თამარ ჩუგოშვილი

ჩუგოშვილი: ხელისუფლება საარჩევნო ცვლილებებს ოპოზიციის გარეშე ვერ გაიტანს

90
(განახლებულია 14:21 01.07.2019)
მმართველ პარტიას საარჩევნო სისტემის შესაცვლელად ოპოზიციის მხარდაჭერა სჭირდება, რადგან საკონსტიტუციო უმრავლესობა პარლამენტში არ გააჩნია.

თბილისი, 1 ივლისი — Sputnik. საქართველოს პარლამენტის ვიცე-სპიკერმა თამარ ჩუგოშვილმა დაასახელა ის პოლიტიკური ძალები, რომლებთანაც მმართველი პარტია „ქართული ოცნება - დემოკრატიული საქართველო“ 2020 წლის საპარლამენტო არჩევნებისთვის საარჩევნო სისტემის შეცვლის შესახებ მოლაპარაკებებს გამართავს.

მმართველი პარტია „პროპოციული არჩევნები 2020“-ის პრეზენტაციისთვის ემზადება >>

მომიტინგეთა ზეწოლის შედეგად ხელისუფლება დათანხმდა – მომდევნო საპარლამენტო არჩევნები პროპორციული სისტემით ჩაატაროს, ამასთან ნულოვანი გამსვლელი ბარიერის პირობებში. იქიდან გამომდინარე, რომ პარლამენტში შეიძლება იმაზე გაცილებით მეტი პარტია მოხვდეს, ვიდრე რაიმე ბარიერის არსებობის შემთხვევაში, მომდევნო მთავრობა შეიძლება კოალიციური გახდეს.

მოქმედი კონსტიტუციით საარჩევნო სისტემის შეცვლა - შერეულის პროპორციულით ჩანაცვლება - მხოლოდ 2024 წლის არჩევნებისთვის უნდა მომხდარიყო. აქამდე 77 დეპუტატს პარტიული სებით ირჩევდნენ, 73-ს - ერთმანდატიან მაჟორიტარულ ოლქებში.

„ქართული ოცნება“ 1 ივლისს გამართავს პრეზენტაციას სახელწოდებით „პროპორციული არჩევნები 2020“, სადაც რეფორმის საკუთარ ხედვას წარმოადგენს.

„ერთიანი ნაციონალური მოძრაობა“ ქვეყანაში ერთ-ერთი მთავარი ოპოზიციური ძალაა და, რა თქმა უნდა, თუ მათ აქვთ ამ შეხვედრაზე მოსვლის ან საუბრის სურვილი, მათ პრობლემა არ ექნებათ... „ქართული ოცნება“ ამ საკონსტიტუციო ცვლილებას მარტო ვერ გაიტანს, ამისათვის მას საპარლამენტო ოპოზიციის ხმები დასჭირდება“, – განუცხადა ჟურნალისტებს ჩუგოშვილმა.

საპარლამენტო არჩევნები პროპორციული სისტემით ჩატარდება - ივანიშვილის საგანგებო განცხადება >>

2016 წლის არჩევნების შედეგებით პარლამენტში სამი პარტია გავიდა - მმართველი „ოცნება“, „ნაციონალური მოძრაობა“ და „საქართველოს პატრიოტთა ალიანსი“. არჩევნების შემდეგ „ნაცმოძრაობა“ დატოვა დეპუტატთა ნაწილმა, რომლებმაც შექმნეს პარტია „ევროპული საქართველო - მოძრაობა თავისუფლებისთვის“.

ჩუგოშვილის თქმით, მისაღები საკონსტიტუციო ცვლილებების განსახილველად მოწვეულია ყველა პარტია. მმართველი პარტია არ გამართავს მოლაპარაკებებს მხოლოდ ცალკეულ პოლიტიკოსებთან, რომლებიც მთავრობის დამხობის მოწოდებებით გამოდიან.

ამასთან ვიცე-სპიკერმა არ გამორიცხა, რომ „ქართული ოცნების“ დეპუტატებს შორის იქნებიან ისეთებიც, ვინც არჩევნების პროპორციული სისტემით ჩატარებას ეწინააღმეგება.

