არჩილ თალაკვაძე

საქართველოს პარლამენტის თავმჯდომარის პოსტი არჩილ თალაკვაძემ დაიკავა

109
(განახლებულია 18:48 25.06.2019)
საქართველოს პარლამენტის ექს-სპიკერმა ირაკლი კობახიძემ თანამდებობა 21 ივნისს დატოვა.

თბილისი, 25 ივნისი - Sputnik. საქართველოს პარლამენტის დეპუტატებმა ხმათა უმრავლესობით საკანონმდებლო ორგანოს თავმჯდომარედ მმართველი პარტია „ქართული ოცნება — დემოკრატიული საქართველოს“ წევრი არჩილ თალაკვაძე აირჩიეს.

ნერვების ომი პარლამენტში: პლენარულ სხდომაზე ჩხუბი მოხდა - ვიდეო>>>

საქართველოს პარლამენტის ექს-სპიკერმა ირაკლი კობახიძემ თანამდებობა 21 ივნისს, თბილისში განვითარებული მოვლენების შემდეგ დატოვა.

პარლამენტის სპიკერის თანამდებობაზე წარდგენილი მხოლოდ ერთი კანდიდატურა - არჩილ თალაკვაძე იყო, რომელიც პარლამენტს უმრავლესობამ შესთავაზა. 

არჩილ თალაკვაძის კანდიდატურას პარლამენტის 94-მა დეპუტატმა დაუჭირა მხარი. წინააღმდეგი არც ერთი დეპუტატი არ წასულა. საპარლამენტო ოპოზიციას კენჭისყრაში მონაწილეობა არ მიუღია. 

დღეს პარლამენტმა ცნობად მიიღო ირაკლი კობახიძის მიმართვა პარლამენტის თავმჯდომარის თანამდებობდან გადადგომის შესახებ. კობახიძეს პარლამენტის თავმჯდომარის თანამდებობაზე გაწეული საქმიანობის გამო პარლამენტის თავმჯდომარის მოვალეობის შემსრულებელმა თამარ ჩუგოშვილმა მადლობა გადაუხადა.

კობახიძეს ასევე მადლობა გადაუხადა არჩილ თალაკვაძემ და აღნიშნა, რომ მისთვის პარლამენტის თავმჯდომარის თანამდებობის დაკავება არის დიდი პასუხისმგებლობა.

საპროტესტო აქციები თბილისში მას შემდეგ დაიწყო, რაც რუსეთის დუმის დეპუტატმა სერგეი გავრილოვმა მართლმადიდებლობის პარლამენტთაშორისი ასამბლეის პრეზიდენტის რანგში საქართველოს პარლამენტის სპიკერის სავარძელი დაიკავა და რუსულ ენაზე მიმართა შეკრებილებს.

საპროტესტო აქცია, რომელიც 20 ივნისს დაიწყო, ღამით არეულობასა და ანტისამთავრობო გამოსვლებში გადაიზარდა. პოლიციამ ცრემლსადენი გაზი და რეზინის ტყვიები გამოიყენა. დაშავებულთა რაოდენობამ 240-ს მიაღწია, აქედან 80 პოლიციელი იყო, 30-ზე მეტი - ჟურნალისტი.

მეცხრე მოწვევის პარლამენტში არჩილ თალაკვაძე საპარლამენტო უმრავლესობის ლიდერი იყო. 2014-2016 წლებში ის შინაგან საქმეთა მინისტრის მოადგილის თანამდებობას იკავებდა. 2012-2014 წლებში იყო სასჯელაღსრულების მინისტრის მოადგილე.

 

109
თემები:
საქართველოს პარლამენტი (176)
გიორგი გახარია

რომელი ქვეყნების აეროპორტებს ამოიღებენ NOTAM-ის სიიდან: გახარია სამომავლო გეგმებზე

46
(განახლებულია 13:15 09.07.2020)
იმ ქვეყნების ჩამონათვალი, რომელთათვისაც საქართველო საზღვრებს ეტაპობრივად გახსნის, ყოველ ორ კვირაში გადაიხედება

თბილისი, 9 ივლისი — Sputnik. ევროკავშირის მიერ საქართველოს ჩართვა 15 უსაფრთხო ქვეყნის სიაში, ერთი მხრივ შრომის, მეორე მხრივ კი პასუხისმგებლობის შედეგია, განაცხადა საქართველოს პრემიერ-მინისტრმა გიორგი გახარიამ მთავრობის სხდომის დაწყებამდე.

