არჩევნები

და ისევ არჩევნებია: საქართველოში პარლამენტის დეპუტატს აირჩევენ

81
საქართველოს პარლამენტში შუალედურ არჩევნებზე ხმის მიცემის უფლებით შეუძლიათ ისარგებლონ გიორგი მარგველაშვილს, სალომე ზურაბიშვილს, ბიძინა ივანიშვილს და საქართველოს კათოლიკოს-პატრიარქს

კვირას მთაწმინდელებს მოუწევთ მისვლა საარჩევნო უბნებზე, რათა მეორე ტურში აირჩიონ დეპუტატი თავისი ოლქიდან.

ექიმი თუ ადვოკატი – ვინ გახდება საქართველოს პარლამენტის დეპუტატი >>

მთაწმინდელებს დეპუტატი 2018 წლის დეკემბრიდან არ ჰყავთ. მათ მიერ 2016 წლის ოქტომბერში არჩეული სალომე ზურაბიშვილი პრეზიდენტი გახდა.

შუალედური არჩევნების მეორე ტურში ერთმანეთს დაუპირისპირდებიან მმართველი პარტია „ქართული ოცნება - დემოკრატიული საქართველოს“ კანდიდატი ვლადიმერ (ლადო) კახაძე და ორი ოპოზიციური პარტიის - „ევროპული საქართველოსა“ და „თავისუფალი დემოკრატების“ კანდიდატი, ადვოკატი შალვა შავგულიძე.

ჯერ კიდევ ხუთი წლის წინ მსგავსი რამ შეუძლებლად მოგვეჩვენებოდა. ლადო კახაძე პაატა ბურჭულაძის თანამოაზრე იყო და მისი ოპოზიციური პარტიიდან კენჭსაც კი იყრიდა.

პარტია „ევროპული საქართველო - მოძრაობა თავისუფლებისთვის“ საერთოდ არ არსებობდა და მისი ლიდერები ყოფილი მმართველი პარტია „ერთიანი ნაციონალური მოძრაობის“ რიგებში იბრძოდნენ, ხოლო შალვა შავგულიძე მათი აქტიური მოწინააღმდეგე იყო. შავგულიძე „ქართული ოცნების“ დამფუძნებლის, ბიძინა ივანიშვილის თანამოაზრე იყო. პარტია, რომელსაც ის ახლა ხელმძღვანელობს, მმართველი კოალიციის ნაწილი იყო, ხოლო მისი ლიდერები - მთავრობის წევრები.

პრემიერი: საპარლამენტო არჩევნების მეორე ტური მთაწმინდაზე მშვიდ გარემოში გაიმართება >>

ამ ყველაფრის გათვალისწინებით მთაწმინდელებს მოუწევთ არჩევანის გაკეთება - ვის უნდა ანდონ მათი ინტერესების წარმოდგენა საკანონმდებლო ორგანოში. მათზეა დამოკიდებული, „ქართული ოცნება“ გაამყარებს თავიანთ პოზიციებს წლის დასაწყისში პარტიიდან რამდენიმე დეპუტატის წასვლის შემდეგ, თუ ოპოზიციას პარლამენტში კიდევ ერთი ხმა შეემატება.

ეს არჩევნები იმითაც არის საინტერესო, რომ მთაწმინდაზე ხმის მიცემის უფლებით შეუძლიათ ისარგებლონ გიორგი მარგველაშვილს, სალომე ზურაბიშვილს, ბიძინა ივანიშვილს და საქართველოს კათოლიკოს-პატრიარქს ილია მეორეს, საქართველოს ყოფილ თავდაცვის მინისტრ და „თავისუფალი დემოკრატების“ დამფუძნებელ ირაკლი ალასანიას, ასევე პარტია „ევროპული საქართველოს“ თავმჯდომარე დავით ბაქრაძეს.

არჩევანის გაკეთება 43,9 ათასზე მეტ ამომრჩეველს შეუძლია.

არჩევნებს 31 უბანზე დააკვირდება 52 ადგილობრივი ორგანიზაციიდან 5,2 ათასი დამკვირვებელი და 53 - შვიდი საერთაშორისო ორგანიზაციიდან. აკრედიტაცია 45 მედიასაშუალების 1,9 ათასმა ჟურნალისტმა მოიპოვა.

