მამუკა ბახტაძე და ნიკოლ ფაშინიანი ენოკავანში

ბახტაძემ და ფაშინიანმა სომხეთის ერთ-ერთ სოფელში არაფორმალური შეხვედრა გამართეს

188
(განახლებულია 20:09 24.03.2019)
საქართველოს და სომხეთის პრემიერებმა ორმხრივი ურთიერთობების მნიშვნელობა აღნიშნეს

თბილისი, 24 მარტი — Sputnik. სომხეთის პრემიერ-მინისტრმა ნიკოლ ფაშინიანმა ქართველ კოლეგა მამუკა ბახტაძესთან სომხეთის სოფელ ენოკავანში არაფორმალური შეხვედრა გამართა, იუწყება „Sputnik-სომხეთი“ სომხეთის პრემიერ-მინისტრის პრესსამსახურზე დაყრდნობით.

მხარეებმა ქართულ-სომხური თანამშრომლობის სხვადასხვა საკითხები და ორივე მხარისთვის მნიშვნელოვანი თემები განიხილეს.

Встреча премьеров Грузии и Армении Мамуки Бахтадзе и Никола Пашиняна в Енокаване
მამუკა ბახტაძე და ნიკოლ ფაშინიანი ენოკავანში

ორი ქვეყნის პრემიერმა ყველა სფეროში ქართულ-სომხური ურთიერთობების მნიშვნელობა აღნიშნა და გამოთქვა იმედი, რომ შემდგომი აქტიური თანამშრომლობა ხელს შეუწყობს მეზობელ და მეგობარ სახელმწიფოებს შორის ორმხრივი ურთიერთობების განვითარებას და გაფართოებას.

ფაშინიანი პრემიერობის მეორე დღეს საქართველოს ესტუმრა >>

ამ კონტექსტში მხარეებმა ხაზი გაუსვეს როგორც ოფიციალური, ისე არაფორმალური შეხვედრების მნიშვნელობას.

Встреча премьеров Грузии и Армении Мамуки Бахтадзе и Никола Пашиняна в Енокаване
მამუკა ბახტაძე და ნიკოლ ფაშინიანი ენოკავანში

ბოლოჯერ ფაშინიანი და ბახტაძე არაფორმალურ გარემოში ერთმანეთს 15 იანვარს ბოლნისში შეხვდნენ.

188
თემები:
საქართველოს საგარეო პოლიტიკა (213)
გიორგი გახარია

„ზუსტად ვიცი“: გახარიამ ოპოზიციონერები „ჯიგრულ პონტში“ დაადანაშულა

65
(განახლებულია 20:34 05.06.2020)
პრემიერის მტკიცებით, ყოფილი მთავარი პროკურორი ოთარ ფარცხალაძე საგანგებო მდგომარეობის დროს საშვით არ სარგებლობდა და ის დააჯარიმეს

თბილისი, 5 ივნისი - Sputnik. ოპოზიციაში არიან ადამიანები, რომლებიც საგანგებო მდგომარეობის პირობებში მედიაში ჟურნალისტებად გაფორმდნენ და საშვები მიიღეს, განაცხადა საქართველოს პრემიერ-მინისტრმა გიორგი გახარიამ. 

მთავრობის მეთაური ოპოზიციის ბრალდებებს გამოეხმაურა საშვების გაცემასთან დაკავშირებით და აღნიშნა, რომ მისთვის მიუღებელია ახლობლობით ადამიანების არათანაბარ პირობებში ჩაყენება.

„ოპოზიციასა და ოპონირებას ძალიან დიდ პატივს ვცემ. „ჯიგრულ პონტშიო, გახარიამ თქვა კორუფციაზეო“ და სინამდვილეში ეს ვთქვი საშვის დაშვებაზე. ეს ჩვენი ოპოზიცია, რომელთაც ეს თქვეს, თურმე ანგელოზები არიან. ზუსტად ვიცი, ბევრი მათგანი საშვის მოსაპოვებლად, „ჯიგრულ პონტში“ მედიაში გაფორმდა, როგორც ჟურნალისტმა მიიღო ეს საშვი და მერე მოძრაობდა ამ საშვით. რაც შეეხება ფარცხალაძეს: ის იყო დაჯარიმებიული“, - განაცხადა პრემიერმა.

