სალომე ზურაბიშვილი

ზურაბიშვილი სააკაშვილისთვის მოქალაქეობის დაბრუნებას არ აპირებს

214
(განახლებულია 14:12 30.11.2018)
სალომე ზურაბიშვილმა ყოფილი პრეზიდენტი მიხეილ სააკაშვილი ბოლოდროინდელი განცხადებების გამო გააკრიტიკა

თბილისი, 30 ნოემბერი — Sputnik. საქართველოს არჩეულმა პრეზიდენტმა სალომე ზურაბიშვილმა ექს-პრეზიდნეტ მიხეილ სააკაშვილს უწოდა უცხოელი, რომელიც ქვეყანაში დესტაბილიზაციის მოწოდებებით გამოდის.

სალომე ზურაბიშვილმა 28 ნოემბერს საპრეზიდენტო არჩევნების მეორე ტურში ხმათა 59,52%-ით გაიმარჯვა. მასთან ერთად იბრძოდა გრიგოლ ვაშაძე - "ერთიანი ნაციონალური მოძრაობის" წევრი, გაერთიანებული ოპოზიციის მიერ წარდგენილი კანდიდატი.

„არის ცხადი პრობლემა მის (სააკაშვილის) განცხადებებთან დაკავშირებით, რომლითაც ის გუშინ და დღეს გამოვიდა, და პოლიციასა და სამხედროებს ვიღაცის მხარეს დადგომისკენ მოუწოდა. მან დაკარგა კავშირი ამ ქვეყანასთან. ამჟამად ის უცხოელია, რომელიც ქვეყანაში ვიტარების დესტაბილიზაციის მოწოდებით გამოდის", - განაცხადა ზურაბიშვილმა BBC-სთან ინტერვიუში.

ზურაბიშვილის თქმით, საქართველოს ნამდვილად არ სჭირდება არასტაბილურობა.

ოპოზიციურმა გაერთიანებამ „ძალა ერთობაშია", რომელშიც შედის „ნაცმოძრაობა", უარი განაცხადა საპრეზიდენტო არჩევნების მეორე ტურის შედეგების აღიარებაზე, დააანონსა მანიფესტაცია კვირას თბილისის ცენტრში მოთხოვნით, რომ დაინიშნოს ვადამდელი საპარლამენტო არჩევნები.

ამასთან, ზურაბიშვილმა უარყოფითი პასუხი გასცა კითხვას, მიანიჭებს თუ არა ის სააკაშვილს საქართველოს მოქალაქეობას.

„ეჭვი მეპარება, რადგან, პირველ რიგში, უნდა გაირკვეს მის მიმართ აღძრული სისხლის სამართლის საქმეები, და ეს მოქალაქეობის საკითხი არაა, ეს, პირველ რიგში, მართლმსაჯულების საკითხია", - აღნიშნა ზურაბიშვილმა.

სააკაშვილის პრეზიდენტობისას, 2004-2005 წლებში ზურაბიშვილი საგარეო უწყებას ხელმძღვანელობდა. შემდეგ მან შექმნა თავისი პარტია და ოპოზიციაში წავიდა. 2016 წელს გახდა პარლამენტის დეპუტატი.

სააკაშვილმა საქართველოს მოქალაქეობა 2015 წელს, საქართველოს კანონმდებლობის შესაბამისად, ავტომატურად დაკარგა, როდესაც უკრაინის მოქალაქეობა მიიღო.

მიხეილ სააკაშვილმა საქართველო ახალი პრეზიდენტის - გიორგი მარგველაშვილის უფლებამოსილების ძალაში შესვლის დღეებში დატოვა და მას შემდეგ სამშობლოში აღარ დაბრუნებულა. ის შიდასახელმწიფოებრივ ძებნაშია გამოცხადებული, ასევე დაწყებულია პროცედურები, რათა მასზე საერთაშორისო ძებნა გამოცხადდეს.

ბოლო წელიწადში სააკაშვილს სასამართლომ ორი განაჩენი გამოუტანა - 5 იანვარს სააკაშვილს დაუსწრებლად შეუფარდა სამწლიანი პატიმრობა სამსახურებრივი უფლებამოსილების ბოროტად გამოყენების გამო. სასამართლომ დაადგინა, რომ სააკაშვილმა, სანდრო გირგვლიანის საქმეზე მსჯავრდებულების შეწყალებით, შეასრულა ადრე მათთვის მიცემული პირობა და ამით დაარღვია გირგვლიანის ოჯახის წევრების უფლებები და საქართველოს სახელმწიფო ინტერესები.

ამა წლის ივნისში თბილისის საქალაქო სასამართლომ მიხეილ სააკაშვილი კიდევ ერთ - 2005 წელს პარლამენტის დეპუტატ ვალერი გელაშვილის ცემის საქმეზე ცნო დამნაშავედ და მას დაუსწრებლად ექვსი წლის ვადით თავისუფლების აღკვეთა შეუფარდა.

