პარლამენტის შენობა რუსთაველის გამზირზე

საქართველოს პარლამენტის განახლებული რეგლამენტი რა შეიცვალა 100 დღის განმავლობაში

210
(განახლებულია 19:02 25.03.2019)
გასული წლის ბოლოდან საქართველოს პარლამენტს ახალი რეგლამენტი აქვს.

თბილისი, 25 მარტი — Sputnik. საქართველოს პარლამენტი რეგლამენტის ახალი რედაქციით მიღების მომენტიდან უფრო აქტიურად მუშაობს, განაცხადა საქართველოს პარლამენტის თავმჯდომარემ ირაკლი კობახიძემ.

ორშაბათს ირაკლი კობახიძემ ვიცე-სპიკერ თამარ ჩუგოშვილთან ერთად შეაჯამა ის შედეგები, რომლებიც 2018 წლის ბოლოს განახლებული რეგლამენტის ძალაში შესვლის შედეგად იქნა მიღებული.

„ჯერ მხოლოდ 100 დღე გავიდა მას შემდეგ, რაც ამოქმედდა ახალი კონსტიტუცია და ახალი რეგლამენტი, თუმცა, ამ 100 დღის განმავლობაში ძალიან ხელშესახები შედეგებია. ეს შედეგები არის თვალსაჩინო თითოეული მოქალაქისთვის და ვფიქრობთ, ჩვენი პარტნიორებისთვის. თამამად შემიძლია ვთქვა, რომ ასეთი აქტიური პარლამენტი, ალბათ, 90-იანი წლების შემდეგ არ ყოფილა", - აღნიშნა კობახიძემ.

მისი თქმით, პარლამენტარებსა და მინისტრებს შორის საინტერესო დისკუსიები და შეხვედრები მეტყველებს იმაზე, რომ ქვეყნის საკანონმდებლო ორგანო საზედამხედველო ფუნქციას აუმჯობესებს.

ახალი რეგლამენტის მიღების დღიდან საკანონმდებლო ორგანოში 10 მინისტრს მოუსმინეს. ახალი რეგლამენტის თანახმად, მთავრობის ყველა წევრი ვალდებულია დეპუტატების კითხვებს უპასუხოს.

"ინერგება ახალი ინსტრუმენტები: მინისტრის საათი, ინტერპელაცია და ჩვენ ვხედავთ, რომ სტატისტიკაც კი ამტკიცებს თუ რამდენად გააქტიურებულია საქართველოში საპარლამენტო ცხოვრება", - განაცხადა კობახიძემ.

საკანონმდებლო ორგანოს თავმჯდომარემ ასევე აღნიშნა, რომ ახალი რეგლამენტი პარლამენტს ავალდებულებს დიდი პასუხისმგებლობით მოეკიდოს კანონპროექტების განხილვას, რაც, შესაბამისად, კანონშემოქმედებაზე აისახება.

როგორც თამარ ჩუგოშვილმა განაცხადა, 100 დღის განმავლობაში 35%-ით გაიზარდა პარლამენტის სხდომებზე დეპუტატების დასწრება.

„ძალიან მნიშვნელოვანია, რომ ჩვენ დავიწყეთ ხარისხიანი და შინაარსობრივი საპარლამენტო კონტროლი, თემატური მოკვლევები, კანონმდებლობის აღსრულების მონიტორინგი. საზოგადოებამ უნდა დაინახოს და ზუსტად იცოდეს, რომ პარლამენტი მათთვის მნიშვნელოვან საკითხებზე მუშაობს და ეს პოლიტიკური სცენების ადგილი არ არის", - განაცხადა ჩუგოშვილმა.

ექვსი წლის შემდეგ პარლამენტი თბილისში დაბრუნდა >>

ახალი რეგლამენტის თანახმად, დეპუტატები, რომლებიც ერთი სესიის განმავლობაში უმიზეზოდ გააცდენენ სხდომების ნახევარზე მეტს, მანდატს გამოეთხოვებიან.

გარდა ამისა, გაიზარდა პარლამენტში სამუშაო დღეების რაოდენობა.

სასესიო კვირის პერიოდში დეპუტატები სხდომებს მართავენ სამშაბათიდან პარასკევის ჩათვლით ერთსაათიანი შესვენებით და არა კვირაში ორჯერ, როგორც ეს მანამდე იყო.

