ციხის ცხაური

ხელისუფლება არასაპატიმრო სასჯელს უფრო ეფექტურს გახდის

133
(განახლებულია 23:54 20.03.2019)
არასაპატიმრო სასჯელის სისტემის რეფორმა საქართველოში პატიმართა რესოციალიზაციაზე იქნება მიმართული

თბილისი, 20 მარტი - Sputnik. საქართველოს იუსტიციის სამინისტრო გეგმავს არასაპატიმრო სასჯელის სისტემის რეფორმირებას ამ საკითხით დაკავებული ორი უწყების გაერთიანების გზით, მინიმალური დანახარჯებით მაქსიმალური შედეგის მისაღებად, განაცხადა პარლამენტში მინისტრმა თეა წულუკიანმა.

საქართველოში ახალი საგამოძიებო უწყება იქმნება >>

მთავრობის რეფორმის ფარგლებში ჯერ კიდევ 2018 წლის ივნისში გაუქმდა სასჯელაღსრულების სამინისტრო, ხოლო მისი ფუნქციები იუსტიციის სამინისტროს გადაეცა.

„უახლოეს ხანში განხორციელდება პრობაციის სისტემის რეფორმა, რომლის შედეგი იქნება პრობაციის ეროვნული სააგენტოსა და დანაშაულის პრევენციის ცენტრის – ამ ორი საჯარო სამართლის იურიდიული პირის გაერთიანება და ასევე, არასაპატიმრო სასჯელთა აღსრულების სისტემის რეფორმა“, – განაცხადა თეა წულუკიანმა.

მისი თქმით, მთავარი აქცენტი პატიმრების რესოციალიზაციაზე კეთდება.

„ჩვენ ნაკლები დანახარჯებით უნდა მივიღოთ მაქსიმალური შედეგი ერთი საჯარო სამართლის იურიდიული პირის პირობებში“, - აღნიშნა მინისტრმა.

ოთხშაბათს წულუკიანი პარლამენტში „მინისტრის საათის“ ფარგლებში გამართულ პლენარულ სხდომაზე წარდგა. ის ერთადერთი უცვლელი მინისტრია მთავრობაში 2012 წლის ბოლოს საქართველოში ხელისუფლების შეცვლის შემდეგ.

პრობაციის ეროვნული სააგენტო პასუხისმგებელია პირობითი მსჯავრის სისტემაზე, ხოლო დანაშაულის პრევენციის ცენტრი მუშაობს ყოფილ პატიმრებთან და საზოგადოებაში მათი ადაპტაციის პრობლემაზე, მათ მიერ განმეორებითი დანაშაულის ჩადენის პრევენციის მიზნით.

133
თემები:
საქართველოს მთავრობა (82)
პრემიერი გიორგი გახარია

გახარია: საქართველო ახალი შესაძლებლობების ქვეყანაა

24
(განახლებულია 20:35 25.09.2020)
მთავრობის მეთაურმა აღნიშნა, რომ ბიზნესის კეთების სიმარტივის მხრივ საქართველო მსოფლიოში ერთ-ერთი მოწინავე ქვეყანაა.

თბილისი, 25 სექტემბერი - Sputnik. საქართველო არის ახალი შესაძლებლობების ქვეყანა, ადგილი, რომელსაც შეუძლია შესთავაზოს ის, რასაც ვერ შესთავაზებენ სხვაგან, განაცხადა საქართველოს პრემიერ-მინისტრმა, გიორგი გახარიამ გაეროს გენერალური ასამბლეის 75-ე სესიაზე სიტყვით გამოსვლისას.

გახარია: მოვახერხეთ, გავმკლავებოდით პანდემიის შემოტევას და მწვანე ზონად დავრჩენილიყავით>>

მთავრობის მეთაურმა ხაზი გაუსვა, რომ ბიზნესის კეთების სიმარტივის კუთხით საქართველო არის მსოფლიოში ერთ-ერთი მოწინავე ქვეყანა.