არჩევნების პროცესს ასევე დააკვირდება იმ პარტიების 123 წარმომადგენელი, რომელთა კანდიდატებიც მონაწილეობენ არჩევნებში.

თითოეულ საარჩევნო უბანზე საშუალოდ მოდის 167 ადგილობრივი და ორი საერთაშორისო დამკვირვებელი, 61 ჟურნალისტი, ოპერატორი და ფოტოგრაფი, ასევე პარტიის 4 წარმომადგენელი.

არჩევნები შემდგარი იქნება ამომრჩეველთა ნებისმიერი აქტივობის შემთხვევაში.

პირველ ტურში ლიდერობდა მმართველი პარტიის კანდიდატი ლადო კახაძე. მან ხმების 41,01% მოიპოვა და ახლა დარწმუნებულია თავის გამარჯვებაში.

„მე დეტალურად ვიცი ჩემი მთაწმინდელების საჭიროება და გამარჯვებისთანავე დავიწყებ მუშაობას, რომ არსებული საკითხები მოკლე დროში გადავჭრათ. უღრმესი მადლობა მინდა ვუთხრა თითოეულ მთაწმინდელს, თქვენი მხარდაჭერა მაძლიერებს და მარწმუნებს, რომ სწორი გადაწყვეტილება მივიღე. ძალიან ცოტა დარჩა საბოლოო გამარჯვებამდე“, - განაცხადა ლადო კახაძემ.

ჭიჭინაძე ბესელიას კვალდაკვალ - „ოცნების“ ყოფილმა წევრებმა „ფესვების გადგმა“ გადაწყვიტეს >>

ხოლო შავგულიძე, რომელმაც 36,84%-ით მეორე ადგილი დაიკავა, მიიჩნევს, რომ სწორედ ის გახდება ის ადამიანი, რომელიც დაასრულებს მმართველი პარტიის ტრიუმფალურ გამარჯვებებს არჩევნებზე ბოლო შვიდი წლის განმავლობაში.

„ჩვენ გვაქვს ძალიან კარგი შესაძლებლობა, მთაწმინდიდან დავიწყოთ ამ ხელისუფლების ცვლილება და დავიწყოთ ეს არჩევნების გზით“, – განაცხადა შალვა შავგულიძემ.

ვინ მოიგებს, ამას მოსახლეობა ძალიან მალე გაიგებს. არჩევნების წინასწარი შედეგები მაქსიმუმ ორშაბათ ღამით გახდება ცნობილი. გამარჯვებული იქნება ის კანდიდატი, რომელიც ხმების ყველაზე მეტ რაოდენობას მოიპოვებს.

81
თემები:
შუალედური და რიგგარეშე არჩევნები საქართველოში (105)
პრემიერი გიორგი გახარია

გახარია: საქართველო ახალი შესაძლებლობების ქვეყანაა

30
(განახლებულია 20:35 25.09.2020)
მთავრობის მეთაურმა აღნიშნა, რომ ბიზნესის კეთების სიმარტივის მხრივ საქართველო მსოფლიოში ერთ-ერთი მოწინავე ქვეყანაა.

თბილისი, 25 სექტემბერი - Sputnik. საქართველო არის ახალი შესაძლებლობების ქვეყანა, ადგილი, რომელსაც შეუძლია შესთავაზოს ის, რასაც ვერ შესთავაზებენ სხვაგან, განაცხადა საქართველოს პრემიერ-მინისტრმა, გიორგი გახარიამ გაეროს გენერალური ასამბლეის 75-ე სესიაზე სიტყვით გამოსვლისას.

გახარია: მოვახერხეთ, გავმკლავებოდით პანდემიის შემოტევას და მწვანე ზონად დავრჩენილიყავით>>

მთავრობის მეთაურმა ხაზი გაუსვა, რომ ბიზნესის კეთების სიმარტივის კუთხით საქართველო არის მსოფლიოში ერთ-ერთი მოწინავე ქვეყანა.