ორი სხდომის არასაპატიო მიზეზით გაცდენისთვის დეპუტატი ჯარიმდება ხელფასის 10%-ით. თუ დეპუტატი არ მიიღებს მონაწილეობას პარლამენტის მუშაობაში ერთი თვის განმავლობაში, ის არ მიიღებს იმ თვის ხელფასს.

ახალი რეგლამენტის თანახმად, პარლამენტი ქუთაისიდან თბილისში გადმოვიდა.

საკონსტიტუციო ცვლილებებისა და პარლამენტის ახალი რეგლამენტის თანახმად, საკანონმდებლო ორგანო ქუთაისიდან, სადაც 2012 წლიდან მუშაობდა, თბილისში დაბრუნდა.

 

210
თემები:
საქართველოს პარლამენტის თავმჯდომარე (13)
გიორგი გახარია

რომელი ქვეყნების აეროპორტებს ამოიღებენ NOTAM-ის სიიდან: გახარია სამომავლო გეგმებზე

48
(განახლებულია 13:15 09.07.2020)
იმ ქვეყნების ჩამონათვალი, რომელთათვისაც საქართველო საზღვრებს ეტაპობრივად გახსნის, ყოველ ორ კვირაში გადაიხედება

თბილისი, 9 ივლისი — Sputnik. ევროკავშირის მიერ საქართველოს ჩართვა 15 უსაფრთხო ქვეყნის სიაში, ერთი მხრივ შრომის, მეორე მხრივ კი პასუხისმგებლობის შედეგია, განაცხადა საქართველოს პრემიერ-მინისტრმა გიორგი გახარიამ მთავრობის სხდომის დაწყებამდე.

პრემიერის თქმით, საქართველო იქნება ფრთხილი, მაგრამ თანმიმდევრული, როგორც ადრე და ყოველთვის პირველ ადგილზე მოქალაქეებისა და სტუმრების ჯანმრთელობასა და უსაფრთხოებას და ასევე ეკონომიკის შემდგომ აღორძინებას დააყენებს.

პრემიერმა აღნიშნა, რომ მთავრობა თანმიმდევრულ ნაბიჯებს აგრძელებს, რომლის შედეგიც ხუთი პარტნიორი-ქვეყნისთვის საქართველოს საზღვრების გახსნაა.

„ეს უზარმაზარ პასუხისმგებლობას გვაკისრებს პირველ რიგში ჩვენი მოქალაქეების, ასევე ჩვენი პარტნიორი-ქვეყნების წინაშე. ამიტომ თანმიმდევრულად ვდგამთ ფრთხილ ნაბიჯებს, რომელიც გამოიხატება იმაში, რომ საგარეო საქმეთა სამინისტრომ შესაბამისი დავალების თანახმად გამართა მოლაპარაკებები და შედეგად, ხუთ პარტნიორ-ქვეყანას, ყველანაირი პირობების გარეშე სარკისებურად დავუწესეთ ზუსტად იგივე პირობები, როგორც მათ და საქართველოს საზღვრები იქნება ღია - ეს ეხება პირდაპირ ფრენებს", - განაცხადა გახარიამ.

როგორც პრემიერმა აღნიშნა, ეკონომიკის სამინისტრო ინსტრუქციების შესაბამისად ევროპულ ავიაკომპანიებთან მოლაპარაკებებს აწარმოებს, რათა რაც შეიძლება მალე აღდგეს პირდაპირი რეისები.

„დღეს ჩვენი ერთ-ერთი მნიშვნელოვანი საკითხი გვექნება ის, რომ რამდენიმე ქვეყნის აეროპორტს ამოვიღებთ NOTAM-ის (NOtice To AirMen) გავრცელების არეალიდან, რაც ნიშნავს შეზღუდვებს საერთაშორისო ფრენებზე", - განაცხადა გახარიამ.

გახარიამ ასევე აღნიშნა, რომ მოგზაურობისთვის თავისუფალი ქვეყნების ჩამონათვალი ორ კვირაში ერთხელ გადაიხედება.

