ნაცმოძრაობა

„სულელური მოთხოვნები" თუ აუცილებლობა პოლიტიკოსები დაგეგმილი საპროტესტო აქციის შესახებ

144
(განახლებულია 15:29 30.11.2018)
ავტორიტეტული პოლიტიკოსების აზრი იმის შესახებ, საქართველოს სჭირდება თუ არა ვადამდელი საპარლამენტო არჩევნები, განსხვავებულია.

ყოფილი მმართველი პარტია „ერთიანი ნაციონალური მოძრაობისა“ და მისი მომხრეების გეგმებმა პოლიტიკოსებს შორის არაერთგვაროვანი რეაქცია გამოიწვია, ამასთან ხელისუფლებამ უკვე პირობა დადო, რომ პროვოკაციებს არ დაუშვებს.

ოპოზიცია გეგმებზე საუბრობს - „ძალა ერთობაშია“ არჩევნების შედეგებს არ აღიარებს>>>

ოპოზიციური გაერთიანებამ „ძალა ერთობაშია“ უარი განაცხადა  საპრეზიდენტო არჩევნების შედეგების აღიარებაზე და თბილისის ცენტრში ვადამდელი საპარლამენტო არჩევნების მოთხოვნით კვირას ფართომასშტაბიანი აქცია დააანონსა.

გაერთიანებული ოპოზიციის კანდიდატმა გრიგოლ ვაშაძემ ხმების 40,48% მიიღო. არჩევნებში მმართველი გუნდის მხარდაჭერილმა სალომე ზურაბიშვილმა გაიმარჯვა, რომელმაც არჩევნებში ხმების 59,52% მიიღო.

 „მათ როგორი გეგმებიც არ უნდა ჰქონდეთ, აქციის გამართვის უფლება  კანონით აქვთ. მათ, კვირას ან სხვა დღეს, კანონის ფარგლებში შეუძლიათ მშვიდობიანად შეკრება, მაგრამ მიზნის განხორციელება, რომელიც მათ სურთ – დესტაბილიზაცია ან არეულობა, მათ არ გამოუვათ“, – განაცხადა პარლამენტის ვიცე–სპიკერმა თამარ ჩუგოშვილმა. 

მან ასევე აღნიშნა, რომ არანაირ ვადამდელ საპარლამენტო არჩევნებზე საუბარი არ შეიძლება იყოს.

 „რა არჩევნებზეა ლაპარაკი?  ჩვენ არ ვაპირებთ მსგავს სულელურ მოთხოვნებზე რეაგირებას“, – აღნიშნა ჩუგოშვილმა.

ამასთან, მან პირობა დადო, რომ ახლო მომავალში საარჩევნო კოდექსში ცვლილებები შევა, რომლებიც პროცესს უფრო სრულყოფილს გახდის და დამკვირვებლებს არჩევნებთან დაკავშირებით ნაკლები შენიშვნები ექნებათ.

არ მჯერა
ოპოზიციური საპარლამენტო პარტია „საქართველოს პატრიოტთა ალიანსის“ ერთ–ერთ  ლიდერ დავით თარხან–მოურავს არ სჯერა „ნაცმოძრაობისა“ დაგაერთიანებული ოპოზიციის მომხრეების სიძლიერის.

რა პერსპექტივა აქვს ვადამდელი საპარლამენტო არჩევნების დანიშვნის იდეას?>>>

„ისინი მართავენ აქციას, მოდით ვნახოთ რამდენს შეკრებენ. დაგვანახონ ეს 78 ათასი ადამიანი და ყველა კითხვა  დღის წესრიგიდან მოიხსნება – ისინი  მართლა არიან თუ არა საქართველოში მეორე ძალა“, – განაცხადა თარხან–მოურავმა.

