ჟენევა

მძიმე ფონი და რთული მოლაპარაკებები: რაზე ისაუბრეს ჟენევის მორიგ რაუნდზე

141
(განახლებულია 13:28 04.07.2019)
ქართულმა მხარემ რუსეთ-საქართველოს ურთიერთობების მოგვარების აუცილებლობაზე მიუთითა.

თბილისი, 4 ივლისი – Sputnik. სამხრეთ კავკასიაში უსაფრთხოების საკითხებზე ჟენევის დისკუსიების მორიგი რაუნდი მძიმე იყო, აღიარეს საქართველოსა და რუსეთის საგარეო საქმეთა მინისტრების მოადგილეებმა.

დღეს ჟენევის მოლაპარაკებების მორიგი რაუნდი გაიმართება >>

ჟენევის საერთაშორისო მოლაპარაკებები საქართველოსა და რუსეთს შორის პოლიტიკური დიალოგის ერთადერთი ფორმატია, რომელიც ცეცხლის შეწყვეტის შესახებ შეთანხმების საფუძველზე მიმდინარეობს. დიპლომატიური ურთიერთობები საქართველოსა და რუსეთს შორის თბილისის გადაწყვეტილებით 2008 წლის აგვისტოს ომის შემდეგ მოსკოვის მიერ აფხაზეთისა და ცხინვალის რეგიონის დამოუკიდებლობის აღიარების საპასუხოდ შეწყდა.

„48-ე რაუნდი, შეიძლება ითქვას, ჩაიშალა ისე, როგორც წინა რაუნდები. ტრადიციულად და სამწუხაროდ, როგორც კი დადგა საკითხი დევნილთა დაბრუნებაზე, რუსეთის დელეგაციამ მაშინვე დატოვა მოლაპარაკების მაგიდა. რთულ მიმდინარე საკითხებს დაემატა მძიმე ფონიც“, – განაცხადა საქართველოს საგარეო საქმეთა მინისტრის მოადგილემ და ჟენევის საერთაშორისო მოლაპარაკებებში ქვეყნის დელეგაციის ხელმძღვანელმა ლაშა დარსალიამ.

ამასთანავე მან მიუთითა, რომ რუსეთ-საქართველოს ურთიერთობებში დამატებითი დაძაბულობა არავის არ სჭირდება.

„ყველამ უნდა ვიმუშაოთ არსებული ვითარების დეესკალაციაზე. უნდა გადავდგათ ნაბიჯები, რომ მაქსიმალურად დაიწიოს ტემპერატურამ და დაძაბულობამ ქვეყნებს შორის“, – აღნიშნა მან.

მძიმე ფონი

რუსეთის საგარეო საქმეთა მინისტრის მოადგილემ გრიგორი კარასინმა აღნიშნა, რომ მოლაპარაკების ეს რაუნდი კიდევ უფრო დაძაბული იყო თბილისში მიმდინარე ანტირუსული მასობრივი აქციების გამო.

„ჩვენ ვიგრძენით, რომ თავმჯდომარეები ღელავდნენ, რადგან არ იცოდნენ, როგორ გამოვლინდებოდა ეს, იქნებოდა თუ არა დაუფარავი კონფრონტაცია შეხვედრაზე. ჩვენ შევთანხმდით, რომ ეს ჟენევის დისკუსიების დღის წესრიგი არ არის და მიმდინარე დღის წესრიგით მუშაობის წინადადებით გამოვედით. ვისაუბრეთ უსაფრთხოებასა და ჰუმანიტარულ საკითხებზე, ადგილზე არსებულ ვითარებაზე, ძალის არგამოყენებაზე და ა.შ.“, – განაცხადა კარასინმა.

მისი თქმით, თბილისში მიმდინარე მოვლენები მოლაპარაკებაზე არ განხილულა.

„ჩვენ არ განგვიხილავს თბილისში შექმნილი სიტუაცია, მაგრამ აღვნიშნეთ, რომ დემონსტრაციებზე რადიკალების მიერ გამოთქმული უპასუხისმგებლო განცხადებები განწყობაზე მოქმედებს. მაგალითად, სალომე ზურაბიშვილის განცხადებას ბომბის აფეთქების ეფექტი ჰქონდა. შემდეგ იყო დემონსტრანტების წამოძახილები – ამას შეუმჩნევლად არ ჩაუვლია“, – აღნიშნა კარასინმა.

