ტოკიო

საქართველოს პრემიერი იაპონიას ოფიციალური ვიზიტით ეწვევა

101
(განახლებულია 00:18 13.03.2019)
მთავრობის მეთაური იაპონურ ბაზარზე ქართული ღვინის პოპულარიზაციით დაკავდება

თბილისი, 12 მარტი — Sputnik. საქართველოს პრემიერ-მინისტრი მამუკა ბახტაძე იაპონიაში ოფიციალური ვიზიტით 13 მარტს გაემგზავრება.

როგორც ბახტაძემ პრესკონფერენციაზე განაცხადა, ვიზიტის ფარგლებში მაღალი დონის შეხვედრები გაიმართება. ტოკიოში ასევე დაგეგმილია გამოფენა „საქართველო - ღვინის სამშობლოს“ საზეიმო გახსნა.

„ჩვენი ღვინისთვის იაპონია ყალიბდება ერთ-ერთ ყველაზე პერსპექტიულ ბაზრად, შესაბამისად, ჩვენ დიდი ხანი ვემზადებოდით ამისთვის. ტოკიოში საზეიმოდ გავხსნით გამოფენას „საქართველო ღვინის სამშობლო“. ეს არის ძალიან დიდი შესაძლებლობა ისეთ განსაკუთრებულ ქვეყანაში როგორიც იაპონიაა წარმოვაჩინოთ საქართველო არა მხოლოდ როგორც ღვინის სამშობლო, არამედ, როგორც უძველესი კულტურის მატარებელი ქვეყანა“, - განაცხადა ბახტაძემ პრესკონფერენციაზე.

საქართველოს ღვინოს სააგენტო ქართული ღვინოს პოპულარიზაციის მიზნით იაპონიაში სარეკლამო კამპანიებს 2014 წლიდან ატარებს. გასულ წელს იაპონიაში 212 ათასი ბოთლი ქართული ღვინოა ექსპორტირებული, რაც 2017 წლის მაჩვენებლებს 37%-ით აღემატება.

ქართულმა ღვინომ იაპონიაში „ბრილიანტის" ჯილდო მოიპოვა >>

როგორც პრემიერმა აღნიშნა, იაპონიაში ვიზიტი ქვეყნის პოტენციალის დემონსტრაციისთვის შესანიშნავი შესაძლებლობა იქნება.

„თქვენ იცით, რომ ჩვენთვის ძალიან აქტუალურია ინვესტიციების მოზიდვა, განსაკუთრებით მინდა ხაზი გავუსვა მაღალტექნოლოგიურ მიმართულებას, შესაბამისად, იაპონია არის სწორედ ქვეყანა, რომელთან თანამშრომლობა არის განსაკუთრებულად მნიშვნელოვანი და პრიორიტეტული“, – განაცხადა მამუკა ბახტაძემ.

პრემიერის ოფიციალური ვიზიტი იაპონიაში 15 მარტს დასრულდება.

საქართველომ და იაპონიამ დიპლომატიური ურთიერთობები 1992 წლის 3 აგვისტოს დაამყარეს. ქართულ-იაპონური ურთიერთობები დინამიურად ვითარდება როგორც ორმხრივ, ისე მრავალმხრივ ფორმატებში. მხარეები აქტიურად თანამშრომლობენ პოლიტიკურ, სავაჭრო-ეკონომიკურ, საინვესტიციო, ინფრასტრუქტურულ და აგრარულ სფეროებში.

გარდა ამისა, ქვეყნებს კარგი თანამშრომლობა აქვთ ჯანდაცვის, ახალი ტექნოლოგიების, კულტურის, საინფორმაციო ტექნოლოგიების და ტურიზმის სფეროებში.

იაპონია საქართველოს სახანძრო მანქანებს საჩუქრად გადასცემს >>

ამჟამად საქართველოს მოქალაქეებს იაპონიაში სტუმრობისთვის ესაჭიროებათ ვიზა. იაპონელებს, თავის მხრივ, საქართველოში ჩამოსვლა და აქ ერთი წლის განმავლობაში ყოფნა უვიზოდ შეუძლიათ. იმისთვის, რომ საქართველოს მოქალაქემ იაპონიის ვიზა მიიღოს, სხვა დოკუმენტებთან ერთად, მან აუცილებლად უნდა წარადგინოს მოსაწვევი თბილისში იაპონიის საელჩოს საკონსულო სამსახურში.

