ირაკლი კობახიძე: ქართული ოცნება ზუგდიდში 54%-ით იგებს

© Sputnik / Alexander Imedashviliქართული ოცნების ოფისი
ქართული ოცნების ოფისი - Sputnik საქართველო
გამოწერა
მთაწმინდაზე ლადო კახაძე 40,92%-ით იგებს

თბილისი, 19 მაისი  - Sputnik. საქართველოს პარლამენტის თავმჯდომარის, ირაკლი კობახიძის ინფორმაციით, ზუგდიდის რაიონში მერის არჩევნებში 54,08%-ით იგებს მმართველი პარტია „ქართული ოცნება - დემოკრატიული საქართველოს“ კანდიდატი გიორგი შენგელია.

მამუკა ბახტაძე: თბილისში მეორე ტური გაიმართება - ვიდეო ბრიფინგიდან >>

ირაკლი კობახიძის ინფორმაციით, მმართველი გუნდის კანდიდატების სასარგებლოდ ამომრჩეველთა ხმები შემდეგნაირად გადანაწილდა:

- ზუგდიდის რიონში 54,08% ეკუთვნის „ქართული ოცნების“ კანდიდატს, გიორგი შენგელიას;

- მარნეულის ოლქში 90 უბნიდან 86 უბანზე ბიულეტენები დათვლილია და „ქართული ოცნების“ კანდიდატი ზაურ დარგალი იგებს 78,75%-ით;

- ზესტაფონში 53-დან 52 უბნის მონაცემებია დათვლილი და 50,53%-ით იგებს მმართველი პარტიის კანდიდატი გიორგი გოგლიჩიძე;

- ჭიათურაში 58-დან 49 უბნის მონაცემები დათვლილია და 65,39% მმართველი გუნდის კანდიდატმა, გივი მოდებაძემ დააგროვა;

- ხულოში დათვლილია 54-ვე უბნის ბიულეტენები და 76,1%-ით იგებს „ქართული ოცნების“ კანდიდატი ვახტანგ ბერიძე.

რაც შეეხება თბილისს, მთაწმინდის ოლქში მმართველი პარტიის კანდიდატმა, ლადო კახაძემ 40,92% დააგროვა, რაც იმას ნიშნავს, რომ მთაწმინდაზე შედგება მეორე ტური და კახაძის მეტოქე იქნება შალვა შავგულიძე, რომელიც ოპოზიციური პარტიის „ევროპული საქართველო - მოძრაობა თავისუფლებისთვის“ კანდიდატია.

ზაურ დარგალი - Sputnik საქართველო
ზაურ დარგალი მილოცვებს იღებს: მარნეულში მეორე ტური მოსალოდნელი არ არის

19 მაისს თბილისში პარლამენტის შუალედური არჩევნები ჩატარდა. პარლამენტის დეპუტატის ასარჩევად შუალედური არჩევნების გამართვა აუცილებელი მას შემდეგ გახდა, რაც 2016 წელს საპარლამენტო არჩევნებში გამარჯვებულმა სალომე ზურაბიშვილმა 2018 წელს საქართველოს პრეზიდენტის პოსტი დაიკავა. იგი პარლამენტის დეპუტატი იყო მთაწმინდის მაჟორიტარული ოლქიდან.

თვალი ადევნეთ Sputnik-საქართველოს ონლაინ-ტრანსლაციას>>>

გარდა ამისა, მერების რიგგარეშე არჩევნები გაიმართა ხუთ რაიონში - ზუგდიდში, ჭიათურაში, ხულოში, ზესტაფონსა და მარნეულში, ხოლო საკრებულოების შუალედური არჩევნები კი რვა რაიონში – საგარეჯოს, ახმეტის, ადიგენის, ოზურგეთის, ჭიათურის, ტყიბულის, წყალტუბოსა და ზესტაფონის ოლქებში.

ხმების დათვლის პროცედურა გრძელდება.

© Sputnik / Konstantin Ivanovზუგდიდის მუნიციპალიტეტის მერის რიგგარეშე არჩევნები
ირაკლი კობახიძე: ქართული ოცნება ზუგდიდში 54%-ით იგებს - Sputnik საქართველო
ზუგდიდის მუნიციპალიტეტის მერის რიგგარეშე არჩევნები
ყველა ახალი ამბავი
0