78 ათასზე საუბრისას, მას მხედველობაში ჰქონდა „პატრიოტთა ალიანსის“  მიერ თავისუფლების მოედანზე გამართული ზურაბიშვილის მხარდამჭერი  მასშტაბური აქცია. აქციის მონაწილეებს დაურიგეს დანომრილი ფურცლები წარწერით „არა ნაცებს“ და „ვუშველოთ საქართველოს“, აქციის ორგანიზატორების მონაცემებით, მათ სწორედ 78 ათასი დაარიგეს.

თარხან–მოურავის სიტყვებით, „ძალა ერთობაშია“ ვერაფრის გაკეთებას ვერ შეძლებს, რადგანაც მას მოსახლეობის მხარდაჭერა არ აქვს.

 „როგორც არჩევნების შედეგებმა გვაჩვენა, ამ ადამიანებს არანაირი მხარდაჭერა არ აქვთ. ისინი 10 ათას ადამიანს გამოიყვანენ და ამის საკუთარ თავსაც დაისამარებენ. ისინი შეეცდებიან ბევრი გააკეთონ, მაგრამ არაფერი გამოუვათ, რადგანაც მათ აუცილებელი მხარდაჭერა არ აქვთ“, – განაცხადა მან.

დრო ფირქისთვის
 პარტია „ევროპული საქართველო – მოძრაობა თავისუფლებისთვის“, რომელიც 2017 წელს დააფუძნეს მიხეილ სააკაშვილის ყოფილმა მომხრეებმა, საპრეზიდენტო არჩევნების მეორე ტურში მხარდაჭერა სწორედ „ნაცმოძრაობას“ გამოუცხადეს. 

 „დაუმორჩილებლობას, არეულობას, პოლიციისა და ჯარის ჩართვას – არა, მაგრამ მშვიდობიან პროტესტთან დაკავშირებით ჩვენ კონსულტაციები გვექნება და გადაწყვეტილებას მივიღებთ. რაც შეეხება დესტაბილიზაციის ნებისმიერ სახეობას – ეს ჩვენთვის მიუღებელია და ამას ჩვენ ყოველდღე ვამტკიცებით“, – განაცხადა „ევროპული საქართველოს“ წევრმა სერგი კაპანაძემ.

ამასთან, მან აღნიშნა, რომ პირველ რიგში საჭიროა არა არჩევნები, არამედ საარჩევნო კანონმდებლობის ცვლილება.

 „ქართული ოცნების“ მინიმალური სწორი ნაბიჯი იქნება ოპოზიციასთან საარჩევნო სისტემის ცვლილებასთან დაკავშირებით კონსულტაციების დაწყება“, – განაცხადა კაპანაძემ.

არჩევნებისთვის, მაგრამ „ნაცმოძრაობის“ წინააღმდეგ
ვადამდელი საპარლამენტო არჩევნების იდეა მოსწონს პარლამენტის ექს–სპიკერს, ერთ დროს მმართველი კოალიცია „ქართული ოცნების“ წევრ დავით უსუფაშვილს. მიმდინარე საპრეზიდენტო არჩევნებზე მისი კანდიდატურა პარტია „თავისუფალმა დემოკრატებმა“ წამოაყენეს. უსუფაშვილის არჩევნებში მონაწილეობა მხოლოდ პირველი ტურით შემოიფარგლა, სადაც მან ხმების 2,26% მიიღო.

მამუკა ბახტაძე: ჩვენ არ დავუშვებთ რევოლუციურ და რევანშისტულ სცენარებს>>>

„ვადამდელ საპარლამენტო არჩევნებისკენ მე ყველას პირველ ტურამდე და მეორე ტურის წინაც მოვუწოდებდი. „ქართული ოცნების“ პოლიტიკა უნდა შეიცვალოს, მაგრამ არა „ნაცმოძრაობით“, შესაბამისად, მე მხარს ვუჭერ იმ პროცესებს, რომლებიც ბოლოს მოუღებს „ოცნების“ ერთპარტიულ მმართველობას, მაგრამ ეს არ უნდა ნიშნავდეს „ნაცმოძრაობის“ ხელისუფლებაში დაბრუნებას“, – განაცხადა უსუფაშვილმა.