„საქართველოს განვითარებული ეკონომიკის ქვეყნად ქცევა ჩვენი მთავარი მიზანია და ამ გზაზე შთამბეჭდავი წარმატებებიც გვაქვს. საქართველო არის ახალი შესაძლებლობების ქვეყანა, ადგილი, რომელსაც შეუძლია შესთავაზოს ის, რასაც ვერ შესთავაზებენ სხვაგან, მათ შორის სტრატეგიული ადგილმდებარეობა, სადაც კულტურულ-ენობრივი ბარიერი უბრალოდ არ არსებობს, სადაც გადასახადები მინიმალურია და ბიზნესს ეძლევა ყველანაირი საშუალება, განვითარდეს“, -განაცხადა პრემიერმა.

როგორც გახარიამ აღნიშნა, დღეს საქართველო უკვე პოზიციონირებს, როგორც მულტიფუნქციური რეგიონული ცენტრი – განათლებაში, მედიცინაში, ლოგისტიკაში, ტურიზმსა და ზოგადად, ბიზნესის კეთებაში.

„ჩვენ დღეს, 21-ე საუკუნეში, მსოფლიოს ვაცნობთ საქართველოს, როგორც პროგრესის, ცოდნისა და კულტურის დამაკავშირებელს ევროპიდან აზიისკენ და პირიქით. ჩვენი მთავარი ფასეულობა არის ხალხი, რომლის იდენტობის უმნიშვნელოვანესი ნაწილია ტოლერანტობა – მთავარი დასავლური ფასეულობა“, – აღნიშნა პრემიერ-მინისტრმა.

საქართველოს მთავრობის მეთაურმა სიტყვით გამოსვლისას ყურადღება გაამახვილა ასევე ისეთ მნიშვნელოვან საკითხებზე, როგორიცაა Covid-19-ის პანდემიის წინააღმდეგ ბრძოლა, საქართველოს ევროპული და ევროატლანტიკური ინტეგრაცია, საკონსტიტუციო რეფორმა და სხვ.

წელს გაერთიანებული ერების ორგანიზაცია 75 წლის იუბილეს აღნიშნავს და ორგანიზაციის არსებობის ისტორიაში პირველად  გენერალური ასამბლეა დისტანციურად იმართება.

საქართველოს პრეზიდენტის ოთხი პრინციპი: რაზე ისაუბრა ზურაბიშვილმა გაეროში>>

გენერალური ასამბლეის საიუბილეო სხდომაზე საქართველოს პრეზიდენტი სალომე ზურაბიშვილი დისტანციურად უკვე გამოვიდა. მის სიტყვას ერქვა „მომავალი, რომელიც ჩვენ გვსურს“, რომელშიც ჩამოთვლილი იყო თანამედროვე გამოწვევების პირობებში ქვეყნის კეთილდღეობის ფუნდამენტური საფუძვლები.

24
პრემიერი გიორგი გახარია

გახარია: საკონსტიტუციო რეფორმა ქვეყანას სწრაფი ტემპით წაიყვანს განვითარების გზაზე

16
(განახლებულია 20:04 25.09.2020)
საქართველო თავს აცნობს მსოფლიოს, როგორც ქვეყანა, რომელსაც დემოკრატიის ერთ-ერთი უმაღლესი სტანდარტი აქვს რეგიონში, მიღწევებით არ კმაყოფილდება და მუდმივად ისწრაფვის განვითარებისკენ, აღნიშნა პრემიერმა

თბილისი, 25 სექტემბერი - Sputnik. ჩვენ გავატარეთ ისტორიული მნიშვნელობის საკონსტიტუციო რეფორმა, რაც ქვეყანას კიდევ უფრო სწრაფი ტემპით წაიყვანს დემოკრატიული განვითარების გზაზე, განაცხადა საქართველოს პრემიერ-მინისტრმა გიორგი გახარიამ გაეროს გენერალური ასამბლეის 75-ე სესიაზე სიტყვით გამოსვლისას.

