საარჩევნო ბიულეტენები ურნაში

პრემიერი: საპარლამენტო არჩევნების მეორე ტური მთაწმინდაზე მშვიდ გარემოში გაიმართება

86
პრემიერი კმაყოფილია ცესკო-ს და პოლიციის მუშაობით შუალედურ არჩევნებზე

თბილისი, 23 მაისი - Sputnik. საქართველოს პრემიერ-მინისტრი მამუკა ბახტაძე დარწმუნებულია, რომ მთაწმინდის ერთმანდატიან ოლქში საპარლამენტო არჩევნების მეორე ტური წყნარ და მშვიდობიან გარემოში გაიმართება.

კვირას ზუგდიდის, ჭიათურის, ხულოს, ზესტაფონისა და მარნეულის რაიონებში მერების რიგგარეშე არჩევნები ჩატარდა; საგარეჯოში, ახმეტაში, ადიგენში, ოზურგეთში, ჭიათურაში, ტყიბულში, წყალტუბოსა და ზესტაფონში კი - საკრებულოების შუალედური არჩევნები.  რაც შეეხება საქართველოს პარლამენტს, კენჭისყრა თბილისის ცენტრალურ ვაკის რაიონში, მთაწმინდაზე გაიმართა. 

არჩევნები დასრულდა - ინტრიგა გრძელდება >>

მეორე ტური გაიმართება მხოლოდ მთაწმინდაში, სადაც ერთმანეთს დაუპირისპირდებიან კანდიდატი მმართველი პარტია „ქართული ოცნება - დემოკრატიული საქართველოდან“ ვლადიმერ (ლადო) კახაძე და კანდიდატი ოპოზიციური გაერთიანება „ევროპული საქართველო - თავისუფალი დემოკრატებიდან“ შალვა შავგულიძე. პირველმა ტურმა ექსცესების გარეშე ჩაიარა.

„ყველა ოლქში, პირველივე ტურში გაიმარჯვეს ჩვენს მიერ წარდგენილმა კანდიდატებმა. რაც შეეხება მთაწმინდას, აქ გვაქვს ჩვენ მეორე ტური, რომელიც ბუნებრივია, ამავე დროს არის დემოკრატიულად ჩატარებული არჩევნების გამოვლინება. მე დარწმუნებული ვარ, რომ არჩევნების მეორე ტურიც ჩაივლის ისეთივე რეჟიმში, როგორიც იყო პირველი ტური - მშვიდობიანად, დემოკრატიული სტანდარტების უმაღლესი დაცვით, სადაც ადგილობრივი მცხოვრებლები თავის გადაწყვეტილებას და არჩევანს მიიღებენ“, - განაცხადა მამუკა ბახტაძემ.

მან ცესკო-ს და პოლიციას წინასაარჩევნო კამპანიისა და არჩევნების დროს კარგი მუშაობისთვის მადლობა გადაუხადა.

„ივანიშვილის დამცავი ფარი“: რას უნდა ველოდოთ „რევოლუციონერებისგან“ საქართველოში >>

ცესკო-ს წინასწარი მონაცემებით, კახაძემ დააგროვა ამომრჩეველთა 41,01%, შავგულიძემ - 36,84%.

რაც შეეხება მეორე ტურში გამარჯვებულებს, ამ საკითხში ექსპერტების პროგნოზები ერთმანეთისგან განსხვავდება.

86
თემები:
შუალედური და რიგგარეშე არჩევნები საქართველოში (105)
ბელარუსის საელჩო საქართველოში

პირველად ისტორიაში: ბელარუსელები პრეზიდენტს საქართველოში ირჩევენ

20
(განახლებულია 14:37 09.08.2020)
საქართველოში მყოფ ბელარუსის მოქალაქეებს პირველად აქვს შესაძლებლობა, აქედან მიიღონ მონაწილეობა თავისი ქვეყნის საპრეზიდენტო არჩევნებში

 

თბილისი, 9 აგვისტო — Sputnik. ბელარუსის მოქალაქეებს პირველად ეძლევათ შესაძლებლობა, საქართველოს ტერიტორიაზე მიიღონ მონაწილეობა საპრეზიდენტო არჩევნებში, განუცხადეს „Sputnik საქართველოს“ ჩვენს ქვეყანაში ბელარუსის საელჩოს წარმომადგენელმა. 

საარჩევნო უბანი განთავსებულია საელჩოს შენობაში მისამართზე: კრწანისის ქუჩა №18. ხმის მიცემა დილის რვა საათზე დაიწყო და საღამოს 20:00 საათამდე გასტანს.

„ჩვენი საელჩო საქართველოში 2016 წლიდან ფუნქციონირებს. ასე რომ არჩევნებს აქ პირველად ვატარებთ“, — განმარტეს საელჩოში.

ბელარუსის საგანგებო და სრულუფლებიანი ელჩის მრჩეველმა კირილ გრიგორიევმა აღნიშნა, რომ ამომრჩეველთა სიები კიდევ ერთხელ დაზუსტდა, ვინაიდან საქართველოში მყოფმა ბელარუსის მოქალაქეებმა თავად მიმართეს საელჩოს თხოვნით, შეეყვანათ სიაში, რათა ხმის მიცემის შესაძლებლობა ჰქონოდათ.

საარჩევნო ბიულეტენში პრეზიდენტობის ხუთი კანდიდატია შეყვანილი: ალექსანდრ ლუკაშენკო (მოქმედი პრეზიდენტი), სვეტლანა ტიხანოვსკაია, ანდრეი დმიტრიევი, სერგეი ჩერეჩნი და ანა კანოპაცკაია. გარდა ამისა, ბიულეტენში არის გრაფა „ყველას წინააღმდეგ“.

