კენჭისყრა

საქართველოს პარლამენტის შუალედური არჩევნების თარიღი ცნობილია

176
(განახლებულია 17:36 20.03.2019)
ამ ეტაპზე ცნობილია, რომ პარლამენტში დეპუტატის მანდატისთვის ოთხი ადამიანი იბრძოლებს

თბილისი, 20 მარტი — Sputnik. საქართველოს პარლამენტის შუალედური არჩევნები მთაწმინდის მაჟორიტარულ ოლქში 19 მაისს გაიმართება, იუწყება საზოგადოებრივი მაუწყებლის პირველი არხი.

გადაწყვეტილება ამის შესახებ საქართველოს ცენტრალური საარჩევნო კომისიის სხდომაზე მიიღეს.

ოპოზიცია შუალედური საპარლამენტო არჩევნებისთვის ემზადება>>>

პარლამენტის დეპუტატის ასარჩევად შუალედური არჩევნების გამართვა აუცილებელი მას შემდეგ გახდა, რაც სალომე ზურაბიშვილი საქართველოს პრეზიდენტი გახდა. იგი პარლამენტის დეპუტატი იყო მთაწმინდის მაჟორიტარული ოლქიდან.

ამ დროისთვის ცნობილია, რომ დეპუტატის მანდატისთვის ბრძოლას აპირებენ პარლამენტის ყოფილი წევრი კობა დავითაშვილი, უფლებადამცველი სოფო ხორგუანი, პარტია "ახალი პოლიტიკური ცენტრი-გირჩის" წარმომადგენელი გერმან საბო და პარტია "თავისუფალი დემოკრატებიდან" ადვოკატი შალვა შავგულიძე.

ჯერჯერობით უცნობია მმართველი პარტია "ქართული ოცნება - დემოკრატიული საქართველო" არჩევნებში საკუთარ კანდიდატს წამოაყენებს თუ არა.

 

176
თემები:
შუალედური და რიგგარეშე არჩევნები საქართველოში (105)
გიორგი გახარია

ხმები გახარიას გადადგომის შესახებ: პოლიტიკური სპეკულაცია თუ რეალური საკადრო გადაადგილებები

54
(განახლებულია 19:09 25.05.2020)
საზოგადოებაში ყველაზე ხშირად მომავალ პრემიერად ჯანდაცვის მინისტრი ეკატერინე ტიკარაძე და სახელმწიფო უსაფრთხოების სამსახურის უფროსი გრიგოლ ლილუაშვილი სახელდება.

თბილისი, 25 მაისი – Sputnik.  ქართულ მასმედიაში რამდენიმე კვირის განმავლობაში საქართველოს პრემიერ–მინისტრ გიორგი გახარიას თანამდებობიდან შესაძლო გადადგომის შესახებ ინფორმაცია პერიოდულად ვრცელდება. 

გიორგი გახარიას ადგილმონაცვლედ ერთბაშად რამდენიმე კანდიდატი სახელდება. ყველაზე ხშირად კი მომავალი პრემიერის თანამდებობაზე ჯანდაცვის მინისტრი ეკატერინე ტიკარაძე და სახელმწიფო უსაფრთხოების სამსახურის უფროსი გრიგოლ ლილუაშვილი სახელდება.

თუმცა, თავად ტიკარაძე აცხადებს, რომ მთავრობაში საკადრო ცვლილებების შესახებ საუბარი არ მიდის.

მან მაღალი შეფასება მისცა პრემიერ გახარიას საქმიანობას და აღნიშნა, რომ „იგი წარმატებით ხელმძღვანელობს ქვეყანას“.

 „მთავრობაში (საკადრო) ცვლილებებთან დაკავშირებით არანაირი ინფორმაცია არ მაქვს. გუნდში პრემიერის ცვლილების თაობაზე დისკუსია და კომუნიკაცია არ მიმდინარეობს. იგი ძალზე წარმატებით უძღვება ქვეყანას და ამავე სულისკვეთებით გააგრძელებს. რაც შეეხება ჩემს კანდიდატურას, არანაირი კომუნიკაციას არ ყოფილა“ , – განაცხადა ტიკარაძემ ტელეკომპანია „რუსთავი 2“–თან.

ხმები პრემიერის ცვლილების შესახებ უფრო მწვავედ შეაფასა პარლამენტის ვიცე–სპიკერმა გია ვოლსკიმ.

