გიოეგი გახარია

ქუჩური გარჩევები დასჯადი გახდება

117
(განახლებულია 14:29 25.11.2018)
შსს-მ ასევე გაამკაცრა კანონი კრიმინალური მენტალიტეტის წინააღმდეგ

თბილისი, 25 ნოემბერი - Sputnik. უახლოეს პერიოდში ქუჩური გარჩევის კრიმინალიზაცია მოხდება და სისხლის სამართლის წესით დაისჯება, იუწყება ტელეკომპანია Imedi საქართველოს შინაგან საქმეთა მინისტრის გიორგი გახარიას განცხადებაზე დაყრდნობით.

„მინდა სიახლე გამცნოთ, რომ უახლოეს პერიოდში შინაგან საქმეთა სამინისტროს ინიციატივით, მოხდება საერთოდ ქუჩური გარჩევის კრიმინალიზაცია, რაც ნიშნავს იმას, რომ ყველა სახის მართლმსაჯულების სისტემის მიღმა ურთიერთდამოკიდებულების გამოკვლევა ან გარჩევა ასევე იქნება კრიმინალიზებული“, – განაცხადა გიორგი გახარიამ.

გახარიას თქმით, შსს-მ ასევე გაამკაცრა კანონი კრიმინალური მენტალიტეტის წინააღმდეგ, რაც, მისი თქმით, ბოლო ერთი წლის მანძილზე ამ კუთხით მიღებულ შედეგებზეც აისახა.

საქართველოს პარლამენტმა შსს–ს მიერ წარდგენილი საკანონმდებლო ცვლილებები ე. წ. ქურდული სამყაროს წინააღმდეგ მიმდინარე წლის აპრილში დაამტკიცა. საკანონმდებლო ცვლილებებით, გაფართოვდა  სისხლის სამართლის წესით დასჯადი ქმედებების წრე. კერძოდ, ე. წ. ქურდული სამყაროს წევრობის გარდა, დასჯადი გახდა ქურდული სამყაროს საქმიანობის მხარდაჭერა, ქურდული შეკრების ორგანიზება, ქურდული სამყაროს წევრისთვის – „კანონიერი ქურდისთვის“ მიმართვა.

117
თემები:
საქართველოს მთავრობა–2018 (141)
საქართველოსა და ისრაელის დროშები

შეთანხმება ხელმოწერილია: საქართველოს მოქალაქეები ისრაელში დროებით ლეგალურად დასაქმდებიან

69
(განახლებულია 20:06 30.09.2020)
საქართველოს მოქალაქეებს აღარ დასჭირდებათ არალეგალური გზების ძიება ისრაელში სამუშაოდ ჩასასვლელად და დიდი თანხების გადახდა იმისთვის, რომ ლეგალურად დასაქმდნენ ქვეყანაში

თბილისი, 30 სექტემბერი — Sputnik. საქართველოსა და ისრაელის მთავრობებს შორის ხელი მოეწერა შეთანხმებას ჩვენი მოქალაქეების ისრაელში დროებით დასაქმების შესახებ, წერს საქართველოს ელჩი ისრაელში ლაშა ჟვანია Facebook–ზე.

„დღეს ისრაელის საგარეო საქმეთა მინისტრთან, გაბი აშკენაზისთან ერთად ხელი მოვაწერე მნიშვნელოვან ხელშეკრულებას საქართველოს მთავრობასა და ისრაელის სახელმწიფოს მთავრობას შორის ისრაელის სახელმწიფოში შრომის ბაზრის კონკრეტულ სექტორებში საქართველოს მოქალაქეთა დროებითი დასაქმების შესახებ“, — ნათქვამია ელჩის განცხადებაში.

ლაშა ჟვანიას თქმით, საქართველოს მოქალაქეებს აღარ დასჭირდებათ არალეგალური გზების ძიება ისრაელში სამუშაოდ ჩასასვლელად და დიდი თანხების გადახდა იმისთვის, რომ ლეგალურად დასაქმდნენ ქვეყანაში. 

ელჩის განმარტებით, ამაზე უკვე საქართველოს შრომის, ჯანმრთელობისა და სიციალური დაცვის სამინისტრო იზრუნებს.

აღსანიშნავია, რომ ქვეყნებს შორის გაფორმებული შეთანხმება მოიწონა საქართველოს პრეზიდენტმა სალომე ზურაბიშვილმა.

„ისრაელში პრეზიდენტ რივლინთან შეხვედრისას ვისაუბრე სწორედ ამ დოკუმენტის გაფორმების მნიშვნელობაზე. მოხარული ვარ, რომ ხელი მოეწერა ძალიან სასარგებლო შეთანხმებას“, — დაწერა პრეზიდენტმა სოციალურ ქსელში.

მისი თქმით, მიუხედავად კორონავირუსის პანდემიისა, პროცესი დროულად დასრულდა.

 

69
ირაკლი კობახიძე

კობახიძე: საქართველო ყარაბაღზე მოლაპარაკებებისთვის შეიძლება საუკეთესო პლატფორმა იყოს

22
(განახლებულია 20:39 30.09.2020)
ირაკლი კობახიძე მიესალმება საქართველოს პრემიერის წინადადებას, რომ სომხეთისა და აზერბაიჯანის წარმომადგენლებმა შეხვედრა თბილისში გამართონ.

