ირაკლი კობახიძე, ბიძინა ივანიშვილი, კახა კალაძე და არჩილ თალაკვაძე ქართული ოცნების სხდომაზე

კრიზისების დიდოსტატი მენეჯერი მართლმადიდებლობის სახელით დადებულ ნაღმზე აფეთქდა?

572
(განახლებულია 14:44 24.06.2019)
მაშ ასე, წილი ნაყარია, გადაწყვეტილება - მიღებული. ქართული ოცნების თავმჯდომარე ბიძინა ივანიშვილმა დღეს უპრეცედენტო გადაწყვეტილება ამცნო საზოგადოებას - ახალგაზრდობის სამართლიანი პროტესტის გამო მზად ვართ, 2020 წლის არჩევნები მთლიანად პროპორციული სისტემით ჩავატაროთო.

„ჩვენ ვიგრძენით და გავიზიარეთ ქართველი ხალხის სულისკვეთება პროპორციულ საარჩევნო სისტემაზე გადასვლასთან დაკავშირებით", - ახსნა ვიცე-სპიკერმა თამარ ჩუგოშვილმა.

პარალელურად უქმდება 3-პროცენტიანი საარჩევნო ბარიერი. ანუ პარლამენტში მოხვდება ყველა პოლიტიკური პარტია, რომელიც არჩევნებზე მისული ამომრჩეველთა საერთო სიის ერთ ასორმოცდამეათედ ხმას მაინც მიიღებს. შედეგად პარლამენტში შეიძლება, ვიხილოთ თითო-თითო ან ორ-ორი დეპუტატი ყველა პარტიიდან. შესაბამისად, ეს ხმები „ქართულ ოცნებას“ და „ნაციონალურ მოძრაობას“ დააკლდება.

ასეთ ცვლილებებს, ბუნებრივია, სჭირდება საკონსტიტუციო ცვლილებები. ეს კი იმას ნიშნავს, რომ ჯერ ოპოზიციასთან კონსულტაციები წაიღებს დიდ დროს, შემდეგ - ორ სხვადასხვა სესიაზე კანონზე მსჯელობა და სახალხო განხილვები.

შესაბამისად, არანაირი ვადამდელი არჩევნები არ იქნება.

ხელისუფლებას ახლა აქვს დრო, ოპოზიციასთან მოლაპარაკების მაგიდასთან დაჯდეს და პროცესები მისთვის სასურველი მიმართულებით წაიყვანოს.

სწორედაც რომ, როგორც ჩვენი პრეზიდენტი სალომე ზურაბიშვილი ამბობდა, ეშმაკი დეტალებში იმალება.

ამ დეტალებზე მსჯელობისას საკანონმდებლო დონეზე მილიონი ნიუანსის გათვალისწინება შეიძლება.

რაც მთავარია, პოლიტიკური პროცესები პარლამენტში გადაინაცვლებს და ბიძინა ივანიშვილი აძლევს შანსს ყველა ფერსა და ძალას, სცადოს ბედი და ისმოდეს მისი და მისი სოციალური ჯგუფის ხმა პარლამენტში.

რაც შეეხება 20 ივნისის ვანდალური ღამის შედეგებს:

პარტიის თავმჯდომარემ სრულიად გასაგებად თქვა, რომ დაისჯება ყველა - აქციის ორგანიზატორიც, ვინც ხალხს ძალადობისკენ მოუწოდებდა და ისიც, ვინც ძალას გადაამეტა და არაპროპორციული ძალის გამოყენების გამო ადამიანებს თვალები დათხარა.

ჩვენი ინფორმაციით, არც გიორგი გახარიას გადადგომაა გამორიცხული.

ცუდია, თუ მან სპეცრაზმს ხალხის დარბევის ბრძანება მისცა, მაგრამ არანაკლებ ცუდია ისიც, თუ აქციის უმტკივნეულო დაშლა დაავალა და ვერ აკონტროლა პროცესი. რაც ყველაზე მნიშვნელოვანია, 20 ივნისის მოვლენებმა შეიწირა მისი მომავალი პრემიერ-მინისტრობა.

ბევრი კრიზისის მენეჯერი გიორგი გახარია ბოლოს მართლმადიდებლობის სახელით დადებულ ნაღმზე აფეთქდა.

სავარაუდოდ, სამართლებრივი პასუხისმგებლობაც არ დააყოვნებს, მაგრამ პოლიტიკური შესაძლოა, უფრო ადრე დადგეს, თუ აქციები გაგრძელდა.

