მამუკა ბახტაძე

ბახტაძე: „ნაციონალურმა მოძრაობამ“ საზოგადოების გულწრფელი პროტესტით ისარგებლა

127
(განახლებულია 23:19 25.06.2019)
პრემიერის განმარტებით, მომხდარს მიეცემა როგორც პოლიტიკური, ისე სამართლებრივი შეფასება, მათ შორის ძალის შესაძლო გადამეტების მიმართულებით.

თბილისი, 25 ივნისი – Sputnik. ის  რაც 20 ივნისს პარლამენტში მოხდა, შეცდომაა, არ უნდა მომხდარიყო, ამან გამოიწვია ჩვენი საზოგადოების გულწრფელი ვნებათაღელვა, მშვიდობიანი პროტესტი, რომელიც „ნაციონალურმა მოძრაობამ“ პროვოკაციისთვის გამოიყენა და შედეგად დაზარალდნენ ადამიანები, განაცხადა საქართველოს პრემიერ-მინისტრმა მამუკა ბახტაძემ, იუწყება პირველი არხი.

საპროტესტო აქციები თბილისში რუსი დეპუტატის სერგეი გავრილოვის მართლმადიდებლობის პარლამენტთაშორისი ასამბლეის სესიაზე ჩამოსვლის საპასუხოდ ტარდება. 21 ივნისის ღამეს აქცია არეულობასა და ანტისამთავრობო გამოსვლებში გადაიზარდა. პოლიციამ ცრემლსადენი გაზი და რეზინის ტყვიები გამოიყენა. დაშავებულთა რაოდენობამ 240–ს მიაღწია, აქედან 80 – პოლიციელია.

პრემიერის განცხადებით, „ნაციონალური მოძრაობა“ წლების განმავლობაში ცდილობს, დესტაბილიზაცია შემოიტანოს საზოგადოებრივ ცხოვრებაში. ოპოზიციამ ისარგებლა ადამიანების  გულწრფელი პროტესტით და შეეცადა, ეს გამოეყენებინა პროვოკაციისთვის.

პრემიერის განცხადებით, ის, რაც 20 ივნისს დილით ვიხილეთ, იყო ძალიან მძიმე სურათი ქართველებისთვის. ამან ძალიან დიდი ნეგატივი მოიტანა. მისი თქმით, ხელისუფლება სოლიდარული იყო იმ შეფასებებისა, რაც ქართულმა საზოგადოებამ გააკეთა.

ბახტაძის განცხადებით, საკმაოდ მწვავე განცხადებები გააკეთეს მმართველი გუნდის წევრებმაც.

„საღამოს ვიხილეთ გულწრფელი და სამართლიანი პროტესტი, მათ შორის, ეს მოდიოდა ჩვენი ახალგაზრდებისგან და ჩვენ, ყველა ერთიანი ვართ ამ შეფასებაში. მოგვიანებით განვითარებულმა მოვლენებმა გვიჩვენა, რომ „ნაციონალურმა მოძრაობამ“, რომელიც წლების განმავლობაში ცდილობს, დესტაბილიზაცია შემოიტანოს საზოგადოებრივ ცხოვრებაში, ისარგებლა გულწრფელი პროტესტით და შეეცადა, ეს გამოეყენებინა პროვოკაციისთვის“, – განაცხადა ბახტაძემ.

პრემიერის  განცხადებით, გავრცლებულ კადრებში ცხადად ჩანს, თუ როგორი აგრესიული შეტევა იყო პოლიციელებზე და პარლამენტზე.

„ვიხილეთ მძიმე კადრები და დავინახეთ, რომ სამართალდამცავები პარლამენტის შენობის პერიმეტრს არ გაცილებიან, ვიდრე იყო ამის თეორიული შესაძლებლობა. მიმდინარეობდა შეტევა პარლამენტის შენობაზე, ძალადობა პოლიციელებზე და ისინი იძულებული იყვნენ, გამოეყენებინათ ე.წ. სპეციალური საშუალებები, რომ დაეშალათ აგრესიულ ადამიანთა ჯგუფი“, – განაცხადა პრემიერმა.