„საქართველოს განვითარებული ეკონომიკის ქვეყნად ქცევა ჩვენი მთავარი მიზანია და ამ გზაზე შთამბეჭდავი წარმატებებიც გვაქვს. საქართველო არის ახალი შესაძლებლობების ქვეყანა, ადგილი, რომელსაც შეუძლია შესთავაზოს ის, რასაც ვერ შესთავაზებენ სხვაგან, მათ შორის სტრატეგიული ადგილმდებარეობა, სადაც კულტურულ-ენობრივი ბარიერი უბრალოდ არ არსებობს, სადაც გადასახადები მინიმალურია და ბიზნესს ეძლევა ყველანაირი საშუალება, განვითარდეს“, -განაცხადა პრემიერმა.

როგორც გახარიამ აღნიშნა, დღეს საქართველო უკვე პოზიციონირებს, როგორც მულტიფუნქციური რეგიონული ცენტრი – განათლებაში, მედიცინაში, ლოგისტიკაში, ტურიზმსა და ზოგადად, ბიზნესის კეთებაში.

„ჩვენ დღეს, 21-ე საუკუნეში, მსოფლიოს ვაცნობთ საქართველოს, როგორც პროგრესის, ცოდნისა და კულტურის დამაკავშირებელს ევროპიდან აზიისკენ და პირიქით. ჩვენი მთავარი ფასეულობა არის ხალხი, რომლის იდენტობის უმნიშვნელოვანესი ნაწილია ტოლერანტობა – მთავარი დასავლური ფასეულობა“, – აღნიშნა პრემიერ-მინისტრმა.

საქართველოს მთავრობის მეთაურმა სიტყვით გამოსვლისას ყურადღება გაამახვილა ასევე ისეთ მნიშვნელოვან საკითხებზე, როგორიცაა Covid-19-ის პანდემიის წინააღმდეგ ბრძოლა, საქართველოს ევროპული და ევროატლანტიკური ინტეგრაცია, საკონსტიტუციო რეფორმა და სხვ.

წელს გაერთიანებული ერების ორგანიზაცია 75 წლის იუბილეს აღნიშნავს და ორგანიზაციის არსებობის ისტორიაში პირველად  გენერალური ასამბლეა დისტანციურად იმართება.

საქართველოს პრეზიდენტის ოთხი პრინციპი: რაზე ისაუბრა ზურაბიშვილმა გაეროში>>

გენერალური ასამბლეის საიუბილეო სხდომაზე საქართველოს პრეზიდენტი სალომე ზურაბიშვილი დისტანციურად უკვე გამოვიდა. მის სიტყვას ერქვა „მომავალი, რომელიც ჩვენ გვსურს“, რომელშიც ჩამოთვლილი იყო თანამედროვე გამოწვევების პირობებში ქვეყნის კეთილდღეობის ფუნდამენტური საფუძვლები.

30
პრემიერი გიორგი გახარია

გახარია: საკონსტიტუციო რეფორმა ქვეყანას სწრაფი ტემპით წაიყვანს განვითარების გზაზე

20
(განახლებულია 20:04 25.09.2020)
საქართველო თავს აცნობს მსოფლიოს, როგორც ქვეყანა, რომელსაც დემოკრატიის ერთ-ერთი უმაღლესი სტანდარტი აქვს რეგიონში, მიღწევებით არ კმაყოფილდება და მუდმივად ისწრაფვის განვითარებისკენ, აღნიშნა პრემიერმა

თბილისი, 25 სექტემბერი - Sputnik. ჩვენ გავატარეთ ისტორიული მნიშვნელობის საკონსტიტუციო რეფორმა, რაც ქვეყანას კიდევ უფრო სწრაფი ტემპით წაიყვანს დემოკრატიული განვითარების გზაზე, განაცხადა საქართველოს პრემიერ-მინისტრმა გიორგი გახარიამ გაეროს გენერალური ასამბლეის 75-ე სესიაზე სიტყვით გამოსვლისას.

საქართველოს პრეზიდენტის ოთხი პრინციპი: რაზე ისაუბრა ზურაბიშვილმა გაეროში>>

როგორც მთავრობის მეთაურმა აღნიშნა, 2020 წლიდან საქართველო ევროპულ საპარლამენტო მმართველობაზე გადავიდა, ხოლო 2024 წელს დაგეგმილი საპარლამენტო არჩევნები სრულად პროპორციული საარჩევნო სისტემით ჩატარდება.