„ვიდრე ეს მოხდება და ეს მოხდება მომავალში, ჩვენ მივიღეთ გადაწყვეტილება, რომ ჩვენი ქართული ავიაკომპანიები, ისევე როგორც უცხოური ავიაკომპანიები განაახლებენ ჩვენი მოქალაქეების მიზნობრივ გამოყვანას სხვადასხვა დედაქალაქიდან, რაც ერთმნიშვნელოვნად სოციალურ პროექტს წარმოადგენს. ეს ვალდებულება და ეს პროგრამა გაგრძელდება იმ დრომდე, ვიდრე იქნება მოთხოვნა, რომელსაც აფიქსირებს საგარეო საქმეთა სამინისტრო. ორ კვირაში ერთხელ მოქალაქეების მოგზაურობის პირობები და უსაფრთხო ქვეყნების სია გადაიხედება, რადგანაც ჩვენ ყველას გვესმის, რომ ეს პანდემიის გლობალური გავრცელების წინააღმდეგ ბრძოლაში ჩვენი საერთო პასუხისმგებლობაა", - განაცხადა გიორგი გახარიამ.

ამ დროისთვის საქართველომ საზღვრები გახსნა ევროკავშირის ხუთი ქვეყნის - გერმანიის, საფრანგეთის, ლატვიის, ლიეტუვისა და ესტონეთის მოქალაქეებისთვის. საქართველოს მოქალაქეებისთვის საკუთარ საზღვრებს ეტაპობრივად ხსნიან ევროპის ქვეყნებიც.

48
თემები:
COVID-19 საქართველოში
ამირან გამყრელიძე

წინასაარჩევნო კამპანიის ჩატარებისას გაითვალისწინეთ, რომ... ეპიდემიოლოგის განმარტება

39
(განახლებულია 12:13 09.07.2020)
დაგეგმილი საპარლამენტო არჩევნებისთვის აქტიურად ემზადებიან არამარტო პოლიტიკური პარტიები, არამედ ეპიდემიოლოგებიც

თბილისი, 9 ივლისი — Sputnik. წინასაარჩევნო კამპანია ღია სივრცეში დისტანციის დაცვით უნდა წარიმართოს - სპეციალისტები პოლიტიკურ პარტიებს წინასაარჩევნო პერიოდში სიფრთხილისკენ მოუწოდებენ.

საქართველოში საპარლამენტო არჩევნები 2020 წლის 31 ოქტომბერსაა დაგეგმილი. ამ ეტაპზე ცესკოში პარტიების რეგისტრაცია მიმდინარეობს.

საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის ამირან გამყრელის სიტყვებით, წინასაარჩევნო კამპანიის ჩატარებასთან დაკავშირებით რეკომენაციების თაობაზე მუშაობა უკვე დაწყებულია.

მანამდე ცენტრის დირექტორი ყველას ზოგადი რეკომენდაციების დაცვისკენ მოუწოდებს.

დაგეგმილი საპარლამენტო არჩევნებისთვის აქტიურად ემზადებიან არამარტო პოლიტიკური პარტიები, არამედ ეპიდემიოლოგებიციქნება საერთო რეკომენდაციები, ის, რაზეც ჩვენ ხშირად ვსაუბრობთ, - დისტანციის დაცვა წინასაარჩევნო კამპანიის დროს. ყველაზე მთავარი - წინასაარჩევნო კამპანიის ღია სივრცეებში ჩატარება და დისტანციის დაცვაა", - განაცხადა გამყრელიძემ Rustavi 2-ის ეთერში.

საქართველოში არჩევნები პანდემიის პირობებში ჩაივლის - კორონავირუსის პირველი შემთხვევა 26 თებერვალს დაფიქსირდა. 21 მარტს კი, როდესაც ინფიცირებულთა რაოდენობამ ქვეყანაში 50-ს მიაღწია, გამოცხადდა საგანგებო მდგომარეობა, რომელიც 22 მაისამდე მოქმედებდა.

მთავრობა კორონავირუსის პანდემიის გამო დაწესებულ შეზღუდვებს ეტაპობრივად აუქმებს, ამასთან, ხელისუფლება და ეპიდემიოლოგები მოქალაქეებს ჯანდაცვის სამინისტროს რეკომენდაციების გათვალისწინებისა და სიფრთხილის გამოჩენისკენ მოუწოდებენ.