ბახტაძის თქმით, ახლა ყველაზე მთავარია,  დაზარალებული მოქალაქეებისა და პოლიციელების ჯანმრთელობა. სახელმწიფო უზრუნველყოფს მათ მკურნალობას საუკეთესო კლინიკებში, მათ შორის, საზღვარგარეთ, ასევე ჩამოიყვანს საუკეთესო სპეციალისტებს, ვინაიდან, მისი შეფასებით, ადამიანის ჯანმრთელობაზე მნიშვნელოვანი არაფერია.

რუსთაველის გამზირი კვლავ გადაკეტილია - მომიტინგეები გახარიას გადადგომას მოითხოვენ>>

პრემიერის განმარტებით, მომხდარს მიეცემა როგორც პოლიტიკური, ისე სამართლებრივი შეფასება, მათ შორის, ძალის შესაძლო გადამეტების მიმართულებით. გამოძიების მაქსიმალური გამჭვირვალობის უზრუნველყოფის მიზნით კი, პროცესში ჩართვის შესაძლებლობა აქვს ომბუდსმენს და საერთაშორისო საზოგადოებას.

„პოლიცია იძულებული იყო, დაეცვა კანონი. აქვე გაჩნდა კითხვები, ხომ არ ჰქონდა სამართალდამცველების მხრიდან ადგილი ძალის გადამეტებას. სწორედ ეს არის კითხვის ნიშნები, რომელსაც პასუხი უნდა გაეცეს გამოძიების მიერ“, – განაცხადა მამუკა ბახტაძემ.

თბილისის ცენტრში საპროტესტო აქციები, უკვე მეექვსე დღეა, რაც მიმდინარეობს. ოფიციალური მონაცემებით, თბილისში პარასკევს, ღამით საპროტესტო აქციაზე მომხდარი არეულობის დროს ჯგუფური ძალადობის ორგანიზების, ხელმძღვანელობისა თუ მასში მონაწილეობის ბრალდებით აქციაზე სულ 305 ადამიანი დააკავეს. ადმინისტრაციული წესით დაკავებულთაგან 121 პირს შეეფარდა ადმინისტრაციული პატიმრობა, ხოლო დანარჩენი გათავისუფლდა - შეეფარდა ადმინისტრაციული ჯარიმა ან სიტყვიერი შენიშვნა. დაშავებულებიდან მკურნალობას ამ დროისთვის 13 პაციენტი განაგრძობს.

ნიკა მელია პროკურატურაში დაიბარეს>>

დღეს ცნობილი გახდა, რომ ნიკა მელია პროკურატურაში ბრალის წარსადგენად დაიბარეს. პროკურატურის განცხადებით, საქართველოს პარლამენტის დეპუტატის („ერთიანი ნაციონალური მოძრაობა“), ნიკა (ნიკანორ) მელიას მიმართ გამოიკვეთა სისხლის სამართლის კოდექსით გათვალისწინებული დანაშაულის ნიშნები.

ლომჯარია რუსთაველზე საპროტესტო აქციის დროს დაშავებულების რეაბილიტაციას დააკვირდება>>

ამასთან, შსს განაგრძობს იმ პირთა იდენტიფიკაციას, რომლებიც 20–21 ივნისის აქციაზე აშკარად ძალადობრივად მოქმედებდნენ – ცდილობდნენ პოლიციის კორდონის ძალადობრივი გზით გარღვევას და პარლამენტის შტურმით აღებას, სხვადასხვა საგნებს ესროდნენ სამართალდამცველებს, ფიზიკურად უსწორდებოდნენ მათ და ანადგურებდნენ კერძო საკუთრების ობიექტებს. ამ ადამიანების მიმართ სისხლისსამართლებრივი დევნის დასაწყებად ზომები უახლოეს დღეებში იქნება მიღებული, აღნიშნავენ პროკურატურაში.

127
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
გრიგოლ ვაშაძე

„ნაცმოძრაობა“ მალე დეპუტატობის კანდიდატებს წარადგენს: ვინ იქნება სიაში

72
(განახლებულია 20:33 12.08.2020)
უკვე ცნობილია, რომ „ნაციონალური მოძრაობიდან“ დეპუტატის სავარძელზე პრეტენზიას განაცხადებს ყოფილი საგარეო საქმეთა მინისტრი გრიგოლ ვაშაძე.

თბილისი, 12 აგვისტო – Sputnik. ყოფილი მმართველი პარტია „ერთიანი ნაციონალური მოძრაობა“ უახლოეს ათ დღეში რეგიონებში ყველა მაჟორიტარ კანდიდატს წარადგენს, განაცხადა პარტიის ერთ-ერთმა ლიდერმა რომან გოცირიძემ „პირველი არხის“ ეთერში.