ცვლილებები კონსტიტუციაში: „ქართული ოცნება“ ოპოზიციას  იწვევს >>

„ქართული ოცნების“ ინიციატივასთან დაკავშირებით წამყვანმა ოპოზიციურმა პარტიებმა შაბათს გამოთქვეს საკუთარი პოზიცია და წამოაყენეს სამი მოთხოვნა, რაც რეფორმას უკავშირდება.

პირველ რიგში მათ მოითხოვეს, რომ პარლამენტმა მათი საკანონმდებლო ინიციატივა „ქართული ოცნების“ ინიციატივასთან ერთად დაარეგისტრიროს. ოცმა ოპოზიციურმა პარტიამ შეაგროვა და ივნისის შუა რიცხვებში შეიტანა პარლამენტში მოქალაქეთა დაახლოებით 300 ათასი ხელმოწერა საპარლამენტო არჩევნების პროპორციულ სისტემაზე გადასვლის მხარდასაჭერად 3%-იანი ბარიერის პირობებში.

ოპოზიციონერებმა ასევე მოითხოვეს სახალხო კომისიის ან სპეციალური ფორმატის შექმნა კონსტიტუციაში ცვლილებების შესატანად ოპოზიციისა და მმართველი პარტიის დიალოგისთვის. ამასთან ისინი მოითხოვენ, რომ კომისიაში შევიდნენ ხელისუფლებისა და საზოგადოების წარმომადგენლები, ცესკოს წევრები, საპარლამენტო და არასაპარლამენტო ოპოზიცია და ასევე საპროტესტო აქციების მონაწილეები.

უცხოელთა რეაქცია: საელჩოები საქართველოში მიმდინარე მოვლენებს ეხმაურებიან >>

საარჩევნო სისტემის შეცვლა მომიტინგეთა ერთადერთი მოთხოვნა არ ყოფილა. საპროტესტო ტალღა აგორდა მას შემდეგ, რაც გაირკვა, რომ საქართველოს პარლამენტში დილიდან იმყოფებოდა რუსეთის სათათბიროს დეპუტატი სერგეი გავრილოვი და მართლმადიდებლობის საპარლამენტთაშორისო ასამბლეას სპიკერის სავარძლიდან ხელმძღვანელობდა.

ოპოზიციამ ხელისუფლებას სამშობლოს ღალატში დასდო ბრალი, რადგან ქვეყანაში არა მარტო შემოუშვეს ადამიანი, რომელიც აფხაზეთისა და ცხინვალის რეგიონის დამოუკიდებლობას უჭერს მხარს, არამედ მას პარლამენტში საპატიო ადგილიც დაუთმეს. ხელისუფლებამ მომხდარს „პროტოკოლური შეცდომა“ უწოდა.

თავდაპირველად 20 ივნისის საპროტესტო აქცია მშვიდობიან ხასიათს ატარებდა, მაგრამ 22:00 საათისთვის აქციის მონაწილეთა ნაწილმა ძალის გამოყენებით და პოლიციელებზე თავდასხმით პარლამენტის შტურმით აღება სცადა. პოლიციამ ორი საათის მოგერიების შემდეგ ცრემლსადენი გაზი და რეზინის ტყვიები გამოიყენა. მოგვიანებით შინაგან საქმეთა მინისტრმა და პრემიერ-მინისტრმა პოლიციის მოქმედებას უწოდეს იძულებითი ზომა, რომელიც ძალადობრივი გზით ხელისუფლების შეცვლის მცდელობის აღსაკვეთად გახდა საჭირო.

გიორგი გახარია: მე შემიძლია ხვალვე გადავდგე... >>

არეულობისა და აქციის შემდგომი დაშლის შედეგად დაშავდა 240 ადამიანი, მათ შორის 80 პოლიციელი, 30-ზე მეტი ჟურნალისტი. ჯანდაცვის სამინისტროს ბოლო მონაცემებით, საავადმყოფოებში ექვსი ადამიანი რჩება. რეზინის ტყვიის მოხვედრის შედეგად ორმა ადამიანმა თვალი დაკარგა.

იმ ღამეს 300-ზე მეტი მომიტინგე დააკავეს.