საპარლამენტო რესპუბლიკაში, როგორადაც  საქართველო არცთუ დიდიხანია გახდა, ყველაფერს საპარლამენტო არჩევნები წყვეტს. 2012 წელს სწორედ „ქართლი ოცნების“ გამარჯვების წყალობით, ქვეყანაში ხელისუფლება შეიცვალა. ვითარება შეიცვალა 2016 წელსაც. ბოლო საპარლამენტო არჩევნებისთვის კოალიცია „დაიშალა“, მაგრამ მმართველმა პარტიამ მაინც შეძლო არჩევნებში გამარჯვების მოპოვება და პარლამენტში საკონსტიტუციო უმრავლესობის მიღება. 

უსუფაშვილი, რომელიც მრავალი წლის განმავლობაში იბრძოდა სააკაშვილისა და „ნაცმოძრაობის“ წინააღმდეგ, ამჯერადაც არ აპირებს სააკაშვილის  მხარდაჭერას.

 „არ მჯერა იმის, რომ სააკაშვილი ქვეყნის სწორი მიმართულებით წაყვანას შეძლებს. და მე რომც ვეთანხმებოდე მის  მოთხოვნებს, ეს არ ნიშნავს, რომ მე მის გვერდით ვიქნები“, – აღნიშნა უსუფაშვილმა.

უსუფაშვილს სოლიდარობას უცხადებს პარლამენტის ექს–სპიკერი ნინო ბურჯანაძე, რომელიც დღეს პარტია „დემოკრატიულ მოძრაობას“ უდგას სათავეში.

 „ჩვენ არ შევუერთდებით „ნაცმოძრაობას“, ეს გამორიცხულია. მაგრამ ჩვენ დიდი ხანია ვსაუბრობთ ვადამდელ საპარლამენტო არჩევნებზე და ამაში მათ ვეთანხმებით... ის, რომ პოლიტიკურმა ძალამ, მიუხედავად იმისა, რომ მას მხარს არ ვუჭერ, ეს მოთხოვნა წამოაყენა, მნიშვნელოვანია, რამდენადაც ამან შეიძლება პოლიტიკური პროცესები დაძრას და კონსულტაციების დაწყებას ხელი შეუწყოს“, – განაცხადა ბურჯანაძემ.

ღიად  წინააღმდეგ
 „ნაცმოძრაობისთვის“ და მისი მოთხოვნისთვის მხარდაჭერას არ აპირებს ყველაზე ორიგინალური პარტია „გირჩი“. 

 „ჩვენ ვიმსჯელებთ შევუერთდეთ თუ არა, მაგრამ ვფიქრობ, რომ არა, რამდენადაც გაუგებარია, რატომ გადაწყვიტეს საპროტესტო აქციის ახლა გამართვა. საერთაშორისო დამკვირვებლებმა თქვეს, რომ არჩევნები ჩატარდა, ხოლო სააკაშვილის განცხადებამ აჩვენა, მათ რა ამოძრავებთ, ამიტომ არ ვფიქრობ, რომ ჩვენ შევუერთდებით“, – განაცხადა „გირჩის“ ერთ–ერთმა ლიდერმა ზურაბ ჯაფარიძემ.

როგორც მან აღნიშნა, პარტიამ 2020 წლის საპარლამენტო არჩევნებისთვის სერიოზული მზადება დაიწყო და მათ ბევრი რამ უნდა მოასწრონ.

144
ცესკო

ცესკო: ახალმა პარტიებმა ადგილობრივი არჩევნებისთვის რეგისტრაცია 14 ივლისამდე უნდა გაიარონ

38
(განახლებულია 09:16 13.06.2021)
ადგილობრივი არჩევნები საქართველოში ოქტომბერში ჩატარდება. საქართველოს მოქალაქეები აირჩევენ მუნიციპალიტეტების მერებსა და ადგილობრივი საკრებულოების წევრებს.