როგორც მან განაცხადა, ჟენევაში მოლაპარაკების მომდევნო რაუნდი ოქტომბერში გაიმართება.

პროტესტი თბილისში

რუსთაველის გამზირზე საპროტესტო ტალღა მას შემდეგ აგორდა, რაც რუსეთის სახელმწიფო სათათბიროს დეპუტატმა სერგეი გავრილოვმა საქართველოს პარლამენტის თავმჯდომარის სავარძელი დაიკავა და რუსულ ენაზე მიმართა სხდომაზე შეკრებილებს. ოპოზიციამ ხელისუფლება სამშობლოს ღალატში დაადანაშაულა, ხელისუფლებამ კი „პროტოკოლურ დარღვევებზე“ გააკეთა განცხადება. 21 ივნისის ღამეს ანტირუსული აქცია არეულობაში გადაიზარდა. პოლიციამ დააკავა 300-ზე მეტი ადამიანი, 240 დაშავდა, ორმა თვალი დაკარგა.

გავრილოვი განმარტავს: რატომ აღმოვჩნდი საქართველოს პარლამენტის თავმჯდომარის სავარძელში >>

თბილისში განვითარებულ მოვლენებს რუსეთმა უპასუხა პირდაპირი ავიარეისების აკრძალვით, რუსმა ტუროპერატორებმა კი შეწყვიტეს განაცხადების მიღება საქართველოს საგზურებზე. ბოლო დრომდე რუსეთი საქართველოში ტურისტების რაოდენობით პირველ ადგილს ინარჩუნებდა.

141
თემები:
ქართულ–რუსული ურთიერთობები (171)
„ქართული ოცნების დროშები

„ქართული ოცნება“ წინასაარჩევნო რეიტინგების ლიდერია კიდევ ერთი გამოკითხვა

17
(განახლებულია 17:46 13.08.2020)
პარტიების რეიტინგში მეორე ადგილზე „ოცნების" შემდეგ ყოფილი მმართველი ძალა „ერთიანი ნაციონალური მოძრაობა“ აღმოჩნდა.

თბილისი, 13 აგვისტო – Sputnik. საქართველოს მოსახლეობის უმეტესობა მზადაა, საპარლამენტო არჩევნებზე მხარი მმართველ პარტიას „ქართული ოცნება – დემოკრატიული საქართველო“ დაუჭიროს. ამაზე მეტყველებს ტელეკომპანია Rustavi 2–ის დაკვეთით კვლევითი კომპანია Survation–ის მიერ ჩატარებული გამოკითხვის შედეგები.

გამოკითხვის მონაცემებით, საპარლამენტო არჩევნები რომ ხვალ ტარდებოდეს, მმართველ პარტიას ხმას გამოკითხულთა 52% მისცემდა.

საქართველოს ყოველი მესამე მცხოვრები ხმას „ქართულ ოცნებას“ მისცემს – IRI-ს გამოკითხვა>>

მეორე ადგილზეა „ნაციონალური მოძრაობა, რომელსაც ხმას გამოკითხულთა 19% მისცემდა. მესამე ადგილი, ტრადიციულად, „ევროპულმა მოძრაობამ თავისუფლებისთვის“ დაიკავა 8%–ით.

შემდეგ მოდიან პარტიები: „საქართველოს პატრიოტთა ალიანსი“ – 5%, „გიორგი ვაშაძე – სტრატეგია აღმაშენებელი“ – 4% და სხვ.

არჩევნებზე წასვლისთვის მზადაა გამოკითხულთა 65%, კიდევ 13%–მა უპასუხა, რომ დიდი ალბათობით წავა. კიდევ 13 პროცენტი ეჭვობს, წავა თუ არა, ხოლო არჩევნებში მონაწილეობაზე უარი 8%–მა განაცხადა.

კომპანიამ 2–22 ივლისის პერიოდში სულ გამოკითხა 1,2 ათასი ადამიანი. გამოკითხვის ცდომილება ცნობილი არ არის.

სხვა გამოკითხვები

კომპანია Survation–ის გამოკითხვა ივლისში ამ ზაფხულს ჩატარებული უკვე მესამე გამოკითხვა იყო. ყველა დანარჩენი გამოკითხვის თანახმად, მმართველი პარტია პირველ ადგილს იკავებს, ხოლო მას „ნაცმოძრაობა“ მოსდევს.