„დღეს საქართველო თავს აცნობს მსოფლიოს, როგორც ქვეყანა, რომელსაც დემოკრატიის ერთ-ერთი უმაღლესი სტანდარტი აქვს რეგიონში, მიღწევებით არ კმაყოფილდება და მუდმივად ისწრაფვის განვითარებისკენ. აღნიშნული საკონსტიტუციო ცვლილება საქართველოს უახლეს ისტორიაში შექმნის სრულიად ახალ, დასავლური საპარლამენტო დემოკრატიული სისტემისთვის დამახასიათებელ ანალოგს, რომელიც ჩვენს ქვეყანას კიდევ უფრო სწრაფი ტემპით წაიყვანს დემოკრატიული განვითარების გზაზე“, - აღნიშნა გახარიამ.

პრემიერის განცხადებით, ამ ცვლილებით მმართველმა პოლიტიკურმა გუნდმა შეძლო ის, რაც სახელმწიფოს 30-წლიანი არსებობის განმავლობაში ბევრმა პოლიტიკურმა ძალამ განაცხადა, თუმცა ვერავინ გაბედა აღსრულება.

საქართველოს მთავრობის მეთაურმა სიტყვით გამოსვლისას ყურადღება გაამახვილა ასევე ისეთ მნიშვნელოვან საკითხებზე, როგორიცაა Covid-19-ის პანდემიის წინააღმდეგ ბრძოლა,  საქართველოს ევროპული და ევროატლანტიკური ინტეგრაცია და სხვ.

წელს გაერთიანებული ერების ორგანიზაცია 75 წლის იუბილეს აღნიშნავს და ორგანიზაციის არსებობის ისტორიაში პირველად  გენერალური ასამბლეა დისტანციურად იმართება. 

გენერალური ასამბლეის საიუბილეო სხდომაზე საქართველოს პრეზიდენტი სალომე ზურაბიშვილი დისტანციურად უკვე გამოვიდა. მის სიტყვას ერქვა „მომავალი, რომელიც ჩვენ გვსურს“, რომელშიც ჩამოთვლილი იყო თანამედროვე გამოწვევების პირობებში ქვეყნის კეთილდღეობის ფუნდამენტური საფუძვლები.

20
სასწრაფო დახმარების მანქანა

კახეთში რთველში მიმავალი მიკროავტობუსი გადატრიალდა: დაშავებულია 11 ადამიანი

0
(განახლებულია 21:36 25.09.2020)
სასწრაფო-სამედიცინო დახმარების ბრიგადებმა დაშავებულები  ყვარლისა და თელავის კლინიკებში, მცირეწლოვანი ბავშვი კი თბილისში გადაიყვანეს.

თბილისი, 25 სექტემბერი - Sputnik. თელავი-ყვარლის საავტომობილო გზაზე ავტოსაგზაო შემთხვევის შედეგად 11 ადამიანი, მათ შორის ერთი ოთხი წლის ბავშვი დაშავდა, იუწყება პირველი არხი.

გავრცელებული ინფორმაციით, სამარშრუტო ტაქსი, რომელსაც თელავის მუნიციპალიტეტის სოფელ ყარაჯალიდან ყვარელში რთველში ადამიანები გადაჰყავდა,  ცემენტის ბოგირს შეეჯახა და გადატრიალდა. მანქანაში მყოფმა მგზავრებმა სხვადასხვა სახის დაზიანებები მიიღეს.

სასწრაფო–სამედიცინო დახმარების ბრიგადებმა დაშავებულები ყვარლისა და თელავის კლინიკებში გადაიყვანეს, მცირეწლოვანი ბავშვი კი თბილისში მოათავსეს. თელავის რეფერალურ საავადმყოფოში  რვა ადამიანია მოთავსებული, ორ დაშავებულს ქირურგიული ოპერაცია ჩაუტარდა და რეანიმაციულ განყოფილებაში იმყოფება.

სავარაუდოდ, მანქანას სავალი ნაწილი დაუზიანდა და მძღოლმა საჭე ვერ დაიმორჩილა.

მომხდარ ფაქტზე გამოძიება საქართველოს სსკ-ის 276-ე მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დრღვევას გულისხმობს.

0
თემები:
შემთხვევები საქართველოში