საპროტესტო აქციები იმ დროიდან არ წყდება, თუმცა მშვიდობიან ხასიათს ატარებს. ხელსუფლებამ თითქმის ყველა მოთხოვნა შეასრულა – დათანხმდა საარჩევნო სისტემის შეცვლას, გადააყენა პარლამენტის თავმჯდომარე ირაკლი კობახიძე, არეულობის დროს დაკავებული პრაქტიკულად ყველა პირი გაათავისუფლა და პოლიციის მიერ ძალის გადამეტებაზე გამოძიება დაიწყო. შეუსრულებელი რჩება მხოლოდ ერთი მოთხოვნა – შინაგან საქმეთა მინისტრ გიორგი გახარიას გადადგომა.

90
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
რომან გოცირიძე

დრამატიზება საჭირო არაა გოცირიძემ „ევროპული საქართველოს“ მაჟორიტარების სია შეაფასა

71
(განახლებულია 18:47 03.08.2020)
„ნაციონალურ მოძრაობაში“ „ევროპული საქართველოს“ კანდიდატების შეფასებაში ფრთხილი არიან იმ დროს, როცა „ქართული ოცნება“ მათში სერიოზულ კონკურენტებს ვერ ხედავს

თბილისი, 3 აგვისტო – Sputnik. არაა საჭირო იმ ფაქტის დრამატიზება, რომ „ნაციონალური მოძრაობა“ და „ევროპული საქართველო“ ზოგიერთ საარჩევნო ოლქში შეიძლება მეტოქეები გახდნენ, განაცხადა ოპოზიციური ფრაქცია „ერთიანი ნაციონალური მოძრაობის“ თავმჯდომარე რომან გოცირიძემ „ევროპული საქართველოს“ მაჟორიტარების სიაზე კომენტარისას.

ბოკერია და უგულავა მაჟორიტარი კანდიდატები: „ევროპულმა საქართველომ“ კანდიდატები დაასახელა>>

დღეს „ევროპული საქართველოს“ თავმჯდომარე დავით ბაქრაძემ 2020 წლის საპარლამენტო არჩევნებში 30–დან 16 მაჟორიტარობის კანდიდატი წარმოადგინა. ზუგდიდში დეპუტატობისთვის იბრძოლებს თბილისის ყოფილი მერი გიგი უგულავა, ხოლო ფოთი–ხობი–სენაკის საარჩევნო ოლქში – გიგა ბოკერია.

როგორც გოცირიძემ ჟურნალისტებს განუცხადა, „ევროპულმა საქართველომ“ აბსოლუტურად სწორი გადაწყვეტილება მიიღო, როდესაც რეგიონებში მაჟორიტარობის კანდიდატები წარმოადგინა.

მისი თქმით, როდესაც ახალი საარჩევნო სისტემით ადგილების 80% პარლამენტში პროპორციული არჩევნების შედეგებით განისაზღვრება, ბუნებრივია, რომ პოლიტიკური პარტიები, პირველ რიგში, კონკურენტები აიან.

„ოპოზიციას შორის უპრეცედენტო ისტორიული შეთანხმება მოხდა, როცა გამარჯვებას მივაღწიეთ და პროპორციულთან მიახლოებული საარჩევნო სისტემა იქნა მიღებული, თბილისის ექვს ოლქში შეთანხმებული კანდიდატია დაყენებული. არჩევნებში ამაზე მეტს ოპოზიციას ნუ მოვთხოვთ. ჩვენ ახლა კონკურენტები ვართ, შემდეგ, როცა პარლამენტში შემოვალთ და კოალიციურ ხელისუფლებას შევქმნით, პარტნიორები ვიქნებით“, – განაცხადა გოცირიძემ.

ყველაზე „უტყვი" და ყველაზე „ბობოქარი" დეპუტატი – ვინ რით გაითქვა სახელი>>

მისი თქმით, არჩევნები ყოველთვის კონკურენცია, მოლაპარაკებები, შეთქნხმებები და უთანხმოებებია.

გოცირიძე მიიჩნევს, რომ 30 ოლქიდან უმეტესობაში მეორე ტური გაიმართება. მისი თქმით, პარტია, რომელიც მეორე ტურში გავა, მთელი ოპოზიციური სპექტრის მხარდაჭერას მიიღებს.