თბილისი, 13 ივნისი – Sputnik. იმ პარტიებმა, რომლებსაც 2020 წლის საპარლამენტო არჩევნებში მონაწილეობა არ მიუღიათ, ადგილობრივ არჩევნებში მონაწილეობის მისაღებად ცესკოში რეგისტრაცია 14 ივლისამდე უნდა გაიარონ, ნათქვამია ცესკოს ვებგვერდზე.

ადგილობრივი არჩევნები საქართველოში მიმდინარე წლის ოქტომბერში ჩატარდება. ქალაქებისა და რაიონების მოსახლეობა აირჩევს მუნიციპალიტეტების მერებსა და ადგილობრივი საკრებულოების წევრებს.

ცესკო შეახსენებს პარტიებს, რომ თუ ბოლო საპარლამენტო არჩევნებზე მათ რეგისტრაცია არ გაუვლიათ ან პარლამენტში არ ჰყავთ საკუთარი წარმომადგენელი, ადგილობრივ არჩევნებში მონაწილეობის მისაღებად განცხადებით უნდა მიმართონ ცენტრალური საარჩევნო კომისიის (ცესკოს) თავმჯდომარეს 14 ივლისამდე.

დანარჩენ პარტიებს განცხადებები შეაქვთ არჩევნების დღემდე არაუგვიანეს 57-ე დღისა.

რაც შეეხება ახალ პარტიებს, ისინი ვალდებული არიან პარტიის მხარდამჭერთა სიის ნიმუშის მიღებიდან 60 დღის ვადაში, მაგრამ არაუგვიანეს 1 აგვისტოსი, ცესკოს წარუდგინონ მუნიციპალიტეტის წარმომადგენლობითი ორგანოს - საკრებულოს არჩევნებში პარტიის მონაწილეობის მხარდამჭერი არანაკლებ 25 ათასი ამომრჩევლის სია. ასევე ამონაწერი რეესტრიდან პარტიის რეგისტრაციაზე.

38
ცესკოს შენობა

ცესკომ არჩევნების ელექტრონული მოდელი გატესტა: პარტიები კმაყოფილი არიან

43
(განახლებულია 23:22 12.06.2021)
ელექტრონული არჩევნების დასანერგად საქართველოს პარლამენტმა შეიმუშავა ცვლილებები საარჩევნო კოდექსში და ახლა დეპუტატებმა მათ კენჭი უნდა უყარონ.

თბილისი, 12 ივნისი – Sputnik. ცენტრალურ საარჩევნო კომისიაში ახალი ელექტრონული მოდელით იმიტირებული არჩევნები ჩატარდა, რომელიც ოპოზიციურმა პარტიებმა და დამკვირვებლებმა დადებითად შეაფასეს.

ელექტრონული არჩევნების სისტემა - კენჭისყრის ახალი სისტემაა, რომელმაც უნდა უზრუნველყოს სამართლიანი არჩევნების ჩატარება და გაყალბების თავიდან აცილება.

აღნიშნული მოდელი გულისხმობს საარჩევნო უბნებზე ამომრჩეველთა ელექტრონულ რეგისტრაციას, ხოლო თავად ბიულეტენები იქნება აღჭურვილი სპეციალური შტრიხკოდებით, რომელთა გაყალბებაც შეუძლებელია.

გარდა ამისა, ხმების დათვლა კამერების წინ მოხდება, ხოლო დათვლის დროს ბიულეტენების სკანირება მოხდება.