101
თემები:
საქართველოს საგარეო პოლიტიკა–2018 (363)
არჩევნები ბელარუსში

ბელარუსში საპრეზიდენტო არჩევნები ტარდება

44
საქართველოში ბელარუსის მოქალაქეები საკუთარი პოზიციის დაფიქსირებას ქვეყნის საელჩოს შენობაში შეძლებენ.

თბილისი, 9 აგვისტო — Sputnik. ბელარუსში საპარლამენტო არჩევნები ტარდება, იუწყება „Sputnik ბელარუსი“.

9 აგვისტოს ძირითადი კენჭისყრა მიმდინარეობს. ამასთან, 4 აგვისტოდან მოქალაქეებს შეეძლოთ ხმა ვადაზე ადრე მიეცათ. ცესკოს ბოლო მონაცემებით (07.08.2020), ამომრჩევლის აქტივობამ 32,24% შეადგინა.

9 აგვისტოს საარჩევნო უბნები 08:00 საათიდან გაიხსნა და 20:00 საათზე დაიხურება, რის შემდეგაც ხმების დათვლის პროცესი დაიწყება. 

საარჩევნო კამპანიის პერიოდში 5767 საარჩევნო უბანი შეიქმნა, მათგან 44 უცხოეთში, რომლებიც 36 ქვეყანაში ბელარუსის საელჩოებსა და გენერალურ საკონსულოებში მუშაობენ.

არჩევნების სავარაუდო შედეგები 10 აგვისტოს დილით გახდება ცნობილი.

არჩევნებში ხუთი კანდიდატი მონაწილეობს: ალექსანდრ ლუკაშენკო – მოქმედი პრეზიდენტი, კენჭს იყრის მეექვსედ, ასევე ანა კანოპაცკაია, ანდრეი დმიტრიევი, სერგეი ჩერეჩენი, სვეტლანა ტიხანოვსკაია.

საქართველოში ბელარუსის მოქალაქეები საკუთარი პოზიციის დაფიქსირებას ქვეყნის საელჩოს შენობაში შეძლებენ.

44
საქართველო

მაღალჩინოსნები თანამდებობებს ტოვებენ: რატომ დატოვა ჩხოროწყუს საკრებულოს თავმჯდომარემ პოსტი

316
(განახლებულია 17:15 07.08.2020)
ბესიკ ესებუას თავმჯდომარის პოსტი 2012 წლიდან ეკავა, მას შემდეგ, რაც ხელისუფლებაში მმართველი პარტია "ქართული ოცნება – დემოკრატიული საქართველო" მოვიდა.

თბილისი, 7 აგვისტო — Sputnik. ჩხოროწყუს რაიონის საკრებულოს თავმჯდომარემ ბესიკ ესებუამ თანამდებობა დატოვა, იუწყება ტელეკომპანია Rustavi 2 ესებუას მოადგილეზე კობა ჯიქიაზე დაყრდნობით.

გადადგომის შესახებ განცხადებაში ჩინოვნიკი „პირად მიზეზებს“ ასახელებს.

2012 წლიდან ესებუა საკრებულოს თავმჯდომარის პოსტზე სამჯერ აირჩიეს.

ესებუა 2010 წლიდან საკრებულოს წევრია.

2009 წლიდან არის პოლიტიკური კოალიცია „ალიანსი საქართველოსთვის“ რაიონული ორგანიზაციის თავმჯდომარე.

2002–2003 წლებში იყო საკრებულოს ასოცირებული წევრი, სოფელ ახუთის გამგებელი.

 

316
კოქტეილი პლაჟზე

სახელდახელო რეცეპტები: გამაგრილებელი სასმელები აგვისტოს ხვატის წინააღმდეგ

0
(განახლებულია 13:58 09.08.2020)
გთავაზობთ მარტივად მოსამზადებელი გამაგრილებელი სასმელების რეცეპტებს, რომლებიც ნამდვილ სიამოვნებას მოგანიჭებთ

ზაფხულის სიცხეს ადამიანები სხვადასხვანაირად ებრძვიან. თუმცა რა შეიძლება იყოს უკეთესი ზაფხულის ცხელ დღეებში თუ არა უგემრიელესი გამაგრილებელი სასმელები? 

ქვემოთ განსხვავებულ, გემრიელ და მარტივად მოსამზადებელი სასმელის რეცეპტებს შემოგთავაზებთ. ეს შესანიშნავი გამაგრილებელი სასმელი ძალიან ადვილად მზადდება და ცხელ დღეებში სასიამოვნო დასალევია.

 

0
თემები:
გემრიელი სამზარეულო