ასევე, თბილისის საქალაქო სასამართლო სააკაშვილთან დაკავშირებით განიხილავს კიდევ ორ საქმეს - 5 მილიონი აშშ დოლარის ოდენობით სახელმწიფო სახსრების გაფლანგვა და სამსახურებრივი უფლებამოსილების გადაჭარბება 2007 წლის 7 ნოემბრის აქციის დარბევისას.

მიხეილ სააკაშვილი საპრეზიდენტო არჩევნების დღეს, ეგზიტპოლების გამოცხადებისთანავე გამოვიდა და მოსახლეობას „მშვიდობიანი დაუმორჩილებლობისკენ“ მოუწოდა, პოლიციელებს, სამხედროებსა და ჩინოვნიკებს – ხალხის მხარეს დადგომისკენ. მან პირობა დადო, რომ საქართველოში დაბრუნდება.

214
თემები:
საქართველოს პრეზიდენტის არჩევნები 2018 (243)
სალომე ზურაბიშვილი

საქართველოს პრეზიდენტის ოთხი პრინციპი: რაზე ისაუბრა ზურაბიშვილმა გაეროში

109
თავის ვიდეომიმართვაში პრეზიდენტი ზურაბიშვილი შეეხო მშვიდობის, ეკოლოგიის, ჯანდაცვისა და განათლების პრობლემებს

თბილისი, 21 სექტემბერი – Sputnik. საქართველოს პრეზიდენტმა სალომე ზურაბიშვილმა გაერო-ს დაარსებიდან 75-ე წლისთავზე სიტყვით გამოსვლისას დაასახელა ოთხი საფუძველი, რომელზეც დგას „მომავალი, რომელიც ჩვენ გვსურს“.

გაერო თავის იუბილეს კორონავირუსის პანდემიით შექმნილი სიტუაციის ფონზე აღნიშნავს. წევრი ქვეყნების ლიდერები რიგრიგობით გამოდიოდნენ სიტყვით ვიდეომიმართვების ფორმატში, რომელთა მთავარი გზავნილი იყო მომავლის ხედვა, განსაკუთრებით ამ რთულ პერიოდში.

პრეზიდენტის თქმით, პირველი საფუძველი არის მშვიდობა.

„მაშინ, როცა მსოფლიოში ახალი პარადიგმები იქმნება, მოვიდა დრო, შევიმუშაოთ ახალი ხედვა და გამოსავლები, რათა შეიცვალოს გაუსაძლისად „გაყინული“ მდგომარეობა. მშვიდობა და განვითარება წინსვლის ერთადერთი გზაა“, - განაცხადა ზურაბიშვილმა.

მეორე საფუძველია - „სიცოცხლისუნარიანი პლანეტა“.

„ჩვენ ყველა მომსწრენი გავხდით, თუ როგორი პოზიტიური გავლენა ჰქონდა ჩაკეტვებს ჩვენს გარემოზე და შეცვალა ჩვენი აღქმა... ჩვენ, როგორც პატარა ქვეყანა, ვფიქრობთ, რომ იმის მიუხედავად ახდენს თუ არა ჩვენი ქმედებები გავლენას გლობალურ სურათზე, მაინც შეგვიძლია, ვითამაშოთ ექსპერიმენტული, თუმცა სამაგალითო როლი საერთო სტრატეგიის ფორმირებაში“, - ხაზგასმით აღნიშნა ზურაბიშვილმა.

მესამე საფუძველია - „ინკლუზიური და ჯანსაღი საზოგადოება“.

„კორონავირუსის გავრცელებამ ყველა გამოაფხიზლა. საქართველომ დროულად უპასუხა პანდემიას და შეძლო მოწყვლად მოსახლეობაზე გავლენის მინიმიზაცია. ეს შესაძლებელი გახდა საზოგადოებას, სამედიცინო ავტორიტეტებსა და სახელმწიფოს შორის შექმნილი „ნდობის სამკუთხედისა“ და საერთაშორისო პარტნიორებთან მჭიდრო თანამშრომლობის მეშვეობით“, - განაცხადა ზურაბიშვილმა.

და მეოთხე საფუძველი, უკიდურესი, მაგრამ, პრეზიდენტის თქმით, არა უკანასკნელი - „განათლებული მოქალაქეები კულტურულად განვითარებულ საზოგადოებაში“.

„მიუხედავად ინფორმაციის სანდოობის მიმართულებითა და უსაფრთხოების კუთხით არსებული საფრთხეებისა, ინტერნეტის განვითარებამ ახალი შესაძლებლობები შექმნა განათლების, კულტურისა და კრეატიული ზრდის მიმართულებით“, - განაცხადა პრეზიდენტმა.

გაერო შეიქმნა მშვიდობისა და უსაფრთხოების შენარჩუნებისა და გაძლიერების, თანამშრომლობის განვითარების მიზნით. ის მოწოდებულია წარმოადგენდეს ერების შეთანხმებული მოქმედებების ცენტრს საერთო მიზნების მიღწევის გზაზე. გაეროს წესდება ძალაში შევიდა 1945 წლის 24 ოქტომბერს, მისი წევრი 193 სახელმწიფოა.