აღნიშნული საპილოტო მოდელი მნიშვნელოვანია იმისათვის, რომ საარჩევნო კოდექსში შესატან ცვლილებებზე შექმნილი სამუშაო ჯგუფის ფარგლებში განხილულ იქნას ყველა შესაძლო რისკი, რათა საბოლოო გადაწყვეტილება მივიღოთ, განაცხადა ცესკოს მოადგილე გიორგი შარაბიძემ.

ოპოზიცია კმაყოფილია

ოპოზიციური პარტიების ლიდერები არჩევნების ახალი მოდელით კმაყოფილი დარჩნენ.

„ამ ტექნოლოგიების გამოყენებით მინიმუმამდეა დაყვანილი გაყალბების შანსი, ეს ინოვაცია მოვიფიქრეთ გაყალბების პრევენციისთვის, რომელიც აქ ხდება. 90-95%- ით შემცირებულია გაყალბების შემთხვევები ამ ტექნოლოგიებით“, - განაცხადა პარტია „სტრატეგია აღმაშენებლის“ ლიდერმა გიორგი ვაშაძემ.

ხოლო „ლელო საქართველოსთვის წარმომადგენელმა საბა ბუაძემ აღნიშნა, რომ ახლა საჭიროა ამ ტექნოლოგიების დროული დანერგვა.

„კრიტიკულად მნიშვნელოვანია, რომ ეს პროცესი წარიმართოს დროულად და სიახლეები დანერგილი იყოს იმგვარად, რომ თვითმმართველობის არჩევნებზე უკვე მთელი საქართველოს მასშტაბით იყოს გამოყენებული“, - განაცხადა ბუაძემ.

ადგილობრივი არჩევნები საქართველოში მიმდინარე წლის ოქტომბერში ჩატარდება. ქალაქებისა და რაიონების მოსახლეობა აირჩევს მუნიციპალიტეტების მერებსა და ადგილობრივი საკრებულოების წევრებს.

ელექტრონული არჩევნების დასანერგად საქართველოს პარლამენტმა საარჩევნო კოდექსში შესატანი ცვლილებები შეიმუშავა და ახლა დეპუტატებმა მათ კენჭი უნდა უყარონ.

43
ფურისულა

დღის ასტროპროგნოზი ზოდიაქოს ნიშნებისთვის: 14 ივნისი

0
(განახლებულია 10:45 13.06.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 14 ივნისია, ორშაბათი. მზარდი მთვარე ლომის ნიშანშია. ამ დღეს პლანეტა მთვარე მფარველობს.

არ იჩქაროთ. დღეს შეიძლება ბევრი რამ ჩვეულებრივზე რთული გასაკეთებელი იყოს. უკან არ დაიხიოთ, თუ გზაზე დაბრკოლებები შეიქმნა. ასევე რთული იქნება ერთობლივ სამუშაოზე შეთანხმება, ადვილი არ იქნება კომპრომისის მოძებნა. სერიოზული უთანხმოებების თავიდან არიდება შესაძლებელი იქნება, თუ მეგობრულად და ტაქტიანად მოიქცევით.

მამაკაცის „საოცნებო ქალი“ ზოდიაქოს ნიშნის მიხედვით>>

ვერძი: ხართ ენერგიული, წარმატების მისაღწევად უკან არაფერზე იხევთ. გზაზე არ გაჩნდება დაბრკოლება, რომლის გადალახვასაც ვერ შეძლებთ. გაგახარებთ მეგობრებთან ურთიერთობები. შესაძლოა, მათ რამე ახალი ინფორმაცია მოგაწოდონ ან საინტერესო იდეა შემოგთავაზონ. არაა გამორიცხული რომანტიკული სიურპრიზები. ურთიერთობები საყვარელ ადამიანთან ჰარმონიული იქნება, შესანიშნავად უგებთ ერთმანეთს.

