.   

სამართალდამცევლებმა მაშინვე გამოიძახეს დამატებითი ძალები — ვერტმფრენი და ასევე სამაშველო ძალები. რამდენიმე საათიანი ოპერაციის შემდეგ მაშველებმა ცოცხლები ამოიყვანეს ავტონობილიდან სიცივისგან გათოშილი და შიმშილით გულშეღონებული დედა–შვილი.

 

0
თემები:
მსოფლიო დღეს