და კიდევ ერთი - „ქართულ ოცნებას“ არ გაუჭირდება მომავალ პარლამენტში კონსულტაციები აწარმოოს და უმრავლესობა შექმნას უაღრესად ეკლექტურ საზოგადოებასთან.

რეალურად, 2020 წლის არჩევნების პროპორციული სისტემით ჩატარება დემოკრატიისათვის დიდი ნაბიჯია.

მართალია, ოლიგარქ მაჟორიტარებს რეგიონებში ხალხის დახმარების სურვილი გაუქრებათ და იმავე თანხებით პარტიებში ირბენენ, მაგრამ ესეც გასაღები მსხვერპლია.

არჩევნებამდე საზოგადოების განათლებაც, რომ მაჟორიტარი კანონმდებელი უნდა იყოს და არა - ფულიანი დედა ტერეზა, ძალიან მნიშვნელოვანი მგონია. პოლიტიკური პარტიების როლი სწორედ ის უნდა იყოს, რომ ხალხი პოლიტიკურად გაანათლოს.

როგორც ჩანს, ნამდვილად საინტერესო პოლიტიკურ პროცესებს ვადევნებთ თვალყურს, რომელიც, იმედია, ცხელი თავების მიღებული გადაწყვეტილებების ნაცვლად პრაგმატულ და ხალხისა და ქვეყნისათვის სასარგებლო ნაბიჯებს მოიტანს. საბედნიეროდ, გამოდის, რომ ნაციონალური მოძრაობისგან განსხვავებით,

„ქართული ოცნების“ ლიდერებს ესმით ხალხის ხმა, უკან დახევაც შეუძლიათ და შეცდომების აღიარება.

იმედია, ეს მრავალპარტიულ პარლამენტს და პროცესების გაჯანსაღებას შეუწყობს ხელს.

 

572
ნიკა მელია

„ნაციონალური მოძრაობა“ თბილისის რვა მაჟორიტარული ოლქიდან ექვს ოლქს თმობს

52
საქართველოში ყველაზე მსხვილი ოპოზიციური პარტია წინასაარჩევნო კამპანიას თბილისის მხოლოდ ორ რაიონში – ისანსა და გლდანში დაიწყებს.

თბილისი, 4 ივნისი - Sputnik. „ნაციონალური მოძრაობა“, როგორც ყველაზე დიდი ოპოზიციური პარტია, თმობს თბილისის რვა მაჟორიტარული ოლქიდან ექვს მაჟორიტარულ ოლქს. ამის შესახებ განაცხადა „ნაციონალური მოძრაობის“ პოლიტსაბჭოს თავმჯდომარემ ნიკა მელიამ.

საქართველოში საპარლამენტო არჩევნები 31 ოქტომბერს უნდა გაიმართოს, ოფიციალური წინასაარჩევნო კამპანია სექტემბრის პირველ რიცხვებში დაიწყება.

ოპოზიციური პარტია წინასაარჩევნო კამპანიას თბილისის მხოლოდ ორ რაიონში – ისანსა და გლდანში დაიწყებს.

„ამით ჩვენ ვდემონსტრირებთ, რომ „ნაციონალური მოძრაობა“ არ გამოდის პარტიული ინტერესიდან და არ იბრძვის საკუთარი პარტიული რეზულტატის გაუმჯობესებისთვის. ვიბრძვით ჩვენი ქვეყნის გამარჯვებისთვის. ხვალიდან საარჩევნო კამპანიას ვიწყებთ ორ რაიონში, ეს არის ისანი და გლდანი“, - განაცხადა ნიკა მელიამ.

ნიკა მელიას განცხადებით, „ნაციონალური მოძრაობა“ მიზანშია ამოღებული, როგორც ყველაზე მსხვილი ოპოზიციური პარტია.

როგორც პარტიის პოლიტსაბჭოს თავმჯდომარემ აღნიშნა,  რამდენიმე სუბიექტმა ჩათვალა, რომ „ნაციონალური მოძრაობა“ არის ხელშემშლელი ფაქტორი შეთანხმების მისაღწევად მაჟორიტარულ ოლქებზე და განსაკუთრებით თბილისში საერთო კანდიდატებზე. ამის საფუძველი არ არსებობდა პირველივე დღიდანვე.