პრემიერის თქმით, საქართველო იქნება ფრთხილი, მაგრამ თანმიმდევრული, როგორც ადრე და ყოველთვის პირველ ადგილზე მოქალაქეებისა და სტუმრების ჯანმრთელობასა და უსაფრთხოებას და ასევე ეკონომიკის შემდგომ აღორძინებას დააყენებს.

პრემიერმა აღნიშნა, რომ მთავრობა თანმიმდევრულ ნაბიჯებს აგრძელებს, რომლის შედეგიც ხუთი პარტნიორი-ქვეყნისთვის საქართველოს საზღვრების გახსნაა.

„ეს უზარმაზარ პასუხისმგებლობას გვაკისრებს პირველ რიგში ჩვენი მოქალაქეების, ასევე ჩვენი პარტნიორი-ქვეყნების წინაშე. ამიტომ თანმიმდევრულად ვდგამთ ფრთხილ ნაბიჯებს, რომელიც გამოიხატება იმაში, რომ საგარეო საქმეთა სამინისტრომ შესაბამისი დავალების თანახმად გამართა მოლაპარაკებები და შედეგად, ხუთ პარტნიორ-ქვეყანას, ყველანაირი პირობების გარეშე სარკისებურად დავუწესეთ ზუსტად იგივე პირობები, როგორც მათ და საქართველოს საზღვრები იქნება ღია - ეს ეხება პირდაპირ ფრენებს", - განაცხადა გახარიამ.

როგორც პრემიერმა აღნიშნა, ეკონომიკის სამინისტრო ინსტრუქციების შესაბამისად ევროპულ ავიაკომპანიებთან მოლაპარაკებებს აწარმოებს, რათა რაც შეიძლება მალე აღდგეს პირდაპირი რეისები.

„დღეს ჩვენი ერთ-ერთი მნიშვნელოვანი საკითხი გვექნება ის, რომ რამდენიმე ქვეყნის აეროპორტს ამოვიღებთ NOTAM-ის (NOtice To AirMen) გავრცელების არეალიდან, რაც ნიშნავს შეზღუდვებს საერთაშორისო ფრენებზე", - განაცხადა გახარიამ.

გახარიამ ასევე აღნიშნა, რომ მოგზაურობისთვის თავისუფალი ქვეყნების ჩამონათვალი ორ კვირაში ერთხელ გადაიხედება.

„ვიდრე ეს მოხდება და ეს მოხდება მომავალში, ჩვენ მივიღეთ გადაწყვეტილება, რომ ჩვენი ქართული ავიაკომპანიები, ისევე როგორც უცხოური ავიაკომპანიები განაახლებენ ჩვენი მოქალაქეების მიზნობრივ გამოყვანას სხვადასხვა დედაქალაქიდან, რაც ერთმნიშვნელოვნად სოციალურ პროექტს წარმოადგენს. ეს ვალდებულება და ეს პროგრამა გაგრძელდება იმ დრომდე, ვიდრე იქნება მოთხოვნა, რომელსაც აფიქსირებს საგარეო საქმეთა სამინისტრო. ორ კვირაში ერთხელ მოქალაქეების მოგზაურობის პირობები და უსაფრთხო ქვეყნების სია გადაიხედება, რადგანაც ჩვენ ყველას გვესმის, რომ ეს პანდემიის გლობალური გავრცელების წინააღმდეგ ბრძოლაში ჩვენი საერთო პასუხისმგებლობაა", - განაცხადა გიორგი გახარიამ.