მისი სიტყვებით, გავრცელებული ინფორმაცია „პოლიტიკური სპეკულაციაა“, რომლის უკანაც დაინტერესებული პოლიტიკური ძალები დგანან. 

 „როგორც კი არჩევნების პერიოდი მოდის და ქვეყანაში მნიშვნელოვანი პროცესები ხდება, რასაკვირველია, იწყება საუბარი დაბალ, საშუალო და მაღალ დონეზე საკადრო ცვლილებებთან დაკავშირებით. ვფიქრობ, რომ შეიძლება რაღაც ცვლილებები მოხდეს. მაგალითად, დაინიშნა ახალი ელჩები, უნდა ველოდოთ შერიგების საკითხებში სახელმწიფო მინისტრის ცვლილებას. რაც შეეხება ინფორმაციას პრემიერ- მინისტრის პოსტთან დაკავშირებით, მთლიანად პოლიტიკურ სპეკულაციას წარმოადგენს, რომლის უკანაც დაინტერესებული პოლიტიკური ძალები დგანან.  ჩემი აზრით, გიორგი გახარია საკმაოდ წარმატებული პრემიერ- მინისტრია, თავდადებული თავისი ქვეყნისთვის და საკმაოდ კომპეტენტური ყველა მიმართულებით, ასე რომ, შესანიშნავი კადრი ჰყავს სახელმწიფოს,"- განაცხადა გია ვოლსკიმ.

ამასთან, ამ კვირაში პრემიერი გახარია 27 და 29 მაისს პარლამენტში დეპუტატების წინაშე საგანგებო მდგომარეობის პერიოდში გაწეული საქმიანობის შესახებ ანგარიშით წარდგება.

და მაინც, მთავრობაში გარკვეული საკადრო გადაადგილებები უკვე დაიწყო. ამ დღეებში ცნობილი გახდა, რომ ვაკანტური ხდება შერიგებისა და  თანასწორობის საკითხებში სახელმწიფო მინისტრის თანამდებობა – ქეთევან ციხელაშვილი ვენაში საქართველოს ელჩად ინიშნება.

54

საქართველო არ აპირებს უკრაინასთან სტრატეგიულ პარტნიორობას, თუმცა,  ქართული მხარის პროტესტზე ადეკვატურ რეაქციას ელოდება

კიევში საქართველოს ელჩის დაბრუნება უკრაინული მხარის მოქმედებებზე იქნება დამოკიდებული

70
(განახლებულია 19:52 25.05.2020)
საქართველო არ აპირებს უკრაინასთან სტრატეგიული პარტნიორობის შეწყვეტას, თუმცა ქართული მხარის პროტესტზე ადეკვატურ რეაქციას ელოდება.

თბილისი, 25 მაისი – Sputnik. საქართველოს საგანგებო და სრულუფლებიანი ელჩის დაბრუნება კიევში დამოკიდებულია იმ ნაბიჯებზე, რასაც უკრაინის მთავრობა საქართველოსთან ურთიერთობების ნორმალიზებისთვის გადადგამს, იუწყება საგარეო საქმეთა სამინისტროს პრეს-სამსახური. 

საგარეო უწყებაში დასრულდა უკრაინაში საქართველოს ელჩთან თეიმურაზ შარაშენიძესთან სამუშაო შეხვედრა.

საქართველოში დაბრუნების შემდეგ ელჩი სავალდებული ორკვირიან კარანტინში იმყოფებოდა, ამიტომაც შეხვედრა დღეს შედგა.

„დღევანდელ შეხვედრაზე ელჩის ინფორმაცია მოვისმინეთ და, შექმნილი ვითარებიდან გამომდინარე, საქართველოსა და უკრაინას შორის ორმხრივი ურთიერთობების პერსპექტივები და საკითხები განვიხილეთ. ჩვენ კიდევ ერთხელ გვინდა დავაზუსტოთ, რომ კონსულტაციებისთვის დედაქალაქში ელჩის გამოწვევა დიპლომატიურ პრაქტიკაში მიღებული ნაბიჯია. ქართულმა მხარემ კი ეს გადაწყვეტილება საქართველოში გასამართლებული პირის უკრაინის ხელისუფლების მიერ სახელმწიფო თანამდებობაზე დანიშვნის გამო მიიღო, რაც, ქართული მხარის აზრით, არ შეესაბამება ორ ქვეყანას შორის თანამშრომლობის სულისკვეთებას“, – ნათქვამია საგარეო საქმეთა სამინისტროს განცხადებაში.