„ძალა ერთობაშია“ იშლება? ვინ ტოვებს გაერთიანებას >>

წინასაარჩევნო კამპანია აქტიურ ფაზაში შედის. დღეისათვის 30 ერთმანდატიან ოლქში კანდიდატების ვინაობა სრულად განსაზღვრა მმართველმა პარტიამ „ქართული ოცნება“. რაც შეეხება ოპოზიციას, ის თბილისის რვიდან ექვს ოლქში შეთანხმდა ერთობლივი კანდიდატების შესახებ, ხოლო დანარჩენი ორი ოლქის შესახებ შეთანხმება ჯერ კიდევ არ არის მიღწეული, შესაძლოა ამ ოლქების საკითხი თითოეულმა პარტიამ დამოუკიდებლად გადაწყვიტოს.

„მაჟორიტარების სიას უახლოეს ათ დღეში წარვადგენთ, ჯერჯერობით ვმუშაობთ ამ სიაზე“, – განაცხადა რომან გოცირიძემ.

თუმცა, გოცირიძემ პარტიის შიგნით უკვე შეთანხმებული რამდენიმე კანდიდატიც დაასახელა.

მაგალითად, ქუთაისში „ნაციონალური მოძრაობიდან“ კენჭს იყრის ქუთაისის მერობის და საქართველოს პრეზიდენტობის ყოფილი კანდიდატი, ყოფილი საგარეო საქმეთა მინისტრი გრიგოლ ვაშაძე.

რუსთავში პარტია წარადგენს ქვემო ქართლის ყოფილ გუბერნატორს დავით კირკიტაძეს, საგარეჯოში – პარტიის პოლიტსაბჭოს წევრს ლევან ბეჟაშვილს, სამტრედიაში – გენშტაბის ყოფილ მეთაურს დევი ჭანკოტაძეს.

დღეისათვის მაჟორიტარების ნაწილი რეგიონებში უკვე წარადგინეს ოპოზიციურმა პარტიამ „ევროპული საქართველო - მოძრაობა თავისუფლებისთვის“, ასევე „ლელომ“, პარტიამ „სამართლიანი საქართველოსთვის“ და ლეიბორისტულმა პარტიამ.

კანონმდებლობის თანახმად, პარტიებს თავიანთი კანდიდატების შესათანხმებლად და ცესკოში მათ წარსადგენად დრო სექტემბრის შუა რიცხვებამდე აქვთ.

საქართველოში სულ 30 ერთმანდატიანი ოლქია, საიდანაც რვა თბილისშია. თითოეულ ოლქში გამარჯვებული გახდება ის კანდიდატი, რომელიც ამომრჩევლების ხმების ნახევარზე მეტს მიიღებს. წინააღმდეგ შემთხვევაში საუკეთესო შედეგების მქონე ორი კანდიდატი ერთმანეთს მეორე ტურში სამი კვირის თავზე დაუპირისპირდება.

72
თემები:
საქართველოს პოლიტიკური ცხოვრება
თბილისის ცენტრი

საქართველოს ყოველი მესამე მცხოვრები ხმას „ქართულ ოცნებას“ მისცემს IRI-ს გამოკითხვა

133
(განახლებულია 20:25 12.08.2020)
გამოკითხვის თანახმად, პარტიების რეიტინგში მეორე ადგილზე ყოფილი მმართველი პარტია „ერთიანი ნაციონალური მოძრაობაა“.

თბილისი, 12 აგვისტო – Sputnik. მმართველი პარტია „ქართული ოცნება - დემოკრატიული საქართველო“ პარტიების რეიტინგის ლიდერია. ამაზე აშშ-ის საერთაშორისო რესპუბლიკური ინსტიტუტის (IRI) მიერ ივნისში ჩატარებული გამოკითხვის შედეგები მეტყველებს.

სამი მილიონერი პარტია და სხვა დანარჩენი: ვის რამდენი შესწირეს >>

კითხვას, „თუ საპარლამენტო არჩევნები უახლოეს კვირას ჩატარდება, ვის მისცემთ ხმას?“ – 33%-მა უპასუხა, რომ მხარს მმართველ პარტიას დაუჭერს, 16% მზადაა ყოფილი მმართველი პარტია „ერთიანი ნაციონალური მოძრაობა“ აირჩიოს.