ამ დროისთვის საქართველომ საზღვრები გახსნა ევროკავშირის ხუთი ქვეყნის - გერმანიის, საფრანგეთის, ლატვიის, ლიეტუვისა და ესტონეთის მოქალაქეებისთვის. საქართველოს მოქალაქეებისთვის საკუთარ საზღვრებს ეტაპობრივად ხსნიან ევროპის ქვეყნებიც.

46
თემები:
COVID-19 საქართველოში
ამირან გამყრელიძე

წინასაარჩევნო კამპანიის ჩატარებისას გაითვალისწინეთ, რომ... ეპიდემიოლოგის განმარტება

39
(განახლებულია 12:13 09.07.2020)
დაგეგმილი საპარლამენტო არჩევნებისთვის აქტიურად ემზადებიან არამარტო პოლიტიკური პარტიები, არამედ ეპიდემიოლოგებიც

თბილისი, 9 ივლისი — Sputnik. წინასაარჩევნო კამპანია ღია სივრცეში დისტანციის დაცვით უნდა წარიმართოს - სპეციალისტები პოლიტიკურ პარტიებს წინასაარჩევნო პერიოდში სიფრთხილისკენ მოუწოდებენ.

საქართველოში საპარლამენტო არჩევნები 2020 წლის 31 ოქტომბერსაა დაგეგმილი. ამ ეტაპზე ცესკოში პარტიების რეგისტრაცია მიმდინარეობს.

საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის ამირან გამყრელის სიტყვებით, წინასაარჩევნო კამპანიის ჩატარებასთან დაკავშირებით რეკომენაციების თაობაზე მუშაობა უკვე დაწყებულია.

მანამდე ცენტრის დირექტორი ყველას ზოგადი რეკომენდაციების დაცვისკენ მოუწოდებს.

დაგეგმილი საპარლამენტო არჩევნებისთვის აქტიურად ემზადებიან არამარტო პოლიტიკური პარტიები, არამედ ეპიდემიოლოგებიციქნება საერთო რეკომენდაციები, ის, რაზეც ჩვენ ხშირად ვსაუბრობთ, - დისტანციის დაცვა წინასაარჩევნო კამპანიის დროს. ყველაზე მთავარი - წინასაარჩევნო კამპანიის ღია სივრცეებში ჩატარება და დისტანციის დაცვაა", - განაცხადა გამყრელიძემ Rustavi 2-ის ეთერში.

საქართველოში არჩევნები პანდემიის პირობებში ჩაივლის - კორონავირუსის პირველი შემთხვევა 26 თებერვალს დაფიქსირდა. 21 მარტს კი, როდესაც ინფიცირებულთა რაოდენობამ ქვეყანაში 50-ს მიაღწია, გამოცხადდა საგანგებო მდგომარეობა, რომელიც 22 მაისამდე მოქმედებდა.

მთავრობა კორონავირუსის პანდემიის გამო დაწესებულ შეზღუდვებს ეტაპობრივად აუქმებს, ამასთან, ხელისუფლება და ეპიდემიოლოგები მოქალაქეებს ჯანდაცვის სამინისტროს რეკომენდაციების გათვალისწინებისა და სიფრთხილის გამოჩენისკენ მოუწოდებენ.

ქვეყნის ტერიტორიაზე მოქმედებს შემდეგი შეზღუდვები:

დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და სავაჭრო ობიექტებში სავალდებულოა პირბადის ტარება და სოციალური დისტანციის დაცვა;

– საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

– დახურულ სივრცეებში აკრძალულია კულტურული და სპორტული ღონისძიებების გამართვა;

– აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);

საქართველოში შეზღუდვების ვადები გახანგრძლივდება? გადაწყვეტილება პარლამენტზეა>>>

– სკოლებსა და უმაღლეს სასწავლებლებში სასწავლო პროცესი დისტანციურად ხორციელდება;

– კაზინოების და ტოტალიზატორების მუშაობა დაშვებულია მხოლოდ ონლაინ;

– ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;

– ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საქართველოში ინფიცირებულთა რაოდენობამ 968-ს მიაღწია, გამოჯანმრთელდა 844 ადამიანი, 15 კი გარდაიცვალა.