საქართველოს პრეზიდენტის ოთხი პრინციპი: რაზე ისაუბრა ზურაბიშვილმა გაეროში>>

როგორც მთავრობის მეთაურმა აღნიშნა, 2020 წლიდან საქართველო ევროპულ საპარლამენტო მმართველობაზე გადავიდა, ხოლო 2024 წელს დაგეგმილი საპარლამენტო არჩევნები სრულად პროპორციული საარჩევნო სისტემით ჩატარდება.

„დღეს საქართველო თავს აცნობს მსოფლიოს, როგორც ქვეყანა, რომელსაც დემოკრატიის ერთ-ერთი უმაღლესი სტანდარტი აქვს რეგიონში, მიღწევებით არ კმაყოფილდება და მუდმივად ისწრაფვის განვითარებისკენ. აღნიშნული საკონსტიტუციო ცვლილება საქართველოს უახლეს ისტორიაში შექმნის სრულიად ახალ, დასავლური საპარლამენტო დემოკრატიული სისტემისთვის დამახასიათებელ ანალოგს, რომელიც ჩვენს ქვეყანას კიდევ უფრო სწრაფი ტემპით წაიყვანს დემოკრატიული განვითარების გზაზე“, - აღნიშნა გახარიამ.

პრემიერის განცხადებით, ამ ცვლილებით მმართველმა პოლიტიკურმა გუნდმა შეძლო ის, რაც სახელმწიფოს 30-წლიანი არსებობის განმავლობაში ბევრმა პოლიტიკურმა ძალამ განაცხადა, თუმცა ვერავინ გაბედა აღსრულება.

საქართველოს მთავრობის მეთაურმა სიტყვით გამოსვლისას ყურადღება გაამახვილა ასევე ისეთ მნიშვნელოვან საკითხებზე, როგორიცაა Covid-19-ის პანდემიის წინააღმდეგ ბრძოლა,  საქართველოს ევროპული და ევროატლანტიკური ინტეგრაცია და სხვ.

წელს გაერთიანებული ერების ორგანიზაცია 75 წლის იუბილეს აღნიშნავს და ორგანიზაციის არსებობის ისტორიაში პირველად  გენერალური ასამბლეა დისტანციურად იმართება. 

გენერალური ასამბლეის საიუბილეო სხდომაზე საქართველოს პრეზიდენტი სალომე ზურაბიშვილი დისტანციურად უკვე გამოვიდა. მის სიტყვას ერქვა „მომავალი, რომელიც ჩვენ გვსურს“, რომელშიც ჩამოთვლილი იყო თანამედროვე გამოწვევების პირობებში ქვეყნის კეთილდღეობის ფუნდამენტური საფუძვლები.

16
ყვარელი

კახეთში წვიმა, სეტყვა და წყალდიდობაა მოსალოდნელი სინოპტიკოსების პროგნოზი

0
(განახლებულია 21:16 25.09.2020)
უხვი ნალექის გამო რეგიონის პატარა მდინარეებზე შესაძლებელია წყალმოვარდნები, ხოლო მთებში – მეწყრული პროცესების გააქტიურება

თბილისი, 25 სექტემბერი – Sputnik. კახეთსა და საქართველოს მთიან რაიონებში 26 სექტემბერს მოსალოდნელია წვიმა ელჭექით, სეტყვა და ძლიერი ქარი, ნათქვამია გარემოს ეროვნული სააგენტოს განცხადებაში.

კახეთში ახლა რთველია გაჩაღებული. ამას გარდა რეგიონში ბევრი ხილისა და მარცვლოვანი კულტურების მოსავალია.

დიდი ნალექის გამო მთის ზონებში მეწყრული პროცესები შეიძლება გააქტიურდეს.

„მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, – აღნიშნულია სააგენტოს განცხადებაში.

0
თემები:
ამინდი საქართველოში