ეკა ბესელია

შეძლებს თუ არა ეკა ბესელიას ახალი პარტია ხელისუფლებაში „ქართული ოცნების" ჩანაცვლებას

358
(განახლებულია 10:57 28.05.2019)
არის თუ არა სამართლიანი სასამართლოს იდეა ის გასაღები, რომელიც ქართველი ამომრჩევლის გულის კარს მონახავს, ძალიან მალე გამოჩნდება.

ქართული ოცნებიდან წამოსული დეპუტატები, რომლებმაც ძირითადად პარლამენტში წარდგენილი უზენაესი სასამართლოს მუდმივი მოსამართლეების სავარაუდო სიის გამო დატოვეს უმრავლესობა, ახალი პარტიის შექმნას აანონსებენ.

ეკა ბესელიას თქმით, დეტალებზე ჯერ არ საუბრობს, თუმცა მათი პარტია არა მესამე ძალა, არამედ ხელისუფლების რეალური ალტერნატივა იქნება და ძალიან მალე შეცვლიან „ქართულ ოცნებას“. პარტიის პრეზენტაცია ივნისში გაიმართება. როგორც ბესელია ამბობს, მასში ბევრ ახალ სახეს ვიხილავთ და რაც მთავარია, პარტია უკომპრომისოდ იბრძოლებს სამართლებრივი სახელმწიფოს ჩამოყალიბებისათვის.

ექსპერტები ეკა ბესელიას, ზვიად კვაჭანტირაძის, დავით ჭიჭინაძისა და ლევან გოგიჩაიშვილის სახელთან ასოცირებული პარტიის შექმნას სკეპტიკურად უყურებენ, თუმცა თუ საქართველოში არსებულ ტენდენციებს გავითვალისწინებთ, სულაც არ ჩანს შეუძლებელი, პარტიამ 3-პროცენტიანი ბარიერი გადალახოს და პარლამენტში მოხვდეს.

ეკა ბესელია საკმაოდ ცნობილი სახეა. გია ხუხაშვილი კი თვლის, რომ მას საკმარისი მორალური ავტორიტეტი არ გააჩნია პარტიის შესაქმენლად, თუმცა, ვინ იცის... მთავარია, როგორი დაფინანსება და გაშუქება ექნება ახალ პოლიტიკურ ძალას.

არიან ისეთებიც, ვინც თვლის, რომ ეს ბიძინა ივანიშვილის მორიგი პროექტია, თუმცა ამ მოსაზრებას არ იზიარებს ჟურნალისტი ელისო კილაძე, რომელიც ამბობს, რომ ბესელია ბიძინამ გამოაგდო და ის ასეთ თამაშებში მონაწილეობას არ აპირებს.

ვინ იქნებიან პარტიის ახალი სახეები? სწორედ ის ახალგაზრდები, რომლებიც 2007 წლის შემდეგ სააკაშვილის წინააღმდეგ იბრძოდნენ და ბევრი სხვადასხვა კონფიგურაციით ჰქონდათ შეხება გაერთიანებულ ოპოზიციასთან. რაც ყველაზე მთავარია - უმრავლესობიდან წასულმა დეპუტატებმა იციან, რომ პოეტ დავით მაღრაძესთან ერთად მათ გვერდით დგომის სურვილი აქვს ბევრ ისეთ ადამიანს, რომელიც 2012 წელს ქართული ოცნების აქტივისტი იყო, 7 წლის განმავლობაში მათი არსებობა არავის გახსენებია და, ბუნებრივია, განაწყენებულნი არიან. ასეთი კი, სამწუხაროდ, ძალიან ბევრია. 

რთული სოციალურ-ეკონომიკური პირობები მთავრობის მიმართ უკმაყოფილოების ტალღას ზრდის. გია ხუხაშვილი ამბობს, რომ იმ ფონზე, როცა მოსახლეობის 37 პროცენტი ამბობს, რომ მათ ინტერესებს არც ერთი პარტია არ გამოხატავს, ხელისუფლება ქუჩაში გდია და არავინაა მისი ამღები. აიღებს თუ არა ახალი პოლიტიკური გაერთიანება იმედგაცრუებული 37 პროცენტის თუნდაც ნაწილის ხმებს, ამის მიმანიშნებელი მთაწმინდის არჩევნებიც იქნება, სადაც შალვა შავგულიძე სწორედ სამართლიანი სასამართლოს იდეით აპელირებს.

...საბოლოო შედეგები კი 2020 წლის შემოდგომაზე შეგვიძლია, დავთვალოთ...

 

რედაქცია შესაძლოა არ ეთანხმებოდეს ავტორის მოსაზრებას!