კურო: მშფოთვარე დღეა. არ არის გამორიცხული, რომ გეგმების შეცვლა მოგიწიოთ გზადაგზა და ეს მაინცდამაინც არ მოგეწონებათ. შესაძლოა გადაიდოს შეხვედრები, რომლებსაც მოუთმენლად ელოდებოდით, საკითხების გადაჭრა, რომლებიც მნიშვნელოვანია თქვენთვის. სამაგიეროდ გაიხსნება ახალი შესაძლებლობები. უნდა ეცადოთ, რომ მოცემული შანსი ხელიდან არ გაუშვათ. გამოიჩინეთ ინიციატივა როგორ საქმეებში, ისე პირად ურთიერთობებში.

ტყუპი: იღბლიანი იქნება დღის პირველი ნახევარი. დარწმუნებული ხართ თქვენს წარმატებებში და ინტუიცია არ გღალატობთ – მართლაც შესანიშნავი შედეგების მიღწევა შეგიძლიათ. კარგი დროა გეგმების განხილვისთვის. დღის მეორე ნახევარში შესაძლებელი იქნება ადრე დაწყებული საქმეების დამთავრება, პასუხების პოვნა კითხვებზე, რომლებიც ბოლო რამდენიმე კვირის განმავლობაში მოსვენებას არ გაძლევთ.

კირჩხიბი: დღის დასაწყისი ძალზე ხელსაყრელია. გაქვთ შანსი, რომ წარმატებას მიაღწიოთ მნიშვნელოვან საქმეში, რომლისთვისაც ძალღონე არ დაიშურეთ. პოზიტიური ტენდენციების გავლენა საქმიან სფეროში თანდათანობით მიილევა, მაგრამ ის კვლავ ძლიერი დარჩება პირად ურთიერთობებში. საღამო სასიამოვნო სიურპრიზებს გპირდებათ შეყვარებულ კირჩხიბებს. შეგიძლიათ საყვარელ ადამიანთან ერთად საერთო გეგმები განიხილოთ და იოცნებოთ.

ლომი: მიუხედავად იმისა, რომ არაერთი საქმე და საზრუნავი გექნებათ, დღეს ვერც უიღბლოსა და ვერც დაძაბულს ვერ ვუწოდებთ. ბევრ რამეს შესანიშნავად უმკლავდებით, მათ შორის, რთულ ამოცანებსაც. მოსალოდნელია შეხვედრა ძველ ნაცნობებთან, შესაძლებელია მათთან საერთო გეგმებიც გაჩნდეს.. კარგი დღეა სწავლისა და შემოქმედებითი საქმიანობისთვის. საჭიროა ყურადღება მცირე დეტალების მიმართ, რაც ზოგიერთ თქვენგანს გაუჭირდება.

ქალწული: დღის დასაწყისი საკმაოდ დაძაბული ემოციური ფონით იქნება გამორჩეული. შესაძლოა, მცირე წვრილმანებზეც კი ინერვიულოთ; მოსალოდნელია უთანხმოებები ახლობლებთან. ეს გაგანერვიულებთ. დროთა განმავლობაში გაძლიერდება პოზიტიური ტენდენციების გავლენა და დაგიბრუნდებათ ოპტიმიზმი, უკეთ გააკონტროლებთ თავს. დღის მეორე ნახევარში მოსალოდნელია საინტერესო ნაცნობობა. ახლობლებთან და საქმიან პარტნიორებთან შედეგიანი საუბრები.

სასწორი: ეცადეთ, დღის პირველ ნახევარში არ გადაიღალოთ. ეს ცუდად იმოქმედებს როგორც ფიზიკურ მდგომარეობაზე, ისე განწყობაზე. მოერიდეთ სტრესულ სიტუაციებს, არ იჩქაროთ გადაწყვეტილებების მიღება. ყველაფრის მშვიდად მოსაფიქრებლად დრო გჭირდებათ. დღის მეორე ნახევარი მსუბუქი და ხელსაყრელი იქნება. მოგეცემათ რაღაც მნიშვნელოვან საქმეებთან გამკლავების საშუალება. ბევრი მიაღწევს წარმატებას იქ, სადაც ფანტაზიაა საჭირო.