ამასთან, როგორც საგარეო უწყებაში აცხადებენ, ქართული მხარე არ აპირებს უკრაინასთან სტრატეგიული პარტნიორობის საკითხის გადახედვას. 

„საქართველო უკრაინასთან რიგ სტრატეგიულ საკითხებზე მუშაობას, როგორიცაა ტერიტორიების ოკუპაცია, ევროპული და ევროატლანტიკური ინტეგრაციის პროცესი, ჩვეულ რეჟიმში აგრძელებს. რა თქმა უნდა, ჩვენ უკრაინაში პროცესების განვითარებას თვალს ვადევნებთ, თუ რა ნაბიჯებს გადადგამს უკრაინის მთავრობა საქართველოსთან ურთიერთობის ნორმალიზაციისთვის და ამის შესაბამისად მივიღებთ გადაწყვეტილებას ელჩის კიევში დაბრუნების თაობაზე“, – ნათქვამია უწყების განცხადებაში.

როგოც თავად ელჩმა შარაშენიძემ კონსულტაციების დაწყებამდე განაცხადა, მისი გამოწვევა შერჩეული იქნა როგორც პროტესტის ფორმა.

„მე უკრაინის ხელისუფლებას საპროტესტო ნოტა გადავეცი. პროტესტის ფორმად არჩეული იქნა ელჩის გამოწვევა კონსულტაციებზე... ჩამოვედი და დღეს ვიწყებთ ამ კონსულტაციებს. ჩვენი პროტესტი უკრაინამ როგორც სტრატეგიულმა პარტნიორმა მიიღო და არ გაკვირვებია“, – განაცხადა ელჩმა.

საქართველოს ხელისუფლებამ 8 მაისს თეიმურაზ შარაშენიძე კონსულტაციებისთვის გამოიწვია. ეს ნაბიჯი უკავშირდება იმას, რომ საქართველოს ექს-პრეზიდენტი მიხეილ სააკაშვილი უკრაინის რეფორმების ეროვნული საბჭოს აღმასრულებელი კომიტეტის თავმჯდომარედ დაინიშნა. შესაბამისი ბრძანებულება უკრაინის პრეზიდენტმა ვლადიმირ ზელენსკიმ 7 მაისს გამოსცა.

70

ვენეციის კინოფესტივალი პანდემიის გამო არ გადაიდება

0
(განახლებულია 20:44 25.05.2020)
ვენეციაში წელს ნაკლები ფილმი იქნება ნაჩვენები - პანდემიის გამო კინემატოგრაფისტებს ბევრი პროექტის შეჩერება მოუხდათ

თბილისი, 25 მაისი - Sputnik. ვენეციის კინოფესტივალი, როგორც მოსალოდნელი იყო, 2020 წლის 2-დან 12 სექტემბრამდე ჩატარდება. ამის შესახებ ვენეციის ოლქის ტრევიზოს პროვინციის გუბერნატორმა ლუკა ძაიამ განაცხადა, იუწყება პორტალი NME.

როგორც ორგანიზატორები აღნიშნავენ, ვენეციის რიგით 77-ე ფესტივალი წელს კინოინდუსტრიის პირველი მასშტაბური მოვლენა იქნება მსოფლიოში COVID-19-ის გამო გამოცხადებული კარანტინის შემდეგ. სხვათა შორის, ყველა ფესტივალი, რომელიც ამ ზაფხულს იყო დაგეგმილი, გადაიდო, გარდა სერბეთში მუსიკალური Exit-ისა. ის ივლისის ნაცვლად აგვისტოში ჩატარდება.

ვენეციის ჩვენება - მსოფლიოში უძველესია. იგი 1932 წლიდან იმართება. ბევრი ფიქრობდა, რომ კინოჩვენება, კანის ფესტივალის მსგავსად, მსოფლიოში გავრცელებული კორონავირუსის გამო, არ ჩატარდებოდა.

თუმცა, ადგილობრივი მასმედიის მონაცემებით, წელს ვენეციაში ნაკლები კინოფილმი იქნება ნაჩვენები, ვიდრე ჩვეულებრივად, ვინაიდან ეპიდემიის გამო კინემატოგრაფისტებს მოუხდათ არაერთი პროექტის შეჩერება. კინოჩვენების პროგრამა ივლისში გამოცხადდება.

0