358
სუს-ის შენობა

სუსი: პირთა ჯგუფები ქართველებსა და აზერბაიჯანელებს შორის განხეთქილების შეტანას ცდილობენ

89
(განახლებულია 19:30 30.05.2020)
სუს-ის ცნობით, ეს ადამიანები არასწორ და აგრესიულ მოწოდებებს ავრცელებენ, რასაც ორივე მხრიდან ეროვნული პატივისა და ღირსების შემლახავი განცხადებები და ქმედებები მოჰყვება.

თბილისი, 30 მაისი - Sputnik. საქართველოში არსებობენ პირთა ჯგუფები და რიგი მოქალაქეები, რომლებიც ცდილობენ ქვემო ქართლის და კახეთის რეგიონში ეთნიკურ ქართველებსა და აზერბაიჯანელებს შორის შუღლის გაღვივებას, ნათქვამია სახელმწიფო უსაფრთხოების სამსახურის (სუს) მიერ გავრცელებულ განცხადებაში.

სახელმწიფო უსაფრთხოების სამსახურმა რასობრივი დისკრიმინაციის მუხლით გამოძიება დაიწყო.

„აღნიშნული პირები ნეგატიურ კონტექსტში აქტიურად იყენებენ წლების მანძილზე დაგროვებულ ისეთ საკითხებს, რომელთა არასწორი, თითქოსდა პატრიოტული მოტივებით გახმოვანების და რომელიმე ეთნიკური ჯგუფის მიმართ მიზანმიმართული საჯარო მოწოდებების გაკეთების შემთხვევაში, ქვეყნის იმ რეგიონებში, რომლებიც მჭიდროდ არის დასახლებული ეთნიკური აზერბაიჯანელებით, აშკარა საფრთხეს უქმნის ეთნიკურად ქართველ მოსახლეობასთან მათ მშვიდობიან თანაცხოვრებას“, - აღნიშნულია განცხადებაში.

უწყების ინფორმაციით, ზემოხსენებული პირები ცდილობენ ქვემო ქართლისა და კახეთის რეგიონში წამოჭრილი საკითხების გამოყენებას ეროვნული მტრობის ჩამოგდების მიზნით.

სუს-ის მტკიცებით, ეს ადამიანები არასწორ და აგრესიულ მოწოდებებს ავრცელებენ, რასაც ორივე მხრიდან ეროვნული პატივისა და ღირსების შემლახავი განცხადებები და ქმედებები მოჰყვება.

„პირთა ჯგუფი ცდილობს თავის საჯარო განცხადებებსა თუ იდეოლოგიაში სიტუაციის იმგვარად წარმოჩენას, თითქოსდა  ეთნიკურად ქართველი მოსახლეობას სხვა საქართველოს მოქალაქე ეთნიკურ უმცირესობებთან მიმართებაში ენიჭებათ უპირატესობა, რაც უფრო ზრდის ეროვნული კონფლიქტის წარმოშობის რისკებს“, - ნათქვამია განცხადებაში.

ბოლნისისა და მარნეულის რაიონებში კორონავირუსთან დაკავშირებით საინფორმაციო კამპანია დაიწყო >>

სუს-მა გამოძიება რასობრივი დისკრიმინაციის ფაქტზე საქართველოს სსკ-ის 1421-ე მუხლით დაიწყო. მუხლი გულისხმობს პირთა ჯგუფის მიერ ჩადენილ ქმედებას, ეროვნული მტრობის და განხეთქილების ჩამოგდების, ეროვნული პატივისა და ღირსების დამცირების მიზნით, აგრეთვე ეროვნული და ეთნიკური კუთვნილების ნიშნით ადამიანის უფლებების პირდაპირ ან არაპირდაპირ შეზღუდვას, ანდა იმავე ნიშნით ადამიანისათვის უპირატესობის მინიჭებას, რამაც არსებითად ხელყო მისი უფლება.

 

89
ქართული მარში

„ქართული მარში“ პარტია გახდება - ქვეყნის სათავეში მოსვლა ულტრანაციონალისტებს სურთ

85
(განახლებულია 23:56 29.05.2020)
სანდრო ბრეგაძის სიტყვებით, არჩევნებში გამარჯვების შემთხვევაში ახალი პარტიის მიზანი „თავისუფალი, ნაციონალური სახელმწიფოს აშენება“ იქნება

თბილისი, 29 მაისი - Sputnik. საზოგადოებრივი მოძრაობა „ქართული მარში“ ივნისში პოლიტიკური პარტია გახდება და მონაწილეობას მიიღებს 2020 წლის შემოდგომის საპარლამენტო არჩევნებში, განუცხადა „Sputnik-საქართველოს“ მოძრაობის თავმჯდომარე სანდრო ბრეგაძემ.

