პრეზიდენტის სასახლე ავლაბარში

საქართველოში უშიშროების საბჭო გაუქმდა

159
შინაგან საქმეთა მინისტრმა განმარტა, რა სტრუქტურა გახდება უშიშროების საბჭოს ალტერნატივა.

თბილისი, 21 ნოემბერი — Sputnik. საქართველოს პრეზიდენტმა გიორგი მარგველაშვილმა ხელი მოაწერა პარლამენტის დადგენილებას „სახელმწიფო უშიშროების საბჭოს შესახებ“ კანონის ძალადაკარგულად ცნობის თაობაზე, იუწყება სახელმწიფოს მეთაურის პრეს-სამსახური.

პრეზიდენტმა უშიშროების საბჭოს სხდომა მოიწვია >>

საქართველოს ხელისუფლებამ უშიშროების საბჭოს გაუქმების გადაწყვეტილება 2016-2017 წლებში საკონსტიტუციო ცვლილებებზე მუშაობისას მიიღო. მარგველაშვილი მთელი ამ დროის განმავლობაში საბჭოს გაუქმების წინააღმდეგი იყო და აცხადებდა, რომ პრეზიდენტთან უნდა არსებობდეს სათათბირო ორგანო, რომელიც ეროვნული უშიშროების საკითხებზე იმუშავებს.

საქართველოს უშიშროების საბჭო მას შემდეგ გაუქმდება, რაც ახლადარჩეული პრეზიდენტი ფიცს დადებს. საპრეზიდენტო არჩევნების მეორე ტური 28 ნოემბერს გაიმართება.

„პრეზიდენტმა არაერთხელ აღნიშნა, რომ განსაკუთრებით საქართველოს მდგომარეობაში მყოფი ქვეყნისთვის დაუშვებელია, არ არსებობდეს მსგავსი ტიპის ორგანო და ძალიან მნიშვნელოვანი იყო, რომ დროულად შექმნილიყო თუნდაც სხვა უწყება, რომელიც მუდმივმოქმედ რეჟიმში გადაიბარებდა უშიშროების საბჭოს ფუნქციებს“, – განაცხადა პრეზიდენტის საპარლამენტო მდივანმა ანა ნაცვლიშვილმა.

ნაცვლიშვილის პრეტენზიები მიუღებელია შინაგან საქმეთა მინისტრის გიორგი გახარიასთვის. მისი თქმით, წლის ბოლომდე საქართველოში შეიქმნება უშიშროების საბჭოს მსგავსი ახალი ორგანო, მაგრამ ის უკვე პრემიერ-მინისტრს დაექვემდებარება.

„არ აქვს არანაირი საბაბი წუხილისთვის. რა ვალდებულებებიც იყო აღებული, თუ არ ვცდები, პირველ დეკემბრამდე ეს საკანონმდებლო ინიციატივა უნდა იყოს პარლამენტში. ეს ყველაფერი მოხდება თავის ვადებში. ახალ წლამდე ქვეყანას ეყოლება ახალი ფორმატის რეორგანიზებული უშიშროების საბჭო, რომელიც დაექვემდებარება პრემიერ-მინისტრს“, – განაცხადა გიორგი გახარიამ.

ჯერ კიდევ მოქმედი კანონმდებლობის თანახმად, უშიშროების საბჭოს პრეზიდენტი ხელმძღვანელობს. უწყებას ჰყავს თავისი მდივანი. უშიშროების საბჭოს მუდმივმოქმედი წევრები არიან პრემიერ-მინისტრი, საგარეო საქმეთა და თავდაცვის მინისტრები, პარლამენტის თავდაცვისა და უშიშროების და საგარეო ურთიერთობების კომიტეტების თავმჯდომარეები, პრეზიდენტის თანაშემწე ეროვნული უშიშროების საკითხებში, სახელმწიფო უსაფრთხოების სამსახურის უფროსი და საქართველოს შეიარაღებული ძალების გენერალური შტაბის უფროსი.

159
თემები:
საქართველოს მთავრობა–2018 (141)
არჩევნები

არჩევნები 2020: ოდირმა საქართველოში სადამკვირვებლო მისია გახსნა

25
(განახლებულია 16:45 25.09.2020)
ეუთოს დემოკრატიული ინსტიტუტებისა და ადამიანის უფლებების ოფისი გეგმავს, მოითხოვოს ეუთოს წევრი ქვეყნებისგან  350 მოკლევადიანი დამკვირვებლის ჩამოსვლა საპარლამენტო არჩევნების დღემდე რამდენიმე დღით ადრე.