„დავეხმარებით ყველას, თუ მათ მეორე ტურში გასვლა შეძლეს ისევე, როგორც მთელი ოპოზიციური სპექტრი დაეხმარება „ნაციონალურ მოძრაობას“ მეორე ტურში. სხვა სახის არჩევნებია, წარმოუდგენელია, „ქართულმა ოცნებამ“ ხმების 40 – 45%-ზე მეტი მოაგროვოს თავის სატელიტებთან ერთად“, – განაცხადა გოცირიძემ.

 „ევროპული საქართველოს“ შანსები არაპერსპექტიულად მიაჩნია პარლამენტის ვიცე–სპიკერს, „ქართული ოცნების“ ერთ–ერთ ლიდერს გია ვოლსკის.

„იმ ადამიანების პერსპექტივას ვერ ვხედავ, ვინც პირდაპირ კავშირშია იმ რეჟიმთან, რომელმაც საქართველოს ის შედეგი მოუტანა, რასაც ყველა ვუყურებთ. ეს არის სიღარიბის ზღვარს ქვემოთ მყოფი ადამიანების უშველებელი არმია, ოკუპირებული ტერიტორიები და უამრავი ოჯახი, რომლის კისერზეც გადაიარა არაადამიანური მმართველობის სისტემამ“, – განაცხადა ვოლსკიმ.

რაც შეეხება „ქართული ოცნების“ კანდიდატებს, მათ დეპუტატმა „ინტელექტუალური პოტენციალის მქონე, სამშობლოს მოყვარული, თავის საქმეში მაღალი დონის ექსპერტები“ უწოდა.

„რაც არ უნდა იფახიფუხოს გიგი უგულავამ, რომ ბიძინა ივანიშვილს ებრძვის, მას ჯერ საზოგადოების ხმების მიღება მოუწევს. ტრაბახს თავი დაანებოს. სჯობს, თავისი ხედვები გაგვაცნოს, როგორ აპირებს, წარმოადგინოს ეს მეტად მნიშვნელოვანი რეგიონი საქართველოს პარლამენტში“, – განაცხადა ვოლსკიმ.

უგულავას ზუგდიდში არჩევნებზე მმართველი პარტიიდან პრემიერ–მინისტრის ვიცე–სპიკერი ირაკლი ჩიქოვანი დაუპირისპირდება.

71
თემები:
საქართველოს საპარლამენტო არჩევნები 2020
არჩილ თალაკვაძე

უსაფრთხოების პროტოკოლი საერთაშორისო დამკვირვებლებისთვის: ქვეყანა არჩევნებისთვის ემზადება

56
(განახლებულია 18:21 03.08.2020)
საერთაშორისო დამკვირვებლები, კარანტინში მოთავსების სანაცვლოდ, საქართველოში ჩამოსვლამდე სპეციალურ მოდულზე დარეგისტრირდებიან, მათი უსაფრთხოება არჩევნებზე მუშაობის დროსაც გარანტირებული იქნება

თბილისი, 3 აგვისტო – Sputnik. საქართველოს პარლამენტსა და მთავრობაში აქტიურად მუშაობენ წესებსა და სტანდარტებზე, რომლებიც არჩევნებს უსაფრთხოს გახდის.

საპარლამენტო არჩევნები საქართველოში 2020 წლის 31 ოქტომბერს კორონავირუსის პანდემიის პირობებში ჩატარდება. ეს მთავრობას უსაფრთხოების თვალსაზრისით დამატებით პასუხისმგებლობას აკისრებს.

როგორც ჟურნალისტებს საქართველოს პარლამენტის თავმჯდომარე არჩილ თალაკვაძემ განუცხადა, უკვე მიღებულია შესაბამისი საკანონმდებლო რეგულაციები. უსაფრთხოების პროტოკოლი უკვე მომზადებულია. ის პანდემიის პრიობებში საერთაშორისო დამკვირვებლების ჩამოსვლასა და მუშაობას უზრუნველყოფს.

თალაკვაძის განცხადებით, უსაფრთხოების პროტოკოლზე, რომელიც არჩევნების დროს იქნება გამოყენებული, საარჩევნო ადმინისტრაცია ჯანდაცვის სამსახურებთან ერთად მუშაობს. ეს იმისთვისაა საჭირო, რომ უსაფრთხო გარემო იყოს უზრუნველყოფილი საარჩევნო ყუთთან მისული მოქალაქეებისთვის.