39
თემები:
საქართველოს საპარლამენტო არჩევნები 2020
თხევადი გაზის გადამზიდი ტანკერი

მიმოხილვა: ევროპა და აზია ამერიკულ გაზზე უარს ამბობენ

0
(განახლებულია 14:09 09.07.2020)
ევროპასა და აზიაში ცისფერი აირის ფასები მრავალწლიან მინიმუმადეა დაცემული. აშშ–ის ენერგეტიკის სამინისტროშიც კი აღიარეს, რომ ამერიკული გათხევადებული ბუნებრივი აირის შეძენას არანაირი რეზონი არ აქვს.

ნატალია დემბინსკაია

კლიენტებმა ზაფხულში  დაგეგმილ ასზე მეტ მიწოდებაზე თქვეს უარი. შედეგად ექსპორტი თითქმის 63,6%-მდე დაეცა. რატომ არ სჭირდება არავის ოკეანისგაღმური გაზი?

ფასები დაეცა

გასულ წელს აშშ–ში ბუნებრივი გაზის ნეტო–ექსპორტმა 54,7 მლრდ კუბომეტრს მიაღწია — 20,7 მილიარდით მეტს, ვიდრე 2018 წელს. გათხევადებული ბუნებრივი აირის უმსხვილესი მწარმოებლის, Cheniere Energy–ს მონაცემებით, პირველ კვარტალში მსოფლიო გაყიდვების მოცულობამ 100 მლ ტონას მიაღწია — ათი მილიონით მეტს, ვიდრე 2019 წელს. ზრდა ძირითადად ამერიკელებმა უზრუნველყვეს.

გეგმები ამბიციური იყო: 2020 წელს 67,2 მლრდ კუბომეტრი, 2021 წელს კი — 79,5 მლრდ. ეს მაჩვენებლები იანვარში აშშ–ის ენერგეტიკის სამინისტროს ინფორმაციის სამმართველომ (EIA) გაახმოვანა. მაგრამ უკვე ნათელია, რომ ეს არ მოხდება.

თბილი ზამთრისა და კორონავირუსის პანდემიის გამო ევროპასა და აზიაში გაზის ბაზრები ცამოიშალა. ასე მაგალითად, ჰოლანდიურ ჰაბ TTF–ზე ფასები პირველად ოთხი თვის განმავლობაში ორჯერ დაეცა გასული წლის ანალოგიურ პერიოდთან შედარებით, ხოლო სპოტური მიწოდებები იაპონიაში 44%-ით შემცირდა.

უკვე აპრილში ამერიკული თხევადი გაზის ექსპორტი ევროპაში ეკონომიკურად მიზანშეუწონელი გახდა. მსხვილმა ევროპულმა და აზიურმა კომპანიებმა ივნის–ივლისის კონტრაქტები გააუქმეს.

Bloomberg–ის მონაცემებით, აშშ–ში თხევადი გაზის ქარხნების განტვირთვა აპრილში თითქმის 30%-ით შემცირდა, მაისში ექსპორტმა მესამედზე მეტით დაიკლო — მათ შორის, კორონავირუსული შეზღუდვების გამოც.

ეკონომიკურად არასიცოცხლისუნარიანი

აშშ–ის ენერგეტიკის სამინისტროს ენერგეტიკული ინფორმაციის სამმართველოს ივნისი პროგნოზი მეტად პესიმისტურია. ევროპელმა და აზიელმა კლიენტებმა უარი ტქვეს თხევადი გაზის 110 პარტიაზე. გაზის მიწოდება ამერიკულ საზღვაო ტერმინალებზე  მარტის შემდეგ ორჯერ შემცირდა.

„დაბალმა სპოტურმა ფასებმა ბუნებრივ აირსა და გათხევადებულ გაზზე ევროპასა და აზიაში შეასუსტა აშშ–დან ექსპორტის სიცოცხლისუნარიანობა, რომელიც მეტად მგრძნობიარეა ფასების მიმართ“, — აცხადებენ EIA–ს ანალიტიკოსები.