თბილისი, 25 სექტემბერი - Sputnik. ეუთოს დემოკრატიული ინსტიტუტებისა და ადამიანის უფლებების ოფისმა (OSCE/ODIHR) საქართველოში 2020 წლის საპარლამენტო არჩევნებისთვის სადამკვირვებლო მისია გახსნა, ნათქვამია ოფისის მიერ გავრცელებულ განცხადებაში.
საქართველოში საპარლამენტო არჩევნები 31 ოქტომბერს არის დანიშნული. პარალელურად ამავე დღეს აჭარის უმაღლესი საბჭოს და რამდენიმე მუნიციპალიტეტში მერებისა და საკრებულოს დეპუტატების არჩევნები ჩატარდება.  

ეუთო/ოდირის სადამკვირვებლო მისია, რომელსაც ჯილიან სტირკი ხელმძღვანელობს,    13 ექსპერტისა და 27 გრძელვადიანი დამკვირვებლისგან შედგება. დამკვირვებლები მთელი ქვეყნის მასშტაბით 1 ოქტომბრიდან გადანაწილდებიან.

გარდა ამისა,  ეუთოს დემოკრატიული ინსტიტუტებისა და ადამიანის უფლებების ოფისი გეგმავს, მოითხოვოს ეუთოს წევრი ქვეყნებისგან  350 მოკლევადიანი დამკვირვებლის ჩამოსვლა საპარლამენტო არჩევნების დღემდე რამდენიმე დღით ადრე.

„არჩევნების დღეს, ეუთოს დემოკრატიული ინსტიტუტებისა და ადამიანის უფლებების ოფისის სადამკვირვებლო მისია, ეუთოსა და ევროსაბჭოს საპარლამენტო ასამბლეებთან ერთად მონიტორინგს გაუწევს საარჩევნო უბნების გახსნას, ხმის მიცემის პროცედურას, ბიულეტენების დათვლას და შედეგების შეჯამებას“, -აღნიშნულია განცხადებაში.

მისია ასევე  შეაფასებს ჩატარებულია თუ არა არჩევნები ეუთოს ვალდებულებებისა და დემოკრატიული არჩევნების სხვა საერთაშორისო ვალდებულებებისა და სტანდარტების, ასევე ეროვნული კანონმდებლობის შესაბამისად. დამკვირვებლები  დააკვირდებიან საარჩევნო ადმინისტრაციისა და შესაბამისი სამთავრობო ორგანოების მუშაობას, მედიის მიერ წინასაარჩევნო კამპანიის გაშუქებას და ა.შ.

ცენტრალურ საარჩევნო კომისიაში არჩევნებში მონაწილეობისთვის 58 პარტია და ორი ბლოკია რეგისტრირებული. პარლამენტში სულ 150 ადგილია, აქედან 120 ადგილს დაიკავებენ პარტიებიდან და ბლოკებიდან პროპორციული სისტემით არჩეული კანდიდატები, 30-ს კი ერთმანდატიან საარჩევნო ოლქში გამარჯვებული კანდიდატები.

25
თემები:
საქართველოს საპარლამენტო არჩევნები 2020
გიორგი გახარია

გიორგი გახარია გაეროში სიტყვით გამოვა

49
(განახლებულია 16:15 25.09.2020)
პრემიერი ისაუბრებს საკითხებზე, როგორიცაა Covid-19-ის პანდემიის წინააღმდეგ ბრძოლა,  საქართველოს ევროპული და ევროატლანტიკური ინტეგრაცია, ქვეყანაში განხორციელებული საკონსტიტუციო რეფორმა, და სხვ.

თბილისი, 25 სექტემბერი  — Sputnik.  საქართველოს პრემიერ–მინისტრი გიორგი გახარია პარასკევს გაეროს გენერალური ასამბლეის 75–ე სესიაზე სიტყვით გამოვა, იუწყება მთავრობის ადმინისტრაციის პრეს–სამსახური.

პრემიერი გამოსვლა დღის მეორე ნახევარშია დაგეგმილი.

წელს გაერთიანებული ერების ორგანიზაცია 75–წლის იუბილეს აღნიშნავს და ორგანიზაციის არსებობის ისტორიაში პირველად  გენერალური ასამბლეა დისტანციურად იმართება. 