ქვეყნის ტერიტორიაზე მოქმედებს შემდეგი შეზღუდვები:

დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და სავაჭრო ობიექტებში სავალდებულოა პირბადის ტარება და სოციალური დისტანციის დაცვა;

– საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

– დახურულ სივრცეებში აკრძალულია კულტურული და სპორტული ღონისძიებების გამართვა;

– აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);

საქართველოში შეზღუდვების ვადები გახანგრძლივდება? გადაწყვეტილება პარლამენტზეა>>>

– სკოლებსა და უმაღლეს სასწავლებლებში სასწავლო პროცესი დისტანციურად ხორციელდება;

– კაზინოების და ტოტალიზატორების მუშაობა დაშვებულია მხოლოდ ონლაინ;

– ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;

– ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საქართველოში ინფიცირებულთა რაოდენობამ 968-ს მიაღწია, გამოჯანმრთელდა 844 ადამიანი, 15 კი გარდაიცვალა.

39
თემები:
საქართველოს საპარლამენტო არჩევნები 2020
რთველი

„რქაწითელი" და „კახური მწვანე": მთავრობა რთველის სუბსიდირებას გეგმავს

0
(განახლებულია 14:10 09.07.2020)
მთავრობა რთველის სუბსიდირებაზე 60 მილიონ ლარს დახარჯავს, აუცილებლობის შემთხვევაში კი შეისყიდის კიდეც

თბილისი, 9 ივლისი — Sputnik. საქართველოს მთავრობა ქართული ყურძნის ჯიშების „რქაწითელისა" და „კახური მწვანის" სუბსიდირებას განახორციელებს, განაცხადა საქართველოს პრემიერ-მინისტრმა გიორგი გახარიამ მთავრობის სხდომაზე.

ღვინის ეროვნული სააგენტოს თავმჯდომარემ ლევან მეხუზლამ განაცხადა, რომ მთავრობის გადაწყვეტილებით, წელს რთველის სუბსიდირებაზე 60 მილიონი ლარი დაიხარჯება.

მეხუზლას თქმით, სუბსიდია, სავარაუდოდ, მხოლოდ „რქაწითელის" ჯიშის ყურძენს შეეხება. თუმცა, როგორც აღმოჩნდა, სიაში „კახური მწვანეც" აღმოჩნდა.

„მთავრობა რთველის სუბსიდირებას განახორციელებს, განსაკუთრებით ყურძნის ისეთი ჯიშების, როგორიცაა „რქაწითელი" და „კახური მწვანე", რომელთა ფასიც 80 თეთრზე დაბალი არ იქნება", - განაცხადა გახარიამ.

გახარიას თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

„ყველამ კარგად იცის, რომ მთავრობის ანტიკრიზისული გეგმის ერთ-ერთი მთავარი სამიზნე გახლავთ სოფელი, ფერმერი, ქართველი გლეხი. ჩვენ ყველაფერი გავაკეთეთ იმისთვის, რომ სხვადასხვა ინსტრუმენტით ამ ადამიანებს დავხმარებოდით, ქართველი ფერმერი გაგვეძლიერებინა კრიზისის პირობებში", - განაცხადა გახარიამ.

როგორც მან აღნიშნა, თუ აუცილებლობა იქნება, სახელმწიფო ყურძნის შესყიდვაშიც ჩაერთვება.

ამასთან, პრემიერმა მოკლე ექსკურსი გააკეთა და აღნიშნა, თუ რამდენად წარმატებული იყო გასული წლები ქართული მევენახეობისა და მეღვინეობისთვის.

„2019 წელი იყო რეკორდული - საქართველოდან 94 მილიონი ბოთლი ღვინის ექსპორტი განხორციელდა. რა თქმა უნდა, შიდა მოხმარებაც იზრდებოდა. 2012 წელს ქართულ ექსპორტში მეღვინეობის წილი მთლიანობაში დაახლოებით 2.5% იყო, დღეს კი 6%-ია", - განაცხადა გახარიამ..

საქართველოში რთველის სეზონი სექტემბრის მეორე ნახევრიდან იწყება. იმისთვის, რომ პანდემიის გამო გამოწვეული ეკონომიკური კრიზისი რთველზე არ აისახოს, საქართველოს ხელისუფლებამ მეღვინეობის დარგზე ანტიკრიზისული გეგმის ფარგლებში ზრუნვა გადაწყვიტა - აღნიშნული გადაწყვეტილება ივნისის დასაწყისში პრემიერის სოფლის მეურნეობის სამინისტროსა და შესაბამისი უწყებების წარმომადგენლებთან გამართულ სამუშაო შეხვედრაზე იქნა მიღებული..

0
თემები:
საქართველოს მთავრობა