თითქმის სამი წლის წინ დაფუძნებული მოძრაობა „ქართული მარში“ აერთიანებს სხვადასხვა ნაციონალისტურ ორგანიზაციას. მან სახელი გაითქვა ტრადიციული ფასეულობების დასაცავად გამართული ხმაურიანი აქციებით.

 „ჩვენ გვინდა საქართველოში „კონსერვატორული რევოლუციის“ მოწყობა. რადგანაც მთელ ქრისტიანულ სამყაროში საქართველო დარჩეს სახელმწიფოდ, სადაც არასდროს გაიმართება „გეი“ აღლუმები. პანდემიის დროს მხოლოდ საქართველოში წავიდა ხალხი ეკლესიაში, როდესაც ჩვენ აღდგომას აღვნიშნავდით. ამით მთელ მსოფლიოს ვუთხარით, რომ საქართველო სხვა ფასეულობებზე დგას და მართლმადიდებლობა - ის ფუნდამენტია, რომელზეც არა მხოლოდ საშინაო, არამედ საგარეო პოლიტიკა უნდა აიგოს. ეს საქართველოს განვითარებისთვის ძალიან მნიშვნელოვანია, განსაკუთრებით ჩვენს მეზობლებთან თანაარსებობის პროცესში“, - განუცხადა ბრეგაძემ „Sputnik-საქართველოს“

Сандро Брегадзе беседует с журналистами
© Sputnik / Alexander Imedashvili
სანდრო ბრეგაძე

პოლიტიკური პარტიის სახით მოძრაობა ივნისში დარეგისტრირდება და ყრილობასაც გამართავს.

„ყრილობაზე ვისაუბრებთ პარტიაზეც, მის ხელმძღვანელობაზეც და ჩვენს სტრატეგიასა და ტაქტიკაზე. ამის შემდეგ ვგეგმავთ გრანდიოზულ მიტინგებსა და მანიფესტაციებს. და პირობას ვდებთ, რომ არჩევნებამდე მასშტაბურ ქართულ მარშს მოვაწყობთ, ორჯერ-სამჯერ დიდს, ვიდრე 2017 წელს. საქართველოს ყველა კონსერვატორულ ძალას, რომელიც პატივს  სცემს ჩვენს ტრადიციებს, ჩვენს ეკლესიას, ჩვენს მართლმადიდებლობას - მოვუწოდებთ, გაერთიანდეს და იბრძოლოს ყველა იმ ბნელი ძალის წინააღმდეგ, რომელსაც ჩვენი ქვეყნისა და ფასეულობების დანგრევა სურს“, - აღნიშნა ბრეგაძემ. 

მისი განცხადებით, არჩევნებში მონაწილეობა და გამარჯვებისთვის ბრძოლა მოძრაობის გეგმებში არ შედიოდა, მაგრამ ეს ნაბიჯი იძულებითი ზომა იყო. პარტიის მიზანი არჩევნებში გამარჯვების შემთხვევაში - თავისუფალი, ეროვნული სახელმწიფოს შენება იქნება.

ახლა ორგანიზაცია აქტიურ მოლაპარაკებებს აწარმოებს რიგ პოლიტიკოსებთან და საზოგადოებაში ცნობილ პირებთანპირებთან. ბრეგაძე დარწმუნებულია, რომ ახალ პარტიას მოსახლეობის მხარდაჭერა ექნება, ვინაიდან საქართველოს მცხოვრებთა უმრავლესობა, მისი თქმით, კონსერვატორულ მართლმადიდებლურ იდეოლოგიას უჭერს მხარს.

ეს ბრეგაძის ხელისუფლებაში მოსვლის პირველი მცდელობა არ არის. 2018 წელს მან ქვეყნის პრეზიდენტის პოსტზე თავისი კანდიდატურა წამოაყენა.

 „ქართული მარშის“ სკანდალური ბეგრაუნდი

„ქართულ მარშს“ შექმნის დღიდან მრავალი მიტინგი გაუმართავს, რომლებიც ხშირად შეხლა-შემოხლითა და დაპატიმრებებით  მთავრდებოდა. ყველაზე გახმაურებულ აქციებს შორის არის არატრადიციული სიყვარულის შესახებ გადაღებული ფილმის პრემიერის წინააღმდეგ შარშან გამართული პროტესტი.

 „ქართულმა მარშმა“ სცადა  თბილისისა და ბათუმის კინოთეატრებში 8 ნოემბერს დაგეგმილი ლევან აკინის ქართულ-შვედური ფილმის „და ჩვენ ვიცეკვეთ“ პრემიერის ჩაშლა. აქციის მონაწილეებმა კინოთეატრების შესასვლელები და მიმდებარე ტერიტორია გადაკეტეს და სცადეს პოლიციის კორდონის გარღვევა. სკანდალური ფილმის პრემიერა შედგა –  მაყურებელი კინოთეატრებში პოლიციის თანხლებით შედიოდა და გამოდიოდა. 