თბილისი, 30 სექტემბერი – Sputnik. საქართველო შეიძლება საუკეთესო ადგილი იყოს აზერბაიჯანსა და სომხეთს შორის მშვიდობიანი მოლაპარაკებების გამართვისთვის, განაცხადა მმართველი პარტია „ქართული ოცნების“ აღმასრულებელმა მდივანმა ირაკლი კობახიძებ ბრიფინგზე.

ვითარება მთიან ყარაბაღში: ეუთო რიგგარეშე სხდომის მოწვევას გეგმავს>>

საქართველოს პრემიერ-მინისტრმა გიორგი გახარიამ ოთხშაბათს განაცხადა, რომ საქართველო მზადაა თბილისში უმასპინძლოს აზერბაიჯანისა და სომხეთის წარმომადგენლებს, რათა მთიან ყარაბაღში კონფლიქტი მალე მოგვარდეს.

„ეს არის უმნიშვნელოვანესი გზავნილი. საქართველოს აქვს კეთილმეზობლური ურთიერთობა და ჩვენ მეგობრობა გვაკავშირებს ორივე ქვეყანასთან. აქედან გამომდინარე, საქართველო შეიძლება იყოს საუკეთესო ადგილი და პლატფორმა, რომ ასეთი ტიპის სამშვიდობო მოლაპარაკებები შედგეს და, ბუნებრივია, ჩვენ სიამოვნებით ავიღებთ ჩვენ თავზე ასეთ მისიას, თუ ასეთი ინტერესი იქნება“, – განაცხადა კობახიძემ.

სომხეთისა და აზერბაიჯანის ხელისუფლებებმა 27 სექტემბერს მთიან ყარაბაღში ვითარების გამწვავების შემდეგ საომარი მდგომარეობა გამოაცხადეს. არაღიარებული რესპუბლიკის ხელისუფლებამ განაცხადა, რომ აზერბაიჯანმა არტილერია გამოიყენა მათ წინააღმდეგ და რომ არის მსხვერპლი მშვიდობიან მოსახლეობაში.

კონფლიქტის ესკალაციაში ერევანი და ბაქო ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

რიგმა ქვეყნებმა და, მათ შორის, საქართველომ და რუსეთმა მხარეებს თავშეკავებისკენ მოუწოდეს.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე.

„დაუყოვნებლივ შეწყვიტეთ ცეცხლი“ – გაეროს უშიშროების საბჭო ყარაბაღთან დაკავშირებით>>

კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

22
თემები:
მთიან ყარაბაღში ვითარება გამწვავდა – შეიარაღებული შეტაკება 2020
მიხეილ სააკაშვილი

სააკაშვილს ერევნის უნივერსიტეტის საპატიო დოქტორის წოდებას ჩამოართმევენ

0
(განახლებულია 22:49 30.09.2020)
გარდა საპატიო დოქტორი წოდებისა, 2009 წელს სომხეთის ექს–პრეზიდენტმა სერჟ სარგსიანმა მიხეილ სააკაშვილს სომხეთის მაღალი სახელმწიფო ჯილდო — საპატიო ორდენი გადასცა

თბილისი, 30 სექტემბერი — Sputnik. სომხეთის განათლების, მეცნიერების, კულტურისა და სპორტის მინისტრმა არაიკ არუთუნიანმა საქართველოს ექს–პრეზიდენტ მიხეილ სააკაშვილისთვის ერევნის სახელმწიფო უნივერსიტეტის საპატიო დოქტორის წოდების ჩამორთმევის ინიციატივა წამოაყენა, იუწყება Sputnik სომხეთი.

მანამდე სააკაშვილი საკუთარ Facebook–ზე ყარაბაღის კონფლიქტს გამოეხმაურა, რა დროსაც მთიანი ყარაბაღი „აზეrბაიჯანის სუვერენულ ტერიტორიად“ მოიხსენია.

„დღეს მივიღე გადაწყვეტილება, მივმართო ერევნის სახელმწიფო უნივერსიტეტის სამეცნიერო საბჭოს თხოვნით, ჩამოერთვას საქართველოს ყოფილ პრეზიდენტ მიხეილ სააკაშვილს საპატიო დოქტორის წოდება. გადაწყვეტილება განპირობებულია სააკაშვილის მხრიდან აზერბაიჯანის აგრესიის წაქეზებითა და ირიბი მხარდაჭერით სომხური იდენტობის, თვითგამორკვევისა და სიცოცხლის უფლების წინააღმდეგ“ , — დაწერა არუთუნიანმა საკუთარ ოფიციალურ ფეისბუქ–გვერდზე.

გარდა საპატიო დოქტორი წოდებისა, 2009 წელს სომხეთის ექს–პრეზიდენტმა სერჟ სარგსიანმა მიხეილ სააკაშვილს სომხეთის მაღალი სახელმწიფო ჯილდო — საპატიო ორდენი გადასცა.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

რიგმა ქვეყნებმა და საერთაშორისო ორგანიზაციებმა, მათ შორის, საქართველომ, მხარეებს თავშეკავებისკენ მოუწოდეს.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე.

კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

 

 

0
თემები:
მთიან ყარაბაღში ვითარება გამწვავდა – შეიარაღებული შეტაკება 2020