მათი შეფასებით, ივნისში აშშ–დან ევროპასა და აზიაში საშუალოდ 101 მლნ კუბომეტრია გაგზავნილი დღე–ღამეში, ხოლო ივლისსა და აგვისტოში 62 მლნ იქნება. ეს კი საექსპორტო პოტენციალის 25%-ზე მეტი არ არის.

განაგრძობს დაცემას

დადასტურდა ექსპერტების გაფრთხილება იმასთან დაკავშირებით, რომ კლიენტები ოკეანისგაღმურ გაზზე უარს მინიმუმ ზაფხულის ბოლომდე იტყვიან: აშშ–ში ფიუჩერსული ფასები ევროპულს სექტემბრამდე აჭარბებს.

„ვინაიდან ფასობრივი უპირატესობა პრაქტიკულად გაქრა, ამერიკულ მიწოდებებზე უარის თქმა მხოლოდ დროის ამბავი იყო“, — განაცხადა ამერიკის სტრატეგიული და საერთაშორისო კვლევების ცენტრის ექსპერტმა ნიკოს ცაფოსმა.

როგორც ეროვნული ენერგეტიკული უსაფრთხოების ფონდის წამყვანი ანალიტიკოსი იგორ იუშკოვი განმარტავს, ახლა მყიდველები მზად არიან გადაიხადონ ამერიკულ გათხევადებულ გაზში იმდენი, რამდენიც გათხევადებისა და ტრანსპორტირების საოპერაციო გარხებსაც კი ვერ დაფარავს. მთავარი დაზარალებული — ეს პირველი და უმსხვილესი ამერიკული ტერმინალი Sabine Pass–ია: ქარხანა 2016 წლიდან მხოლოდ წაგებაზე მუშაობს.

ენერგეტიკის სამინისტროს ინფორმაციით, აშშ–დან გათხევადებული აირის ექსპორტმა 2020 წლის პირველ ოთხ თვეში საშუალოდ 218 მლნ კუბომეტრი შეადგინა დღე–ღამეში, მაგრამ 17%-ით დაეცა აპრილიდან მაისამდე პერიოდში. EIA–ში ელოდებიან, რომ მიწოდებები სექტემბერში დაიწყებს ზრდას, ვინაიდან მსოფლიო მოთხოვნა ბუნებრივ აირზე თანდათანობით აღდგება.

ჭარბი გაზი

მაგრამ უმსხილესი საინვესტიციო ბანკები ასე ოპტიმისტურად არ არიან განწუობილნი. როგორც ანალიტიკოსები განმარტავენ, მსოფლიშო საწვავის უზარმაზარი მარაგი დაგროვდა. გათხევადებული ბუნებრივი აირის საერთაშორისო ვაჭრობა ჩამოიშალა, გადაიკეტა რა მნიშვნელოვანი არხები ამერიკელი მეფიქალეებისთვის. ხოლო რამდენადაც ნავთობი ისევ გაძვირდა ერთ ბარელზე 40 დოლარამდე, მენავთობეებმა მოპოვება განაახლეს და გვერდითი პროდუქტის სახით ბაზარზე ბევრ იაფ გაზს უშვებენ.

ევროპაში ფასების ვარდნის გამო ამერიკული თხევადი გაზი მოთხოვნადი აღარ არის. ახლა საზღვარგარეთ გაყიდვის ნაცვლად, მას რეზერვუარებსა და საცავებში ქაჩავენ.

Goldman Sachs–ის დათვლით, ექსპორტის გაუქმების გამო ამერიკული მარაგები 21,52 მლრ კუბომეტრით გაიზრდება. ერთი წლის წინ დაფიქსირებული დონე უკვე თითმის მესამედითაა გაზრდილი, ხოლო ბოლო ხიუთი წლის საშუალო მაჩვენებელს 18%-ით აღემატება. ოქტომბრისთვის ქვეყნის შესაძლებლობები გაზის შენახვასთან დაკავშირებით შესაძლოა ამოიწუროს, რაც გათხევადებული აირის მოპოვებასა და წარმოებას რეკორდულად შეამცირებს.

რედაქცია შესაძლოა არ ეთანხმებოდეს ავტორის მოსაზრებებს

0