2018 წლის მარტში „ქართული მარშის“ წარმომადგენლებმა, რომლებიც იესო ქრისტეზე ტელეკომპანია „რუსთავი 2“-ის გადაცემა „პოსტ–სკრიპტუმის“ წამყვანის, გიორგი გაბუნიას ხუმრობამ გააღიზიანა, მორწმუნეთა გრძნობების შეურაცხყოფისთვის გაბუნიასთვის „ჭკუის სწავლა“ გადაწყტიტეს. . მათ დააზიანეს ავტომობილი, რომელშიც გაბუნია და ტელეკომპანიის იურისტი ისხდნენ, სპორტულ ჟურნალისტ დავით ერაძეს კი ცხვირი გაუტეხეს. მაშინ მოძრაობის შვიდი აქტივისტი პოლიციამ ხულიგნობისთვის დააკავა.

2017 წელს „ქართულმა მარშმა“ აქცია გამართა და გააპროტესტა ფეხბურთელ გურამ კაშიას მოქმედება, რომელმაც ერთ-ერთი მატჩის დროს ხელზე ლგბტ-საზოგადოების დროშის სამკლაური გაიკეთა. მოძრაობის მონაწილეებმა მაშინ ლგბტ-საზოგადოების დროშა დაწვეს და საქართველოს ნაკრების ვიცე–კაპიტანის გუნდიდან გარიცხვა მოითხოვეს.

85
ნიკოლ ფაშინიანი

ფაშინიანი: სომხეთი საქართველოს დახმარებისთვის საჭიროების შემთხვევაში მიმართავს

0
(განახლებულია 09:54 31.05.2020)
სომხეთის მთავრობა მადლიერია თბილისის COVID-19-თან ბრძოლაში დახმარების მზადყოფნისთვის, მაგრამ ხელისუფლებსა სიტუაციას საკუთარი ძალებით გამკლავების იმედი აქვს

თბილისი, 31 მაისი — Sputnik. სომხეთი კორონავირუსის ბრძოლაში საქართველოს საჭიროების შემთხვევაში მიმართავს, თუმცა ქვეყნის ხელისუფლებას იმედი აქვს, რომ ამის საჭიროება არ დადგება, განაცხადა სომხეთის პრემიერ-მინისტრმა ნიკოლ ფაშინიანმა ბრიფინგზე, იუწყება Sputnik-სომხეთი.

რამდენიმე დღის წინ საქართველოს დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ აღნიშნა, რომ თუ სომხეთს რაიმე დახმარება დასჭირდება, მათ შორის კორონავირუსით დაავადებული პაციენტების მკურნალობის კუთხით, საქართველო მზად არის დახმარება აღმოუჩინოს.

„ეპიდემიის პირველივე დღიდან ჩვენ მჭიდროდ ვითანამშრომლეთ საქართველოს ხელისუფლებასთან, დაწყებული პრემიერ-მინისტრით, დამთავრებული სპეციალისტებით. ჩვენ ამ თანამშრომლობას ეფექტურად მივიჩნევთ“, - განაცხადა ფაშინიანმა.

მან აღნიშნა, რომ საქართველო სომხეთისთვის მოძმე ქვეყანაა და დახმარებისთვის მზადყოფნა ურთიერთობებს კიდევ უფრო ათბობს.

მან გაიხსენა, რომ 2019 წელს, როდესაც საქართველოში იყო წითელას აფეთქება, სომხეთი საქართველოს 30 000 ვაქცინით დაეხმარა. მან აღნიშნა, რომ ასეთ დროს მხარეები ერთმანეთის გვერდით უნდა იყონ.

პრემიერმა აღნიშნა, რომ ეპიდემიის საკითხი სომხეთის ორმხრივი ურთიერთობების დღის წესრიგში ყველა მეზობელთან დგას - საქართველოსთან, ირანთან და საერთაშორისო პარტნიორებთან.

„ბოდიში უნდა მოიხადოს“ - თენგიზ ცერცვაძე სომხეთის ჯანდაცვის მინისტრის განცხადებამ შეაშფოთა >>

30 მაისის მდგომარეობით, სომხეთში COVID-19-ით ინფიცირების დადასტურებული შემთხვევების რაოდენობა 8927-ს აღწევს. სულ გამოჯანმრთელდა 3317 ადამიანი, მკურნალობას 5435 პაციენტი გადის. ქვეყანაში მთლიანობაში 57081 ტესტი ჩატარდა. დაავადებამ 127 ადამიანის სიცოცხლე იმსხვერპლა, კიდევ 48 პაციენტი სხვა დაავადებების გართულებებისგან დაიღუპნენ.

0
თემები:
COVID-19-ის პანდემია მსოფლიოში