როგორც გახარიამ აღნიშნა, „ჯიგრულ პონტში“ საშვების დაშვება და მსგავსი ქმედებები მისთვის მიუღებელი და  ამორალურია.

 

 

65
თემები:
საქართველოს პრემიერ–მინისტრი
გაერთიანებული ოპოზიციის მიტინგის მონაწილეები

ქართული ოპოზიცია კვლავ გზაგასაყარზეა: „მაჟორიტარული“ სვლა „ნაცმოძრაობისგან“

71
(განახლებულია 15:55 05.06.2020)
ოპოზიციამ მითიურ კოალიციურ მთავრობაში მითიური თანამდებობების განაწილება შეწყვიტა და უფრო მიწიერ საკითხებზე გადაერთო – ვინ სად წამოაყენოს დეპუტატობის კანდიდატები.

თბილისი, 5 ივნისი – Sputnik. ოპოზიციურ სპექტრში არასახუმარო ვნებათაღელვა გრძელდება – ყოფილმა მმართველმა პარტია „ნაციონალურმა მოძრაობამ“ მოულოდნელი „მხედრით სვლა“ გააკეთა, თავისი პოლიტიკური ამბიციები გვერდზე გადადო და თბილისში ერთმანდატიანი ოლქები პარტნიორებს დაუთმო.

პირველი რაუნდი ონლაინ–რეჟიმში: საკონსტიტუციო ცვლილებების განხილვა იწყება>>

ბოლო დროს ოპოზიციურ პარტიებში, რომლებიც გასული წლის ნოემბერში გაერთიანდნენ დევიზით „ერთად ერთის წინააღმდეგ“, არასახუმარო ვნებათაღელვაა ერთმანდატიან ოლქებში დეპუტატობის კანდიდატებთან დაკავშირებით. პარტიებმა თავიანთი პოლიტიკური ამბიციები გამოამჟღავნეს და პრაქტიკულად ნათლად მიანიშნეს, რომ ოპოზიციის ერთობა – შედარებითი და მყიფეა.

მაჟორიტარი კანდიდატების ირგვლივ სკანდალი ჯერ კიდევ მარტში დაიწყო, როდესაც მასმედიამ გამოაქვეყნა დეპუტატობის კანდიდატთა წინასწარი სიები, რომლებშიც ყოფილი მმართველი პარტიის წარმომადგენლები ჭარბობდნენ. ოპოზიციური გაერთიანების მხარდამჭერთა აღშფოთების შემდეგ „ნაციონალური მოძრაობის“ წარმომადგენლებმა განაცხადეს, რომ სიებს საერთო არაფერი ჰქონდა რეალობასთან და სკანდალი მიჩუმდა, რათა ივნისში კვლავ ახალი ძალით გაღვივებულიყო.

მიზეზი გახდა „ნაციონალური მოძრაობის“ პოლიტსაბჭოს ხელმძღვანელის ნიკა მელიას განცხადება, რომ მისი პარტია ოლქების ნაწილში თავის კანდიდატებს ცალკე წამოაყენებდა, მეორე ნაწილში კი ძალებს გააერთიანებდა გაერთიანებულ ოპოზიციასთან. ამას არ შეიძლებოდა, არ აღეშფოთებინა ერთობის მხარდამჭერები, რომლებიც ერთიანი კანდიდატების წამოყენებას ითხოვენ.

შიდა დაპირისპირების გამო გაერთიანების შემდეგ პირველად ჩაიშალა გაერთიანებული ოპოზიციის მორიგი სხდომა, თავად ტერმინის არსებობა კი კითხვის ნიშნის ქვეშ დადგა.

მაჟორიტარული არჩევნების მნიშვნელობა

მაჟორიტარული არჩევნები – ოპოზიციასა და მმართველ ძალას შორის ყველაზე დიდი საჯილდაო ქვაა.