„ასევე დამკვირვებლებისთვის შექმნილია უსაფრთხოების სპეციალური პროტოკოლი, რომელიც ქვეყანაში დამკვირვებლების უსაფრთხოდ ჩამოსვლასა და  მათი საქმიანობის შეუფერხებლად განხორციელებას უზრუნველყოფს. მათ კარანტინში განთავსება არ მოუწევთ, ამისთვის სპეციალური მოდული არის შექმნილი, სადაც ყველა დამკვირვებელს შეუძლია დარეგისტრირება“, – განაცხადა თალაკვაძემ.

არჩევნები 2020: გაივლიან თუ არა კარანტინს საერთაშორისო დამკვირვებლები>>

მისი თქმით, უკვე დაწყებულია სამუშაო შეხვედრები დიდ სადამკვირვებლო ინსტიტუტებთან.

ამჯერად საპარლამენტო არჩევნები შერეული სისტემით ჩატარდება – მოსახლეობა 120 დეპუტატს პროპორციული, ხოლო 30–ს – მაჟორიტარული სისტემით აირჩევს.

56
თემები:
საქართველოს საპარლამენტო არჩევნები 2020
სავსე მთვარე

მთვარის კალენდარი: 4 აგვისტო რისი გაკეთება შეიძლება და რისი არა

0
(განახლებულია 16:54 03.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 აგვისტო, სამშაბათი. ამ დღეს მარსი მართავს. სავსე მთვარე კლებას იწყებს. ის მერწყულის ნიშანშია.

ენერგეტიკული დღეა. მომატებულია ცდუნებების, სიზარმაცის ალბათობა. კარგი იქნება ემოციებისა და ვნებების გაკონტროლება, სიმშვიდის შენარჩუნება, თვითდისციპლინა.

არაერთმნიშვნელოვანი დღეა. უფრო რთულია დღის პირველი ნახევარი. მიუხედავად გარკვეული სირთულეებისა, შესაძლებელი იქნება შრომის პირველი ნაყოფის დანახვა.

კარგი დღეა ფლირტისა და მეგობრობისთვის. თუ გსურთ, საწინააღმდეგო სქესის წარმომადგენლის ყურადღება მიიპყროთ, არ შეუშინდეთ ორიგინალუ აზრებსა და საქციელს. ამ დღეს დაწყებული სასიყვარულო ურთიერთობები უფრო მეგობრულ კავშირზე იქნება დამყარებული, ვიდრე ვნებაზე.

რეკომენდებულია მარტივი საქმეების დაწყება, რომლებიც არ მოითხოვს განსაკუთრებულ ძალისხმევას, ვაჭრობა, დასვენება, კომფორტის შექმნა სამუშაო ადგილზე, იდეებზე ყურადღების გამახვილება – შესაძლოა, მათ შორის ისეთი იდეა გაჩნდეს, რომელიც მომავალში დიდ წარმატებას მოიტანს.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია მნიშვნელოვანი საქმეების დაწყება, ბევრი მუშაობა, ამბიციების გამოვლენა, პასუხისმგებლობის სხვებზე გადაბარება, ფინანსური ოპერაციების ჩატარება, მნიშვნელოვანი მოლაპარაკებების წარმოება, აზარტს აყოლა.

მგზავრობა არახელსაყრელია, მზად უნდა იყოთ უსიამოვნო მომენტებისთვის.

თმის შეჭრა, შეღებვა: ნიშანი შესამჩნევ გავლენას თმის ხარისხზე არ ახდენს. კარგი დღეა ექსპერიმენტული და ექსტრავაგანტული შეჭრისა და ვარცხნილობისთვის.

რაც შეეხება შეღებვას, ასევე წარმატებული იქნება ექსპერიმენტები თქვენთვის უჩვეულო ფერთან დაკავშირებით.

მებაღეობა: არახელსაყრელი დღეა მცენარეების დათესვისა და დარგვისთვის. შეიძლება მარცვლოვანი კულტურებისა და ბოლქვიანების მოსავლის აღება, გაკრეჭა, შეწამვლა.

კარგი დღეა, თუ გსურთ რამე ექსპერიმენტის ჩატარება და ანომალიური ჯიშის გამოყვანა.

0