თბილისი, 20 მაისი — Sputnik. საქართველოს პრეზიდენტი სალომე ზურაბიშვილი მონაწილეობას მიიღებს უკრაინის ახლად არჩეული პრეზიდენტის ვლადიმირ ზელენსკის ინაუგურაციის ცერემონიაში, იუწყება „პირველი არხი“.
„სალომე ზურაბიშვილმა ოფიციალური მიწვევა მიიღო უკრაინის პრეზიდენტ ვლადიმირ ზელენსკის ინაუგურაციის ცერემონიაზე დასასწრებად“, — აცნობეს საინფორმაციო საშუალებებს პრეზიდენტის ადმინისტრაციაში.
უმაღლესი რადას დადგენილებით, ინაუგურაციის ცერემონია საკანონმდებლო ორგანოს სხდომათა დარბაზში დილის 10:00 საათზე დაიწყება.
ღონისძიებას ზურაბიშვილის გარდა ასევე დაესწრებიან ლიეტუვას, ლატვიის, ესტონეთისა და უნგრეთის პრეზიდენტები.