პარლამენტის შენობა თბილისში

თბილისში საპარლამენტო რეფორმის პირველ შედეგებს შეაჯამებენ

67
(განახლებულია 09:36 25.03.2019)
საქართველოს პარლამენტის ახალი რეგლამენტი 2018 წლის ბოლოს დამტკიცდა.

თბილისი, 25 მარტი — Sputnik. საქართველოს პარლამენტის თავმჯდომარე ირაკლი კობახიძე მის პირველ მოადგილესთან თამარ ჩუგოშვილთან ერთად ორშაბათს საკანონმდებლო ორგანოს რეგლამენტის ახალი რედაქციის მიღებიდან ასი დღის განმავლობაში მიღებულ შედეგებს შეაჯამებს, იუწყება საზოგადოებრივი მაუწყებლის პირველი არხი.

შეხვედრის მონაწილეებს სიტყვით მიმართავენ საქართველოში ევროკავშირის ელჩი კარლ ჰარცელი და საქართველოში გაეროს განვითარების პროგრამის (UNDP) ხელმძღვანელი ლუიზა ვინტონი.

ღონისძიების ორგანიზატორია საქართველოს პარლამენტი.

საქართველოს პარლამენტმა გასული წლის ბოლოს მიიღო განახლებული რეგლამენტი, რომლის თანახმად, დეპუტატებს, რომლებიც ერთი სესიის განმავლობაში სხდომების ნახევარზე მეტს საპატიო მიზეზის გარეშე გააცდენენ, მანდატს ჩამოართმევენ.

ასევე გაიზარდა პარლამენტში სამუშაო დღეების რაოდენობა. სასესიო კვირის პერიოდში დეპუტატები სხდომებს მართავენ სამშაბათიდან პარასკევის ჩათვლით ერთსაათიანი შესვენებით და არა კვირაში ორჯერ, როგორც ეს მანამდე იყო.

ორი სხდომის არასაპატიო მიზეზით გაცდენისთვის დეპუტატი ჯარიმდება ხელფასის 10%-ით. თუ დეპუტატი არ მიიღებს მონაწილეობას პარლამენტის მუშაობაში ერთი თვის განმავლობაში, ის არ მიიღებს იმ თვის ხელფასს.

67
თემები:
საქართველოს პარლამენტი (175)
რომან გოცირიძე

„წინასაარჩევნო ვნებანი“: „ნაცმოძრაობა“ „ოცნების“ წინააღმდეგ სარჩელის შეტანისთვის ემზადება

102
(განახლებულია 21:13 03.07.2020)
არ არის გამორიცხული, რომ ოპოზიციური და მმართველი პარტიის წარმომადგენლებმა ურთიერთობები სასამართლოში გაარკვიონ.

თბილისი, 3 ივლისი – Sputnik. „ერთიანი ნაციონალური მოძრაობა“ მმართველი ძალის „ქართული ოცნება – დემოკრატიული საქართველო“ ლიდერების წინააღმდეგ შეურაცხყოფისთვის სასამართლოში სარჩელის შეტანას არ გამორიცხავს, განაცხადა პარლამენტის „ნაციონალური მოძრაობის“ ფრაქციის თავმჯდომარემ რომან გოცირიძემ.

საქართველოს პარლამენტმა კონსტიტუცია 36-ჯერ შეცვალა - რისთვის იყო ეს საჭირო>>

მორიგ საპარლამენტო არჩევნებამდე რამდენიმე თვით ადრე დაპირისპირებამ „ნაცმოძრაობასა“ და „ქართულ ოცნებას“ შორის, რომელიც 2012 წლიდან არ ცხრება, ახალი ელფერი შეიძინა. მმართველი პარტიის ლიდერებმა რიტორიკა გაამკაცრეს და „ნაცმოძრაობას“ ახსენებენ როგორც „კრიმინალურ“ და „მატყუარა“ ოპოზიციას.

„ქართული ოცნება“ კვლავ აპირებს არჩევნებში გამოიყენოს ის მეთოდები, რომლისთვისაც არაერთხელ მიუმართავს – დაშინება, ფიზიკური ზემოქმედება საკუთარი ზონდერ–ჯგუფებით, მოსყიდვა, ადმინისტრაციული რესურსის გამოყენება, სუს-ის და სხვა სახელმწიფო ორგანოების მიერ ამომრჩეველზე ზემოქმედება და, მათ შორის, ასეთი ფსიქოლოგიური ზემოქმედება და სიძულვილის ატმოსფეროს დანერგვა წინასაარჩევნო პერიოდში. პასუხს მოვთხოვთ ყველას – როგორც პოლიტიკურად არჩევნებზე, ასევე სამართლებრივი გზით. ჩვენ გავივლით კონსულტაციებს იურისტებთან და, შეიძლება, ამ საკითხთან დაკავშირებით სასამართლოს მივმართოთ“, – განაცხადა გოცირიძემ.