„ნაციონალური მოძრაობა“ იწყებს ბრძოლას გამარჯვებისთვის და გზას უხსნის ყველა მომსვლელ ოპოზიციურ პარტიას, რომ მოხდეს სრული შეთანხმება და წარმოდგენილები ვიყოთ ყველა ოლქში ძლიერი კანდიდატებით და ყველა სხვადასხვაგვარი ოპოზიცური განწყობის მქონე ამომრჩეველი იქნეს დაკმაყოფილებული არჩევნების დღეს. ვფიქრობ, ამით ბევრი რამაა ნათქვამი. ამას ბევრი არ მოელოდა, მაგრამ ძალიან საწყენი იყო, რომ არ მოელოდა“, - განაცხადა მელიამ.
2020 წლის 31 ოქტომბერს საპარლამენტო არჩევნების ახალი სისტემით გამართვა საქართველოს მიმართ საერთაშორისო საზოგადოების მხრიდან ერთ-ერთი ძირითადი მოთხოვნაა. 

საკონსტიტუციო ცვლილებების პროექტის თანახმად, 2020 წლის არჩევნების შედეგებით პარლამენტი პროპორციული წესით არჩეული 120 და მაჟორიტარული სისტემით არჩეული 30 დეპუტატისგან დაკომპლექტდება

საკონსტიტუციო შესწორებების მისაღებად აუცილებელია 112 ხმა, მმართველი პარტიის საპარლამენტო უმრავლესობას მხოლოდ 93 დეპუტატი ჰყავს, ამიტომ მას ოპოზიციის ერთი ნაწილის მხარდაჭერა მაინც სჭირდება.

საკანონმდებლო ინიციატივა პარლამენტში 11 მარტს დარეგისტრირდა. შესწორებების თანახმად, ახალ საარჩევნო სისტემაში იცვლება ოლქების რაოდენობა, პარტიების გამსვლელი ბარიერი და ადგილების გადანაწილების სისტემა პარლამენტში.

რატომ შეიძლება თქვას უარი „ქართულმა ოცნებამ“ წინასაარჩევნო აგიტაციაზე >>

წარმოდგენილ ვარიანტში 30 მაჟორიტარული ოლქია, პარტიებისთვის გამსვლელი ბარიერი – მხოლოდ 1%. საარჩევნოდ შექმნილმა ბლოკმა კი პარლამენტში მოსახვედრად მინიმუმ იმდენი პროცენტი უნდა მიიღოს, რამდენი პოლიტიკური სუბიექტიც შედის ამ ბლოკში. ამას გარდა, ხმების დათვლის დროს იმოქმედებს ე.წ. 40%-იანი შეზღუდვა – ყველა მაჟორიტარულ ოლქში გამარჯვების შემთხვევაშიც კი პარტია ან ბლოკი იმაზე მხოლოდ ერთი მეოთხედით მეტი მანდატის მიღებას შეძლებს, ვიდრე მათ პროპორციული არჩევნების შედეგების მიხედვით ერგებათ.

52
ამერიკელებისადმი სოლიდარობის აქცია თბილისში მცხოვრებმა მათმა თანამემამულეებმა გამართეს

ამერიკული პროტესტის გამოძახილმა თბილისამდეც მიაღწია

11
(განახლებულია 01:42 05.06.2020)
ამერიკელებისადმი სოლიდარობის აქცია გამართეს თბილისში მცხოვრებმა მათმა თანამემამულეებმა. მათ ასევე თბილისელების შეუერთდნენ

თბილისი, 4 ივნისი - Sputnik. მინეაპოლისში პოლიციის მიერ დაკავებისას აფროამერიკელი ჯორჯ ფლოიდის დაღუპვასთან დაკავშირებით თბილისის ცენტრში საპროტესტო აქცია გაიმართა, იუწყება Sputnik-საქართველოს კორესპონდენტი.

Акция солидарности с протестующими американцами провели их соотечественники, живущие в Грузии
© Sputnik / Alex Shlamov
ამერიკელებისადმი სოლიდარობის აქცია თბილისში მცხოვრებმა მათმა თანამემამულეებმა გამართეს

აშშ-ის პოლიცია მომიტინგეთა სოლიდარობის ნიშნად მუხლს იყრის – ფოტო >>

აქციის ორგანიზატორები არიან თბილისში მცხოვრები ამერიკელები, მათ რიგითი მოქალაქეებიც შეუერთდნენ. აქცია სოციალური ქსელ Facebook-ში დაიგეგმა.