მორიელი: დღის დასაწყისი შესაფერისი დროა საქმიანი შეხვედრებისთვის. არ არის გამორიცხული, რომ მიიღოთ წინადადება, რომელიც ძალიან დაგაინტერესებთ. ასევე შეიძლება გაჩნდეს ძველი საქმიანი კავშირების აღდგენის შანსი. დღის მეორე ნახევარში მოგეცემათ საშუალება, რომ გამოასწოროთ რომელიმე ძველ საქმეში დაშვებული შეცდომები. დიდი ალბათობაა, რომ თანხა მიიღოთ – შესაძლოა, დიდი არა, მაგრამ ეს მაინც დაგეხმარებათ მნიშვნელოვანი ნივთების შეძენაში.

მშვილდოსანი: შეიძლება ითქვას, რომ აღმაფრენის დღეა, რომელიც მოგიტანთ კარგ და მნიშვნელოვან სიახლეებს. გექნებათ ძველი კავშირების აღდგენის საშუალება. ასევე მოსალოდნელია, რომ მიიღოთ უჩვეულო, საინტერესო წინადადება. დღის მეორე ნახევარი კარგი დროა ფინანსური საკითხების გადაწყვეტისთვის, მომგებიანი გარიგებების დადებისთვის, თანამშრომლობაზე შეთანხმებისთვის. არ არის გამორიცხული დაუგეგმავი ხარჯებიც, მაგრამ ეს ფუჭად დახარჯული ფული არ იქნება.

თხის რქა: ხელსაყრელი დღეა. შეგიძლიათ ახალი საქმის დაწყება, მაღალია წარმატებების სწრაფად მიღწევის შანსი. არაა გამორიცხული სასარგებლო ნაცნობობა. ხართ ძალზე მომხიბვლელი, ამიტომ თქვენდამი გულგრილი ვერავინ დარჩება. შესაძლოა, ვიღაც თქვენდამი სასიყვარულო გრძნობითაც განიმსჭვალოს. დღის მეორე ნახევარში კარგად წარიმართება სახლის საქმეები. შეგიძლიათ იყიდოთ ავეჯი, ყოფითი ტექნიკა და სხვა ნივთები სახლისთვის.

მერწყული: ეცადეთ, შეინარჩუნოთ ჯანსაღი აზრი და სწორად შეაფასოთ თქვენი ძალები. რეალური შეხედულებები იმედგაცრუებისგან გიხსნით. აჯობებს, თუ ყურადღებას გაამახვილებთ პრაქტიკულ ამოცანებზე, ისეთზე, რომლებიც უახლოეს მომავალში კონკრეტული შედეგების მიღების საშუალებას იძლევა. დღის მეორე ნახევარში შესაძლებელია შეხვედრები ძველ ნაცნობებთან. ეს ძალიან გაგახარებთ. მოგეცემათ ადრე დაშვებული შეცდომის გამოსწორების შანსი.

თევზები: დღე კარგად აეწყობა, მაგრამ თქვენ დაჟინებით ცდილობთ მოძებნოთ საბაბი იმისთვის, რომ აღელდეთ და განაწყენდეთ. ეცადეთ, უფრო პოზიტიურად განეწყოთ. ამ შემთხვევაში ბევრ საინტერესო შესაძლებლობას აღმოაჩენთ, მიხვდებით, როგორ მიაღწიოთ წარმატებას. არ გარისკოთ იქ, სადაც ამის საჭიროება არ არის. ფრთხილად მოქმედებით ბევრი რამის გაკეთება შეგიძლიათ. დაფიქრებით ნათქვამი სიტყვა და მოქმედება როგორც საქმიან სფეროში, ისე პირად ურთიერთობებში მიზნების მიღწევაში დაგეხმარებათ.

0