მან ასევე აღნიშნა, რომ ოპოზიციის შეურაცხყოფით საქართველოს ხელისუფლება შეურაცხყოფას აყენებს ასევე მილიონობით ამომრჩეველს.

მმართველ პარტიაში გოცირიძის განცხადება სასაცილოდ მიიჩნიეს.

პარლამენტში „სასარგებლო ქაოსი" გამეფდება – ექსპერტები კონსტიტუციაში შესწორებებზე>>

„თუ ვინმე რამეზე უნდა იყოს გაბრაზებული, მათ შორის გოცირიძეც, პირველ რიგში, საკუთარ თავსა და პარტიაზე უნდა იყოს გაბრაზებული, რომ მათ ვერაფრით მოახერხეს დაპირებული გადაწყვეტილებებისთვის მხარი დაეჭირათ“, – განაცხადა პარლამენტის თავმჯდომარემ არჩილ თალაკვაძემ.

მისი თქმით, ოპოზიციამ უკვე წააგო, როდესაც უარი თქვა მის მიერვე მოთხოვნილი შესწორებებისთვის ხმის მიცემაზე.

102
ბუდაპეშტი

რამდენიმე თვის შემდეგ პირველად საქართველოში ოფიციალური ვიზიტი შესრულდება

117
(განახლებულია 20:50 03.07.2020)
პიტერ სიიარტომ ქართველი კოლეგისთვის მიცემული სიტყვა შეასრულა და კორონავირუსის პანდემიის დაწყების შემდეგ ის ოფიციალური ვიზიტით პირველი ეწვევა საქართველოს.

თბილისი, 3 ივლისი – Sputnik. უნგრეთის საგარეო საქმეთა მინისტრი პიტერ სიიარტო პანდემიის დაწყების შემდეგ პირველი ოფიციალური პირი იქნება, რომელიც თბილისს ეწვევა.

როგორც საქართველოს საგარეო საქმეთა მინისტრმა დავით ზალკალიანმა ტელეკომპანია „იმედს“ განუცხადა, მისი უნგრელი კოლეგის ვიზიტი ორშაბათს, 6 ივლისს არის დაგეგმილი.

საქართველოს მოქალაქეებს შვედეთმა საზღვრები გაუხსნა>>

ზალკალიანმა აღნიშნა, რომ უნგრელი დიპლომატი კარანტინში არ მოთავსდება, რადგან ეს რეგულაცია ოფიციალურ პირებზე არ ვრცელდება.

„ძალიან მნიშვნელოვანია, რომ უნგრეთის საგარეო საქმეთა მინისტრი არის პირველი მაღალი დონის ოფიციალური პირი, რომელიც საქართველოს პანდემიის დაწყების შემდეგ ეწვევა. ის არის საქართველოს დიდი მეგობარი, ჩემი პირადი მეგობარიც და ჩვენ გვქონდა ასეთი მოლაპარაკება, ჯერ კიდევ მაშინ, როდესაც პანდემია აქტიურად იყო და მსოფლიო ბრძოლის პროცესში იყო, ის დამპირდა, რომ იქნებოდა პირველი, რომელიც ეწვეოდა საქართველოს. უნგრეთი არის საქართველოს ევროპული და ევროატლანტიკური ინტეგრაციის აქტიური მხარდამჭერი, თავად მინისტრი პიტერ სიიარტო არ უშვებს არც ერთ შესაძლებლობას მაღალი დონის ფორუმებზე, რომ არ გააკეთოს საქართველოს მხარდამჭერი განცხადება“, – განაცხადა ზალკალიანმა.

ვიზიტის დროს განიხილავენ ორმხრივი ურთიერთობების საკითხებს, მათ შორის, ორ ქვეყანას შორის ავიამიმოსვლის აღდგენის შესაძლებლობას, აღნიშნა საქართველოს საგარეო საქმეთა მინისტრმა.

117
ვალუტის გაცვლის პუნქტი

ლარის კურსი 4 ივლისს

0
(განახლებულია 09:40 04.07.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0002 ლარით გაუფასურდა.

თბილისი, 4 ივლისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,0465 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0002 ლარით გაუფასურდა. 

ლარის კურსი 4 ივლისს
ლარის კურსი 4 ივლისს
0
თემები:
ლარის კურსი დღეს