109
თემები:
საქართველოს პრეზიდენტი
„ქართული ოცნების“ წინასაარჩევნო ბანერი

NDI საქართველოში არჩევნების დისტანციურ დაკვირვებას იწყებს

60
(განახლებულია 23:06 21.09.2020)
საქართველოში საარჩევნო პროცესების გაძლიერების ხელშეწყობის მიზნით NDI შეგროვებულ მონაცემებს შუალედურ და არჩევნების შემდგომ ანგარიშებში გამოიყენებს

თბილისი, 21 სექტემბერი – Sputnik. აშშ-ის ეროვნული დემოკრატიული ინსტიტუტი (NDI) საქართველოში საარჩევნო პროცესის გრძელვადიან დისტანციურ დაკვირვებას იწყებს, ნათქვამია ორგანიზაციის ვებგვერდზე.

საპარლამენტო არჩევნები საქართველოში 31 ოქტომბერს გაიმართება. არჩევნები შერეული სისტემით ჩატარდება - 120 დეპუტატს პარტიული სიებით აირჩევენ, 30-ს - ერთმანდატიან ოლქებში.

NDI-ის საქართველოს წარმომადგენლობის ინფორმაციით, აღნიშნული პროგრამა აგვისტოში გამოქვეყნებული წინასაარჩევნო ანგარიშის (Georgia Election Watch) დასკვნებსა და რეკომენდაციებს დაეყრდნობა და საჭიროების შემთხვევაში მეორე ტურების ჩათვლით გაგრძელდება.

ანალიტიკოსების გუნდი შვიდ გრძელვადიან დამკვირვებელსა და პროგრამის დირექტორს მოიცავს. ისინი არჩევნებთან დაკავშირებულ სხვადასხვა საკითხს შეისწავლიან, მათ შორისაა: საარჩევნო კამპანია, საარჩევნო ადმინისტრაცია, მედია და საინფორმაციო სივრცე, გენდერი და ჩართულობის საკითხები და კორონავირუსის გავლენა არჩევნებზე.

„თითოეულ ამ საკითხზე პროგრესისა და გამოწვევების შესაფასებლად, გრძელვადიანი დამკვირვებლები თბილისში მყოფ ასისტენტებთან და NDI-ს თანამშრომლებთან ერთად დისტანციურად იმუშავებენ და სხვადასხვა საინფორმაციო და ანალიზის ონლაინ პლატფორმებს გამოიყენებენ. NDI შეგროვებულ მონაცემებს შუალედურ და არჩევნების შემდგომ ანგარიშებში გამოიყენებს, რათა ხელი შეუწყოს საქართველოში საარჩევნო პროცესების გაძლიერებას“, - აღნიშნავენ ორგანიზაციაში.

არჩევნები და კორონავირუსი: საერთაშორისო დამკვირვებლებისთვის ჩარტერული რეისები დაინიშნება >>

ადრე ორგანიზაციაში აღნიშნეს, რომ გლობალური პანდემია კვლავ უკონტროლოა მრავალ ქვეყანაში, მათ შორის აშშ-ში. სწორედ არსებული საერთაშორისო ვითარებისა და რისკების გათვალისწინებით ორგანიზაციამ გადაწყვიტა, არ გამოგზავნოს თავისი დამკვირვებლები საქართველოში.

60
თემები:
საქართველოს საპარლამენტო არჩევნები 2020
თამუნა მუსერიძე

„დავრეკე ქმრის ძმაკაცებთან და ნახეთ ვინ რა მიპასუხა“ - თამუნა მუსერიძე ვიდეოს აქვეყნებს

0
(განახლებულია 11:59 22.09.2020)
სანდრო მიკუჩაძისა და თამუნა მუსერიძის წყვილი დიდი პოპულარობით სარგებლობს. ნახეთ რა ექსპერიმენტი ჩაატარა ცნობილმა ტელეწამყვანმა

ცნობილმა ჟურნალისტმა თამუნა მუსერიძემ სოციალურ ქსელში ვიდეო გამოაქვეყნა, სადაც ექსპერიმენტის შედეგებია ნაჩვენები. ჟურნალისტმა გადაწყვიტა, მეუღლის ძმაკაცებისთვის სათითაოდ ჩამოერეკა და გაერკვია, რამდენად მოიტყუებდნენ, რომ მისი ქმარი მათთან იყო და შედეგით ძალიან კმაყოფილი დარჩა.

წყვილის სიყვარულის შესახებ 2015 წელს გახდა ცნობილი. რამდენიმე თვე დაშორებულებიც იყვნენ. ერთმანეთი გადაღებაზე გაიცნეს და რომანიც მალე გაჩაღდა. „როგორც კი დავინახე, მაშინვე მივხვდი, რომ ის იყო“, – ამბობდა თამუნა ერთ-ერთ ინტერვიუში.

თამუნა დაქორწინებული ორჯერ იყო და ერთი შვილი – ალექსანდრე მაკალათია ჰყავს. ქორწინებაში სანდროც იყო. მას პირველი ქორწინებიდან ელენე ჰყავს. წყვილს საერთო შვილი მარიამიც ჰყავს. წყვილი მეორე საერთო შვილს ელოდება.

0
თემები:
სელებრითების ცხოვრება