რაც შეეხება დანარჩენ პარტიებს, ხმები შემდეგნაირად გადანაწილდა:

პარტია გამოკითხულთა წილი
„ევროპული საქართველო - მოძრაობა თავისუფლებისთვის"  5%
„ახალი საქართველო - სტრატეგია აღმაშენებელი" 3%
„საქართველოს პატრიოტთა ალიანსი" 3%
„საქართველოს ლეიბორისტული პარტია" 2%
„მოქალაქე" ალეკო ელისაშვილი 2%
„ახალი პოლიტიკური ცენტრი - გირჩი" 2%
„ლელო საქართველოსთვის" 2%
„ერთიანი საქართველო - დემოკრატიული მოძრაობა" 1%
„გამარჯვებული საქართველო" 1%

კითხვაზე პასუხი ჯერ არ აქვს ან პასუხის გაცემაზე უარი თქვა 28%-მა და მხოლოდ 1%-მა განაცხადა, რომ მათ არც ერთი პარტია არ მოსწონთ.

გამოკითხულებს დაუსვეს ასევე კითხვა, რომელ პარტიას არ დაუჭერდნენ მხარს არასდროს. შედეგები ამგვარი აღმოჩნდა: „ნაცმოძრაობას“ არასდროს არ მისცემს ხმას 29%, „ქართულ ოცნებას“ – 25%, „გირჩს“ – 16%, „პატრიოტთა ალიანსს“ – 12%.

მათ შემდეგ ანტირეიტინგში მოდიან „ლეიბორისტული პარტია“, პარტია „სამართლიანობისათვის“ და „ერთიანი საქართველო“, რომელთა სასარგებლოდაც ხმის მიცემას არ აპირებს გამოკითხულთა 9%.

7% არასოდეს დაუჭერს მხარს „ევროპულ საქართველოს“, 6-6% - „კონსერვატიულ პარტიას“, „გამარჯვებულ საქართველოს“ და „ლელოს საქართველოსთვის“. „ახალ საქართველოს“, „თავისუფალ საქართველოს“, „რესპუბლიკურ პარტიასა“ და პარტია „მოქალაქეს“ არასდროს მისცემს ხმას გამოკითხულთა 4%.

29%-მა პასუხის გაცემაზე უარი თქვა ან გაუჭირდა კითხვაზე პასუხის გაცემა.

კვლევა 4 ივნისიდან 2 ივლისის ჩათვლით პერიოდში პირდაპირი გამოკითხვის გზით ჩატარდა. მასში მონაწილეობა მიიღო 1,5 ათასმა სრულწლოვანმა რესპონდენტმა. გამოკითხვის ცდომილება შეადგენს +/-2,5%-ს.

133
თემები:
საქართველოს პოლიტიკური ცხოვრება
მთვარის ფაზები

მთვარის კალენდარი: 13 აგვისტო რისი გაკეთება შეიძლება და რისი არა

0
(განახლებულია 16:05 11.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

13 აგვისტო, ხუთშაბათი. ამ დღეს იუპიტერი მართავს. კლებადი მთვარე ტყუპის ნიშანშია.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სრწფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ფულთან დაკავშირებული საქმიანობა, მიმდინარე საქმეების განხილვა და რთული საკითხების განხილვის გადადება, დაგეგმილის რეალიზება, საბუღალტრო ოპერაციები, ბიზნეს–საქმიანობა, მნიშვნელოვანი პროექტების დასრულება, აქტიურობა, უძრავ ქონებასთან დაკავშირებით: მშენებლობის საძირკვლის ჩაყრა, რემონტის დაწყება, უძრავი ქონების ყიდვა, გამოფენების, კონცერტების მოწყობა, სწავლა, კვალიფიკაციის ამაღლება.

არარეკომენდებული აჩქარება, საფუძვლიანი მიზეზის გარეშე ხელმძღვანელობისთვის მიმართვა, კონტრაქტების გაფორმება.

კარგი დღეა მგზავრობისთვის.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. კარგი დღეა გადარგვის, გასხვლის, შეწამვლის, მოსავლის აღებისთვის.

ეფექტური იქნება ზედმეტი ყლორტების მოშორება–გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0