ასეთ არჩევნებში იმარჯვებს კანდიდატი, რომელიც პირველ ტურში ამომრჩეველთა ხმების ნახევარზე მეტს მიიღებს ამა თუ იმ ოლქში, ხოლო თუ მეორე ტური გახდება საჭირო – უბრალო უმეტესობას. სულ, დღევანდელი მდგომარეობით, 73 მაჟორიტარული ოლქია.

მაჟორიტარული არჩევნების კეთილსინდისიერად ჩატარება წლების განმავლობაში მთავარი პრეტენზია იყო ოპოზიციის მხრიდან, რომელიც მმართველ პარტიას სახელმწიფო რესურსების გამოყენებასა და ელექტორატზე ზეწოლაში ადანაშაულებდა, რამაც მას პრაქტიკულად დააკარგვინა გამარჯვების შანსი.

ერთობლივი ძალისხმევითა და საერთაშორისო პარტნიორების ხელშეწყობით მხარეებმა მოახერხეს ერთმანდატიანი ოლქების 73-დან 30-მდე შემცირებაზე შეთანხმება.

მართალია, ჯერ ეს ვარიანტი განხილვის სტადიაზეა და კენჭისყრა ივნისის ბოლოს გაიმართება, თუმცა ოპოზიციამ უკვე დაიწყო 30 კანდიდატის არჩევა.

„ნაციონალური მოძრაობის“ პოლიტიკური სვლა

თანამებრძოლების დასამშვიდებლად და ოპოზიციის ერთობის შესანარჩუნებლად ნიკა მელიამ ხუთშაბათს, საღამოს მოულოდნელი განცხადება გააკეთა.

„ნაციონალური მოძრაობა“, როგორც ყველაზე მსხვილი ოპოზიციური პარტია, რომელმაც წინა არჩევნებზე მილიონ-ნახევრიან თბილისში 200 ათასი ხმა – ყველა დანარჩენ ოპოზიციაზე მეტი ხმა – დააგროვა, პარტნიორებს უთმობს თბილისის 8 მაჟორიტარული ოლქიდან ექვსს. ამით ჩვენ ვახდენთ დემონსტრირებას იმისა, რომ „ნაციონალური მოძრაობა“ არ ხელმძღვანელობს ვიწრო პარტიული ინტერესებით და არ იბრძვის თავისი შედეგის გასაუმჯობესებლად“, – განაცხადა მელიამ.  

ამასთან, მან აღნიშნა, რომ მისი პარტია თავის კანდიდატებს წამოაყენებს თბილისის მხოლოდ ორ რაიონში – გლდანსა და ისანი-სამგორში და უკვე პარასკევს დაიწყებს წინასაარჩევნო კამპანიას.

„ამას ვაკეთებთ, რათა მივაღწიოთ სრულ თანხმობას ოპოზიციაში და თითოეულ ოლქში იგი წარმოდგენილი იყოს ძლიერი კანდიდატებით... ვფიქრობ, ამით ყველაფერია ნათქვამი“, – განაცხადა მელიამ.

პარტნიორები კმაყოფილებას არ მალავენ

განცხადება გაერთიანებული ოპოზიციის ბევრ ლიდერს მოეწონა.

პარტია „ევროპული საქართველოს“ ერთ-ერთმა ლიდერმა გიგა ბოკერიამ აღნიშნა, რომ მელიას განცხადება, „ნაცმოძრაობის“ ადრე გაკეთებული განცხადებებისგან განსხვავებით, გაერთიანებული ოპოზიციის სულისკვეთებას პასუხობს.

„მელიას განცხადება პასუხობს იმ სულისკვეთებას, რომელიც ჩვენ გვქონდა. თუ ის შესრულდება, ეს მხოლოდ გამახარებს. დღეს ქვეყნისთვის მნიშვნელოვანია რისკების შემცირება ივანიშვილის რეჟიმის პირობებში. პირველივე ტურში გასაგები უნდა იყოს, ვინ გაიმარჯვა და ვინ დამარცხდა“, – აღნიშნა ბოკერიამ.

განცხადებით კმაყოფილი არიან ლეიბორისტულ პარტიაშიც.