Акция солидарности с протестующими американцами провели их соотечественники, живущие в Грузии
© Sputnik / Alex Shlamov
ამერიკელებისადმი სოლიდარობის აქცია თბილისში მცხოვრებმა მათმა თანამემამულეებმა გამართეს

აქცია სიჩუმეში მიმდინარეობს. მის მონაწილეებს პირბადეები უკეთიათ, ისინი იცავენ დისტანციას და უკავიათ პლაკატები ინგლისურენოვანი წარწერებით, რომლებიც აშშ-ში ტერორის შეჩერებისკენ მოუწოდებენ.

პრესისთვის არანაირი განცხადებები არ გაკეთებულა.

აქციის მონაწილეების გადასწვრივ გამოჩნდა ორკაციანი ჯგუფი, მათ 90-იანი წლების საქართველოს დროშა უკავიათ. ისინი აცხადებენ, რომ აშშ-ის პრეზიდენტ დონალდ ტრამპის ადმინისტრაციის პოლიტიკას მხარს უჭერენ.

მინეაპოლისში ჯორჯ ფლოიდის გარდაცვალების შემდეგ დაწყებული საპროტესტო აქციები მთელს ამერიკას მოედო, შემდეგ - სხვა ქვეყნებს.

აშშ-ში მომიტინგეებმა გაძარცვეს მაღაზიები და ავტომობილები და პოლიციის შენობა დაწვეს.

ასობით ადამიანი პლაკატებით - „ვერ ვსუნთქავ“, „არ არის სამართალი, არ არის მშვიდობა“ - გამოვიდა ქუჩებში ნიდერლანდებში, ესპანეთში, არგენტინაში, დიდ ბრიტანეთში, გერმანიაში.

საბერძნეთში მომიტინგეებმა ამერიკის საკონსულოსთან აშშ-ის დროშა დაწვეს. არეულობით დასრულდა პროტესტები კანადაში და საფრანგეთში, სადაც პოლიციას მომიტინგეთა დასაშლელად ცრემლსადენი გაზის გამოყენება მოუწია.

11
გიორგი წერეთელი და თამილა მარეხაშვილი

გიორგი წერეთელმა ახალი რჩეული საზოგადოებას წარუდგინა და სიმღერაც მიუძღვნა - ვიდეო

0
(განახლებულია 16:15 04.06.2020)
ცნობილი სარესტორნო წყვილის ლოლა და გიორგი წერეთლების ოჯახი გასულ წელს დაინგრა. რაც შეეხება შემოქმედებით საქმიანობას, გიორგი მომღერალმა აჩი ფურცელაძემ ჩაანაცვლა

მომღერალმა გიორგი წერეთელმა საკუთარ დაბადების დღეზე, რომელსაც თითქმის მთელი ქართული შოუბიზნესი ესწრებოდა, ყველას სიურპრიზი გაუკეთა და თავისი ცხოვრების ახალი სიყვარული, თამილა მარეხაშვილი, საზოგადოებას ოფიციალურად წარუდგინა. საყვარელ ქალს სიმღერაც მიუძღვნა.

გიორგის თავისი რჩეული საქმეშიც ეხმარება. ის მომღერლის პიარითა და ბიზნესის მენეჯმენტით არის დაკავებული. განქორწინებულია და ჰყავს ერთი ქალიშვილი. გიორგისაც პირველი ქორწინებიდან ვაჟი ჰყავს. მშობლების ბედნიერებას შვილებიც იზიარებენ.

ცნობილი სარესტორნო წყვილის ლოლა და გიორგი წერეთლების ოჯახი გასულ წელს დაინგრა. რაც შეეხება შემოქმედებით საქმიანობას, გიორგი მომღერალმა აჩი ფურცელაძემ ჩაანაცვლა, თუმცა ერთ-ერთ ინტერვიუში ლოლა ამბობდა, რომ გიორგი არის მისთვის ადამიანი, რომელსაც ვერავინ ჩაანაცვლებს. „აჩის აქვს ადგილი სიმღერაში, გიორგის როგორც ჰქონდა თავისი ადგილი სიმღერებში, ასე არის და იქნება“, – ამბობდა მომღერალი.

მომღერლებმა გიორგი წერეთელმა და ლოლიტამ ხუთწლიანი თანაცხოვრების შემდეგ 2014 წელს გადაწყვიტეს ურთერთობისთვის ოფიცალური სახე მიეცათ და ხელი რიტუალების სასახლეში მოაწერეს. როგორც გიორგი ამბობს, შეყვარებული წყვილისთვის ხელმოწერა პრიორიტეტული არ ყოფილა, ამისთვის მათ მიზეზი ჰქონდათ.

0
თემები:
სელებრითების ცხოვრება