პარტია Edisson Research–ის გამოკითხვა IRI–ს გამოკითხვა Survation–ის გამოკითხვა
„ქართული ოცნება" 39% 33% 52%
„ნაცმოძრობა" 16% 16% 19%
„ევროპული საქართველო" 5% 5% 8*
„პატრიოტთა ალიანსი" 3% 3% 5%
„გიორგი ვაშაძე – სტრატეგია აღმაშენებელი“ 3% 3% 4%
„ლელო საქართველოსთვის 3% 2% 5%
17
თემები:
საქართველოს საპარლამენტო არჩევნები 2020
თეა წულუკიანი

მასშტაბური რეფორმა რა სიახლეები შევა მეწარმეთა შესახებ ახალ კანონპროექტში

46
(განახლებულია 16:34 13.08.2020)
მინისტრის თქმით, ახალი კანონპროექტის  თითოეული თავი სხვადასხვა სამართლებრივი ფორმის სამეწარმეო ორგანიზაციებს ეთმობა

თბილისი, 13 – Sputnik. დღეს ჩვენ დავასრულეთ სრულიად ახალ კანონპროექტზე მუშაობის მრავალწლიანი პროცესი, რომელსაც ჰქვია საქართველოს კანონი მეწარმეთა შესახებ, განაცხადა საქართველოს იუსტიციის მინისტრმა თეა წულუკიანმა მთავრობის ადმინისტრაციაში გამართულ ბრიფინგზე.

როგორც მინისტრმა განმარტა, ეს კანონი 1994 წელს მიღებულ მეწარმეთა შესახებ კანონს ჩაანაცვლებს, რომელიც, მიუხედავად 2008 წელს განხორციელებული ცვლილებებისა, საერთოდ არ პასუხობს თანამედროვეობას, ბიზნესწრეების ინტერესებსა და გამჭვირვალობის პრინციპებს, რომელიც თავისუფალი მეწარმეობისთვის აუცილებელია.

რა საჭიროა ანტიდემპინგური კანონი და რა სარგებელს მოუტანს ის ქართულ ბაზარს>>

წულუკიანის განცხადებით, მნიშვნელოვანია, რომ ბევრი ისეთი ახალი რეგულაცია შემოდის, რომელიც დავის შემთხვევაში ხელმძღვანელობას გაუწევს როგორც მეწარმეებს, ასევე მოსამართლეებს.

„მნიშვნელოვანია, რომ ძალიან ბევრი ახალი რეგულაცია შემოდის, რომელიც არასავალდებულო ხასიათისაა, ანუ დისპოზიციურია, მაგრამ ხელმძღვანელობას გაუწევს როგორც მეწარმეებს, ასევე მოსამართლეებს - დავის შემთხვევაში. რა საკვირველია, არის იმპერატიული ნორმებიც, მაგრამ ამ კანონით იქმნება სრულიად თავისუფალი, რეგულირებული და განჭვრეტადი ატმოსფერო და ბიზნესკლიმატი კიდევ უფრო უნდა გაუმჯობესდეს“, -აღნიშნა მინისტრმა.

მისი თქმით, ახალი კანონპროექტის თითოეული თავი სხვადასხვა სამართლებრივი ფორმის სამეწარმეო ორგანიზაციებს ეთმობა, იქნება ეს სააქციო საზოგადოება, შპს, სოლიდარული პასუხისმგებლობის საზოგადოება, კოოპერატივი თუ კომანდიტური საზოგადოება. ასევე, შემოდის სხვადასხვა ევროპული სტანდარტი, მათ შორის, სადამფუძნებლო დოკუმენტების საჯარო რეესტრში წარდგენის მიმართულებით.

„ესაა მასშტაბური რეფორმა, ესაა ის რეფორმა, რომელსაც არა მხოლოდ დარგობრივი უწყებები, ეკონომიკისა და ფინანსთა სამინისტროები, არამედ ჩვენი ბიზნესმენებიც, მრავალი წელია, ელოდნენ და 2013 წელს მათთან ერთად დაწყებული ეს პროცესი დღეს დასრულდა“, -აღნიშნა იუსტიციის მინისტრმა.

მინისტრის თქმით, ახალი კანონპროექტი ორი კვირის განმავლობაში გამოქვეყნდება საქართველოს საკანონმდებლო მაცნეზე.

პარლამენტის მიერ პროექტის დამტკიცების შემთხვევაში, ახალი რეგულაციები ძალაში 2021 წლის პირველი იანვრიდან შევა.

46