„ეს ადეკვატური განცხადებაა. იმედი მაქვს, რეგიონებზეც შევძლებთ მოლაპარაკებას. ეს მნიშვნელოვანია, რადგან ჩვენ ორი ამოცანა გვაქვს – არა მხოლოდ შევცვალოთ მმართველი პარტია, არამედ დავასრულოთ ერთპიროვნული მართვის ტრადიცია“, – განაცხადა პარტიის წარმომადგენელმა ლაშა ჩხარტიშვილმა.

ნიკა მელიას განცხადებამ დააფიქრა ასევე პარტია „ლელო საქართველოსთვის“, რომელიც საპარლამენტო არჩევნებში დამოუკიდებლად მონაწილეობას აპირებს.

„ეს პოზიტიური განცხადებაა და, იმედი მაქვს, პარტიები ერთიან კანდიდატებზე შეთანხმდებიან, ჩვენ კი გავაგრძელებთ დიალოგს, რათა მათ თბილისის ოლქებში შევუერთდეთ“, – განაცხადა პარტიის გენერალურმა მდივანმა ბადრი ჯაფარიძემ.

„დემოკრატიული მოძრაობის“ ერთ-ერთი ლიდერი კი დარწმუნებულია, რომ ეს ნაბიჯი ოპოზიციას მმართველი პარტიისა და მისი ლიდერის ბიძინა ივანიშვილის წინაშე უპირატესობას მისცემს.

„ეს მნიშვნელოვანი განცხადება იყო, რომლის შემდეგაც ვერავინ შეძლებს ოპოზიციის პოლარიზებაზე საუბარს და ეს ივანიშვილსაც განაიარაღებს“, – აღნიშნა ანზორ ბიწაძემ.

ამასთან, მან მიუთითა, რომ დღევანდელი დღის შემდეგ შესაძლებელი იქნება იმის თქმა, რომ ოპოზიციის ერთობა შედგა.

შენარჩუნდება თუ არა ეს ერთობა მომავალშიც, ამას დრო გვიჩვენებს, ჯერ კი კვირის ბოლოს უნდა გაიმართოს გაერთიანებული ოპოზიციის მორიგი სხდომა, რომელზეც, მაჟორიტარული არჩევნების გარდა, თავის მთავარ მოვლენას – თბილისში 20 ივნისს დაგეგმილ მასშტაბურ საპროტესტო აქციას განიხილავენ.

71
ანატორის აკლდამა

„სასულიერო პირებმა 12 წლის ბავშვი ხეზე ჩამოკიდეს და აწამებდნენ“ - სკანდალური ვიდეო

0
(განახლებულია 13:41 06.06.2020)
ახალი სკანდალური ფაქტები საპატრიარქოს ირგვლივ - სასულიერო პირი, რომელიც საკუთარ ვინაობას არ ამხელს, სკანდალურ ვიდეოზე საუბრობს

თბილისი, 6 ივნისი – Sputnik. ერთ-ერთ ეპარქიაში სასულიერო პირებმა 12 წლის ბავშვი ხეზე ფეხებით გამოკიდეს და აწამებდნენ, განაცხადა ტელეკომპანია „მთავარ არხზე“ „ნანუკა ჟორჟოლიანის შოუში“ სასულიერო პირმა.

სასულიერო პირი, რომელმაც საკუთარი სახის გამოჩენა არ ისურვა, აღნიშნა, რომ მას დაახლოებით 20-წამიანი ვიდეო გარემოს დაცვის სამსახურის თანამდებობის ყოფილმა პირმა ანახა.

„ვიდეოში ვნახე, რომ სასულიერო პირები ბავშვს ეუბნებოდნენ ლეკვი შენ მოიპარეო და თან სცემდნენ. ეს ბავშვი ჩუმდებოდა, ერთ ვედრო წყალს ასხამდნენ და მერე ისევ სცემდნენ“, - აცხადებს მღვდელმსახური.

როგორც ტელეწამყვანმა განაცხადა, სასულიერო პირი ამჟამად უცხოეთში მსახურობს, თუმცა წლების წინ საქართველოში ერთ-ერთ ეკლესიაში მსახურობდა.

0