როგორც ცნობილია, ბელარუსის პრეზიდენტი 5 წლის ვადით ირჩევა. შესაბამისად, მომდევნო არჩევნები უკვე 2025 წელს უნდა გაიმართოს.

20
თემები:
მსოფლიო დღეს
არჩევნები ბელარუსში

ბელარუსში საპრეზიდენტო არჩევნები ტარდება

64
საქართველოში ბელარუსის მოქალაქეები საკუთარი პოზიციის დაფიქსირებას ქვეყნის საელჩოს შენობაში შეძლებენ.

თბილისი, 9 აგვისტო — Sputnik. ბელარუსში საპარლამენტო არჩევნები ტარდება, იუწყება „Sputnik ბელარუსი“.

9 აგვისტოს ძირითადი კენჭისყრა მიმდინარეობს. ამასთან, 4 აგვისტოდან მოქალაქეებს შეეძლოთ ხმა ვადაზე ადრე მიეცათ. ცესკოს ბოლო მონაცემებით (07.08.2020), ამომრჩევლის აქტივობამ 32,24% შეადგინა.

9 აგვისტოს საარჩევნო უბნები 08:00 საათიდან გაიხსნა და 20:00 საათზე დაიხურება, რის შემდეგაც ხმების დათვლის პროცესი დაიწყება. 

საარჩევნო კამპანიის პერიოდში 5767 საარჩევნო უბანი შეიქმნა, მათგან 44 უცხოეთში, რომლებიც 36 ქვეყანაში ბელარუსის საელჩოებსა და გენერალურ საკონსულოებში მუშაობენ.

არჩევნების სავარაუდო შედეგები 10 აგვისტოს დილით გახდება ცნობილი.

არჩევნებში ხუთი კანდიდატი მონაწილეობს: ალექსანდრ ლუკაშენკო – მოქმედი პრეზიდენტი, კენჭს იყრის მეექვსედ, ასევე ანა კანოპაცკაია, ანდრეი დმიტრიევი, სერგეი ჩერეჩენი, სვეტლანა ტიხანოვსკაია.

საქართველოში ბელარუსის მოქალაქეები საკუთარი პოზიციის დაფიქსირებას ქვეყნის საელჩოს შენობაში შეძლებენ.

64
ლეონარდო და ვინჩის ნახატი „სამყაროს მხსნელი“

მსოფლიოს უძვირესი ნახატი შესაძლოა და ვინჩის არ ეკუთვნოდეს: სახელდება დაშვებული შეცდომები

0
(განახლებულია 15:05 09.08.2020)
„სამყაროს მხსნელი“ Christie’s–ის აუქციონზე 2017 წელს გაიყიდა 450 მლნ დოლარად და სავარაუდოდ, ის საუდის არაბეთის პრინცმა შეიძინა

თბილისი, 9 აგვისტო — Sputnik. ფრანგ ისტორიკოსსა და ხელოვნებათმცოდნე ჟაკ ფრანკს ეჭვი აქვს, რომ მსოფლიოს ყველაზე ძვირადღირებული ნახატი „სამყაროს მხსნელი“ (Salvator Mundi) სინამდვილეში ლეონარდო და ვინჩის ყალამს არ ეკუთვნის, წერს Daily Mail–ი.

ფრანკის აზრით, ნახატი,  რომელზეც იესო ქრისტეა გამოსახული და რომელიც 2017 წელს 450 მლნ დოლარად გაიყიდა, არა თავად და ვინჩის, არამედ მისი მოსწავლეების ნამუშევარია.

​საკუთარი ტეორიის დასტურად ისტორიკოსი არაერთ ანატომიურ შეცდომას ასახელებს, რომლებიც ნახატზეა დაშვებული. მისი თქმით,  ქრისტეს ცხვირი ძალიან თხელია და გრძელი, ყელზე ჩრდილები არ შეესაბამება განათებას, ხოლო თმები ხელოვნურს მიაგავს. ლეონარდო და ვინჩის კი, რომელსაც გამოწვლილვით ჰქონდა შესწავლილი ადამიანის სხეულის პროპორციები, ასეთი შეცდომების დაშვება არაფრით არ შეეძლო.

გარდა ამისა, ჟაკ ფრანკი დარწმუნებულია, რომ ქრისტეს ხელებს, რომლებიც „ძალიან ბავშვურად“ გამოიყურება, და ვინჩი ასე არ დახატავდა.

ხელოვნებათმცოდნის აზრით, „სამყაროს მხსნელის“ ნამდვილი ავტორები აღორძინების ეპოქის ტიტანის, ლეონარდო და ვინჩის ორი მოწაფე — ვინმე სალაი და ბალტრაფიო არიან.

მართალია, ექსპერტების უმეტესობა არ იზიარებს ფრანგი ისტორიკოსის შეხედულებებს, მაგრამ ხელოვნებათმცოდნე მაიკლ დელი ნაწილობრივ ეთანხმება მას.

„ამ სურათის ავტორის განსაზღვრისას ერთ–ერთი უმთავრესი პრობლემა — ეს ქრისტეს ხელებია, რომლებიც არ შეიძლებოდა, ლეონარდოს დაეხატა. ხოლო როცა ნახატზე ერთ საეჭვო დეტალს აღმოაჩენ, მერე, როგორც წესი, ისტორიის სრულად გადახედვა გიწევს“, — ამბობს დელი.

„სამყაროს მხსნელი“ Christie’s–ის აუქციონზე გაიყიდა ნიუ–იორკში. სავარაუდოდ ის საუდის არაბეთის პრინცმა მოჰამედ ბინ სალმანმა შეიძინა და საკუთარ იახტაზე ინახავს.

 

0
თემები:
მსოფლიო დღეს