საქართველოს პრემიერ-მინისტრი სიტყვით გამოსვლისას ყურადღებას გაამახვილებს ისეთ მნიშვნელოვან საკითხებზე, როგორიცაა Covid-19-ის პანდემიის წინააღმდეგ ბრძოლა,  საქართველოს ევროპული და ევროატლანტიკური ინტეგრაცია, ქვეყანაში განხორციელებული საკონსტიტუციო რეფორმა, და სხვ.

გენერალური ასამბლეის საიუბილეო სხდომაზე საქართველოს პრეზიდენტი სალომე ზურაბიშვილი დისტანციურად უკვე გამოვიდა. მის სიტყვას ერქვა „მომავალი, რომელიც ჩვენ გვსურს“, რომელშიც ჩამოთვლილი იყო თანამედროვე გამოწვევების პირობებში ქვეყნის კეთილდღეობის ფუნდამენტური საფუძვლები.

49
თემები:
საქართველოს პრემიერ–მინისტრი
სალომე ჭაჭუა

„ვაი,დედა! ბოლო ფოტოზე რას აკეთებ?“- ფოტოშოპი თუ რეალობა - სალომე ჭაჭუას ილეთები

0
(განახლებულია 15:57 25.09.2020)
სალომე ჭაჭუას მორიგი ფურორი. ცნობილმა ქორეოგრაფმა ვირტუალური სივრც დაიპყრო. ნახეთ სალომე ჭაჭუას შოკის მომგვრელი უახლესი ფოტოები

სალომე ჭაჭუამ პროფესიონალი მოცეკვავეებიც კი აღაფრთოვანა. ცნობილი სახეები ემოციებს ვერ მალავენ სალომე ჭაჭუას მორიგი სანახაობრივი ილეთების გამო. ფოტოები ლისის ტბის ტერიტორიაზეა გადაღებული, სადაც სალომე ჭაჭუას ვარჯიშია ასახული.

View this post on Instagram

#sundaymood☀️ #meandsky #intheairtonight #salomechachua #georgian

A post shared by Salome (@salome_chachuaa) on

მოცეკვავემ საკუთარ გვერდზე რამდენიმე შთამბეჭდავი სურათი გამოაქვეყნა. ასე გამოიყურება ენერგიული ქორეოგრაფის ერთი ჩვეულბრივი დღე. სალომე ჭაჭუა გაოცებას სულ უფრო და უფრო ხშირად იწვევს. ამ ყველაფერს წინ ვიდეო უძღვოდა, რომელმაც მისი თაყვანისმცემლები შეაშინა. მოცეკვავემ  Instagram- ზე  ვიდეო გამოაქვეყნა, სადაც აივნის მოაჯირზე „შპაგატში“ ჩამჯდარი ყავას მიირთმევს. ვიდეოს არაერთგვაროვანი გამოხმაურება მოჰყვა. სოციალური ქსელის ერთ-ერთ მომხმარებელს სალომეს ამ ვიდეოზე ცნობილი მსახიობის ვან დამის „შპაგატიც“ კი გაახსენდა. არც უკანასკნელი ფოტოსესია აღმოჩნდა გამონაკლისი.

View this post on Instagram

🌹 #meandrose #roses #summermood☀️ #artist #salomechachua #georgian

A post shared by Salome (@salome_chachuaa) on

ცნობილი ქართველი ქორეოგრაფი და პროექტ „ცეკვავენ ვარსკვლავების“ ერთ-ერთი თვალშისაცემი მოცეკვავე სალომე ჭაჭუა სკანდალებითაც გამოირჩევა. ცნობილ ტელესახეს, ერთი ურთიერთობა არ ჰქონდა დასრულებული, როდესაც ჭორები გავრცელდა მისი და გიორგი ვარდოსანიძის სიყვარულზე. ეს ჭორები მათ ქორწილმა ჩაანაცვლა, მოგივანებით კი, მორიგი ჭორები წყვილის დაშორებას მოჰყვა.

მოგეხსენებათ, მანამდე სალომე სამეჯლისო ცეკვების სტუდია „თელას“ წამყვან მოცეკვავეზე გიგი გაჩეჩილაძეზე იყო შეყვარებული. მათი გზები „ცეკვავენ ვარსკვლავების“ დაწყებისას გაიყო. მსახიობ გიორგი ვარდოსანიძესთან დაშორების მერე ქორეოგრაფი პირად ცხოვრებაზე აღარ საუბრობს. ამიტომ უცნობია, თავისუფალია თუ არა ამჟამად მოცეკვავის გული.

0
თემები:
სელებრითების ცხოვრება